मत्ती 7
7
घङवन छोए नसेह्ना
(लुक ६:३७-३८; ६:४१-४२)
1येसुई हेँ र्वाईर्वाई होई, “घङग न्याय नख्या आलै परमेस्वरजै र्वार्वा ङेनकाङ्मोः न्याय खेनान मह्या। 2तैङर्वाङिन कुजुई ङेनकोजै घङ्काङ्मोः न्याय खेँ, उजुखेखेई परमेस्वरजै र्वार्वा ङेनकाङ्मोः न्याय खेनान ङ्याह्। कन नापजै ङेनकोजै घङग नापि खेँ, मनै नापजै ङेनकोजै र्वार्वा देन्नान ङ्याह्।” 3“तैङ ना जेँन भाइन मी ङिह्पान थल्जुपन च्याच्यार रँ, जेङ्नै नान जेँनै मी ङिह्पान थोसो चन क्युई मराँ? 4आथबा नान जेँनै मी थोसो ङिङिन कुजुई ना नान भाईग र्वा तैनान, ‘ङाः नान मीलै थल्जुपन च्याच्यार छ्यूफाना।’” 5ए ख्वाकिबाव हो, ङू जेँनै मीलै थोसो थोरा, तब नान भाईन मीलै थल्जुपन च्याच्यार छ्यूचेन भिह्तु ना लः खेखे रङ तैनान ङ्याह्। 6“तै पबित्र ङ्याह् अन ख्युकोग नभिना। जेँन मोतीव छ्योअन ङू नपह्रा, तेमन्ता नुई जेँन लेह्ई नू लेत्तरा रे होलहोल नाः फ्याङ्दारा।”
तोला, फारा रे झला कुला
(लुक ११:९-१३)
7“तोला न ङेनकाङ्मोः बिन्नान ङ्याह्, फारा न ङेनजै दोःनान ङ्याह्, झला कुला न ङेनकोन भिह्तु पोङ्नान ङ्याह्। 8तैङर्वाङिन सुई तोल्ङ, नुई देन्नान, सुई फाङ्ङ, नुई दोःनान, सुई झला कुल्ङ, नुन भिह्तु झला पोङ्नान ङ्याह्।” 9“ङेनकोन बर्ग कन सिमि जेम्तौ, सुन ङोह्जोई रोता तोल्तौ नू लुङ बिङ्ङ? 10आथबा ङाह् तोल्तौ नू भुलेन बिङ्ङ? 11अन्नकारन ङेन अलः राह्राह् यङ जेँन ङोह्जो चमेः चिज लः बिन्चे क्युई राँ र्वाङिन, स्वर्गः ङिह्पान ङेनकोन पाई नुन ङ्याबो तोल्नानकाङ्मोः हातिन ह्याल्म खेखे चिज लः बिन्नान ङ्याह्।#लुक ११:१३ 12सिमिवजै ङेन ङ्याबो कताःमन बेऊरा ख्याःयो र्वानान ङेन चाहि खेँ, ङेनजै र्वार्वा ख्युन ङ्याबो उजुई बेऊरा ख्या, तैङर्वाङिन अनै मोसान कानुन रे भबिस्यबक्तावजै र्वापान ल्होईव जेङ्पा।
झला त्वाम
(लुक १३:२४)
13“झला त्वामलै झिङ जाः, तैङर्वाङिन मीपा दोङ्नानग साःनान झला वाःम रे लम छुम्म राह्नान, रे अनलम झिङ जाःनान सिमिव लै राह्नान। 14तैङर्वाङिन झुनी साःनान्न लम त्वाम राह्नान रे लम खराःम राह्नान, सुई झुनी साःङ, रे मन दोःनान सिमिव ङाईदी राह्नान।
तङ्पु रे नुन फल
(लुक ६:४३-४४; १३:२५-२७)
15“नक्कली अगमबक्तावलम होसखेखे छ्योवा, सु ङेन स्याह् लूपान रुपग स्वाङ, जेङ्नै झिङक्याँ चन ङिनङिनलैमन फाराव लैम राह्नान।#यर २२:२७ 16ख्युन माह्लम ङेनजै ख्युकाङ्मोः स्योःनान ङ्याह्। तै चेरन तङ्पुलै अङ्गुर आथबा सिऊरिलै खोअ चाह्नान तै? 17उजुईखेखे तङ्पु लः पुरूजै फल लः छ्यानान। जेङ्नै तङ्पु अलःजै फल अलः छ्यानान। 18तङ्पु लजै फल अलः छ्याः मतैनान, न ता तङ्पु अलःजै फल लः छ्याः तैङ। 19फल लः मछ्यानान्न तङ्पु पुरूग थुमथुम मेह्ग पन्नान।#मत्ती ३:१०; लुक ३:९ 20झामखेखे मन नक्कली अगमबक्ताकाङ्मोः ख्युन धोनलमै स्योःनान ङ्याह्।#मत्ती १२:३३
ङै नाः हातौयै मस्योःपा
21“ङाः ‘प्रभु, प्रभु’ र्वानान पुरू स्वर्गन राज्यग जाःनान मह्या। स्वर्गः ङिह्पान ङन पान इच्छ्या ङ्यान्नान्न सिमिव मात्र परमेस्वरन राज्यग जाःनान ङ्याह्। 22मन्न ल्हाः लैःजै ङाः र्वानान ङ्याह्, ‘प्रभु, प्रभु, तै ङी नान मिह्नग भबिस्यबानी मर्वापौ? नान मिह्नग मुव मधाम्पौ? रे नान मिह्नग राँसा राँसान ताईलुवान धोन मखेपा तै?’ 23मन्तौ ङा ख्युकाङ्मोः थारेः र्वानान ङ्युँ, ‘ए कानुन मङ्यान्नान्न सिमिव हो, ङै ङेनकाङ्मोः हातौयै स्योःपा मीपा। ङन स्यीह्लै ग्याङ्म रा।’#भजन ६:८
यिम ङेह् दोङ्नानव
(लुक ६:४७-४९)
24“अन्नकारन सुई ङन अन बचन ङ्याङ्ङ रे ङ्याङ्ङ, ङा बुद्धिमानी सिमिदीन ङ्याबो नुन तुलना खेचे, सुई जेँन यिम लुङ्न लाह्ः दोङ्बो। 25आलै नाङ्का झ्युबो, स्योला स्वाबो, आलै लन च्याङ्बो रे यिमन लाह्ः ठ्वाबो, जेङ्नै मन यिम मदिम्बो। तैङर्वाङिन मन लुङ्न लाह्ः झग कह्पा ङ्याह्। 26सुई ङन अन बचन ताह्ताह् यङ मङ्याङ्ङ, नुन तुलना मुर्ख सिमिदीन ङ्याबो खेनान, सुई जेँन यिम पेह्मान ल्हाः दोङ्बो। 27नाङ्का झ्युबो, रे स्योला स्वाबो, आलै लन च्याङ्बो रे मन यिमन लाह्ः ठ्वाबो, रे मन यिम दिमदिम मीपा रह्पा।”
येसुन आङ
28येसुई अन ल्होई र्वातामी सिमिवन मोङ नुन छोए ताह्ताह् हालाईबो।#मर्क १:२२; लुक ४:३२ 29तैङर्वाङिन नुई ख्युन कानुन लन्नान्न सिमिवजै लैम नङ्पा, जेङ्नै आङ ङिह्पान सिमिजै लैम खेखे लह्ङ्ङ।
Iliyochaguliwa sasa
मत्ती 7: NTKST25
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The New Testament Books in Kaike Language © The Word for the World International and Kaike Translation Project, Nepal, 2025
मत्ती 7
7
घङवन छोए नसेह्ना
(लुक ६:३७-३८; ६:४१-४२)
1येसुई हेँ र्वाईर्वाई होई, “घङग न्याय नख्या आलै परमेस्वरजै र्वार्वा ङेनकाङ्मोः न्याय खेनान मह्या। 2तैङर्वाङिन कुजुई ङेनकोजै घङ्काङ्मोः न्याय खेँ, उजुखेखेई परमेस्वरजै र्वार्वा ङेनकाङ्मोः न्याय खेनान ङ्याह्। कन नापजै ङेनकोजै घङग नापि खेँ, मनै नापजै ङेनकोजै र्वार्वा देन्नान ङ्याह्।” 3“तैङ ना जेँन भाइन मी ङिह्पान थल्जुपन च्याच्यार रँ, जेङ्नै नान जेँनै मी ङिह्पान थोसो चन क्युई मराँ? 4आथबा नान जेँनै मी थोसो ङिङिन कुजुई ना नान भाईग र्वा तैनान, ‘ङाः नान मीलै थल्जुपन च्याच्यार छ्यूफाना।’” 5ए ख्वाकिबाव हो, ङू जेँनै मीलै थोसो थोरा, तब नान भाईन मीलै थल्जुपन च्याच्यार छ्यूचेन भिह्तु ना लः खेखे रङ तैनान ङ्याह्। 6“तै पबित्र ङ्याह् अन ख्युकोग नभिना। जेँन मोतीव छ्योअन ङू नपह्रा, तेमन्ता नुई जेँन लेह्ई नू लेत्तरा रे होलहोल नाः फ्याङ्दारा।”
तोला, फारा रे झला कुला
(लुक ११:९-१३)
7“तोला न ङेनकाङ्मोः बिन्नान ङ्याह्, फारा न ङेनजै दोःनान ङ्याह्, झला कुला न ङेनकोन भिह्तु पोङ्नान ङ्याह्। 8तैङर्वाङिन सुई तोल्ङ, नुई देन्नान, सुई फाङ्ङ, नुई दोःनान, सुई झला कुल्ङ, नुन भिह्तु झला पोङ्नान ङ्याह्।” 9“ङेनकोन बर्ग कन सिमि जेम्तौ, सुन ङोह्जोई रोता तोल्तौ नू लुङ बिङ्ङ? 10आथबा ङाह् तोल्तौ नू भुलेन बिङ्ङ? 11अन्नकारन ङेन अलः राह्राह् यङ जेँन ङोह्जो चमेः चिज लः बिन्चे क्युई राँ र्वाङिन, स्वर्गः ङिह्पान ङेनकोन पाई नुन ङ्याबो तोल्नानकाङ्मोः हातिन ह्याल्म खेखे चिज लः बिन्नान ङ्याह्।#लुक ११:१३ 12सिमिवजै ङेन ङ्याबो कताःमन बेऊरा ख्याःयो र्वानान ङेन चाहि खेँ, ङेनजै र्वार्वा ख्युन ङ्याबो उजुई बेऊरा ख्या, तैङर्वाङिन अनै मोसान कानुन रे भबिस्यबक्तावजै र्वापान ल्होईव जेङ्पा।
झला त्वाम
(लुक १३:२४)
13“झला त्वामलै झिङ जाः, तैङर्वाङिन मीपा दोङ्नानग साःनान झला वाःम रे लम छुम्म राह्नान, रे अनलम झिङ जाःनान सिमिव लै राह्नान। 14तैङर्वाङिन झुनी साःनान्न लम त्वाम राह्नान रे लम खराःम राह्नान, सुई झुनी साःङ, रे मन दोःनान सिमिव ङाईदी राह्नान।
तङ्पु रे नुन फल
(लुक ६:४३-४४; १३:२५-२७)
15“नक्कली अगमबक्तावलम होसखेखे छ्योवा, सु ङेन स्याह् लूपान रुपग स्वाङ, जेङ्नै झिङक्याँ चन ङिनङिनलैमन फाराव लैम राह्नान।#यर २२:२७ 16ख्युन माह्लम ङेनजै ख्युकाङ्मोः स्योःनान ङ्याह्। तै चेरन तङ्पुलै अङ्गुर आथबा सिऊरिलै खोअ चाह्नान तै? 17उजुईखेखे तङ्पु लः पुरूजै फल लः छ्यानान। जेङ्नै तङ्पु अलःजै फल अलः छ्यानान। 18तङ्पु लजै फल अलः छ्याः मतैनान, न ता तङ्पु अलःजै फल लः छ्याः तैङ। 19फल लः मछ्यानान्न तङ्पु पुरूग थुमथुम मेह्ग पन्नान।#मत्ती ३:१०; लुक ३:९ 20झामखेखे मन नक्कली अगमबक्ताकाङ्मोः ख्युन धोनलमै स्योःनान ङ्याह्।#मत्ती १२:३३
ङै नाः हातौयै मस्योःपा
21“ङाः ‘प्रभु, प्रभु’ र्वानान पुरू स्वर्गन राज्यग जाःनान मह्या। स्वर्गः ङिह्पान ङन पान इच्छ्या ङ्यान्नान्न सिमिव मात्र परमेस्वरन राज्यग जाःनान ङ्याह्। 22मन्न ल्हाः लैःजै ङाः र्वानान ङ्याह्, ‘प्रभु, प्रभु, तै ङी नान मिह्नग भबिस्यबानी मर्वापौ? नान मिह्नग मुव मधाम्पौ? रे नान मिह्नग राँसा राँसान ताईलुवान धोन मखेपा तै?’ 23मन्तौ ङा ख्युकाङ्मोः थारेः र्वानान ङ्युँ, ‘ए कानुन मङ्यान्नान्न सिमिव हो, ङै ङेनकाङ्मोः हातौयै स्योःपा मीपा। ङन स्यीह्लै ग्याङ्म रा।’#भजन ६:८
यिम ङेह् दोङ्नानव
(लुक ६:४७-४९)
24“अन्नकारन सुई ङन अन बचन ङ्याङ्ङ रे ङ्याङ्ङ, ङा बुद्धिमानी सिमिदीन ङ्याबो नुन तुलना खेचे, सुई जेँन यिम लुङ्न लाह्ः दोङ्बो। 25आलै नाङ्का झ्युबो, स्योला स्वाबो, आलै लन च्याङ्बो रे यिमन लाह्ः ठ्वाबो, जेङ्नै मन यिम मदिम्बो। तैङर्वाङिन मन लुङ्न लाह्ः झग कह्पा ङ्याह्। 26सुई ङन अन बचन ताह्ताह् यङ मङ्याङ्ङ, नुन तुलना मुर्ख सिमिदीन ङ्याबो खेनान, सुई जेँन यिम पेह्मान ल्हाः दोङ्बो। 27नाङ्का झ्युबो, रे स्योला स्वाबो, आलै लन च्याङ्बो रे मन यिमन लाह्ः ठ्वाबो, रे मन यिम दिमदिम मीपा रह्पा।”
येसुन आङ
28येसुई अन ल्होई र्वातामी सिमिवन मोङ नुन छोए ताह्ताह् हालाईबो।#मर्क १:२२; लुक ४:३२ 29तैङर्वाङिन नुई ख्युन कानुन लन्नान्न सिमिवजै लैम नङ्पा, जेङ्नै आङ ङिह्पान सिमिजै लैम खेखे लह्ङ्ङ।
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The New Testament Books in Kaike Language © The Word for the World International and Kaike Translation Project, Nepal, 2025