Luka 5
5
Yesu Unodana Badiyiwa Bekutanga
(Matewu 4.18-22; Mako 1.16-20)
1Kwakayetika kuti banhu bemanikidza kuti bawhe dama leNdzimu, waka alime pagan'wa gulugulu leGenesareti. 2Wakabona zwikepe zwibili zwilimile pagan'wa, babhati bewhobe baka babhuda muzwili bengudza njanga#5.2 tjinhu tjinonga tjiswino tjinohingisiwa bhata whobe dzabo. 3Wakangina mutjimwe kepe tjakatjili tjaSimoni, akawunkumbila kuti atjisundile mukati nyana muvula, akagala pasi akadiya banhu ali mukepe.
4Wakati apedza lebeleka akati kuna Simoni, “Nginani pakadzika mujitise njanga dzenyu mubhate whobe.”
5Simoni wakahandula eti, “He, tahinga zwakabangalala busiku gose, atina kene tjatabhata, koga nentha yekuti ndimwi maleba totjowhojitisa njanga.” 6Bakati bata sayikoko bakabhata whobe njinji kwazo, njanga dzabo dzaka dzopaluka, 7bakadana bamwe babo, baka bali kuzwimwe zwikepe, kuti babuye bawhobabhatsha, bakabuya bakababhatsha, bakahhadza zwikepe bubili gwazo zwikagulo nyula#5.7 nyungila . 8Simoni Phethiro abona ikoku, wakapfigama mbeli kwaYesu eti, “Ibvani pandili He, nentha yekuti ndinhu uhhele tjinya!”
9Iye nebamwe baaka enabo, bakatjenamisiwa nebunji gwewhobe dzabaka babhata. 10Jakobe naJohane, bakololo baZebhedi, baka bali bakwinya baSimoni, bakatjenama bo. Yesu wakati kuna Simoni, “Usihle, kubvila ngwenuwali unowhoba ubhata banhu.”
11Bakati badusila zwikepe kumhili, bakasiya kose, bakawuntobela.
Yesu Unotjidza Nlume Unabugwele Gwemapele
(Matewu 8.1-4; Mako 1.40-45)
12Kwakayetika kuti ali muwumwe nzi-nkulu, kwakabuya nlume waka ali hhele mapele, wakati abona Yesu akakotamisa n'holo akapfigama mbeli kukwe akawunkumbilisisa eti, “He, hapa muda zwenyu mungandiyeta ndikatjena.”
13Wakatambunudza luboko gugwe, akawumbhata eti, “Ee! ndoda, tjenesewa.” Tjinyolotjo mapele akapela. 14Wakawunlaya eti, “Usibudze kene nhu, yenda unozwilakidza kumphirisiti upe tjibhayilo tjetjenesewa kuko selaya kwaMozisi, kuyetila kuti gube busupi kubanhu.”
15Koga lebgwa nekwaYesu kwakahhala, kukakubungana banhu banjinji pawunli bewhowuwha kakale bewhopodzewa nghwele dzabo. 16Koga wakazwidusa mubanhu, akayenda kutjilambanyika akanotembezela.
Yesu Unotjidza Nhu Wakalobgwa Negulukadzi
(Matewu 9.1-8; Mako 2.1-12)
17Limwe hhuba ediya, kwaka kuna BaFarisi nebadiyi benlayo beligele ipapo bebva mumizi yose yemuGalile, neJudiya, neJerusalema. Simba laHe laka linaye kuti apodze bagwele. 18Kwakahha bamwe balume bakasenga ntengate nenhobo umwe nlume waka egwala, akalobgwa negulukadzi, bakabehaka ngina naye bawunladzike mbeli kukwe; 19koga bakahaya zila yabangangina nayo nentha yebunji gwebanhu, bakatanha pehhugwi kwen'umba iyeyo bakawunginisa nemudenga ali panhobo, bakawunghadzika pakati kwebanhu, mbeli kwaYesu. 20Wakati ebona galamoyo kwabo, akati, “Nlumetate, wayetigwa mazwibhatigwa matjinyo awo.”
21Bakwali nebaFarisi bakatangisa bhuzwa beti, “Ndiyani iwhoyu, unolebeleka etuka Ndzimu? Ndiyani ungayetila mazwibhatigwa matjinyo kuhhe kweNdzimu yega?”
22Koga Yesu aziba mikumbulo yabo wakabahandula, eti, “Kungentha yeni muzwibhuzwanya mumimoyo yenyu? 23Ndikupi kulelulelu, kuti, ‘Wayetigwa mazwibhatigwa matjinyo awo,’ kene kuti, ‘Milika uyende’? 24Koga ke kudze muzibe kuti Nkololo wenhu una masimba muhango, eyetila mazwibhatigwa matjinyo” wakati kunlume wakalobgwa negulukadzi, “Ndoti kukuli, milika, tola nhobo iyo uyende kunzi uwo.”
25Tjinyolotjo wakamilika mbeli kwabo akatola nhobo yaaka alilele payili, akabva ipapo, akayenda kunzi uwe, elumbidza Ndzimu. 26Bose bakatjenama, bakakudza Ndzimu bakahhala kuhla, beti, “Nasi tabona zwinhu zwisakawolobeleka.”
Yesu Unodana Levi
(Matewu 9.9-13; Mako 2.13-17)
27Hule kwayikoku wakabhuda akayenda, akabona nketisi waka aligele pan'umba inoketisigwa, zina lile eyi Levi, akati kuwunli, “Unditobele.” 28Wakamilika, akasiya kose, akawuntobela.
29Levi wakawuyetila nzano nkulu wezodliwa mun'umba iye; kukabuya bunga gulugulu lebaketisi nebamwe banhu, bakadla nabo. 30Ngono nebaFarisi bakwali babo bakan'un'urika kubadiyiwa babe, beti, “Kati mokuyetilani dla nen'wa muli panhu pan'ompela nebaketisi nebatjinyi?”
31Yesu wakabahandula ekati, “Basingagwale abatohaka nlapi, koga unohakiwa ngebanogwala. 32Andizohhila kuti ndiwhodana bakalulama, koga batjinyi, kuti bahanduke.”
Mbhuzo Nekweyila Zodliwa
(Matewu 9.14-17; Mako 2.18-22)
33Bakati kuwunli, “Kungentha yeni badiyiwa baJohane beyila zodliwa lubaka gunjinji kakale betembezela, nebadiyiwa bebaFarisi banota bejalo, koga babo banogala bedla ben'wa zwabo.”
34Yesu wakabahandula eti, “Mungata kuti bezi bebukwe bayile zodliwa iye nkwaha atjinabo mun'umba yebukwe? 35Anowhoswika mahhuba, nkwaha paanowhodusiwa mubali, ndipo pabanowhoyila zodliwa mumahhuba ihawo.”
36Wakababudza tjifananidzo kakale, eti, “Akuna nhu unopalula tjigamba pajila dzwa akatjipfumila patjiyambalo tjikulukugwi; hapa angathama ejalo, unowhopalula jila dzwa, nejekana lapalugwa pajila dzwa alitowhoyendilana netjiyambalo tjikulukugwi. 37Akuna nhu unosa wayini ndzwa mumapepe makulukugwi; ayengathama ejalo, wayini ndzwa inowhopalula mapepe ikatebuka, mapepe akapwapwatika. 38Koga wayini ndzwa inosiwa mumapepe matshwa. 39Kakale akuna nhu unoti an'wa wayini whulukugwi ekoyemula ndzwa; ngobe unoti, ‘Whulukugwi ihine.’ ”
Iliyochaguliwa sasa
Luka 5: KTP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The Word For The World International
Luka 5
5
Yesu Unodana Badiyiwa Bekutanga
(Matewu 4.18-22; Mako 1.16-20)
1Kwakayetika kuti banhu bemanikidza kuti bawhe dama leNdzimu, waka alime pagan'wa gulugulu leGenesareti. 2Wakabona zwikepe zwibili zwilimile pagan'wa, babhati bewhobe baka babhuda muzwili bengudza njanga#5.2 tjinhu tjinonga tjiswino tjinohingisiwa bhata whobe dzabo. 3Wakangina mutjimwe kepe tjakatjili tjaSimoni, akawunkumbila kuti atjisundile mukati nyana muvula, akagala pasi akadiya banhu ali mukepe.
4Wakati apedza lebeleka akati kuna Simoni, “Nginani pakadzika mujitise njanga dzenyu mubhate whobe.”
5Simoni wakahandula eti, “He, tahinga zwakabangalala busiku gose, atina kene tjatabhata, koga nentha yekuti ndimwi maleba totjowhojitisa njanga.” 6Bakati bata sayikoko bakabhata whobe njinji kwazo, njanga dzabo dzaka dzopaluka, 7bakadana bamwe babo, baka bali kuzwimwe zwikepe, kuti babuye bawhobabhatsha, bakabuya bakababhatsha, bakahhadza zwikepe bubili gwazo zwikagulo nyula#5.7 nyungila . 8Simoni Phethiro abona ikoku, wakapfigama mbeli kwaYesu eti, “Ibvani pandili He, nentha yekuti ndinhu uhhele tjinya!”
9Iye nebamwe baaka enabo, bakatjenamisiwa nebunji gwewhobe dzabaka babhata. 10Jakobe naJohane, bakololo baZebhedi, baka bali bakwinya baSimoni, bakatjenama bo. Yesu wakati kuna Simoni, “Usihle, kubvila ngwenuwali unowhoba ubhata banhu.”
11Bakati badusila zwikepe kumhili, bakasiya kose, bakawuntobela.
Yesu Unotjidza Nlume Unabugwele Gwemapele
(Matewu 8.1-4; Mako 1.40-45)
12Kwakayetika kuti ali muwumwe nzi-nkulu, kwakabuya nlume waka ali hhele mapele, wakati abona Yesu akakotamisa n'holo akapfigama mbeli kukwe akawunkumbilisisa eti, “He, hapa muda zwenyu mungandiyeta ndikatjena.”
13Wakatambunudza luboko gugwe, akawumbhata eti, “Ee! ndoda, tjenesewa.” Tjinyolotjo mapele akapela. 14Wakawunlaya eti, “Usibudze kene nhu, yenda unozwilakidza kumphirisiti upe tjibhayilo tjetjenesewa kuko selaya kwaMozisi, kuyetila kuti gube busupi kubanhu.”
15Koga lebgwa nekwaYesu kwakahhala, kukakubungana banhu banjinji pawunli bewhowuwha kakale bewhopodzewa nghwele dzabo. 16Koga wakazwidusa mubanhu, akayenda kutjilambanyika akanotembezela.
Yesu Unotjidza Nhu Wakalobgwa Negulukadzi
(Matewu 9.1-8; Mako 2.1-12)
17Limwe hhuba ediya, kwaka kuna BaFarisi nebadiyi benlayo beligele ipapo bebva mumizi yose yemuGalile, neJudiya, neJerusalema. Simba laHe laka linaye kuti apodze bagwele. 18Kwakahha bamwe balume bakasenga ntengate nenhobo umwe nlume waka egwala, akalobgwa negulukadzi, bakabehaka ngina naye bawunladzike mbeli kukwe; 19koga bakahaya zila yabangangina nayo nentha yebunji gwebanhu, bakatanha pehhugwi kwen'umba iyeyo bakawunginisa nemudenga ali panhobo, bakawunghadzika pakati kwebanhu, mbeli kwaYesu. 20Wakati ebona galamoyo kwabo, akati, “Nlumetate, wayetigwa mazwibhatigwa matjinyo awo.”
21Bakwali nebaFarisi bakatangisa bhuzwa beti, “Ndiyani iwhoyu, unolebeleka etuka Ndzimu? Ndiyani ungayetila mazwibhatigwa matjinyo kuhhe kweNdzimu yega?”
22Koga Yesu aziba mikumbulo yabo wakabahandula, eti, “Kungentha yeni muzwibhuzwanya mumimoyo yenyu? 23Ndikupi kulelulelu, kuti, ‘Wayetigwa mazwibhatigwa matjinyo awo,’ kene kuti, ‘Milika uyende’? 24Koga ke kudze muzibe kuti Nkololo wenhu una masimba muhango, eyetila mazwibhatigwa matjinyo” wakati kunlume wakalobgwa negulukadzi, “Ndoti kukuli, milika, tola nhobo iyo uyende kunzi uwo.”
25Tjinyolotjo wakamilika mbeli kwabo akatola nhobo yaaka alilele payili, akabva ipapo, akayenda kunzi uwe, elumbidza Ndzimu. 26Bose bakatjenama, bakakudza Ndzimu bakahhala kuhla, beti, “Nasi tabona zwinhu zwisakawolobeleka.”
Yesu Unodana Levi
(Matewu 9.9-13; Mako 2.13-17)
27Hule kwayikoku wakabhuda akayenda, akabona nketisi waka aligele pan'umba inoketisigwa, zina lile eyi Levi, akati kuwunli, “Unditobele.” 28Wakamilika, akasiya kose, akawuntobela.
29Levi wakawuyetila nzano nkulu wezodliwa mun'umba iye; kukabuya bunga gulugulu lebaketisi nebamwe banhu, bakadla nabo. 30Ngono nebaFarisi bakwali babo bakan'un'urika kubadiyiwa babe, beti, “Kati mokuyetilani dla nen'wa muli panhu pan'ompela nebaketisi nebatjinyi?”
31Yesu wakabahandula ekati, “Basingagwale abatohaka nlapi, koga unohakiwa ngebanogwala. 32Andizohhila kuti ndiwhodana bakalulama, koga batjinyi, kuti bahanduke.”
Mbhuzo Nekweyila Zodliwa
(Matewu 9.14-17; Mako 2.18-22)
33Bakati kuwunli, “Kungentha yeni badiyiwa baJohane beyila zodliwa lubaka gunjinji kakale betembezela, nebadiyiwa bebaFarisi banota bejalo, koga babo banogala bedla ben'wa zwabo.”
34Yesu wakabahandula eti, “Mungata kuti bezi bebukwe bayile zodliwa iye nkwaha atjinabo mun'umba yebukwe? 35Anowhoswika mahhuba, nkwaha paanowhodusiwa mubali, ndipo pabanowhoyila zodliwa mumahhuba ihawo.”
36Wakababudza tjifananidzo kakale, eti, “Akuna nhu unopalula tjigamba pajila dzwa akatjipfumila patjiyambalo tjikulukugwi; hapa angathama ejalo, unowhopalula jila dzwa, nejekana lapalugwa pajila dzwa alitowhoyendilana netjiyambalo tjikulukugwi. 37Akuna nhu unosa wayini ndzwa mumapepe makulukugwi; ayengathama ejalo, wayini ndzwa inowhopalula mapepe ikatebuka, mapepe akapwapwatika. 38Koga wayini ndzwa inosiwa mumapepe matshwa. 39Kakale akuna nhu unoti an'wa wayini whulukugwi ekoyemula ndzwa; ngobe unoti, ‘Whulukugwi ihine.’ ”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The Word For The World International