Zlən ataa həji ta zlən aagi 11
11
Piyer a kaghal səkən ma pew a Wərusalima
1Həji ta zlən Yesu aagi abə həji Kərist ma ndza a hayak Yahudiya aagi tazlima ma watsa: Həji ma ŋkula ɗa Yahuda aagi, təmta yəm, aa talamzə zlap Bizlaf. 2Tiɗa ndə, Piyer a kataf a Wərusalima ya, həji Kərist aagi, ma ɗa Yahuda aagi, dəba aagi adza səbakw abə sha. 3Aa kazlap, aagi iŋgaya: «Hwa tanda a gi həji ndə mazhemter a ŋkula zla aagi, azha hwa tazəm səkən abə təmta!» 4Mbara azha, Piyer dəba a aghalatana səkən ma pew ꞌwa aka ata diw tə aagi, iŋgaya:
5«Ndə sa a hayak ma dzamadzam Jupe, sa katarha, sa gəra səkən minja a ndaa aka ara Bizlaf. Səkən watsa a ndaaksa andza gidiwri ma dagal ndə həji mbəl ka ata mazləm tə ma ŋfaɗ aagi tiwtiw, a ndaa aka a wəzəm a wəzlaf a mgbuk ata sa. 6Nja naka a heɗe, sa kataŋə katkadək, sa kagəra səkən ŋgas ndə ŋgas ŋfaɗ aagi, səkən ma kanda abə mabəra aagi abə səkən ma kambir a wəzlaf aagi. 7A diwzha tə, sa zlima wəla minja a kadza, iŋgaya: “Nda Piyer, bazlata, hwa ɓamata.” 8Dəba sa azlap azha: “Tep, Bay Madagal. Ara ndə a ɗa, ghala ndza naka, sa tava a zəmzə səkən ma dadawər ndə həji tak ka a zəm akas.” 9Magbak tə zhana, sa tazlima wəla watsa a dzaha a wəzlaf, a kazlap, iŋgaya: “Səkən ndə Bizlaf a yaɓ dadawər tə bəza, hwa, hwa ɗiw a sarə andza səkən ma dadawər səku.” 10Taɗal zhin mahkaɗ ikwa, a diwzha tə, zhin a zhin tə a wəzlaf. 11A tsutsa həji aagi mahkaɗ, tsaw aa ndaha a wata ala ndə sa a gi tə watsa. Aa zlənata a hayak Kaysariya, aska a yaka. 12Miɗ ma ghwaɗeɗe tazlapaka, a sa a nda abə təmta, iŋgaya: “Nda abə təmta, ara hwa ŋga ŋkwaɓ.” Zlina ma ŋkwah ma ndza abəra sa aagi talahzaka a nda hayak Kaysariya, tsaw ni nda a gi Kurneliyus. 13Taghalani səkən ndə a gəra a gi tə aagi, iŋgaya: “Sa tagəra matəf Bizlaf a wata naka. Tazlapaka, zlən ala ma nda a Jupe a yaha Simun, ndə həji kayə Piyer. 14A kaaghalahu atama kwa ana səkən ma kaandaha a rehahu abə həji ma ndza a gi kwa aagi tiwtiw.” 15A diwzha tə, sa, Piyer, sa tadəɗ ma naka a zlapatana a Kurneliyus abə həji ndiɓi aagi. Tiɗa ndə sa kazlap ya, Miɗ ma ghwaɗeɗe taa tə aha təmta andza ndə, a ɗalə ata ŋkwa ata diw tə. 16Sa tasənakənə a zlap ataa Bay Madagal, ndə a zlap iŋgaya: “Yahwana a ɗalatana batem a həji aagi abə yəm, ama ataa aŋkuni, huni aɗal batem a həji aagi abə Miɗ ma ghwaɗeɗe.” 17Bizlaf taɗalatana səkən ɓəlaakaka andza ndə a ɗalahəji, tiɗa ndə həji ɗal awa aska ma ataa Yesu Kərist. Azha ya, sa tak Bizlaf bəza a ɗal səkən ndə a kamay vəw?» iy. 18Ndə aa zlima zlap watsa, həji Kərist aagi ɗekɗek aa ndza ta ka, aagi iŋgaya: «Sləf a Bizlaf! A ɗa ŋter, həji ma ŋkula ɗa Yahuda aagi kula mbaɗ landza ta bəza a lima miɗ ma təwah!» aagiy.
Tsa ŋcah həji Kərist ma ndza a Aŋtakiya aagi
19A diwzha mci Etiyen ya, a tsutsa abə aa diw a satana yaka a həji Kərist aagi, azha, aa tawiɗ ta a ŋge a hayak aagi, aa gwar a hayak Finikiya, Kipərus abə Aŋtakiya. Ama, aa ghalatana zlap Bizlaf gagagha a həji ma ɗa Yahuda aagi. 20Avəli ya, həji ndiɓi aagi a taba ta, aa ndaa aka a hayak Kipərus abə Sirene, aa taha a hayak Aŋtakiya, azha, aa kaghalatana Ma wiyə ma təwah ataa Bay Madagal Yesu, a həji ma ŋkula ɗa Yahuda aagi. 21Ɓərɓər Bay Madagal abə təmta, sha ana ndə, həji aagi vərəm ana ma bəw ta, həji Kərist aagi, aa tazhina ta ara Bay Madagal. 22Ma watsa, gwar a zləm magulakwakw həji Kərist ma ndza a Wərusalima aagi, azha, dəba aagi azlənha Barnabas a hayak Aŋtakiya. 23Ndə a ɗa vaŋ, tagəra avaŋgəy abə Bizlaf a pish bəzla tə ma təwah ata həji Kərist aagi. Tazlapatana aagi a ŋcah abə ɓas, ata səkən ma təwah aagi aska aagi a vəla ꞌunəf ŋtaguleŋ aska Bay Madagal. 24Ara ndə a ɗa, ala ma dəlili atama Bizlaf, mkpef abə Miɗ ma ghwaɗeɗe, ala ma ɗal awa. Ŋgaɓa həji aagi tadzamaya ikwa abəra Bay Madagal. 25Mbara azha, Barnabas tsaa kanda tə a hayak ma dzamadzam Tarsus a gasəha Sul. 26Ndə a gəra bəza, leŋ a daazə a hayak Aŋtakiya. Təmta gbak gbak, aa tava ŋtaɗ a taba həji Kərist Yesu aagi. Aa tasərəkatana səkən aagi dagala a manahayak. A hayak Aŋtakiya, a ɗa diw vəla zləm «Həji Kərist aagi» a magəli ataa Yesu aagi.
27Ma vah watsa, həji ma ɗaf ma ndə aa zlimazə ara Bizlaf aagi tadukha a wəzəm a Wərusalima aska a ndaha a hayak Aŋtakiya. 28Ŋtaguleŋ a taba ta zləm tə Agabus. Azha dəba a aghalatana a həji aagi, abə tsufa Miɗ ma ghwaɗeɗe, a kaghalə iŋgaya: Slaɓ ana bay mintish minja a ɗal ata manahayak tiwtiw. Shiŋ mintish watsa tava a ɗalzə kusəm tiɗa ndə, Kaludiyus ana cina hayak. 29Azha, magəli, dəba aagi agar ma watsə: Kwa vaye a avəla səkən aska a həji a zlənatana a həji Kərist aagi ma ndza a hayak Yahudiya aagi. 30Dəba magəli Yesu aagi aɗal andza sha. Zlən aa zlənatana səkən ndə aa tsak aagi a həji ma shif shif ma ndza a hayak Yahuda aagi gwara ata ra tiw Barnabas abə Sul.
Iliyochaguliwa sasa
Zlən ataa həji ta zlən aagi 11: GOU
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Zlən ataa həji ta zlən aagi 11
11
Piyer a kaghal səkən ma pew a Wərusalima
1Həji ta zlən Yesu aagi abə həji Kərist ma ndza a hayak Yahudiya aagi tazlima ma watsa: Həji ma ŋkula ɗa Yahuda aagi, təmta yəm, aa talamzə zlap Bizlaf. 2Tiɗa ndə, Piyer a kataf a Wərusalima ya, həji Kərist aagi, ma ɗa Yahuda aagi, dəba aagi adza səbakw abə sha. 3Aa kazlap, aagi iŋgaya: «Hwa tanda a gi həji ndə mazhemter a ŋkula zla aagi, azha hwa tazəm səkən abə təmta!» 4Mbara azha, Piyer dəba a aghalatana səkən ma pew ꞌwa aka ata diw tə aagi, iŋgaya:
5«Ndə sa a hayak ma dzamadzam Jupe, sa katarha, sa gəra səkən minja a ndaa aka ara Bizlaf. Səkən watsa a ndaaksa andza gidiwri ma dagal ndə həji mbəl ka ata mazləm tə ma ŋfaɗ aagi tiwtiw, a ndaa aka a wəzəm a wəzlaf a mgbuk ata sa. 6Nja naka a heɗe, sa kataŋə katkadək, sa kagəra səkən ŋgas ndə ŋgas ŋfaɗ aagi, səkən ma kanda abə mabəra aagi abə səkən ma kambir a wəzlaf aagi. 7A diwzha tə, sa zlima wəla minja a kadza, iŋgaya: “Nda Piyer, bazlata, hwa ɓamata.” 8Dəba sa azlap azha: “Tep, Bay Madagal. Ara ndə a ɗa, ghala ndza naka, sa tava a zəmzə səkən ma dadawər ndə həji tak ka a zəm akas.” 9Magbak tə zhana, sa tazlima wəla watsa a dzaha a wəzlaf, a kazlap, iŋgaya: “Səkən ndə Bizlaf a yaɓ dadawər tə bəza, hwa, hwa ɗiw a sarə andza səkən ma dadawər səku.” 10Taɗal zhin mahkaɗ ikwa, a diwzha tə, zhin a zhin tə a wəzlaf. 11A tsutsa həji aagi mahkaɗ, tsaw aa ndaha a wata ala ndə sa a gi tə watsa. Aa zlənata a hayak Kaysariya, aska a yaka. 12Miɗ ma ghwaɗeɗe tazlapaka, a sa a nda abə təmta, iŋgaya: “Nda abə təmta, ara hwa ŋga ŋkwaɓ.” Zlina ma ŋkwah ma ndza abəra sa aagi talahzaka a nda hayak Kaysariya, tsaw ni nda a gi Kurneliyus. 13Taghalani səkən ndə a gəra a gi tə aagi, iŋgaya: “Sa tagəra matəf Bizlaf a wata naka. Tazlapaka, zlən ala ma nda a Jupe a yaha Simun, ndə həji kayə Piyer. 14A kaaghalahu atama kwa ana səkən ma kaandaha a rehahu abə həji ma ndza a gi kwa aagi tiwtiw.” 15A diwzha tə, sa, Piyer, sa tadəɗ ma naka a zlapatana a Kurneliyus abə həji ndiɓi aagi. Tiɗa ndə sa kazlap ya, Miɗ ma ghwaɗeɗe taa tə aha təmta andza ndə, a ɗalə ata ŋkwa ata diw tə. 16Sa tasənakənə a zlap ataa Bay Madagal, ndə a zlap iŋgaya: “Yahwana a ɗalatana batem a həji aagi abə yəm, ama ataa aŋkuni, huni aɗal batem a həji aagi abə Miɗ ma ghwaɗeɗe.” 17Bizlaf taɗalatana səkən ɓəlaakaka andza ndə a ɗalahəji, tiɗa ndə həji ɗal awa aska ma ataa Yesu Kərist. Azha ya, sa tak Bizlaf bəza a ɗal səkən ndə a kamay vəw?» iy. 18Ndə aa zlima zlap watsa, həji Kərist aagi ɗekɗek aa ndza ta ka, aagi iŋgaya: «Sləf a Bizlaf! A ɗa ŋter, həji ma ŋkula ɗa Yahuda aagi kula mbaɗ landza ta bəza a lima miɗ ma təwah!» aagiy.
Tsa ŋcah həji Kərist ma ndza a Aŋtakiya aagi
19A diwzha mci Etiyen ya, a tsutsa abə aa diw a satana yaka a həji Kərist aagi, azha, aa tawiɗ ta a ŋge a hayak aagi, aa gwar a hayak Finikiya, Kipərus abə Aŋtakiya. Ama, aa ghalatana zlap Bizlaf gagagha a həji ma ɗa Yahuda aagi. 20Avəli ya, həji ndiɓi aagi a taba ta, aa ndaa aka a hayak Kipərus abə Sirene, aa taha a hayak Aŋtakiya, azha, aa kaghalatana Ma wiyə ma təwah ataa Bay Madagal Yesu, a həji ma ŋkula ɗa Yahuda aagi. 21Ɓərɓər Bay Madagal abə təmta, sha ana ndə, həji aagi vərəm ana ma bəw ta, həji Kərist aagi, aa tazhina ta ara Bay Madagal. 22Ma watsa, gwar a zləm magulakwakw həji Kərist ma ndza a Wərusalima aagi, azha, dəba aagi azlənha Barnabas a hayak Aŋtakiya. 23Ndə a ɗa vaŋ, tagəra avaŋgəy abə Bizlaf a pish bəzla tə ma təwah ata həji Kərist aagi. Tazlapatana aagi a ŋcah abə ɓas, ata səkən ma təwah aagi aska aagi a vəla ꞌunəf ŋtaguleŋ aska Bay Madagal. 24Ara ndə a ɗa, ala ma dəlili atama Bizlaf, mkpef abə Miɗ ma ghwaɗeɗe, ala ma ɗal awa. Ŋgaɓa həji aagi tadzamaya ikwa abəra Bay Madagal. 25Mbara azha, Barnabas tsaa kanda tə a hayak ma dzamadzam Tarsus a gasəha Sul. 26Ndə a gəra bəza, leŋ a daazə a hayak Aŋtakiya. Təmta gbak gbak, aa tava ŋtaɗ a taba həji Kərist Yesu aagi. Aa tasərəkatana səkən aagi dagala a manahayak. A hayak Aŋtakiya, a ɗa diw vəla zləm «Həji Kərist aagi» a magəli ataa Yesu aagi.
27Ma vah watsa, həji ma ɗaf ma ndə aa zlimazə ara Bizlaf aagi tadukha a wəzəm a Wərusalima aska a ndaha a hayak Aŋtakiya. 28Ŋtaguleŋ a taba ta zləm tə Agabus. Azha dəba a aghalatana a həji aagi, abə tsufa Miɗ ma ghwaɗeɗe, a kaghalə iŋgaya: Slaɓ ana bay mintish minja a ɗal ata manahayak tiwtiw. Shiŋ mintish watsa tava a ɗalzə kusəm tiɗa ndə, Kaludiyus ana cina hayak. 29Azha, magəli, dəba aagi agar ma watsə: Kwa vaye a avəla səkən aska a həji a zlənatana a həji Kərist aagi ma ndza a hayak Yahudiya aagi. 30Dəba magəli Yesu aagi aɗal andza sha. Zlən aa zlənatana səkən ndə aa tsak aagi a həji ma shif shif ma ndza a hayak Yahuda aagi gwara ata ra tiw Barnabas abə Sul.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia