Yahwana 14
14
Yesu ana təf ta nda ara Vava
1Yesu a zlapatana, iŋgaya: «ꞌunəf kuni a ɗiw a zla səku, huni ɗalanə awa a Bizlaf, huni ɗalaka awa yəm. 2La ndza dagala a wata Vana, aka səku ci, həna sa kaazlapahuni sa nda a lamahuni la ndza ka a tsutsa. 3A diwzha ndə sa kanda lamahuni la ndza watsa bəza, sa azhinha aska ajihuni aara abəra sa, ara ndə huni aɗa, huni yəm, ata la ndə sa ndza a tsutsa, huni andza a tsutsa. 4La ndə sa kanda, huni kasən təf ta nda ata la watsa,» iy. 5Tumas zlap a zlapanə, iŋgaya: «Bay Madagal, ni kasən kwa la ndə hwa kanda a heɗes, ni awa aka a sən təf tə avaŋga?» iy. 6Yesu zhin a zhinanə, iŋgaya: «Sa ana təf, ma ŋter abə miɗ. Kwa ala a kaɗa kula nda ara Vava andza tapewha gwar ara sa akas. 7Andza huni tasənaka, huni asən Vana yəm. ꞌWa aka anawatsə azha huni kasənə, huni tagəra,» iy. 8Filip zlap a zlapanə, iŋgaya: «Bay Madagal, ghalzani Vava azha a aɗa gani,» iy. 9Yesu zhin a zhinanə, iŋgaya: «Wan aka dagala, sa abə huni azha ya, pa anawatsə hwa tasənaka kwagwa səku, Filip? Ala ma gəraka, tagəra Vava. Hwa zlap ara veme: “Ghalani Vava,” hwiy? 10Hwa kaɗal awa ci, sa ndza a Vava azha Vava yəm a sa wəra? Zlap ndə sa kazlapahuni watsə aagi, aa ndaha ara sas. Aɓa azha Vava ma ndza a sa azha sha ana ma kakəliy zlən tə aagi. 11Huni ɗalaka awa ndə sa kazlap: sa ndza a Vava azha Vava yəm a ndza a sa. Aka səku, kwa andza huni taji ma nakas, huni ɗal awa dawna zlən tə watsə aagi. 12Ayəw, sa zlapahuni a ɗa ŋter ŋter: ala ma ɗalaka awa, a aɗal zlən ndə sa kaɗalata aagi yəm. A aɗal zlən ma dəy aha aagi zhana, ara ndə, sa, sa nda ara Vava. 13Kala səkən ndə huni ɗiwata tiwtiw ata zləm naka, sa aɗalata, aska Mbə a ghal sləf Vava. 14Andza huni taɗiwaka səkən ata zləm naka, sa aɗalə,» iy.
Zlap Yesu aska zlənha Miɗ Bizlaf ma ghwaɗeɗe
15«Andza huni kamayaka, huni aləm a mbəla ma naka ma dzawaya aka aagi. 16Sa, sa atarahuni Vava aska a vəlahuni ala minja ma lamzahuni, kwa vepiy ala watsa a andza abə huni. 17A ɗa Miɗ ma ghal ma ma ŋter a həji aagi. Manahayak kula a lima səku, ara ndə a gəras, kwa sən tə. Ama huni, huni kasənə, ara ndə a ndza abə huni azha a ndza a huni. 18Sa kaaji a mbaslahuni ka gagagha kuni andza mtuh aagi akas; sa andaha ara huni. 19Zhana atama kajik, manahayak a kaazhin a gəraka akas, ama huni, huni agəraka, ara ndə sa ndza naka abə nja azha huni tə yəm, huni andza abə nja yəm. 20Ma vah watsa azha, huni asən ya, sa ndza a Vava, huni ndza a sa, azha sa ndza a huni. 21Ala ma ndza abə ma dzawaya aagi, zhana tambəl ka, sha ana ala ma kamayaka. Vana a amay ala ma kamayaka, sa amayə yəm, azha sa aghalanə ha naka.» 22Yahuda minja aka zhana, mbasl Yahuda Iskariyut aka, zlap a zlapanə, iŋgaya: «Bay Madagal, ꞌwa aka avaŋga abə hwa sən a ghalani ha kwa, ama a manahayak səku watsa?» iy. 23Yesu zhin a zhinanə, iŋgaya: «Andza ala a kamayaka, a ambəla zlap naka aka. Vana a amayə, ni abə Vana ya, həji andaha ara, azha ni andza a mən. 24Ala ma ŋkula mayaka a kaji a mbəla zlap nakas. Mbara azha ma ndə huni kazlima sa zlapata watsə aagi, aa ndaha ara sas, ama ara Vana ma zlənaka. 25Sa tazlapahuni bəza ata səkən watsa aagi tiɗa ndə sa ndza naka kwagwa abə huni. 26Ala ma kaalamzahuni ma ndaha watsa, Miɗ Bizlaf ma ghwaɗeɗe ndə Vava a kaazlənazə ata zləm naka, a asərəkahuni səkən aagi tiwtiw azha a aghalahuni səkən ndə sa zlapahuni ndə huni hashashaŋ ta bəza aagi tiwtiw. 27Sa mbaslahuni təwah ka, sa vəlahuni təwah naka. Sa tavəlahuni andza ataa manahayak akas. ꞌUnəf kuni a ɗiw a zlas azha huni naanas. 28Huni tazlima ma naka, sa kazlapahuni: “Sa nda naka, azha sa azhinha abəra huni.” Andza huni kamayaka, huni aɓas ndə huni kazlima sa kanda ara Vava, ara ndə Vava dəy aha sa. 29Sa zlapahuni anawatsə, tiɗa səkən watsa awli kwagwa a ndaha, aska tiɗa ndə aa kaagwarata, huni ɗal awa. 30ꞌWa aka anawatsə, zlap naka maɗ andza watsə abə huni, ara ndə mbə ataa bay ma ndza ata manahayak watsə a kandaha. Abə ɓərɓər kwa kajik ata sa akas, 31ama a pew ikwa aska manahayak masən ka, sa kamay Vana azha sa ɗal səkən andza ndə Vana a ghalaka. Huni gar a wəzəm azha kiyzamtakwa bəza a ɗi,» iy.
Iliyochaguliwa sasa
Yahwana 14: GOU
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Yahwana 14
14
Yesu ana təf ta nda ara Vava
1Yesu a zlapatana, iŋgaya: «ꞌunəf kuni a ɗiw a zla səku, huni ɗalanə awa a Bizlaf, huni ɗalaka awa yəm. 2La ndza dagala a wata Vana, aka səku ci, həna sa kaazlapahuni sa nda a lamahuni la ndza ka a tsutsa. 3A diwzha ndə sa kanda lamahuni la ndza watsa bəza, sa azhinha aska ajihuni aara abəra sa, ara ndə huni aɗa, huni yəm, ata la ndə sa ndza a tsutsa, huni andza a tsutsa. 4La ndə sa kanda, huni kasən təf ta nda ata la watsa,» iy. 5Tumas zlap a zlapanə, iŋgaya: «Bay Madagal, ni kasən kwa la ndə hwa kanda a heɗes, ni awa aka a sən təf tə avaŋga?» iy. 6Yesu zhin a zhinanə, iŋgaya: «Sa ana təf, ma ŋter abə miɗ. Kwa ala a kaɗa kula nda ara Vava andza tapewha gwar ara sa akas. 7Andza huni tasənaka, huni asən Vana yəm. ꞌWa aka anawatsə azha huni kasənə, huni tagəra,» iy. 8Filip zlap a zlapanə, iŋgaya: «Bay Madagal, ghalzani Vava azha a aɗa gani,» iy. 9Yesu zhin a zhinanə, iŋgaya: «Wan aka dagala, sa abə huni azha ya, pa anawatsə hwa tasənaka kwagwa səku, Filip? Ala ma gəraka, tagəra Vava. Hwa zlap ara veme: “Ghalani Vava,” hwiy? 10Hwa kaɗal awa ci, sa ndza a Vava azha Vava yəm a sa wəra? Zlap ndə sa kazlapahuni watsə aagi, aa ndaha ara sas. Aɓa azha Vava ma ndza a sa azha sha ana ma kakəliy zlən tə aagi. 11Huni ɗalaka awa ndə sa kazlap: sa ndza a Vava azha Vava yəm a ndza a sa. Aka səku, kwa andza huni taji ma nakas, huni ɗal awa dawna zlən tə watsə aagi. 12Ayəw, sa zlapahuni a ɗa ŋter ŋter: ala ma ɗalaka awa, a aɗal zlən ndə sa kaɗalata aagi yəm. A aɗal zlən ma dəy aha aagi zhana, ara ndə, sa, sa nda ara Vava. 13Kala səkən ndə huni ɗiwata tiwtiw ata zləm naka, sa aɗalata, aska Mbə a ghal sləf Vava. 14Andza huni taɗiwaka səkən ata zləm naka, sa aɗalə,» iy.
Zlap Yesu aska zlənha Miɗ Bizlaf ma ghwaɗeɗe
15«Andza huni kamayaka, huni aləm a mbəla ma naka ma dzawaya aka aagi. 16Sa, sa atarahuni Vava aska a vəlahuni ala minja ma lamzahuni, kwa vepiy ala watsa a andza abə huni. 17A ɗa Miɗ ma ghal ma ma ŋter a həji aagi. Manahayak kula a lima səku, ara ndə a gəras, kwa sən tə. Ama huni, huni kasənə, ara ndə a ndza abə huni azha a ndza a huni. 18Sa kaaji a mbaslahuni ka gagagha kuni andza mtuh aagi akas; sa andaha ara huni. 19Zhana atama kajik, manahayak a kaazhin a gəraka akas, ama huni, huni agəraka, ara ndə sa ndza naka abə nja azha huni tə yəm, huni andza abə nja yəm. 20Ma vah watsa azha, huni asən ya, sa ndza a Vava, huni ndza a sa, azha sa ndza a huni. 21Ala ma ndza abə ma dzawaya aagi, zhana tambəl ka, sha ana ala ma kamayaka. Vana a amay ala ma kamayaka, sa amayə yəm, azha sa aghalanə ha naka.» 22Yahuda minja aka zhana, mbasl Yahuda Iskariyut aka, zlap a zlapanə, iŋgaya: «Bay Madagal, ꞌwa aka avaŋga abə hwa sən a ghalani ha kwa, ama a manahayak səku watsa?» iy. 23Yesu zhin a zhinanə, iŋgaya: «Andza ala a kamayaka, a ambəla zlap naka aka. Vana a amayə, ni abə Vana ya, həji andaha ara, azha ni andza a mən. 24Ala ma ŋkula mayaka a kaji a mbəla zlap nakas. Mbara azha ma ndə huni kazlima sa zlapata watsə aagi, aa ndaha ara sas, ama ara Vana ma zlənaka. 25Sa tazlapahuni bəza ata səkən watsa aagi tiɗa ndə sa ndza naka kwagwa abə huni. 26Ala ma kaalamzahuni ma ndaha watsa, Miɗ Bizlaf ma ghwaɗeɗe ndə Vava a kaazlənazə ata zləm naka, a asərəkahuni səkən aagi tiwtiw azha a aghalahuni səkən ndə sa zlapahuni ndə huni hashashaŋ ta bəza aagi tiwtiw. 27Sa mbaslahuni təwah ka, sa vəlahuni təwah naka. Sa tavəlahuni andza ataa manahayak akas. ꞌUnəf kuni a ɗiw a zlas azha huni naanas. 28Huni tazlima ma naka, sa kazlapahuni: “Sa nda naka, azha sa azhinha abəra huni.” Andza huni kamayaka, huni aɓas ndə huni kazlima sa kanda ara Vava, ara ndə Vava dəy aha sa. 29Sa zlapahuni anawatsə, tiɗa səkən watsa awli kwagwa a ndaha, aska tiɗa ndə aa kaagwarata, huni ɗal awa. 30ꞌWa aka anawatsə, zlap naka maɗ andza watsə abə huni, ara ndə mbə ataa bay ma ndza ata manahayak watsə a kandaha. Abə ɓərɓər kwa kajik ata sa akas, 31ama a pew ikwa aska manahayak masən ka, sa kamay Vana azha sa ɗal səkən andza ndə Vana a ghalaka. Huni gar a wəzəm azha kiyzamtakwa bəza a ɗi,» iy.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia