मत्ती 1
1
येसुलो ओसाखा पुर्खा
लुका ३:२३-३८
1पोस्टोकोटं एटाव सर्सिवले, अब्राहामलो ओसन्तान, डाउडलो ओसन्तान, येसु ख्रीस्टलो ओसाखा पुर्खारं।
2अब्राहामलो ओज़ा इसहाक, इसाहाकलो ओज़ा याकुब, याकुबलो ओज़ारं यहुडा सोनो होलो ओडाज्यु भाइरं,
3यहुडालो ओज़ानि फारेस सोनो जाहेर। होनि न्यामालो उमिन तामार लेव। फारेसलो ओज़ा हेस्रोन, हेस्रोनलो ओज़ा आराम लेव।
4आरामलो ओज़ा अम्मीनाडाब, अम्मीनाडाबलो ओज़ा नहसोन, नहसोनलो ओज़ा सल्मोन,
5सल्मोनलो ओज़ा बोअज। होलो वामालो उमिन राहाब लेव। बोअजलो ओज़ा ओबेड। होलो वामालो उमिन रुठ लेव। ओबेडलो ओज़ा यिसै,
6यिसैलो ओज़ा डाउड राजा। डाउडलो ओज़ा सोलोमन। सोलोमनलो वामा उरियाहलो ओज्या लेव।
7सोलोमनलो ओज़ा रहबाम, रहबामलो ओज़ा अबिया, अबियालो ओज़ा आसाफ,
8आसाफलो ओज़ा यहोसापात, यहोसापातलो ओज़ा यहोराम, यहोरामलो ओज़ा उज्जियाह,
9उज्जियाहलो ओज़ा योताम, योतामलो ओज़ा आहाज, आहाजलो ओज़ा हिजकिया,
10हिजकियालो ओज़ा मनस्से, मनस्सेलो ओज़ा अमोन, अमोनलो ओज़ा योसियाह,
11योसियाहलो ओज़ारं यकोनियास सोनो होलो ओभाइरं। होरं यहुडीरंलाई बेबिलोनलं लुटलं यालाङोरं बेलाका मीरं लेवरं।#२राजा २४:१६; २ङाडेङा रो:रं ३६:१०; यर्मिया २७:२०; ४०:१
12बेबिलोनलं यालाङोरं छिन्डे यकोनियासलो ओज़ा सालतिएल, सालतिएललो ओज़ा यरुबाबेल।
13यरुबाबेललो ओज़ा अबिउड, अबिउडलो ओज़ा एल्याकीम, एल्याकीमलो ओज़ा आजोर,
14आजोरलो ओज़ा साडोक, साडोकलो ओज़ा आखिम, आखिमलो ओज़ा एलिउड,
15एलिउडलो ओज़ा एलाजार, एलाजारलो ओज़ा मत्तान, मत्तानलो ओज़ा याकुब।
16याकुबलो ओज़ा योसेफ, योसेफ मरियमलो ओरे लेव। आव हो मरियमज़ जोलो ओकोखलाम येसु उजर्मिव जोलाई ख्रीस्ट डोरंये।
17हैजैडे अब्राहामकाम डाउड समं चौढ पुस्ता याटाव, होकाम डाउडलो ओपालाकाम बेबिलोनलं लुटलं यालाङोरं बेला समं चौढ पुस्ता, होकाम बेबिलोनलं लुटलं यानाव बेलाकाम ख्रीस्टलो ओपाला समं चौढ पुस्ता ओटाव।
येसु ख्रीस्टलो ओजर्मन
लुका २:१-७
18एटाव तरिकाये येसु ख्रीस्ट ओजर्मिव ओटाव। येसुलो वामा मरियमलाई योसेफये वा:ङडे ओनैज़्याव, होनि नेबिहेँ ओम्टाडेज़ चोखो आत्माङाम मरियम ज़ाडैने उलिज़्याव ठा ओटाव। 19हैनि पनि मरियमलो ओरे योसेफ सहि मी ओलेव कारनये, ओज्यालो उबिज्यात माझैने वार्डे खुसुक्क रा:ने इछ्या ओडोव।
20होकाम होये उयुङलं एटाव बिचार ओडोज़्याकं, ओमङलं स्यान्टैराई भन्डा घ्योव प्रभुलो ओकटंवालये राडे योसेफलाई हैओडोव, “ए! योसेफ, डाउडलो ओज़ा, नङ नज़्या मरियमलाई रैने टाछेङंन, कडालेकं जो नोलो उफुलं लिज़्या हो चोखो आत्माङाम राव ची। 21नोये टोबो खेपा ज़ा डैनेले, होकाम नङ होलो उमिन येसु नैड्यानेनंले, कडालेकं होये उमीरंलाई यापापलाम जोगैनेले।”#लुका १:३१
22स्यान्टैराई भन्डा घ्योव प्रभुये अगमबक्ताराई याया:लाम ओपाङो बचंन पुरा गटाकं वार्डेज़ आव रो: ओटाव ची।#लुका १:३१ 23“र:ङच्यो कन्याये ज़ा डैने टानेले, होकाम होये टोबो खेपा ज़ा डैनेले, होकाम होलो उमिन इम्मानुएल नैसिनेले,” जोलो ओमाने, “परमेस्वर गेसं।”#यसैया ७:१४
24योसेफ ओमीरंलाम ओसन्सिव, होकाम स्यान्टैराई भन्डा घ्योव प्रभुलो ओकटंवालये ओअरोयो मान्टि होये मरियमलाई ओरोयो। 25मरियामये ज़ा ओमडैया समं योसेफ मरियमसं बोलोङ माइस्यानिये। योसेफये होलो उमिन येसु ओनैड्योव।
Iliyochaguliwa sasa
मत्ती 1: NTWMK25
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The New Testament Books in Wale Magar Kham Language © The Word for the World International and Wale Magar Kham Translation Project, Nepal, 2025
