Mateo Matangisilo
Matangisilo
Indebo imbuya yakakwalwa naMateo imwe yewhalo ina, imo muChivumilano Chipya inolondejela zwobupenyu bwaJesu Kristo. Imwe neimwe yajo inowhi, “Ivangeli,” zwiva kuti, “Indebo Imbuya.” Jakakwalwa naMateo, Mako, Luka, naJoni, mushule mokufa kwaJesu. Bobumhizha bwewhalo jeBhayibhili abatoziba unsi wakakwalwa iwhalo yaMateo, koga kunoyeyeselwa kuti kungaba mugole lyamakumi mana negumi limwempela Jesu azwalwa. Akale nokuti lwakakwalilwa munabupi bugalo azwitozibikana, koga banji banozumbuja kuti lwakakwalilwa muPalasitaini akale beyeyesela muguta igulwana lyeJelusalema.
Unkwali ndiMateo, wakabeli untelesi Jesu esanu onshoba kuti ebe undayijwa uwe. Akale wakabezibikana nelimwe izina linowhi Levi. Mateo waluba umwe wabapositoli baligumi nababili akale wakakwalila babali bechiJuda. Yezwi zwinoboneka pachena nokulebulula zwinoswika makumi mashanu anegumi limwempela zwendebo yeChivumilano Chantolo. Wakabeda kutondejela kuti Jesu wakabeli Mesiya, uNchiji uloshalwa waMwali, wakapolofitwa nezwizwe. Mateo wakakwala bo zwinji nezwo bushe bwaMwali. BaJuda bakabaka lingilila kuti Mesiya unoba she wobushe bozwenyika. Mateo wakabhata zwibuyanana indebo yeyi enyenyejana nokudimbwa yoku ebhaunula bushe bompepo bwaMwali.
Indebo imbuya yaMateo iwhalo imbuya kutangisa Chivumilano Chipya nokuda kokulebulula kwaakata nezweChivulano Chantolo. Zwinoshanganisa zwiVumilano zwibili. Imhizha jamakwalo jinopanikija kuti Mateo wakabeda kukwejejela unkwalilo wewhalo jaMozesi, jiliijo iwhalo inshanu jotanga muChivumilano Chantolo. Umbhaunulo waJesu wopedunhu (Mateo 5:1—7:29) ungakwejaniswa nopaakabepiwa mulawo Mozesi naMwali (Dutilonomi 19:3—23:33).
Zwilomumwa
Mateo unotangisa indebo imbuya nokulebeleka nezwokuzwalwa kwaJesu Kristo akale nokutangisa konshingo uwe muzwisiyaniso (Mateo 1:1—4:25).
Zwinotobela Mateo unobanduka nezwonshingo waJesu akale nendayijo jije muzwisiyaniso (Mateo 5:1—25:46).
Chikamu chopejeleja chaMateo unolebeleka nontulu wonshingo waJesu mukufa kukwe nokumuka muzwisiyaniso (Mateo 26:1—28:20).
Iliyochaguliwa sasa
Mateo Matangisilo: LTP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The word for The World International