Marikus 12
12
Abenshi ni Nsu Keleba Bikiya Gyolo
Mat 21.33-46; Lk 20.9-19
1Se Yesu para yi beta nja su a siki abenshi: <<Nseda yi bikiya yi ntani inebi. E gina golonwa gyowe yi, e yanka romu ni keleba riki ntasi inebi nja gina anya ni nsu kpanku bikiya. Se e la bikiya mu beyi aya e yi tepiya te anya daa. 2A kwanki de keyi bikiya nunu e saka bunwa yi daa de e keleba yi yaya inebi ni bikiya yi. 3Sede su keyi, su dukwa e yi su kule yi te nani wopi. 4Se e sakye saka bunwa daa te anya asu; Su dukwa e yi su yi wulakanshi. 5Se e sakye saka bunwa daa, su kisa yi. E saka worosu su nyowa; su dukwa worosu su, su kisa worosu su.
6E ma ni nseda rigye de yaa sakye yi, yaa e yi ndandaa, nsude e ma so. E saka yi a karishe guru, nkye, <Sua geni girima ni yaa na.>
7<<Sede nsu aya bikiya gye nkiya su, osu na yaa si gado e yi. ku zo de mu kisa yi de gado e ma namu.> 8Se su keyi kisa yi, su leyi kutiri a beyi bikiya inebi.
9<<Mina nsu bikiya inebi mu yaa yi? Yaa zo kisa nsu aya bikiya ni, yaa la bikiya ba worosu su a nani . 10Ku taba karanta a siki takada Mirikisi bo:
<< <Dunsi de nsu gini ki yi ampani nshi
e shiya ma nsu de pi kyawu guru;
11Obagizi na yi mbo nsum,
e ma mbo mamanki na a ndani mu>?>>
12Se toree Yawudawa su bila turiki de sua ka Yesu Sobon su gane e yi beta ni abenshi a kiya su na. Sede sua zi womba ntani de su tala; se su bila e yi te ma su.
Beyi Gendu Ba Kaisar
Mat 22.15-22; Lk 20.20-26
13Worosu Parisiyawa nja worosu ntani Yirudiya saka su anya Yesu de su ka yi a siki beta yi. 14Su zo anya Yesu su nkye, <<Male, mu shina ki ma nse gangasi na. Ntani su ma yiri daa na anya ke, sobon ki ma nana bombom nja ntani ba; sede ki ma kokoyi doka Mirikisi de ma a kiya gaskye. Ema kyakya na mu beyi gendu ba keisa ko mu ki beyi? 15Mu beyi ko kede mu beyi?>>
Sede Yesu shina munabuki asu. Yesu minya su nkye, <<Mina sa de kwa yi kokori gwada ni?>> <<Ku zo ni kobo de sua beyi gendu nshi de Ni geni.>> 16Su zo kobo de sua biya gendu keyi Yesu, e minya su nkye, <<Woto nja seni mu e ma ni waa?>>
Su nkye, <<Ni keisa la,>>
17Se Yesu gye su nkye, <<Ku ba Keisa mbode e ma ni Keisa nja ku ba Mirikisi mbode ma ni Mirikisi.>>
Su yi mamanki soseyi a kiya mbode e pala.
Minya A kiya Dege A kumsha
Mat 22.23-33; Lk 20.27-40
18Se Sadokiyawa, worede su ma nkye dege a kumsha ma ba, su minya Yesu. 19Su nkye, <<Male,>> <<Musa rubuta ba mu nkye nde yayiwa nseda muntu bila mata yi ba yaya, ema dole na yayiwa yi amere mase mu de su yapu yaya ba yayiwa yi de muntu ni. 20Mu mani worosu yayuwa bokwe. Ni pari yi amere ari e muntu e man yaya ba. 21Ni bi amere mase makeyi, e shi ma e muntu, ba yaa. Ema yomu na nja ni wuku. 22Yomu na, ba nseda a siki asu bokwe de yapu yaya ba. A karishe guru, mase ni muntu du. 23A nana dege kumsha yaa ma mata waa a siki asu, tunde guru asu bokwe su amere yi?>>
24Yesu keleba nkye, <<Tunani dishiya aku ma kyakya ba sobon ku shina mbode ma a siki takada Mirikisi ba ku kuma shina yiko Mirikisi ba. 25Nde worede su muntu dege a kumsha, sua yi amere ko su la yaamase beyi amere ba; guru sua ma kankye meleku de su ma a siki bisi. 26A kiya dege kumsha ku karanta a takada Musa bo, sobon su rubuta nabari ni sanwa de suwuta nkye, <E ni na ni ma Mirikisi ni Abireyi, Mirikisi ni Ishaku nja Mirikisi ni Yakubu>? 27E ma Mirikisi ni worede su muntu na ba, sede ni worede su man leyi na. Ku yi totolo kusukuri la>>
Totolo Doka
Mat 22.34-40; Lk 10.25-28
28Daa a siki male doka Musa zo zi su su ma yi musu. E gane Yesu keleba su kyakya la, e minya Yesu nkye, <<A siki guru doka, wona pi girima?>>
29Yesu keleba nkye, <<Doka de pi girima,>> e shiya ma nsum: <Ku zi, Oku ntani Izireyila, Obagizi Mirikisi amu, Obagizi ma daa na. 30Ki so Obagizi Mirikisi ake ni guru dishiya ake, nja guru leyi ake, nja guru ankeli ake, nja kuma guru sori ake.> 31Ni bi e shiya ma nsum: <Ki so dengeri ake kankye kiya ake.> Ba doka daa de pi worosu mu girima ba.>>
32Se Male doka nkye, <<Gaskye na ki pala, Mirikisi ma daa la nseda ma kankye e shi ba. 33Ki so yi nja guru dishiya ake, nja guru ankeli ake, nja guru sori ake, nja ki so dengeri ake kankye kiya ake e pi beiko nja sedeka girima>>
34De Yesu geni e keleba ni simi, se e gye yi nkye, <<Ki yi nyisa nja solota Mirikisi ba.>> A beyi nsum e sakye minya yi mbodaa gagaba.
Yaa Waa Ma Kiristi
Mat 22.41-46; Lk 20.41-44
35De Yesu ma kokoyi ntani a siki laki Mirikisi, e minya nkye, <<Mina sa male doka Musa su ma nkye Kiristi ma Yaa ni Dowuda? 36Sobon Dowuda nkiya yi, de aworo e yi beta, nkye:
<<<Obagizi gye Obagizi na:
Zunwa a nani dama na
ari ni sa obokigeba ake
a tapi seni ke.>>>
37Dowuda nkiya yi sukwa yi <Obagizi.> Yaya na yaa ma yaa yi?>>
Yesu Pelesa Male Nsu Kokoyi Doka Musa
Mat 23.1-36; Lk 20.45-47
Ntani de su zi su yi peri siki. 38A siki kokoyi yi, Yesu pala nkye, <<Ku sa ndani nja nsu male ni doka Musa. Sua bila de su gyewe a siki ntani ni angwe dololo nja de su geshe su a siki bije, 39nja anya zunwa de pi kyawu a siki kolonwa nja beyi girima anya buki. 40Osu na sua si keyi mata makeyi a gizi asu nja sua yi lepa nyisa. yiri asu na sua yi shiriya nsu zapi.>>
Beiko Ni Mase Makeyi
Lk 21.1-4
41Yesu zuzunwa anya beyi beiko yaa kone ntani de sua sa gyolo a siki akpati ni kolonwa. Nyowa nsu mbo a nani sa gyolo nyowa. 42Sede potoruwa mase makeyi daa zo sa rebi ni toro bi de e ma shi.
43Yesu sukwa yayagizi e yi, e gye su nkye, <<Ni ma gye ku gaskye, potoruwa mase makeyi mu e saka gyolo mbo beiko pi guru ntani. 44Guru su beyi dege siki mbo nani su; sede mase makeyi mu, e beyi guru mbo de e ma nshi.>>
Iliyochaguliwa sasa
Marikus 12: Gaa
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The Word for the World International and The Word for the World Nigeria
Marikus 12
12
Abenshi ni Nsu Keleba Bikiya Gyolo
Mat 21.33-46; Lk 20.9-19
1Se Yesu para yi beta nja su a siki abenshi: <<Nseda yi bikiya yi ntani inebi. E gina golonwa gyowe yi, e yanka romu ni keleba riki ntasi inebi nja gina anya ni nsu kpanku bikiya. Se e la bikiya mu beyi aya e yi tepiya te anya daa. 2A kwanki de keyi bikiya nunu e saka bunwa yi daa de e keleba yi yaya inebi ni bikiya yi. 3Sede su keyi, su dukwa e yi su kule yi te nani wopi. 4Se e sakye saka bunwa daa te anya asu; Su dukwa e yi su yi wulakanshi. 5Se e sakye saka bunwa daa, su kisa yi. E saka worosu su nyowa; su dukwa worosu su, su kisa worosu su.
6E ma ni nseda rigye de yaa sakye yi, yaa e yi ndandaa, nsude e ma so. E saka yi a karishe guru, nkye, <Sua geni girima ni yaa na.>
7<<Sede nsu aya bikiya gye nkiya su, osu na yaa si gado e yi. ku zo de mu kisa yi de gado e ma namu.> 8Se su keyi kisa yi, su leyi kutiri a beyi bikiya inebi.
9<<Mina nsu bikiya inebi mu yaa yi? Yaa zo kisa nsu aya bikiya ni, yaa la bikiya ba worosu su a nani . 10Ku taba karanta a siki takada Mirikisi bo:
<< <Dunsi de nsu gini ki yi ampani nshi
e shiya ma nsu de pi kyawu guru;
11Obagizi na yi mbo nsum,
e ma mbo mamanki na a ndani mu>?>>
12Se toree Yawudawa su bila turiki de sua ka Yesu Sobon su gane e yi beta ni abenshi a kiya su na. Sede sua zi womba ntani de su tala; se su bila e yi te ma su.
Beyi Gendu Ba Kaisar
Mat 22.15-22; Lk 20.20-26
13Worosu Parisiyawa nja worosu ntani Yirudiya saka su anya Yesu de su ka yi a siki beta yi. 14Su zo anya Yesu su nkye, <<Male, mu shina ki ma nse gangasi na. Ntani su ma yiri daa na anya ke, sobon ki ma nana bombom nja ntani ba; sede ki ma kokoyi doka Mirikisi de ma a kiya gaskye. Ema kyakya na mu beyi gendu ba keisa ko mu ki beyi? 15Mu beyi ko kede mu beyi?>>
Sede Yesu shina munabuki asu. Yesu minya su nkye, <<Mina sa de kwa yi kokori gwada ni?>> <<Ku zo ni kobo de sua beyi gendu nshi de Ni geni.>> 16Su zo kobo de sua biya gendu keyi Yesu, e minya su nkye, <<Woto nja seni mu e ma ni waa?>>
Su nkye, <<Ni keisa la,>>
17Se Yesu gye su nkye, <<Ku ba Keisa mbode e ma ni Keisa nja ku ba Mirikisi mbode ma ni Mirikisi.>>
Su yi mamanki soseyi a kiya mbode e pala.
Minya A kiya Dege A kumsha
Mat 22.23-33; Lk 20.27-40
18Se Sadokiyawa, worede su ma nkye dege a kumsha ma ba, su minya Yesu. 19Su nkye, <<Male,>> <<Musa rubuta ba mu nkye nde yayiwa nseda muntu bila mata yi ba yaya, ema dole na yayiwa yi amere mase mu de su yapu yaya ba yayiwa yi de muntu ni. 20Mu mani worosu yayuwa bokwe. Ni pari yi amere ari e muntu e man yaya ba. 21Ni bi amere mase makeyi, e shi ma e muntu, ba yaa. Ema yomu na nja ni wuku. 22Yomu na, ba nseda a siki asu bokwe de yapu yaya ba. A karishe guru, mase ni muntu du. 23A nana dege kumsha yaa ma mata waa a siki asu, tunde guru asu bokwe su amere yi?>>
24Yesu keleba nkye, <<Tunani dishiya aku ma kyakya ba sobon ku shina mbode ma a siki takada Mirikisi ba ku kuma shina yiko Mirikisi ba. 25Nde worede su muntu dege a kumsha, sua yi amere ko su la yaamase beyi amere ba; guru sua ma kankye meleku de su ma a siki bisi. 26A kiya dege kumsha ku karanta a takada Musa bo, sobon su rubuta nabari ni sanwa de suwuta nkye, <E ni na ni ma Mirikisi ni Abireyi, Mirikisi ni Ishaku nja Mirikisi ni Yakubu>? 27E ma Mirikisi ni worede su muntu na ba, sede ni worede su man leyi na. Ku yi totolo kusukuri la>>
Totolo Doka
Mat 22.34-40; Lk 10.25-28
28Daa a siki male doka Musa zo zi su su ma yi musu. E gane Yesu keleba su kyakya la, e minya Yesu nkye, <<A siki guru doka, wona pi girima?>>
29Yesu keleba nkye, <<Doka de pi girima,>> e shiya ma nsum: <Ku zi, Oku ntani Izireyila, Obagizi Mirikisi amu, Obagizi ma daa na. 30Ki so Obagizi Mirikisi ake ni guru dishiya ake, nja guru leyi ake, nja guru ankeli ake, nja kuma guru sori ake.> 31Ni bi e shiya ma nsum: <Ki so dengeri ake kankye kiya ake.> Ba doka daa de pi worosu mu girima ba.>>
32Se Male doka nkye, <<Gaskye na ki pala, Mirikisi ma daa la nseda ma kankye e shi ba. 33Ki so yi nja guru dishiya ake, nja guru ankeli ake, nja guru sori ake, nja ki so dengeri ake kankye kiya ake e pi beiko nja sedeka girima>>
34De Yesu geni e keleba ni simi, se e gye yi nkye, <<Ki yi nyisa nja solota Mirikisi ba.>> A beyi nsum e sakye minya yi mbodaa gagaba.
Yaa Waa Ma Kiristi
Mat 22.41-46; Lk 20.41-44
35De Yesu ma kokoyi ntani a siki laki Mirikisi, e minya nkye, <<Mina sa male doka Musa su ma nkye Kiristi ma Yaa ni Dowuda? 36Sobon Dowuda nkiya yi, de aworo e yi beta, nkye:
<<<Obagizi gye Obagizi na:
Zunwa a nani dama na
ari ni sa obokigeba ake
a tapi seni ke.>>>
37Dowuda nkiya yi sukwa yi <Obagizi.> Yaya na yaa ma yaa yi?>>
Yesu Pelesa Male Nsu Kokoyi Doka Musa
Mat 23.1-36; Lk 20.45-47
Ntani de su zi su yi peri siki. 38A siki kokoyi yi, Yesu pala nkye, <<Ku sa ndani nja nsu male ni doka Musa. Sua bila de su gyewe a siki ntani ni angwe dololo nja de su geshe su a siki bije, 39nja anya zunwa de pi kyawu a siki kolonwa nja beyi girima anya buki. 40Osu na sua si keyi mata makeyi a gizi asu nja sua yi lepa nyisa. yiri asu na sua yi shiriya nsu zapi.>>
Beiko Ni Mase Makeyi
Lk 21.1-4
41Yesu zuzunwa anya beyi beiko yaa kone ntani de sua sa gyolo a siki akpati ni kolonwa. Nyowa nsu mbo a nani sa gyolo nyowa. 42Sede potoruwa mase makeyi daa zo sa rebi ni toro bi de e ma shi.
43Yesu sukwa yayagizi e yi, e gye su nkye, <<Ni ma gye ku gaskye, potoruwa mase makeyi mu e saka gyolo mbo beiko pi guru ntani. 44Guru su beyi dege siki mbo nani su; sede mase makeyi mu, e beyi guru mbo de e ma nshi.>>
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The Word for the World International and The Word for the World Nigeria