Zlən ataa həji ta zlən aagi 17
17
Tiw Pul abə Silas a hayak Tesaluniki
1Ndə Pul abə Silas aa pewha gwara a hayak ma dzamadzam Amfipulis abə hayak ma dzamadzam Apuluniya, peteŋ aagi a hayak ma dzamadzam Tesaluniki, ata la ndə jak ta tarha Yahuda aagi a tsutsa. 2Pul tsaa kanda ara Yahuda aagi andza ma kava a ndza, ata vah ta nəp Yahuda aagi mahkaɗ, a kazlapatana ata Ɗerewal ma ghwaɗeɗe, 3a kaŋgəɗatana səkən ma pew, zhana a kaghalə ya, Kərist a asa yaka dagala, a agara tə a wəzəm a jiɓ a taba həji ma bazl ta aagi, iŋgaya: «Ala ndə sa kazlap Kərist watsa, a ɗa Yesu, ndə sa kaghalahuni,» iy. 4Yahuda ndiɓi aagi, ma watsa tatana ka a ꞌunəf, aa tazlima ma tiw Pul abə Silas, zhana ikwa, vərəm ana həji Gərek aagi, ma həmən Bizlaf aagi abə wali həji bay aagi.
5Ama, Yahuda ndiɓi aagi, sərah a kadzata bəza ata ma watsa. Dzam aa dzamha həji ma katəwər a ŋge a zal təf aagi, azha dəba aagi ayaha ŋgaɓa həji aagi ma kaɗal piw a hayak ma dzamadzam watsa. Aa tsaa nda a wata Yasun a gasəha tiw Pul abə Silas, aa may aa daata atama manahayak. 6Ama, aa tagərata akas, njiw aa njiwha Yasun abə zliŋgin həji Kərist ndiɓi aagi atama həji ma zla guma ma ndza a hayak watsa aagi, dəba aagi adza wəla, aagi iŋgaya: «Həji watsə aagi tahəɗəw həji dagala ata manahayak, azha, anawatsə a ɗi. 7Azha Yasun talamzata a wata tə. Həji watsa aagi, zlən ta parpar abə ma ma garagar ataa cina hayak, aa kazlap, aagi iŋgaya, bay madagal minja aka zhana, Yesu,» aagiy. 8Ma watsa taghuɗek ŋgaɓa həji ma ndza a tsutsa aagi bəza abə həji ma zla guma aagi. 9Azha, Yasun abə həji ma səbar təf Yesu ndiɓi aagi, səy aagi ŋtəra dala ndə aa zlatana, azha həji ma zla guma aagi tsa kapəlata ka.
Tiw Pul abə Silas a hayak ma dzamadzam Bereya
10Ndə zaɗə a ndaa tə, həji Kərist aagi, jaɓ aa jaɓ tiw Pul abə Silas aka a hayak ma dzamadzam Bereya. Ndə aa ɗa gwar ya, aa tsaa kanda ta a jak ta tarha Yahuda aagi. 11Yahuda ma ndza a hayak ma dzamadzam Beriya aagi, təwah ŋkwaɓ ta a ɗiw a ɗa dəy aha ataa Yahuda ma ndza a hayak ma dzamadzam Tesaluniki aagi. Aa talamzə ma Bizlaf abə may ta dagala, kala vah, aa kasar ɗerewal ma ŋtiraŋtir aska a sən zlap ataa Pul watsa aagi, andza zlap Pul watsa aagi ɗa ŋter. 12Həji aagi vərəm a taba ta ana ma bəw ta ana həji Kərist aagi. A taba Gərek aagi, wali ndə sləf aagi abə mawəl ndiɓi aagi, aa tabəw ta a həji Kərist aagi. 13Ama, ndə Yahuda ma ndza a hayak ma dzamadzam Tesaluniki aagi zlima wəruk ya, Pul a kaghal ma Bizlaf a hayak ma dzamadzam Bereya, azha, tsaw aa ndaha a hayak watsa a ghut həji, a həɗəwata. 14Kwa tahəzək kajik akas, həji ma ji ma Yesu aagi, jaɓ aa jaɓ Pul bəza a ma bay mtil, ama tiw Silas abə Timuti, aŋta aa kandza kwagwa a hayak ma dzamadzam Bereya. 15Həji ma lah Pul aagi, aa gwar abə sha a hayak ma dzamadzam Atena. Azha, zhin aa zhina ta, zlap aa zlapatana a tiw Silas abə Timuti aska aagi vas nda, a nda gəra Pul kahkah.
Pul a hayak Atena
16Ndə Pul a katehata a hayak Atena, a gəra a hayak watsa ya, həji aagi aa njin ma takun aagi dəy, sha ana ndə a ghuɗek tə a guɗaŋ. 17Dəba a azlap a jak ta tarha Yahuda aagi, a Yahuda aagi abə həji ma ji ma Kərist aagi, zhana, ata la dzam həji aagi, kala pish, a kazlapatana a həji ma kapew aagi. 18A tsutsa, həji ma ndza abə deŋ ŋkwaɓ ma dagal aagi, aka, aa kazlap abə sha. Ndiɓi aagi kazlap: «A may a ghalə ana ɓam ma watsə avaŋga?» Azha, ndiɓi aagi aagi iŋgaya: «A ɗa ala ma kazlap ata takun ma ndza a hayak ndiɓi aagi,» aagiy. Pul a kaghal Ma wiyə ma təwah ataa Yesu, abə zhinha həji aagi a bəza a jiɓ. 19Azha, kaw aa mbəla Pul, leŋ aa daazə ata ma Areyupas, zlap aa zlap, aagi iŋgaya: «Ni abə təf a sən wiyə ma ndə hwa kazlap watsə aka vəw? 20Ara ndə a ɗa, ma ndə hwa kazlapani aagi, aa ɗa ma ndə ni ŋkula va a zlima aagi, zləm cini wərəzl abə ma hayak ndiɓi aagi, ni mayə a ni asənə, a may a ghal avaŋgəy,» aagiy. 21Ara ndə, həji ma ndza a hayak Atena abə kwa həji ma ndahanda aagi tiwtiw, aa kaghalə, aka səku aa kateh wiyə ma kawha watsa aagi.
22Azha, takaw Pul a gar a wəzəm ata ma Areyupas, dəba a azlap, iŋgaya: «Həji ma ndza a hayak Atena aagi, sa kagəra, huni ɗa həji ma kanjin təf takun aagi dəy. 23Ndə sa kaciwir a ŋge a zal təf kuni aagi, sa tagəra səkən ndə huni katarə aagi. Sa tagəra səkən ndə ꞌunata ka a tarata aagi, zlap minja taŋtiraya, iŋgaya: “Watsə bizlaf ndə həji ŋkula sənə.” Səkən ndə huni kahəmənə ci, kwa huni kasən akas, sa, sa ndaha a ghalahuni. 24Bizlaf ma baha manahayak abə səkən ma ndza a mən aagi tiwtiw, sha ana Bay Madagal ma ndza a wəzlaf abə la ma ndza ata hayak. A kawan a jak kwakus ma ꞌun ata ra həji aagi səku. 25Kwa veme, zlən tə taɗiwha ata ra həji aagi akas, kwa səkən ma ŋkula ndza ara akas, sha ana ma kavəlanə miɗ ma təwah, nəp abə baraf səkən ndiɓi aagi tiwtiw a kwa vaye.
26Abə ala ŋtaguleŋ, tabaha həji aagi tiwtiw a ndza ata manahayak, tatsa ghala ka a hayak aagi tiwtiw, zhana tagarha vah aka abə maɗ la ndza ta. 27A ɗal ikwa aska aagi gas Bizlaf. Kwa andza, a ɗa ɓərɓər ana gas tə, kata aa kaaɓin a gəra bəza. Avəli ŋter ya, gədək abəra kwa vaye takwa akas.
28“Ara ndə a ɗa, dawna sha abə həji kanəp,
həji kanda, zhana həji abə miɗ ma təwah.”
Andza ndə həji kwacer kuni ndiɓi aagi kazlap, aagi iŋgaya:
“Ayəw ni ɗa wəzhi tə aagi,” aagiy.
29Mbara azha, ndə həji ɗa wəzhi Bizlaf aagi, həji ɗiw a deŋ ka ya, Bizlaf a saɓ andza wəshi, dala aka səku andza ŋkəɗaŋ ndə həji aagi ŋtsəm səku, aka səku ndə aa deŋ səku. 30Ama, Bizlaf tadeŋ səkən ma həna watsə aagi akas. Sha ana ndə a ɗa, anawatsə, a kaya həji, kwa ma ndza a hayak ma ndza a vatəy aagi tiwtiw a mbaɗ landza ta bəza. 31Vah ndə Bizlaf a gar ka a zla guma ma dəlili ata həji aagi tiwtiw aka, gwara ara ala ndə a mayə a zla guma watsa, ikwa abə Bizlaf a ghal ka tiwtiw ndə a garaha a wəzəm a jiɓ.»
32Ndə aa zlima Pul a kazlap ma ma ndza ata «garaha ala a wəzəm a jiɓ, » həji ndiɓi aagi kaɓas a heɗe, ndiɓi aagi zhana aa kazlap: «Ni may a zlima, a hwa azlapani zhana a heɗe ma vah minja,» aagiy. 33A ɗi azha abə Pul a nda tə a bəza ara təmta. 34Avəli, həji ndiɓi aagi kateh ma tə, aa talamzə ma tə, aa tabəw ta a həji Kərist aagi, a taba ta, Diyunisiyus, ma ndza a taba həji ma ndza ata la meɗ aagi, wala minja aka, zləm tə Damaris abə wali ndiɓi aagi zhana.
Iliyochaguliwa sasa
Zlən ataa həji ta zlən aagi 17: GOU
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Zlən ataa həji ta zlən aagi 17
17
Tiw Pul abə Silas a hayak Tesaluniki
1Ndə Pul abə Silas aa pewha gwara a hayak ma dzamadzam Amfipulis abə hayak ma dzamadzam Apuluniya, peteŋ aagi a hayak ma dzamadzam Tesaluniki, ata la ndə jak ta tarha Yahuda aagi a tsutsa. 2Pul tsaa kanda ara Yahuda aagi andza ma kava a ndza, ata vah ta nəp Yahuda aagi mahkaɗ, a kazlapatana ata Ɗerewal ma ghwaɗeɗe, 3a kaŋgəɗatana səkən ma pew, zhana a kaghalə ya, Kərist a asa yaka dagala, a agara tə a wəzəm a jiɓ a taba həji ma bazl ta aagi, iŋgaya: «Ala ndə sa kazlap Kərist watsa, a ɗa Yesu, ndə sa kaghalahuni,» iy. 4Yahuda ndiɓi aagi, ma watsa tatana ka a ꞌunəf, aa tazlima ma tiw Pul abə Silas, zhana ikwa, vərəm ana həji Gərek aagi, ma həmən Bizlaf aagi abə wali həji bay aagi.
5Ama, Yahuda ndiɓi aagi, sərah a kadzata bəza ata ma watsa. Dzam aa dzamha həji ma katəwər a ŋge a zal təf aagi, azha dəba aagi ayaha ŋgaɓa həji aagi ma kaɗal piw a hayak ma dzamadzam watsa. Aa tsaa nda a wata Yasun a gasəha tiw Pul abə Silas, aa may aa daata atama manahayak. 6Ama, aa tagərata akas, njiw aa njiwha Yasun abə zliŋgin həji Kərist ndiɓi aagi atama həji ma zla guma ma ndza a hayak watsa aagi, dəba aagi adza wəla, aagi iŋgaya: «Həji watsə aagi tahəɗəw həji dagala ata manahayak, azha, anawatsə a ɗi. 7Azha Yasun talamzata a wata tə. Həji watsa aagi, zlən ta parpar abə ma ma garagar ataa cina hayak, aa kazlap, aagi iŋgaya, bay madagal minja aka zhana, Yesu,» aagiy. 8Ma watsa taghuɗek ŋgaɓa həji ma ndza a tsutsa aagi bəza abə həji ma zla guma aagi. 9Azha, Yasun abə həji ma səbar təf Yesu ndiɓi aagi, səy aagi ŋtəra dala ndə aa zlatana, azha həji ma zla guma aagi tsa kapəlata ka.
Tiw Pul abə Silas a hayak ma dzamadzam Bereya
10Ndə zaɗə a ndaa tə, həji Kərist aagi, jaɓ aa jaɓ tiw Pul abə Silas aka a hayak ma dzamadzam Bereya. Ndə aa ɗa gwar ya, aa tsaa kanda ta a jak ta tarha Yahuda aagi. 11Yahuda ma ndza a hayak ma dzamadzam Beriya aagi, təwah ŋkwaɓ ta a ɗiw a ɗa dəy aha ataa Yahuda ma ndza a hayak ma dzamadzam Tesaluniki aagi. Aa talamzə ma Bizlaf abə may ta dagala, kala vah, aa kasar ɗerewal ma ŋtiraŋtir aska a sən zlap ataa Pul watsa aagi, andza zlap Pul watsa aagi ɗa ŋter. 12Həji aagi vərəm a taba ta ana ma bəw ta ana həji Kərist aagi. A taba Gərek aagi, wali ndə sləf aagi abə mawəl ndiɓi aagi, aa tabəw ta a həji Kərist aagi. 13Ama, ndə Yahuda ma ndza a hayak ma dzamadzam Tesaluniki aagi zlima wəruk ya, Pul a kaghal ma Bizlaf a hayak ma dzamadzam Bereya, azha, tsaw aa ndaha a hayak watsa a ghut həji, a həɗəwata. 14Kwa tahəzək kajik akas, həji ma ji ma Yesu aagi, jaɓ aa jaɓ Pul bəza a ma bay mtil, ama tiw Silas abə Timuti, aŋta aa kandza kwagwa a hayak ma dzamadzam Bereya. 15Həji ma lah Pul aagi, aa gwar abə sha a hayak ma dzamadzam Atena. Azha, zhin aa zhina ta, zlap aa zlapatana a tiw Silas abə Timuti aska aagi vas nda, a nda gəra Pul kahkah.
Pul a hayak Atena
16Ndə Pul a katehata a hayak Atena, a gəra a hayak watsa ya, həji aagi aa njin ma takun aagi dəy, sha ana ndə a ghuɗek tə a guɗaŋ. 17Dəba a azlap a jak ta tarha Yahuda aagi, a Yahuda aagi abə həji ma ji ma Kərist aagi, zhana, ata la dzam həji aagi, kala pish, a kazlapatana a həji ma kapew aagi. 18A tsutsa, həji ma ndza abə deŋ ŋkwaɓ ma dagal aagi, aka, aa kazlap abə sha. Ndiɓi aagi kazlap: «A may a ghalə ana ɓam ma watsə avaŋga?» Azha, ndiɓi aagi aagi iŋgaya: «A ɗa ala ma kazlap ata takun ma ndza a hayak ndiɓi aagi,» aagiy. Pul a kaghal Ma wiyə ma təwah ataa Yesu, abə zhinha həji aagi a bəza a jiɓ. 19Azha, kaw aa mbəla Pul, leŋ aa daazə ata ma Areyupas, zlap aa zlap, aagi iŋgaya: «Ni abə təf a sən wiyə ma ndə hwa kazlap watsə aka vəw? 20Ara ndə a ɗa, ma ndə hwa kazlapani aagi, aa ɗa ma ndə ni ŋkula va a zlima aagi, zləm cini wərəzl abə ma hayak ndiɓi aagi, ni mayə a ni asənə, a may a ghal avaŋgəy,» aagiy. 21Ara ndə, həji ma ndza a hayak Atena abə kwa həji ma ndahanda aagi tiwtiw, aa kaghalə, aka səku aa kateh wiyə ma kawha watsa aagi.
22Azha, takaw Pul a gar a wəzəm ata ma Areyupas, dəba a azlap, iŋgaya: «Həji ma ndza a hayak Atena aagi, sa kagəra, huni ɗa həji ma kanjin təf takun aagi dəy. 23Ndə sa kaciwir a ŋge a zal təf kuni aagi, sa tagəra səkən ndə huni katarə aagi. Sa tagəra səkən ndə ꞌunata ka a tarata aagi, zlap minja taŋtiraya, iŋgaya: “Watsə bizlaf ndə həji ŋkula sənə.” Səkən ndə huni kahəmənə ci, kwa huni kasən akas, sa, sa ndaha a ghalahuni. 24Bizlaf ma baha manahayak abə səkən ma ndza a mən aagi tiwtiw, sha ana Bay Madagal ma ndza a wəzlaf abə la ma ndza ata hayak. A kawan a jak kwakus ma ꞌun ata ra həji aagi səku. 25Kwa veme, zlən tə taɗiwha ata ra həji aagi akas, kwa səkən ma ŋkula ndza ara akas, sha ana ma kavəlanə miɗ ma təwah, nəp abə baraf səkən ndiɓi aagi tiwtiw a kwa vaye.
26Abə ala ŋtaguleŋ, tabaha həji aagi tiwtiw a ndza ata manahayak, tatsa ghala ka a hayak aagi tiwtiw, zhana tagarha vah aka abə maɗ la ndza ta. 27A ɗal ikwa aska aagi gas Bizlaf. Kwa andza, a ɗa ɓərɓər ana gas tə, kata aa kaaɓin a gəra bəza. Avəli ŋter ya, gədək abəra kwa vaye takwa akas.
28“Ara ndə a ɗa, dawna sha abə həji kanəp,
həji kanda, zhana həji abə miɗ ma təwah.”
Andza ndə həji kwacer kuni ndiɓi aagi kazlap, aagi iŋgaya:
“Ayəw ni ɗa wəzhi tə aagi,” aagiy.
29Mbara azha, ndə həji ɗa wəzhi Bizlaf aagi, həji ɗiw a deŋ ka ya, Bizlaf a saɓ andza wəshi, dala aka səku andza ŋkəɗaŋ ndə həji aagi ŋtsəm səku, aka səku ndə aa deŋ səku. 30Ama, Bizlaf tadeŋ səkən ma həna watsə aagi akas. Sha ana ndə a ɗa, anawatsə, a kaya həji, kwa ma ndza a hayak ma ndza a vatəy aagi tiwtiw a mbaɗ landza ta bəza. 31Vah ndə Bizlaf a gar ka a zla guma ma dəlili ata həji aagi tiwtiw aka, gwara ara ala ndə a mayə a zla guma watsa, ikwa abə Bizlaf a ghal ka tiwtiw ndə a garaha a wəzəm a jiɓ.»
32Ndə aa zlima Pul a kazlap ma ma ndza ata «garaha ala a wəzəm a jiɓ, » həji ndiɓi aagi kaɓas a heɗe, ndiɓi aagi zhana aa kazlap: «Ni may a zlima, a hwa azlapani zhana a heɗe ma vah minja,» aagiy. 33A ɗi azha abə Pul a nda tə a bəza ara təmta. 34Avəli, həji ndiɓi aagi kateh ma tə, aa talamzə ma tə, aa tabəw ta a həji Kərist aagi, a taba ta, Diyunisiyus, ma ndza a taba həji ma ndza ata la meɗ aagi, wala minja aka, zləm tə Damaris abə wali ndiɓi aagi zhana.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia