मत्ती 11
11
येसु सोनो बप्तिस्मा झैने युहन्नानि नेसोर
लुका ७:१८-३५
1येसुये बारं जना उसिसरंलाई अरैडे ओखेमो पानाज़, नोराई यासहरयालं पैनेरं सोनो चाव सोर सठैने वार्डे ओनाव। 2युहन्नाये, ख्रीस्टये ओडोज़्याव ये:नरं झ्यालखानालंज़ ओठोयो, होकाम उसिसरंलाई येसु लेवकं ऐ लेडे पजोयो ओपरि:ङोरं, 3“रारिज़्याव नङज़ सै, गे उरु छुटंलो ओयेम गेर:ङ?” 4येसुये नोरंलाई ऐ ओडोवरं, “जे जेठैज़्याव सोनो जेर:ङज़्याव रो:र युहन्नालाई हैडानाच्यो, 5अन्डलाराई र:ङज़्यारं, होसोनो लङ्गरारं बाज़्यारं। कु:रिरं समज़्यारं। भैरारं ठैने टाज़्यारं। सिवरं उन्जिडे सोज़्यारं, गरिबरंलाई चाव सोर सठैज़्यावरं।#यसैया ३५:५-६; ६१:१ 6नोके भाग्यमानि ची, जोये ङालाई सङ्खा माडाङो।” 7नोरं यानाव झिन्डे येसुये युहन्नालो ओबारेलं माहुले मीरंलाई ऐ ओडोवरं, “जे कडिज़ मालेव बनलं कडि र:ङने जेनाव? सै बतासये ओहल्लैज़्याव ज़ि:ङलाई? 8होकाम जे कडाने जेनाव? सै बनै नोपो क्वा क्वाइसिव मीलाई र:ङने? नोपो क्वा क्वाइसिने मीरंके राजाराई याडरबारलंची लेरं। 9जे कडि र:ङने जेनाव? सै अगमबक्तालाई र:ङने? होकाम ङा जेलाई हैङाडाच्यो, अगमबक्ता भन्डा पनि घ्योव मीलाई।” 10आव नो मीज़ जोलो ओबारेलं चोखो सास्त्रटं सर्सिव ले,
र:ङच्यो, ङा ङाकटंवाललाई नङा:-नङा: ङापरि:ङ,
जोये नलागिट येम तयार झैने ले।#मलाकी ३:१
11डस्साज़ ङा जेलाई हैङाडाच्यो, मेमाङामटा जर्मिवरंङाम बप्तिस्मा झैने युहन्ना भन्डा घ्योव उरु काङ्काज़ ओटाव माले। हैटानि पनि स्वर्गटा राज्यालं जो स्यान्टैराई भन्डा आलिज़ा ले, हो युहन्ना भन्डा बनै घ्योव ची। 12बप्तिस्मा झैने युहन्नाये प्रचार ओडोव बेलाकाम रैडे आर्क समं स्वर्गटा राज्या बनै जोरसं ङा:डे नाज़्या, होकाम यासक्ति लेव मीराई आवलाई जोसोक्या हारैने कोसिस डोज़्यारं। 13कडालेकं युहन्नालो ओपाला समं स्यान्टै अगमबक्ताराई सोनो मोसालो ओन्यामये अगमबानी ओडोव। 14जे नोलो ओरो ठैने राजी जेटाखे भने, रानेले वार्सिव एलिया आवज़।#मलाकी ४:५ 15जोलो ओना ले, होये ओठोयोकं। 16“आबो आव पुस्तालाई ङा कडिसं ङाडान्जिके? आवके बजारयाला रिसि:ज़्याव छोऱ्यारं लुज़ारं स्यावरं ची, नोराई यानैरंलाई खुलरंये होकाम ऐ डोरंये, 17‘गे जेलागिटं बाङसुलि गेटोपो, होकाम जे जेमस्याये। गे गेलामसिकं, जे जेसोगो जेमहाइये।’ 18कडालेकं युहन्ना राडे माज़्योवये होसोनो माओँवये, होकाम होराई नोलाई ज़्या: टुडे ले वार्डे हैवार्रये। 19मानवालो ओज़ा ओराव, होकाम ओज़्योव होसोनो ओओँव होकाम नोराई ऐ यावारो, ‘र:ङच्यो, ज़्याव खान्चे, मङ्ग्या, सिरमा डुप्नेराई सोनो पापीराई यानै!’ बुड्डि खाडंङ ठीकं ले वार्ने रो:के नोलो ओये:नरंटामज़ ठा टाये।”
बिस्वास माडोने सहररं
लुका १०:१३-१५
20जो-जो सहरलं येसुये भ्याबिछु अचम्बला ये:नरं ओडोव, येसुये नोरंलाई ओहकलोयोरं, कडावार्कं नोराई यापापलाम यायुङ मासवोल्रंये। 21ए खोराजीन! नलागिटं बनै छे-छे ङप्सिव डुखं टाने ले, ए बेठसेडा! नलागिटं चब्बनै छे-छे ङप्सिव डुखं टाने ले कडालेकं जेखार्ला डोसिव मान्टि अचम्बला ये:नर टुरोस सोनो सीडोनलं ङाडोखिन नोराई खर्कज़ भङरा क्वाइसिडे सोनो ढुलि ठिसिडे यापापलाम यायुङ यासवोल्डुरं हो। 22हैनि पनि ङा जेलाई हैङाडाच्यो, नियाला डिनलं जे भन्डा के टुरोस सोनो सीडोनलो ओहालंत भ्या सहिडुनेका टाने ले। 23ए कफर्नहुमला मीरं, जे स्वर्गटं गेना जेवार्ज़्याव डोरो? जे नर्गलं नाने जेले। कडालेकं जेखार्ला डोसिव अचम्बला ये:नरं सडोमलं डाखिनके नो आजिकाल समंज़ याले हो। 24होकाम ङा जेलाई हैङाडाच्यो, नियाला डिनलं नङ भन्डाके सडोम सहरलो ओडसा भ्या सहिडुने टानेले।
येसुटं ना:सिरिच्यो
लुका १०:२१-२२
25हो बेलाकंज़ येसुये ऐओवारो, “ए बाबु, स्वर्ग सोनो प्रिठीबीला प्रभु, ङा नङलाई ढन्याबाड ङाचरैसनज़्या, कडालेकं नङ आव रो:र ग्यानीरं सोनो याबुड्डी लेव मीराई याङा:काम मो:डे ननोयो, हैनि पनि बाल्खरंलाई के नो सटन्डे नयोवरं। 26अँ, बाबु, कडालेकं नङलाई आवज़ चाव ओलागिव।” 27“ङाबाबुये स्यान्टै बस्त ङालाई सुम्पीडे नैसोङो। ओज़ाये याज़ ओबाबुलाई सरे:वये उरु काङ्कायेज़ मासरे:रं, होसोनो ओज़ालाई ओबाबुये याज़ सरे:वये उरु काङ्कायेज़ मासरे:रं, होकाम नोराईयाज़ स:रेरंये जोरंलाई ज़ाये बाबु सटन्ने युङ डोवये।” 28“ए स्यान्टै ठाकिवरं सोनो गुरये ओटानो मीरं, ङा लेवकं राच्यो, ङा जेलाई सुखं ङायाच्यो। 29ङा ङाकुम जेढेङलं नैच्यो, होकाम ङासं पैसिच्यो, कडालेकं ङा ङायुङ खाव माले होसोनो ङायुङ चाव ले, होकाम जे पनि जियुङलं सुखं डैने जेले। 30कडावार्क ङा ङाकुम सजालो ले होसोनो जेलाई याने घुर बोमोले।”
Iliyochaguliwa sasa
मत्ती 11: NTWMK25
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The New Testament Books in Wale Magar Kham Language © The Word for the World International and Wale Magar Kham Translation Project, Nepal, 2025
