मत्ती 8
8
कोरन नाह्जा ताह्पा सिमिदी ताःपा
(मर्क १:४०-४५; लुक ५:१२-१६)
1येसु धुरलै धुल्मी सिमिवन मोङ किम नुन ङिक जाःबो। 2कोरन नाह्जा ताह्पान सिमिदी नुन स्याह् स्वाबो, रे नुन ङू पो जूजू झाम र्वाबो, “हे प्रभु, नाई चाहि खेङिन ङाः ताःफान तैनान।” 3नुई जेँन लाह् क्याङक्याङ नू ज्यार्बो, रे र्वाबो, “ङा चाहि खेनान, ना ताह्ः।” तुरुन्तै नुन कोरन नाह्जा ताःबो। 4तब येसुई नू र्वाबो, “ङ्याना, अन ल्होई सुई नर्वा। जेङ्नै वया, रे जेँग पुजारीन स्याह् थना, रे मोसाई फुला र्वापान भेति फुला, ताकि सिमिकाङ्मोः साँचि रायो।”#लेवी १४:१-३२
येसुई रोमी सेनापतिन राङ्पाः ताःफाम्पा
(लुक ७:१-१०)
5येसु कफर्नहुम सहरग जाःतौ रोमी अफिसरदी स्वास्वा नू छ्याःफुल्बो, 6“हे प्रभु, ङन राङ्पा ल्हो मगुल्नान नाह्जाई मिह्दा तूरि देद्दे यिम आःपाआःत्वा ङ्याह्।”
7येसुई नू र्वाबो, “ङा स्वास्वा नू ताःफान्नान ङ्युँ।” 8जेङ्नै अफिसरजै र्वाबो, “हे प्रभु, ङा नाः ङन यिम स्वागत खेचेन सम स्योरस्योरलैम मीपा। जेङ्नै बचन मात्र र्वा, रे ङन राङ्पा तानान ङ्याह्। 9तैङर्वाङिन ङा रे हाकिमवन अधिनग ङिह्पा, आलै ङन लाह्ग सिपाहीव ङ्याह्। ङा तीपाः ‘वया’ र्वानान, आलै नु वैङ, रे घङग ‘स्वा’ र्वानान, आलै नु स्वाङ। ङन राङ्पाः ‘झाम ख्या’ र्वानान, आलै नुई अन खेँ।”
10नुन ल्होई ताह्ताह् येसु हालाईबो, रे नुन ङिक स्वानानकाङ्मोः र्वाबो, “तेम्माई, ङा ङेनकाङ्मोः र्वाचे, इस्राएलगै झाम बिस्वास किम ङै दोःपा मीपा। 11ङा ङेनकाङ्मोः र्वाचे, स्यार रे ल्होलम सिमि लैः स्वानान ङ्याह्, रे अब्राहाम, इसहाक रे याकूबन ङ्याबो स्वर्गन राज्यन भत्यारग छ्युङ्नान ङ्याह्।#लुक १३:२९ 12आलै राज्यन सन्तान खोलोः नाःतुमाः पन्नान ङ्याह्। स्याह् सिमिव दानान ङ्याह् रे सो चप्नान ङ्याह्।”#मत्ती २२:१३; २५:३०; लुक १३:२८-२९ 13तब येसुई अफिसरग र्वाबो, “वया, कताःम नाई बिस्वास खेपा ङ्याह्, उजुई नाः राःयो।” आलै मन राङ्पा मन्नै भेला ताःबो।
येसुई लैः सिमिकाङ्मोः ताःफाम्पा
(मर्क १:२९-३४; लुक ४:३८-४१)
14पत्रुसन यिम स्वामी येसुई नुन मोह्मग छायोई मिह्दा खङखङ खाःतः दिम्पाई छ्युङ्पा रङ्बो। 15प्रभुई नुन लाह् ज्यार्बो, रे छायोई नू फेप्पो। आलै नु च्याङच्याङ नुन सेवा खेबो।
16जब ङ्याजे रह्बो, तब ख्युई नुन स्याह् मुई सेम्पा लैः सिमिकाङ्मोः सप्पो। रे नुई छिलमै मुकाङ्मोः छ्यूबो, रे पुरू खङ्नान्न सिमिकाङ्मोः ताःफाम्बो। 17यसैया भबिस्यबक्ताजै र्वापान भबिस्यबानी पुरा राचेन भिह्तु अन रह्पा ङ्याह्, “नुई ङिन कमिकमजोरीव वप्पो, रे ङिन नाह्जाव सोलसोल वप्पो।”#यसै ५३:४; १ पत्र २:२४
येसुन ङिक जाःतौ फात्वानान्न मोल
(लुक ९:५७-६२)
18येसुई जेँन धेँवछोँ सिमिवन मोङ किम रङरङ जेँन चेलाकाङ्मोः “दे ङि योह्न धिक्याँ वैमता,” र्वाबो। 19कानुन लन्नान्न सिमिदी नुन स्याह् स्वाबो, रे नू र्वाबो, “गुरुज्यू, ना खाः खाः वैनान, ङा नान ङिह्ङिह् जाःनान ङ्युँ।” 20येसुई नू र्वाबो, “सेलान पु रे पान्नाङन युजुवन चाङ राह्नान, जेङ्नै सिमिन ङोह्जोन भिह्तु ता थोप्पा नाम्पु यङ मह्या।” 21नुन चेलावन बर्ग घङ तीपाई र्वाबो, “प्रभु, ङू वैवै ङाः ङन पान कुँह्म लुम्फाना।”#१ झली १९:२०-२१ 22जेङ्नै येसुई नू र्वाबो, “ङन ङिक स्वा, कुँह्मजै र्वार्वा नुन जेँन कुह्म लुमाःयो।”
येसुई लनग छ्याःफाम्पा
(मर्क ४:३५-४१; लुक ८:२२-२५)
23येसु दोङाः चप्मी नुन चेलाव नुन ङिक जाःबो। 24तैमेःग योह्ग लन किम च्याङ्बो, रे छ्योलापन कारन दोङा नुप्मः जाःबो। जेङ्नै येसु चन आःपाई छ्युङ्पा ङ्याह्। 25आलै चेलावजै येसुन रह्म्म वैवै नू सोलैसोलै र्वाबो, “गुरुज्यू, ङी बचाई ख्या, ङि ता सिमः जाःबो।” 26येसुई ख्युकाङ्मोः र्वाबो, “ङाईदिन बिस्वासी सिमि हो, ङेन तैङ ङिन्नान?” तब च्याङच्याङ नुई लन रे योह्ः ङार्बो, रे लन मार्छारे छ्याःबो। 27“नु ता कताःमन सिमि जेम, तैङर्वाङिन लन रे छ्योलापजै र्वार्वा नुन र्वापा ङ्याम्मन” र्वार्वा मन सिमिव हालाईबो।
मुई सेम्पान सिमि ङेह्
(मर्क ५:१-२०; लुक ८:२६-३९)
28जब येसु योह्न धिक्याँ गदरिनीवन प्रदेसग स्वाबो, तब मुई सेम्पान सिमि ङेह्पावजै तुह्र्सालै स्वायङ खेतौ नू धोबो। ख्यु झाःमन ङिनङिनलैम ङ्याह्, कि सुई र्वार्वा स्याह्लै आउजाउ खे मतैङ। 29ख्युई झाम र्वाईर्वाई फाईरा खेबो, “हे परमेस्वरन ङोह्जो, ना ङी तै खेमः स्वापा? ङिन भेला मह्रारे ङी तूरि बिम्मः ना स्यीह् स्वापा जेङ्पौ?” 30ख्यु रह्पुलै ङाई धिङाः छ्योअन मोङ किमदी छापाई ङ्याह्। 31मुवजै नू झाःम र्वार्वा छ्याःफुल्बो, “यदि नाई ङी छ्यूङिन, ङी छ्योअन मोङग फेरा।” 32आलै नुई ख्युकाङ्मोः र्वाबो, “वया।” तब ख्यु गेग्गे छ्योअवग जाःबो, रे छ्योअन मोङ पुरू जारलै पाह्मैपाह्मै होई रे योह्ग नुपनुप सिह्बो। 33छ्योअ छानानव ज्यार्बो रे सहरग वैवै ल्होई पुरू, रे मन मुई सेम्पाकाङ्मोः तै रह्पा अन स्याप्पो। 34तब सहर पुरु येसू धोमः स्वाबो, रे नू रङरङ सिमिवजै ङिन छेत्रलै वया र्वार्वा नू छ्याःफुल्बो।
Iliyochaguliwa sasa
मत्ती 8: NTKST25
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The New Testament Books in Kaike Language © The Word for the World International and Kaike Translation Project, Nepal, 2025
मत्ती 8
8
कोरन नाह्जा ताह्पा सिमिदी ताःपा
(मर्क १:४०-४५; लुक ५:१२-१६)
1येसु धुरलै धुल्मी सिमिवन मोङ किम नुन ङिक जाःबो। 2कोरन नाह्जा ताह्पान सिमिदी नुन स्याह् स्वाबो, रे नुन ङू पो जूजू झाम र्वाबो, “हे प्रभु, नाई चाहि खेङिन ङाः ताःफान तैनान।” 3नुई जेँन लाह् क्याङक्याङ नू ज्यार्बो, रे र्वाबो, “ङा चाहि खेनान, ना ताह्ः।” तुरुन्तै नुन कोरन नाह्जा ताःबो। 4तब येसुई नू र्वाबो, “ङ्याना, अन ल्होई सुई नर्वा। जेङ्नै वया, रे जेँग पुजारीन स्याह् थना, रे मोसाई फुला र्वापान भेति फुला, ताकि सिमिकाङ्मोः साँचि रायो।”#लेवी १४:१-३२
येसुई रोमी सेनापतिन राङ्पाः ताःफाम्पा
(लुक ७:१-१०)
5येसु कफर्नहुम सहरग जाःतौ रोमी अफिसरदी स्वास्वा नू छ्याःफुल्बो, 6“हे प्रभु, ङन राङ्पा ल्हो मगुल्नान नाह्जाई मिह्दा तूरि देद्दे यिम आःपाआःत्वा ङ्याह्।”
7येसुई नू र्वाबो, “ङा स्वास्वा नू ताःफान्नान ङ्युँ।” 8जेङ्नै अफिसरजै र्वाबो, “हे प्रभु, ङा नाः ङन यिम स्वागत खेचेन सम स्योरस्योरलैम मीपा। जेङ्नै बचन मात्र र्वा, रे ङन राङ्पा तानान ङ्याह्। 9तैङर्वाङिन ङा रे हाकिमवन अधिनग ङिह्पा, आलै ङन लाह्ग सिपाहीव ङ्याह्। ङा तीपाः ‘वया’ र्वानान, आलै नु वैङ, रे घङग ‘स्वा’ र्वानान, आलै नु स्वाङ। ङन राङ्पाः ‘झाम ख्या’ र्वानान, आलै नुई अन खेँ।”
10नुन ल्होई ताह्ताह् येसु हालाईबो, रे नुन ङिक स्वानानकाङ्मोः र्वाबो, “तेम्माई, ङा ङेनकाङ्मोः र्वाचे, इस्राएलगै झाम बिस्वास किम ङै दोःपा मीपा। 11ङा ङेनकाङ्मोः र्वाचे, स्यार रे ल्होलम सिमि लैः स्वानान ङ्याह्, रे अब्राहाम, इसहाक रे याकूबन ङ्याबो स्वर्गन राज्यन भत्यारग छ्युङ्नान ङ्याह्।#लुक १३:२९ 12आलै राज्यन सन्तान खोलोः नाःतुमाः पन्नान ङ्याह्। स्याह् सिमिव दानान ङ्याह् रे सो चप्नान ङ्याह्।”#मत्ती २२:१३; २५:३०; लुक १३:२८-२९ 13तब येसुई अफिसरग र्वाबो, “वया, कताःम नाई बिस्वास खेपा ङ्याह्, उजुई नाः राःयो।” आलै मन राङ्पा मन्नै भेला ताःबो।
येसुई लैः सिमिकाङ्मोः ताःफाम्पा
(मर्क १:२९-३४; लुक ४:३८-४१)
14पत्रुसन यिम स्वामी येसुई नुन मोह्मग छायोई मिह्दा खङखङ खाःतः दिम्पाई छ्युङ्पा रङ्बो। 15प्रभुई नुन लाह् ज्यार्बो, रे छायोई नू फेप्पो। आलै नु च्याङच्याङ नुन सेवा खेबो।
16जब ङ्याजे रह्बो, तब ख्युई नुन स्याह् मुई सेम्पा लैः सिमिकाङ्मोः सप्पो। रे नुई छिलमै मुकाङ्मोः छ्यूबो, रे पुरू खङ्नान्न सिमिकाङ्मोः ताःफाम्बो। 17यसैया भबिस्यबक्ताजै र्वापान भबिस्यबानी पुरा राचेन भिह्तु अन रह्पा ङ्याह्, “नुई ङिन कमिकमजोरीव वप्पो, रे ङिन नाह्जाव सोलसोल वप्पो।”#यसै ५३:४; १ पत्र २:२४
येसुन ङिक जाःतौ फात्वानान्न मोल
(लुक ९:५७-६२)
18येसुई जेँन धेँवछोँ सिमिवन मोङ किम रङरङ जेँन चेलाकाङ्मोः “दे ङि योह्न धिक्याँ वैमता,” र्वाबो। 19कानुन लन्नान्न सिमिदी नुन स्याह् स्वाबो, रे नू र्वाबो, “गुरुज्यू, ना खाः खाः वैनान, ङा नान ङिह्ङिह् जाःनान ङ्युँ।” 20येसुई नू र्वाबो, “सेलान पु रे पान्नाङन युजुवन चाङ राह्नान, जेङ्नै सिमिन ङोह्जोन भिह्तु ता थोप्पा नाम्पु यङ मह्या।” 21नुन चेलावन बर्ग घङ तीपाई र्वाबो, “प्रभु, ङू वैवै ङाः ङन पान कुँह्म लुम्फाना।”#१ झली १९:२०-२१ 22जेङ्नै येसुई नू र्वाबो, “ङन ङिक स्वा, कुँह्मजै र्वार्वा नुन जेँन कुह्म लुमाःयो।”
येसुई लनग छ्याःफाम्पा
(मर्क ४:३५-४१; लुक ८:२२-२५)
23येसु दोङाः चप्मी नुन चेलाव नुन ङिक जाःबो। 24तैमेःग योह्ग लन किम च्याङ्बो, रे छ्योलापन कारन दोङा नुप्मः जाःबो। जेङ्नै येसु चन आःपाई छ्युङ्पा ङ्याह्। 25आलै चेलावजै येसुन रह्म्म वैवै नू सोलैसोलै र्वाबो, “गुरुज्यू, ङी बचाई ख्या, ङि ता सिमः जाःबो।” 26येसुई ख्युकाङ्मोः र्वाबो, “ङाईदिन बिस्वासी सिमि हो, ङेन तैङ ङिन्नान?” तब च्याङच्याङ नुई लन रे योह्ः ङार्बो, रे लन मार्छारे छ्याःबो। 27“नु ता कताःमन सिमि जेम, तैङर्वाङिन लन रे छ्योलापजै र्वार्वा नुन र्वापा ङ्याम्मन” र्वार्वा मन सिमिव हालाईबो।
मुई सेम्पान सिमि ङेह्
(मर्क ५:१-२०; लुक ८:२६-३९)
28जब येसु योह्न धिक्याँ गदरिनीवन प्रदेसग स्वाबो, तब मुई सेम्पान सिमि ङेह्पावजै तुह्र्सालै स्वायङ खेतौ नू धोबो। ख्यु झाःमन ङिनङिनलैम ङ्याह्, कि सुई र्वार्वा स्याह्लै आउजाउ खे मतैङ। 29ख्युई झाम र्वाईर्वाई फाईरा खेबो, “हे परमेस्वरन ङोह्जो, ना ङी तै खेमः स्वापा? ङिन भेला मह्रारे ङी तूरि बिम्मः ना स्यीह् स्वापा जेङ्पौ?” 30ख्यु रह्पुलै ङाई धिङाः छ्योअन मोङ किमदी छापाई ङ्याह्। 31मुवजै नू झाःम र्वार्वा छ्याःफुल्बो, “यदि नाई ङी छ्यूङिन, ङी छ्योअन मोङग फेरा।” 32आलै नुई ख्युकाङ्मोः र्वाबो, “वया।” तब ख्यु गेग्गे छ्योअवग जाःबो, रे छ्योअन मोङ पुरू जारलै पाह्मैपाह्मै होई रे योह्ग नुपनुप सिह्बो। 33छ्योअ छानानव ज्यार्बो रे सहरग वैवै ल्होई पुरू, रे मन मुई सेम्पाकाङ्मोः तै रह्पा अन स्याप्पो। 34तब सहर पुरु येसू धोमः स्वाबो, रे नू रङरङ सिमिवजै ङिन छेत्रलै वया र्वार्वा नू छ्याःफुल्बो।
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The New Testament Books in Kaike Language © The Word for the World International and Kaike Translation Project, Nepal, 2025