Luka 2
2
Kuzwalwa kwaJesu
(Mateo 1:18-25)
1Mumazhuba yayo, chishomejo chakawhika chiva kunaKesali Agasitasi kuti banhu bwose munyika banokwelela kuti bekwaliswe. 2Yoku kukwaliswa kwakabeli kwotanga kutiwa nonshaji Kiliniyasi eli untongi weSiliya. 3Bose bakenda kuti benokwaliswa, umwe noumwe kuguta lyokunaibo.
4Josefa neebo wakanyamuka eva kuGalili, kuzhe kweguta lyeNazaleti, engwina munyika yeJudiya, akenda kuguta lyaDavidi linowhi Bhetelehema, nokuti wakabeli wengumba akale eli inzwalo yaDavidi, 5kuti enokwaliswa naMariya, wakaba ahwaywa, akale iye elinemimba. 6Kwakati beli kwakale yoko mazhuba akaba aswika okuti echile. 7Wakachila imbano mwananhulumyana, akomputilija nemicheka, akondajika muchilyilo chemhuka, nokuti bakabashayiwa bugalo mujingumba jabezi.
Balyisi neNgilozi
8Kunyika yeyo kwakaba kuli nabalyisi bemhwizi belyisa akale belinda imhwizi jabo kumachelelo busiku. 9Akale ingilozi yaShe yakaboneka kwabali, kungaima kwaShe kwakapenya yopo pabakabeli, bakatya kasakasa. 10Ingilozi yakati kwabali, “Musitye, nokuti ndimumubuzila inyaya imbuya ina lushanto lukulwana luchaba kubanhu bose. 11Nokuti muguta lyaDavidi nasi mwazwalilwa uNchiji, ndiKristo, Tezi. 12Yechi ndicho chichaba chitondejelo kwamuli: monowana mwana uncheche ekaputilijwa mumicheka, ekalajikwa muchilyilo chemhuka.”
13Pakalepo kwakaba nebunga lyezwibumbwa zwaMwali zwokudenga nengilozi zwikuja Mwali zwiti, 14“Lukujo kunaMwali wopezhulu, nolunyalalo munyika, banhu begalike!”
15Kwakati ingilozi jenda jabwilila kudenga, balyisi bakalebelekesana beti, “Andeni kuBhetelehema, tinozwibonela yechi chinhu chatikana, chatazibiswa naShe.”
16Bakenda nokambija, bakawana Mariya naJosefa, nomwana elilele muchilyilo chemhuka. 17Pabakombona bakazibisa zwibakababujwa nezwomwana yoyu, 18bose bakawha bakachenamiswa nezwakabelebwa naba balyisi kwabali, 19Koga Mariya wakalondota zwose yezwi ezwiyeya mumwoyo uwe. 20Balyisi bakabwilila, bekuja nokuboka Mwali munezwo zwose zwibakawha nezwibakabona, somuzwakaba zwalebwa kwabali.
Jesu unolundikilwa izina
21Mushule kweviki, unshaji wokumhalajwa kwomwana wakaswika, akawhi ndiJesu, izina lyakaba lyalebwa nengilozi amai besanhu babhata imimba.
Jesu unopilwa muTempeli
22Unshaji wakaswika wokushampulujwa kwaJosefa naMariya, kutobelejwa mulawo waMozesi. Bakombuza kuJelusalema kuti epilwe kunaShe, 23sezwilokwalwa mumulawo waShe kuti, “Mwananhulumyana wose wotanga ulokwelela kuwhi unchena kunaTezi.” 24Nokupila umpilo kutobelejwa zwilolebwa mumulawo waShe, injiba imbili kana inyunyana jenkwilimba imbili.
25Kwakaba kuli nonhulume muJelusalema waluwhi ndiSimiyoni. Unhulume yoyu wakaba ekalulama etya Mwali, ekamilila kunyalajwa kweIzilayeli, noMpepo uNchena wakaba uli mwaali. 26Wakaba atondejwa noMpepo uNchena kuti aatoofa asanu abona She Kristo. 27Wakatungamililwa noMpepo engwina mutempeli, bazwali pabakabuza mwana Jesu, kuti etiwe sezwinotiwa mumulawo, 28wakontola mumaboko awe, akakuja Mwali eti:
29“She feno mungata kuti undanda
wenu ende mulunyalalo sokubimbisa kwenu,
30nokuti mesho angu abona luchijo lwenu,
31lumwakabamba mumesho abanhu bose,
32ndiwo mwenje wokumunikila bokuzhe,
nolukujo lwabanhu benu baIzilayeli.”
33Tate naamai babe bechakashamiswa nezwo zwakabelebwa nezwizwe, 34Simiyoni wakabakombolela akati kuna amai babe Mariya, “Ilingani yoyu mwana ulomilila kuwila pasi nokumuka kwabanji muIzilayeli, akale ndiye chitondejelo chichalebelekwa bubi nezwacho 35akale igwalabaza linoobhaya umpepo wenu, kutila zwimuyeywa mumyoyo yabanji zwitondejelwe pachena.”
36Kwakaba kuli naAna umpolofeti wechinhukaji, mwananhukajana waFanuwelu, woluji lwaAsha, wakaba akwegula, wakabagala nondume uwe kwamakole mashanu ana mabili kuva kubumhandala bubwe, 37akaba inchilikaji inamakole makumi mashanu ana makumi matatu namakole mana. Aajakabebhuda muTempeli, ekuja nokuzwiminya kulya, akale enamata busiku namasikati. 38Eswika panoyo unshaji, wakaboka Mwali, akale wakalebeleka nezwizwe kuna ibo bose bakabemilila kuchijwa kweJelusalema.
Kubwilila kuNazaleti
39Pabakati bapeja zwose zwinotobelejwa mumulawo waShe, bakabwilila kuGalili kuguta lyabo lyeNazaleti. 40Nomwana wakakubuka, akasima mumpepo akaba namaano nechipiwo chaMwali chakaba pezhulu pape.
Umbisana Jesu mutempeli
41Bazwali babe bakabenda kuJelusalema makole ose pemilya yePasika. 42Paakaba namakole igumi lina mabili bakenda kuJelusalema kumilya sezwinokwelela pamulawo, 43payakapela milya, bakabwilila kusha kwabo asi umbisana Jesu wakasala mushule kuJelusalema, bazwali babe besinozwiziba, 44bakabona sokuti bana naye bakakwenda lwendo lwezhuba limwempela, bakonshaka mukati mwamakamu nabakwaina babo; 45bakati bonshayiwa, bakabwilila kuJelusalema kunoumpota. 46Mushule mwamazhuba matatu, bakongwana muTempeli eligele pakati pabalayiji elimukubawhilila akale ebabhuza mibhuzo, 47bose bakawha elebeleka, bakachenamiswa namaano awe nokushandula kukwe. 48Pabakombona bakachenama, amai babe bakati kwaali, “Mwanangu ini uta ali kwatili? Linga tate babo nami tabekupyanga tikahetela.”
49Wakabashandula akati, “Mwaba mundipotelani? Amujabeziba na kuti ndokwelela kuba ndili mungumba yaTate bangu?” 50Asi abajakawhisisa mawhi aakaleba kunaibo.
51Wakenda nabo, bakaswika kuNazaleti, wakagala nabazwali babe ebawhilila, asi amai babe bakazwilondota zwose yezwi mumwoyo mwabo. 52Jesu wakendila mbeli ekubuka mumaano, nombili nokudikana kunaMwali nokubanhu.
Iliyochaguliwa sasa
Luka 2: LTP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The word for The World International
Luka 2
2
Kuzwalwa kwaJesu
(Mateo 1:18-25)
1Mumazhuba yayo, chishomejo chakawhika chiva kunaKesali Agasitasi kuti banhu bwose munyika banokwelela kuti bekwaliswe. 2Yoku kukwaliswa kwakabeli kwotanga kutiwa nonshaji Kiliniyasi eli untongi weSiliya. 3Bose bakenda kuti benokwaliswa, umwe noumwe kuguta lyokunaibo.
4Josefa neebo wakanyamuka eva kuGalili, kuzhe kweguta lyeNazaleti, engwina munyika yeJudiya, akenda kuguta lyaDavidi linowhi Bhetelehema, nokuti wakabeli wengumba akale eli inzwalo yaDavidi, 5kuti enokwaliswa naMariya, wakaba ahwaywa, akale iye elinemimba. 6Kwakati beli kwakale yoko mazhuba akaba aswika okuti echile. 7Wakachila imbano mwananhulumyana, akomputilija nemicheka, akondajika muchilyilo chemhuka, nokuti bakabashayiwa bugalo mujingumba jabezi.
Balyisi neNgilozi
8Kunyika yeyo kwakaba kuli nabalyisi bemhwizi belyisa akale belinda imhwizi jabo kumachelelo busiku. 9Akale ingilozi yaShe yakaboneka kwabali, kungaima kwaShe kwakapenya yopo pabakabeli, bakatya kasakasa. 10Ingilozi yakati kwabali, “Musitye, nokuti ndimumubuzila inyaya imbuya ina lushanto lukulwana luchaba kubanhu bose. 11Nokuti muguta lyaDavidi nasi mwazwalilwa uNchiji, ndiKristo, Tezi. 12Yechi ndicho chichaba chitondejelo kwamuli: monowana mwana uncheche ekaputilijwa mumicheka, ekalajikwa muchilyilo chemhuka.”
13Pakalepo kwakaba nebunga lyezwibumbwa zwaMwali zwokudenga nengilozi zwikuja Mwali zwiti, 14“Lukujo kunaMwali wopezhulu, nolunyalalo munyika, banhu begalike!”
15Kwakati ingilozi jenda jabwilila kudenga, balyisi bakalebelekesana beti, “Andeni kuBhetelehema, tinozwibonela yechi chinhu chatikana, chatazibiswa naShe.”
16Bakenda nokambija, bakawana Mariya naJosefa, nomwana elilele muchilyilo chemhuka. 17Pabakombona bakazibisa zwibakababujwa nezwomwana yoyu, 18bose bakawha bakachenamiswa nezwakabelebwa naba balyisi kwabali, 19Koga Mariya wakalondota zwose yezwi ezwiyeya mumwoyo uwe. 20Balyisi bakabwilila, bekuja nokuboka Mwali munezwo zwose zwibakawha nezwibakabona, somuzwakaba zwalebwa kwabali.
Jesu unolundikilwa izina
21Mushule kweviki, unshaji wokumhalajwa kwomwana wakaswika, akawhi ndiJesu, izina lyakaba lyalebwa nengilozi amai besanhu babhata imimba.
Jesu unopilwa muTempeli
22Unshaji wakaswika wokushampulujwa kwaJosefa naMariya, kutobelejwa mulawo waMozesi. Bakombuza kuJelusalema kuti epilwe kunaShe, 23sezwilokwalwa mumulawo waShe kuti, “Mwananhulumyana wose wotanga ulokwelela kuwhi unchena kunaTezi.” 24Nokupila umpilo kutobelejwa zwilolebwa mumulawo waShe, injiba imbili kana inyunyana jenkwilimba imbili.
25Kwakaba kuli nonhulume muJelusalema waluwhi ndiSimiyoni. Unhulume yoyu wakaba ekalulama etya Mwali, ekamilila kunyalajwa kweIzilayeli, noMpepo uNchena wakaba uli mwaali. 26Wakaba atondejwa noMpepo uNchena kuti aatoofa asanu abona She Kristo. 27Wakatungamililwa noMpepo engwina mutempeli, bazwali pabakabuza mwana Jesu, kuti etiwe sezwinotiwa mumulawo, 28wakontola mumaboko awe, akakuja Mwali eti:
29“She feno mungata kuti undanda
wenu ende mulunyalalo sokubimbisa kwenu,
30nokuti mesho angu abona luchijo lwenu,
31lumwakabamba mumesho abanhu bose,
32ndiwo mwenje wokumunikila bokuzhe,
nolukujo lwabanhu benu baIzilayeli.”
33Tate naamai babe bechakashamiswa nezwo zwakabelebwa nezwizwe, 34Simiyoni wakabakombolela akati kuna amai babe Mariya, “Ilingani yoyu mwana ulomilila kuwila pasi nokumuka kwabanji muIzilayeli, akale ndiye chitondejelo chichalebelekwa bubi nezwacho 35akale igwalabaza linoobhaya umpepo wenu, kutila zwimuyeywa mumyoyo yabanji zwitondejelwe pachena.”
36Kwakaba kuli naAna umpolofeti wechinhukaji, mwananhukajana waFanuwelu, woluji lwaAsha, wakaba akwegula, wakabagala nondume uwe kwamakole mashanu ana mabili kuva kubumhandala bubwe, 37akaba inchilikaji inamakole makumi mashanu ana makumi matatu namakole mana. Aajakabebhuda muTempeli, ekuja nokuzwiminya kulya, akale enamata busiku namasikati. 38Eswika panoyo unshaji, wakaboka Mwali, akale wakalebeleka nezwizwe kuna ibo bose bakabemilila kuchijwa kweJelusalema.
Kubwilila kuNazaleti
39Pabakati bapeja zwose zwinotobelejwa mumulawo waShe, bakabwilila kuGalili kuguta lyabo lyeNazaleti. 40Nomwana wakakubuka, akasima mumpepo akaba namaano nechipiwo chaMwali chakaba pezhulu pape.
Umbisana Jesu mutempeli
41Bazwali babe bakabenda kuJelusalema makole ose pemilya yePasika. 42Paakaba namakole igumi lina mabili bakenda kuJelusalema kumilya sezwinokwelela pamulawo, 43payakapela milya, bakabwilila kusha kwabo asi umbisana Jesu wakasala mushule kuJelusalema, bazwali babe besinozwiziba, 44bakabona sokuti bana naye bakakwenda lwendo lwezhuba limwempela, bakonshaka mukati mwamakamu nabakwaina babo; 45bakati bonshayiwa, bakabwilila kuJelusalema kunoumpota. 46Mushule mwamazhuba matatu, bakongwana muTempeli eligele pakati pabalayiji elimukubawhilila akale ebabhuza mibhuzo, 47bose bakawha elebeleka, bakachenamiswa namaano awe nokushandula kukwe. 48Pabakombona bakachenama, amai babe bakati kwaali, “Mwanangu ini uta ali kwatili? Linga tate babo nami tabekupyanga tikahetela.”
49Wakabashandula akati, “Mwaba mundipotelani? Amujabeziba na kuti ndokwelela kuba ndili mungumba yaTate bangu?” 50Asi abajakawhisisa mawhi aakaleba kunaibo.
51Wakenda nabo, bakaswika kuNazaleti, wakagala nabazwali babe ebawhilila, asi amai babe bakazwilondota zwose yezwi mumwoyo mwabo. 52Jesu wakendila mbeli ekubuka mumaano, nombili nokudikana kunaMwali nokubanhu.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The word for The World International