Zlən ataa həji ta zlən aagi 12
12
Dza ataa Yakuba, mbəla Piyer, abə pəlha Piyer a jak yaka
1Ata vah watsa ya, bay Haridus tsa satana yaka a həji ndiɓi aagi a taba dzam həji Kərist aagi. 2Dəba aagi adza Yakubu ma ɗa zliŋgina Yahwana. 3Azha, ndə a gəra, təwahatana a Yahuda aagi, azha, kaw a mbəla Piyer bəza, ma vah gwaygwaya, gwaygwaya, ndə həji ŋkula ɗalə abə faŋtər. 4Ndə a mbəl bəza ya, fak a fak ka a jak yaka. Zlap a zlapatana ka a suji aagi ma ɗa ha ka ŋfaɗ ŋfaɗ aagi aska aagi a həbarə. Dəba aagi azlanə guma tə ata nja manahayak tiwtiw a diwzha gwaygwaya Paska. 5Piyer a jak yaka azha, ama həji ma ndza a taba ladzam həji Kərist aagi katar Bizlaf abə ŋkwaɓ dawna sha.
6Haridus ndə a slaɓ a yaha Piyer ata guma atama həji aagi tiwtiw ya, abə zaɗə watsa a kwaf tə guma ya, Piyer a kawan a walaŋ suji aagi gbak. Tadzawaya abə sheshili gbak, həji ma kahəbar watsa aagi ata majak aska a həbarə. 7Ama, a tsutsa a tsutsa, həji gəra matəf Bizlaf a tsutsa. La a kaweɗ a ŋge a jak yaka tiwtiw. Matəf Bizlaf fəɗah a fəɗah Piyer abə kusah. Zlap a zlapanə, iŋgaya: «Gar kwa a wəzəm kətsan!» Ɓərats a ɓərats tə a bəza ata ra Piyer ana sheshili. 8Zhana, matəf Bizlaf zlap a zlapanə, iŋgaya: «Dzaw kanda kwa, azha hwa dzaw aŋci kwa!» Piyer dəba a aɗalə andza watsa. Matəf Bizlaf watsa zhana, i kəsha iŋgaya: «Tsa rəkuts ka ata zlikusəm, azha hwa səbaraka,» iy. 9Piyer tsaw a ndaa tə a bəza a jak yaka, aska a səbar matəf Bizlaf. A deŋ ka ci, səkən watsa ŋter səku, a bəw ka andza shiŋshiŋ. 10Pew aa pewha atama həji ma həbar jak yaka mampər aagi, zhana atama magbak tə aagi. Ndə aa ɗa gwar a majak yaka ma tsak abə ɓərzləm, ma dəlili abə hayak ma dzamadzam, mpaŋ a dəɗɓa ha tə, tsaw aa ndaa ta a bəza azha a mən, aa tsaa kanda a ma zal təf minja, a tsutsa, matəf Bizlaf tsaa kanda tə, mbasl a mbasl Piyer aka. 11Azha, Piyer sən a sənakənə a səkən ma pewha, dəba a azlap, iŋgaya: «Anawatsə, ŋter Bay Madagal tazlənha matəf tə, a ndaha a rehaka bəza a ra ataa Haridus, tsa njinaka ara səkən ma gamak ma tiwtiw ndə Yahuda aagi, aa kamay a ɗalaka,» iy.
12Ndə Piyer a zlima bəza ya, tsaw a nda a wata Mariyama, mana Yahwana, ala ndə aa kayə Markus. A tsutsa həji Kərist aagi, vərəm aa tadzam ta ka, aa katarha. 13Ndə Piyer a dza majak ma dagal ma ndza a bəza ya, həla ma ɗal zlən minja Rude taa tə. 14Ndə a sən maŋgurləm Piyer bəza, azha ara ɓas a guɗaŋ akas, ama tadəɗ majak akas, tsaa kashi tə aska a ghalatana a həji ndiɓi aagi, iŋgaya: «Piyer a ɗi a bəza a ma majak!» iy. 15Həji ndiɓi aagi iŋgaya: «Hwa kawək!» aagiy. Ama, a vas a zlap, iŋgaya: «Ŋter a ɗi!» iy. Dəba aagi azlapanə, aagi iŋgaya: «Azha, kata matəf tə kavəw!» aagiy. 16Piyer a katsapanə dza a majak wəruk. Azha, dəɗ aa dəɗ majak, aa gəra Piyer, hak aa ghərəŋ ta a guɗaŋ. 17Abə ra, Piyer zlap a zlapatana aska aagi ambasl ɓam ma ka. Dəba a aghalatana avaŋgəy abə Bay Madagal a daazə a bəza a jak yaka. Zlap a zlapatana zhana, iŋgaya: «Huni ghalanə ma tə a Yakuba zhana a həji Kərist ndiɓi aagi,» iy. Azha, tsaa kanda tə, a ji təf ta nda ata guva la minja.
18Ndə la a kwaf tə, suji aagi kasən səkən ndə ŋkwaɓ ta a kadeŋ zhana səku, aa kaɗiwzə, Piyer a ndza anawatsə azha avaŋgəy? 19Haridus a kagasə, kwa a vatəy, ama aa tagəra akas. Azha, dəba a aɗiwzə suji ma kahəbar aagi, zlap a zlap aska aagi bazl suji watsa aagi ka. A diwzha tə, tsaw Haridus a nda tə a bəza a hayak Yahudiya, tsaa kanda tə a Kaysariya ata la ndə a ndzazə kusəm kajik.
Mci ataa bay Haridus
20Haridus tamgbesh tə a guɗaŋ abə həji ma ndza a hayak Tirus ɓew həji ma ndza a hayak Sidun aagi tiwtiw. Dəba həji watsa aagi aji deŋ aska a nda taŋazə. Mavəy sha, ŋtəra aa ŋtəranə dala a Bəlastus, ma ɗa ala ma həbar majak ataa bay Haridus, tsaw aa nda taŋazə, aska aagi ndza abə təwah. Ama, wəda ma ndza a hayak Tirus abə Sidun a ndaha a hayak ndə bay Haridus a ndza aha. 21May aa may vah. Vah watsa ya, Haridus pa a tsa rəkuts bay tə bəza, ka a ndza tə ka ata la ndza bay tə, dəba azlapatana a həji aagi. 22Həji aagi, aa kazhinanə, aa kadza wəla, aagi iŋgaya: «Ala ma kazlap səku, watsə maŋgurləm bizlaf!» aagiy. 23Ama a tsutsa a tsutsa, dəba matəf Bizlaf a adza Haridus ara ndə a ɗa, ataa bay Haridus abə ha tə, a may a bəw sləf Bizlaf bəza a sha. Gwaŋkuɗ zəm zəm aa zəm bəza, azha las a mca tə.
24Zlap Bizlaf a kavas a fəl azha, a kagəl. 25Ataa tiw Barnabas abə Sul ya, aa tsaa kanda ta, ndə zlən ta a ɗa kəɗaŋ abə həji Kərist aagi a Wərusalima, leŋ a ji Yahwana ndə aa kayə Markus aara abəra təmta.
Iliyochaguliwa sasa
Zlən ataa həji ta zlən aagi 12: GOU
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Zlən ataa həji ta zlən aagi 12
12
Dza ataa Yakuba, mbəla Piyer, abə pəlha Piyer a jak yaka
1Ata vah watsa ya, bay Haridus tsa satana yaka a həji ndiɓi aagi a taba dzam həji Kərist aagi. 2Dəba aagi adza Yakubu ma ɗa zliŋgina Yahwana. 3Azha, ndə a gəra, təwahatana a Yahuda aagi, azha, kaw a mbəla Piyer bəza, ma vah gwaygwaya, gwaygwaya, ndə həji ŋkula ɗalə abə faŋtər. 4Ndə a mbəl bəza ya, fak a fak ka a jak yaka. Zlap a zlapatana ka a suji aagi ma ɗa ha ka ŋfaɗ ŋfaɗ aagi aska aagi a həbarə. Dəba aagi azlanə guma tə ata nja manahayak tiwtiw a diwzha gwaygwaya Paska. 5Piyer a jak yaka azha, ama həji ma ndza a taba ladzam həji Kərist aagi katar Bizlaf abə ŋkwaɓ dawna sha.
6Haridus ndə a slaɓ a yaha Piyer ata guma atama həji aagi tiwtiw ya, abə zaɗə watsa a kwaf tə guma ya, Piyer a kawan a walaŋ suji aagi gbak. Tadzawaya abə sheshili gbak, həji ma kahəbar watsa aagi ata majak aska a həbarə. 7Ama, a tsutsa a tsutsa, həji gəra matəf Bizlaf a tsutsa. La a kaweɗ a ŋge a jak yaka tiwtiw. Matəf Bizlaf fəɗah a fəɗah Piyer abə kusah. Zlap a zlapanə, iŋgaya: «Gar kwa a wəzəm kətsan!» Ɓərats a ɓərats tə a bəza ata ra Piyer ana sheshili. 8Zhana, matəf Bizlaf zlap a zlapanə, iŋgaya: «Dzaw kanda kwa, azha hwa dzaw aŋci kwa!» Piyer dəba a aɗalə andza watsa. Matəf Bizlaf watsa zhana, i kəsha iŋgaya: «Tsa rəkuts ka ata zlikusəm, azha hwa səbaraka,» iy. 9Piyer tsaw a ndaa tə a bəza a jak yaka, aska a səbar matəf Bizlaf. A deŋ ka ci, səkən watsa ŋter səku, a bəw ka andza shiŋshiŋ. 10Pew aa pewha atama həji ma həbar jak yaka mampər aagi, zhana atama magbak tə aagi. Ndə aa ɗa gwar a majak yaka ma tsak abə ɓərzləm, ma dəlili abə hayak ma dzamadzam, mpaŋ a dəɗɓa ha tə, tsaw aa ndaa ta a bəza azha a mən, aa tsaa kanda a ma zal təf minja, a tsutsa, matəf Bizlaf tsaa kanda tə, mbasl a mbasl Piyer aka. 11Azha, Piyer sən a sənakənə a səkən ma pewha, dəba a azlap, iŋgaya: «Anawatsə, ŋter Bay Madagal tazlənha matəf tə, a ndaha a rehaka bəza a ra ataa Haridus, tsa njinaka ara səkən ma gamak ma tiwtiw ndə Yahuda aagi, aa kamay a ɗalaka,» iy.
12Ndə Piyer a zlima bəza ya, tsaw a nda a wata Mariyama, mana Yahwana, ala ndə aa kayə Markus. A tsutsa həji Kərist aagi, vərəm aa tadzam ta ka, aa katarha. 13Ndə Piyer a dza majak ma dagal ma ndza a bəza ya, həla ma ɗal zlən minja Rude taa tə. 14Ndə a sən maŋgurləm Piyer bəza, azha ara ɓas a guɗaŋ akas, ama tadəɗ majak akas, tsaa kashi tə aska a ghalatana a həji ndiɓi aagi, iŋgaya: «Piyer a ɗi a bəza a ma majak!» iy. 15Həji ndiɓi aagi iŋgaya: «Hwa kawək!» aagiy. Ama, a vas a zlap, iŋgaya: «Ŋter a ɗi!» iy. Dəba aagi azlapanə, aagi iŋgaya: «Azha, kata matəf tə kavəw!» aagiy. 16Piyer a katsapanə dza a majak wəruk. Azha, dəɗ aa dəɗ majak, aa gəra Piyer, hak aa ghərəŋ ta a guɗaŋ. 17Abə ra, Piyer zlap a zlapatana aska aagi ambasl ɓam ma ka. Dəba a aghalatana avaŋgəy abə Bay Madagal a daazə a bəza a jak yaka. Zlap a zlapatana zhana, iŋgaya: «Huni ghalanə ma tə a Yakuba zhana a həji Kərist ndiɓi aagi,» iy. Azha, tsaa kanda tə, a ji təf ta nda ata guva la minja.
18Ndə la a kwaf tə, suji aagi kasən səkən ndə ŋkwaɓ ta a kadeŋ zhana səku, aa kaɗiwzə, Piyer a ndza anawatsə azha avaŋgəy? 19Haridus a kagasə, kwa a vatəy, ama aa tagəra akas. Azha, dəba a aɗiwzə suji ma kahəbar aagi, zlap a zlap aska aagi bazl suji watsa aagi ka. A diwzha tə, tsaw Haridus a nda tə a bəza a hayak Yahudiya, tsaa kanda tə a Kaysariya ata la ndə a ndzazə kusəm kajik.
Mci ataa bay Haridus
20Haridus tamgbesh tə a guɗaŋ abə həji ma ndza a hayak Tirus ɓew həji ma ndza a hayak Sidun aagi tiwtiw. Dəba həji watsa aagi aji deŋ aska a nda taŋazə. Mavəy sha, ŋtəra aa ŋtəranə dala a Bəlastus, ma ɗa ala ma həbar majak ataa bay Haridus, tsaw aa nda taŋazə, aska aagi ndza abə təwah. Ama, wəda ma ndza a hayak Tirus abə Sidun a ndaha a hayak ndə bay Haridus a ndza aha. 21May aa may vah. Vah watsa ya, Haridus pa a tsa rəkuts bay tə bəza, ka a ndza tə ka ata la ndza bay tə, dəba azlapatana a həji aagi. 22Həji aagi, aa kazhinanə, aa kadza wəla, aagi iŋgaya: «Ala ma kazlap səku, watsə maŋgurləm bizlaf!» aagiy. 23Ama a tsutsa a tsutsa, dəba matəf Bizlaf a adza Haridus ara ndə a ɗa, ataa bay Haridus abə ha tə, a may a bəw sləf Bizlaf bəza a sha. Gwaŋkuɗ zəm zəm aa zəm bəza, azha las a mca tə.
24Zlap Bizlaf a kavas a fəl azha, a kagəl. 25Ataa tiw Barnabas abə Sul ya, aa tsaa kanda ta, ndə zlən ta a ɗa kəɗaŋ abə həji Kərist aagi a Wərusalima, leŋ a ji Yahwana ndə aa kayə Markus aara abəra təmta.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia