Luka 1
1
Matangisilo
1Kunawi Tiyofilasi.
Kojoba banhu banji bakaba batabo unshingo wokukwala iNdebo iMbuya belungulula iNdebo iMbuya jozwunhu zwakatikana pakati pedu. 2Sezwatakatambula kunaabo bakaba beli basumikiji bakazwibona pakutanga, akale beli ibo bakwendesi bewhi, 3zwakaboneka zwili zwibuya kwandili, ndakazwishakisisa zwose zwinhu, kuva kumatangisilo, kuti ndikukwalile zwitobekejana, iwi unokujwa Tiyofilasi, 4kutila kuti uzibe ichokomende nezwo zwinhu zwiwakalayijwa.
Kusumwa kokuzwalwa kwaJoni umbhabhatizi.
5Mumazhuba aShe Helodi wokuJudiya kwakaba kuli nontebuji, waluwhi Zakaliya izina lilye, eli wengumba yaAbhija, unkaji uwe neebo wakabezwalwa kubana bechinhukajana baAloni, izina lilye ewhi ndiElizabeti. 6Bakaba bekalulama bubili bwabo pambeli paMwali, belondota yose milawo nezwisungo zwaShe besina chibi. 7Asi abajakabeli nomwana, nokuti Elizabeti aajakabebhata imimba, bose bakaba bakwegula.
8Kwakati kuli igwi lyechipani chiche chokubhata unshingo wobutebuji kuna Mwali, 9sontilo wobutebuji, imfumbefumbe yakawila kuna iye, kuti ebe unongwina muTempeli lyaShe kunofhungaija imfhungaijo. 10Ibunga lyose lyabanhu lyakabenamata pazhe nonshaji weawa yompilo wefhungaijo. 11Ingilozi yaShe yakaboneka kwaali kubhazu lyechokululyi kwedebulilo lyefhungaijo. 12Paakaibona, Zakaliya wakashushikana, akakatamuka. 13Asi ingilozi yakati kwaali, “Usitye, Zakaliya, nokuti unamato uwo wawhikana, nokudalo unkaji uwo Elizabeti unookuzwalila mwananhulumyana, akale undundike izina kuti ndiJoni. 14Unooba nolushanto nokunakilwa akale banji, banooshantilwa nokuzwalwa kukwe; 15nokuti unooba unkulwana mumesho aShe, aatobenwa iwaini nezwinwiwa zwinokola, unoozhajwa noMpepo uNchena echimuntumbu wamai babe. 16Unoobachingunulila kunaShe Mwali wabo bana baIzilayeli banji, 17unoonda mbeli kukwe nompepo nesimba lyaElija, mukuchingunula myoyo yamatate kubana babo, nabasinowhilila banoobuzwa, kumaano nokuwhilila muzwinokwelela kubambilwa She.”
18Zakaliya wakati kungilozi, “Ndinozwiziba chini yezwi? Nokuti imi ndakwegula, nonkaji wangu makole awanda.”
19Ingilozi yakonshandula ikati, “Ndimi Gabhuliyeli, ndinoma mbeli kwaMwali, ndatumwa kuti ndooleba kwauli mawhi mabuya yaya. 20Iwha unooba chimumu akale ukonwe kulebeleka, kujine kwoswika yelyo izhuba pazwichatikana yezwi, zwitiswa nokuti aujadimbwa mawhi angu koga yezwi zwinoozhajikijwa nonsi wazwo.”
21Banhu bakabakondindila Zakaliya, bakachenamiswa nokujilwa kukwe muTempeli. 22Paakati abhuda, wakakonwa kulebeleka nabo, bakaziba kuti wabona chibono muTempeli, wakashingisa maboko kulebeleka, akagala elichimumu.
23Kwakati kwapela mazhuba egwi lilye lyokutebula, wakenda kungumba yiye. 24Mushule mwamazhuba yaya, unkaji uwe Elizabeti wakabhata imimba, koga akazwisisa kwemyeji mishanu, eti, 25“She wata ali kwandili mumazhuba aandilinga nawo, wata ali kutila kupeja kusekwa kwangu mukati mwabanhu.”
Kusuma kwokuzwalwa kwaJesu
26Nomweji washanu nomwempela ingilozi Gabhuliyeli yakatumwa naMwali kuGalili muguta linowhi Nazaleta, 27kumhandala yakaba yahwayiwa nonzhuzha unowhi Josefa, wengumba yaDavidi, izina lyemhandala iwhi Mariya. 28Akale yakezha kwaali ikati, “Shanta iwi ulodikana! She una nawi.”
29Koga wakaba nolutyo lukulwana newhi yeli, akayeya kuti kumusa kuli chini yoku. 30Ingilozi yakati kwaali, “Usitye Mariya, nokuti wawana ishe kunaMwali. 31Jowha, unooba nemimba, unoozwala mwananhulumyana wauchoopa izina kuti ndiJesu. 32Iye unooba unkulwana, akale unooshobwa ewhi Mwananhulumyana wooyo wopeZhuluzhulu, She Mwali unoumpa chigalo chobushe chatate babe Davidi, 33akale unootonga ingumba yaJakobe nokusinopela, nobushe bubwe bunooba ipo kusinopela.”
34Mariya wakati kungilozi, “Zwinotikana chini yezwi, nokuti andina undume?”
35Ingilozi yaMwali yakati kwaali, “UMpepo uNchena unoozha pezhulu papo, akale isimba lyoupo pezhulu kasa linokufukatija, nokudalo mwana uchoochilwa unowhi uNchena, Mwananhulumyana waMwali. 36Iwha igamu lilyo Elizabeti, wakwegula, naiye wakabhata imimba yomwananhulumyana, yaba nemyeji mishanu nomwempela, iye wakaba ewhi aana inzwalo. 37Nokuti kunaMwali apana chinokona.”
38Mariya wakati, “Linga imi ndindandakaji waShe, ngazwibe kwandili sokuleba kuko.” Ingilozi yakabhuda ikenda.
Mariya unoshanyila Elizabeti
39Mumazhuba yayo, Mariya wakanyamuka, akenda kunyika yamatunhu ekambija enda muguta limo muJudiya, 40akanongwina mungumba yaZakaliya, akamusa Elizabeti. 41Elizabeti wakati awha kumusa kwaMariya, mwana wakatumuka muntumbu mumwe, ndipo Elizabeti wakazhala noMpepo uNchena, 42akashomeja newhi lyopezhulu eti, “Ulokombolelwa pakati pabanhukaji bose, ulokombolelwa unchelo wemimba yiyo! 43Ani kwaba chini kuti amai baShe wangu bezhe kunami? 44Ilinga, palyangowhika munzebe iwhi lilyo undimusa, mwana watumuka muntumbu mwangu nolushanto. 45Ulokombolelwa iye unodimbwa nokuti, kunooba nokuzhajikijwa kuna zwakalebwa naShe.”
Lwimbo lwaMariya lwokukuma
46Mariya wakati,
“UMpepo wangu unokuja She,
47akale nompepo wangu unoshanta kunaMwali, uNchiji wangu,
48nokuti wabona chimilo changu chobunhu koga akandilinga neshe, ndili undandakaji uwe,
hezwo kuvila ngweno zwizwalwa zwose zwinotobela zwinondishoba zwiti ndilokombolelwa;
49nokuti iye wamasimba wanditila zwinhu zwikulwana, akale nezina lilye ijena.
50Ishe jije jiko kunaabo banontya
kuvila kuchizekululu kunda kuchizekululu.
51Watondeja isimba lyoluboko lulwe,
wapalaja banozwifufumula mumyoyo yabo.
52Wabhuluja bamasimba pezwigalo zwabo,
wanyamula pezhulu babeli pasi.
53Wagutisa banenzhala nezwinhu zwibuyanana,
akale bafumi wabatata besina zwibananazwo.
54Wabhancha undanda uwe Izilayeli,
ekumbulukwa ishe jije,
55sezwaakaleba kumatate edu, kunaAbhulahamu,
nokunzwalo yiye kujine kube lini.”
56Mariya wakagala naye kwemyeji ingaba mitatu, akabwilila kunsha uwe.
Kuzwalwa kwaJoni umbhabhatizi
57Wakaswika unshaji wokuti Elizabeti echile, akachila mwananhulumyana. 58Babakijani babe, namakamu awe pabakazwiwha kuti She wontila ishe ihulwana, bakashanta naye.
59Kwakati kwapinda mazhuba mashanu anamatatu, bakezha kwomhalaja mwana, bamwe bakada kundundikila izina lyatate babe Zakaliya, 60koga amai babe bakati, “Mane pe, unokwelela kuwhi ndiJoni.”
61Asi bakati kwaali, “Kuluji lwenu akuna unoshobwa nezina yeli.” 62Bakazibisa tate babe nezwitondejelo kuti ibo bebazibise izina libanoda kuti eshobwe nalyo.
63Wakakumbila chikwalilo, akakwala kuti, “Izina lilye ndiJoni.” Bose bakachenama. 64Pakalepo undomo uwe wakazhulika, nolulimi lulwe lukasupulika, akalebeleka ekuja Mwali. 65Bakaba nolutyo bose babakijani babo, zwikalebelekwa mubugalo bose bwenyika yamatunhu yeJudiya, 66yabo bose bakazwiwha bakazwilondota mumyoyo yabo beti, “Unooba mwana ulichini yoyu?” Luboko lwaShe lwakaba luli naye.
Kupolofita kwaZakaliya
67Tate babe Zakaliya bakazhajwa noMpepo uNchena, bakapolofita beti.
68“Ngakujwe She Mwali waIzilayeli,
nokuti washanyila akamunula banhu babe,
69watinyamulila lubizho lwoluchijo mungumba yaDavidi undandalume uwe,
70sezwaakaleba nondomo wabapolofeti bachena bantolo,
71kuti unootichija kubabengi bedu,
nomumaboko abanhu bose banotibenga.
72kutila ishe matategulu edu,
nokukumbulukwa chivumilano chiche chichena,
73nekowhe yaakata kuna tate bedu Abhulahamu,
74kuti betipe kusupulwa mumaboko ababengi bedu,
akale tiunamate tisinotya,
75nomubuchena nobululami mbeli kukwe
mazhuba ose obupenyu bwedu.
76Akale iwi Mwana, unooshobwa uwhi umpolofeti woPezhuluzhulu,
nokuti unookwenda mbeli kwaShe kunobambanyila inzila jije,
77unoopa luzibo lwoluchijo kubanhu,
nokulekejelwa kwoluchinyo lwabo,
78neshe inyolonyolo jaMwali wedu, izhuba yelyo palicheja kunasu liva zhezhulu
79kupa lumuniko kunaabo bagele munhilima nomuntuzi wolufu,
nokutungamila makumbo edu munzila yolunyalalo.”
80Mwana wakakubuka, akasima mumpepo, wakagala mugwegulu kujine kukaswika izhuba lyaakazwitondejela kubaIzilayeli.
Iliyochaguliwa sasa
Luka 1: LTP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The word for The World International
Luka 1
1
Matangisilo
1Kunawi Tiyofilasi.
Kojoba banhu banji bakaba batabo unshingo wokukwala iNdebo iMbuya belungulula iNdebo iMbuya jozwunhu zwakatikana pakati pedu. 2Sezwatakatambula kunaabo bakaba beli basumikiji bakazwibona pakutanga, akale beli ibo bakwendesi bewhi, 3zwakaboneka zwili zwibuya kwandili, ndakazwishakisisa zwose zwinhu, kuva kumatangisilo, kuti ndikukwalile zwitobekejana, iwi unokujwa Tiyofilasi, 4kutila kuti uzibe ichokomende nezwo zwinhu zwiwakalayijwa.
Kusumwa kokuzwalwa kwaJoni umbhabhatizi.
5Mumazhuba aShe Helodi wokuJudiya kwakaba kuli nontebuji, waluwhi Zakaliya izina lilye, eli wengumba yaAbhija, unkaji uwe neebo wakabezwalwa kubana bechinhukajana baAloni, izina lilye ewhi ndiElizabeti. 6Bakaba bekalulama bubili bwabo pambeli paMwali, belondota yose milawo nezwisungo zwaShe besina chibi. 7Asi abajakabeli nomwana, nokuti Elizabeti aajakabebhata imimba, bose bakaba bakwegula.
8Kwakati kuli igwi lyechipani chiche chokubhata unshingo wobutebuji kuna Mwali, 9sontilo wobutebuji, imfumbefumbe yakawila kuna iye, kuti ebe unongwina muTempeli lyaShe kunofhungaija imfhungaijo. 10Ibunga lyose lyabanhu lyakabenamata pazhe nonshaji weawa yompilo wefhungaijo. 11Ingilozi yaShe yakaboneka kwaali kubhazu lyechokululyi kwedebulilo lyefhungaijo. 12Paakaibona, Zakaliya wakashushikana, akakatamuka. 13Asi ingilozi yakati kwaali, “Usitye, Zakaliya, nokuti unamato uwo wawhikana, nokudalo unkaji uwo Elizabeti unookuzwalila mwananhulumyana, akale undundike izina kuti ndiJoni. 14Unooba nolushanto nokunakilwa akale banji, banooshantilwa nokuzwalwa kukwe; 15nokuti unooba unkulwana mumesho aShe, aatobenwa iwaini nezwinwiwa zwinokola, unoozhajwa noMpepo uNchena echimuntumbu wamai babe. 16Unoobachingunulila kunaShe Mwali wabo bana baIzilayeli banji, 17unoonda mbeli kukwe nompepo nesimba lyaElija, mukuchingunula myoyo yamatate kubana babo, nabasinowhilila banoobuzwa, kumaano nokuwhilila muzwinokwelela kubambilwa She.”
18Zakaliya wakati kungilozi, “Ndinozwiziba chini yezwi? Nokuti imi ndakwegula, nonkaji wangu makole awanda.”
19Ingilozi yakonshandula ikati, “Ndimi Gabhuliyeli, ndinoma mbeli kwaMwali, ndatumwa kuti ndooleba kwauli mawhi mabuya yaya. 20Iwha unooba chimumu akale ukonwe kulebeleka, kujine kwoswika yelyo izhuba pazwichatikana yezwi, zwitiswa nokuti aujadimbwa mawhi angu koga yezwi zwinoozhajikijwa nonsi wazwo.”
21Banhu bakabakondindila Zakaliya, bakachenamiswa nokujilwa kukwe muTempeli. 22Paakati abhuda, wakakonwa kulebeleka nabo, bakaziba kuti wabona chibono muTempeli, wakashingisa maboko kulebeleka, akagala elichimumu.
23Kwakati kwapela mazhuba egwi lilye lyokutebula, wakenda kungumba yiye. 24Mushule mwamazhuba yaya, unkaji uwe Elizabeti wakabhata imimba, koga akazwisisa kwemyeji mishanu, eti, 25“She wata ali kwandili mumazhuba aandilinga nawo, wata ali kutila kupeja kusekwa kwangu mukati mwabanhu.”
Kusuma kwokuzwalwa kwaJesu
26Nomweji washanu nomwempela ingilozi Gabhuliyeli yakatumwa naMwali kuGalili muguta linowhi Nazaleta, 27kumhandala yakaba yahwayiwa nonzhuzha unowhi Josefa, wengumba yaDavidi, izina lyemhandala iwhi Mariya. 28Akale yakezha kwaali ikati, “Shanta iwi ulodikana! She una nawi.”
29Koga wakaba nolutyo lukulwana newhi yeli, akayeya kuti kumusa kuli chini yoku. 30Ingilozi yakati kwaali, “Usitye Mariya, nokuti wawana ishe kunaMwali. 31Jowha, unooba nemimba, unoozwala mwananhulumyana wauchoopa izina kuti ndiJesu. 32Iye unooba unkulwana, akale unooshobwa ewhi Mwananhulumyana wooyo wopeZhuluzhulu, She Mwali unoumpa chigalo chobushe chatate babe Davidi, 33akale unootonga ingumba yaJakobe nokusinopela, nobushe bubwe bunooba ipo kusinopela.”
34Mariya wakati kungilozi, “Zwinotikana chini yezwi, nokuti andina undume?”
35Ingilozi yaMwali yakati kwaali, “UMpepo uNchena unoozha pezhulu papo, akale isimba lyoupo pezhulu kasa linokufukatija, nokudalo mwana uchoochilwa unowhi uNchena, Mwananhulumyana waMwali. 36Iwha igamu lilyo Elizabeti, wakwegula, naiye wakabhata imimba yomwananhulumyana, yaba nemyeji mishanu nomwempela, iye wakaba ewhi aana inzwalo. 37Nokuti kunaMwali apana chinokona.”
38Mariya wakati, “Linga imi ndindandakaji waShe, ngazwibe kwandili sokuleba kuko.” Ingilozi yakabhuda ikenda.
Mariya unoshanyila Elizabeti
39Mumazhuba yayo, Mariya wakanyamuka, akenda kunyika yamatunhu ekambija enda muguta limo muJudiya, 40akanongwina mungumba yaZakaliya, akamusa Elizabeti. 41Elizabeti wakati awha kumusa kwaMariya, mwana wakatumuka muntumbu mumwe, ndipo Elizabeti wakazhala noMpepo uNchena, 42akashomeja newhi lyopezhulu eti, “Ulokombolelwa pakati pabanhukaji bose, ulokombolelwa unchelo wemimba yiyo! 43Ani kwaba chini kuti amai baShe wangu bezhe kunami? 44Ilinga, palyangowhika munzebe iwhi lilyo undimusa, mwana watumuka muntumbu mwangu nolushanto. 45Ulokombolelwa iye unodimbwa nokuti, kunooba nokuzhajikijwa kuna zwakalebwa naShe.”
Lwimbo lwaMariya lwokukuma
46Mariya wakati,
“UMpepo wangu unokuja She,
47akale nompepo wangu unoshanta kunaMwali, uNchiji wangu,
48nokuti wabona chimilo changu chobunhu koga akandilinga neshe, ndili undandakaji uwe,
hezwo kuvila ngweno zwizwalwa zwose zwinotobela zwinondishoba zwiti ndilokombolelwa;
49nokuti iye wamasimba wanditila zwinhu zwikulwana, akale nezina lilye ijena.
50Ishe jije jiko kunaabo banontya
kuvila kuchizekululu kunda kuchizekululu.
51Watondeja isimba lyoluboko lulwe,
wapalaja banozwifufumula mumyoyo yabo.
52Wabhuluja bamasimba pezwigalo zwabo,
wanyamula pezhulu babeli pasi.
53Wagutisa banenzhala nezwinhu zwibuyanana,
akale bafumi wabatata besina zwibananazwo.
54Wabhancha undanda uwe Izilayeli,
ekumbulukwa ishe jije,
55sezwaakaleba kumatate edu, kunaAbhulahamu,
nokunzwalo yiye kujine kube lini.”
56Mariya wakagala naye kwemyeji ingaba mitatu, akabwilila kunsha uwe.
Kuzwalwa kwaJoni umbhabhatizi
57Wakaswika unshaji wokuti Elizabeti echile, akachila mwananhulumyana. 58Babakijani babe, namakamu awe pabakazwiwha kuti She wontila ishe ihulwana, bakashanta naye.
59Kwakati kwapinda mazhuba mashanu anamatatu, bakezha kwomhalaja mwana, bamwe bakada kundundikila izina lyatate babe Zakaliya, 60koga amai babe bakati, “Mane pe, unokwelela kuwhi ndiJoni.”
61Asi bakati kwaali, “Kuluji lwenu akuna unoshobwa nezina yeli.” 62Bakazibisa tate babe nezwitondejelo kuti ibo bebazibise izina libanoda kuti eshobwe nalyo.
63Wakakumbila chikwalilo, akakwala kuti, “Izina lilye ndiJoni.” Bose bakachenama. 64Pakalepo undomo uwe wakazhulika, nolulimi lulwe lukasupulika, akalebeleka ekuja Mwali. 65Bakaba nolutyo bose babakijani babo, zwikalebelekwa mubugalo bose bwenyika yamatunhu yeJudiya, 66yabo bose bakazwiwha bakazwilondota mumyoyo yabo beti, “Unooba mwana ulichini yoyu?” Luboko lwaShe lwakaba luli naye.
Kupolofita kwaZakaliya
67Tate babe Zakaliya bakazhajwa noMpepo uNchena, bakapolofita beti.
68“Ngakujwe She Mwali waIzilayeli,
nokuti washanyila akamunula banhu babe,
69watinyamulila lubizho lwoluchijo mungumba yaDavidi undandalume uwe,
70sezwaakaleba nondomo wabapolofeti bachena bantolo,
71kuti unootichija kubabengi bedu,
nomumaboko abanhu bose banotibenga.
72kutila ishe matategulu edu,
nokukumbulukwa chivumilano chiche chichena,
73nekowhe yaakata kuna tate bedu Abhulahamu,
74kuti betipe kusupulwa mumaboko ababengi bedu,
akale tiunamate tisinotya,
75nomubuchena nobululami mbeli kukwe
mazhuba ose obupenyu bwedu.
76Akale iwi Mwana, unooshobwa uwhi umpolofeti woPezhuluzhulu,
nokuti unookwenda mbeli kwaShe kunobambanyila inzila jije,
77unoopa luzibo lwoluchijo kubanhu,
nokulekejelwa kwoluchinyo lwabo,
78neshe inyolonyolo jaMwali wedu, izhuba yelyo palicheja kunasu liva zhezhulu
79kupa lumuniko kunaabo bagele munhilima nomuntuzi wolufu,
nokutungamila makumbo edu munzila yolunyalalo.”
80Mwana wakakubuka, akasima mumpepo, wakagala mugwegulu kujine kukaswika izhuba lyaakazwitondejela kubaIzilayeli.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The word for The World International