Marikus 11
11
Yesu Yuru A Wurishelima Kankye Seleki
Mat 21.1-11; Lk 19.28-40; Jn 12.12-19
1De Yesu nja yayagizi e yi su zo kusa ni Wurishelima nja Betapaji nja Betani anya dunsi zetu, se Yesu saka yayagizi e yi bi su la geba, 2e gye su nkye, <<Ku yuru a siki dende geri de ma a geba ku, kwa geni yaa janki de su domuna e yi ba nsude taba nyunwa e yi wo ba. Ku konse yi zo nshi. 3Nde nseda minya ku nkye, <Mina sa kwa yi yomu?> ku gye yi nkye, Nsugizi amu nkye mu konse te nshi yaa kuma ku nshi kuzukam.>>>
4De su te su geni yaa janki a woze a baki turiki, su domuna a kopa gizi. Se su konse yi, 5worosu su ntani sakisi anya ni su minya nkye, <<Mina yi, de kuma konse yaa janki?>> 6Su keleba kyakya yiri de Yesu gye su nkye su pala, se woroni bila su te ma su. 7De su zo ni yaa janki keyi Yesu su kwa yi riga su nya ANKI janki ni, Yesu zunwa a kiya yi. 8Ntani nyowa nya ogbodo asu a turiki, worosu su nya genya de su sala dege bikiya. 9Worede su ma a geba nja worede su ma biya e yi a beyi su dege murinya asu su ma nkye,
<<Osana!>>
<<Anabirika ma nja nsude e ma zo a siki seni Obagizi!>>
10<<Anabirika ma nja solota ni Adaa amu Dowuda!>>
<<Osana te nja Mirikisi a siki Bisi!>>
11Yesu yuru a Wurishelima e bise a Laki Lepa. E kone guru mbo, sede tunde nyema yi, Yesu butu te ni Betani nja yayagizi e yi.
Yesu Shire Laki Lepa
Mat 21.18,19
12De geri shekeri su bila Betani, Yesu zi nyunwa. 13Yesu geni ntasi bori nsu genya, e te de kone ko e man yaya. De te anya ni, e san mbodaa ba sede genya la kin, sobon e ma kwanki de bori yaa yi yaya na ba. 14Se Yesu gye ntasi bori nkye, <<Nseda yaa sakye suku yaya ke ba ni gbogbo gbogbo.>> Yayagizi e yi zi mbode e pala.
Yesu ta Laki Mirikisi
Mat 21.12-17; Lk 19.45-48; Jn 2.13-22
15De Yesu bise te a Wurishelima, e yuru a Laki Lepa e para kula worede su ma la keikei see nja nsu see keikei. Yesu kiri teburu ni nsu shenja gyolo nja kingbolo ni nsu la tatambiri see, 16Yesu nana konwawa la mbo see a baki kopa yuru a Laki lepa. 17Se Yesu kokoyi su, nkye, e ma rubuta a siki beta Mirikisi nkye:
<< <Gizi na sua sukwa yi
gizi lepa ni guru ntani bo?>
Sede ku leyi ma kunguni bolowa.> >>
18Tolense pirisi nja Male ni doka Musa su zi yomu su para bila turiki de sua kisa yi, sua womba yi, sobon guru ntani de su tala sua yi mamanki a kiya mbode yaa kokoyi.
19De nyema yi, su butu bila geri ni.
Ntasi Bori De Kyekeri
Mat 21.20-22
20De geri shekeri, su ma bise, su geni ntasi bori ni kyekeri butu a ririnya yi. 21Biturusu turunwa e gye Yesu nkye, <<Male, kone ntasi bori de ki yii baki mu e kyekeri>> 22Yesu keleba su nkye, <<Ku beigaskye nja Mirikisi,>> 23<<Ni ma gye ku gaskye, du nsude beigaskye ni Mirikisi yaa gye dunsi mu nkye, <dege te, de ki puari a siki totolo minya,> nde ki laba dishiya e yi a kiya mbode e pala ba, yaa paru. 24Nkayomu Ni ma gye ku, Guru mbode ku pata a siki lepa, ku beigaskye nkye kwa samu, yomuna yaa ma na ku. 25Guru kwanki de kwa yi lepa, nde ku keyi nseda a dishiya ku yape yi, sobon Adaa ku ni bisi ma yaa yape lepi aku. 26Sede nde ku yape yayuwa ku ba yomuna Adaa ku ni bisi yaa yape lepi aku ba.
Toree Yawudawa Minya Sori Ni Yesu
Mat 21.23-27; Lk 20.1-8
27De Yesu nja yayagizi e yi Su kwa yuru a geri Wurishelima, Yesu ma gyewe a siki Laki lepa, se tolense ni nsu pirisi, nja Male ni doka Musa nja toree su zo anya ni. 28Su minya nkye, <<Ni woni sori na ki ma yi mbo worosu mu?>> <<Waa ba ke sori de ka yi mbo mu?>>
29Yesu keleba nkye, <<Na minya ku mbodaa. Nde ku gye ni, Na gye ku ko ni woni sori na ni ma yi mbo worosu mu. 30Ku gye ni! Tunkwasa ni Yaaya e ma dege bisi na, ko dege anya nsebeki la?>>
31Se su yi shewura nja nkiya su su nkye, <<Nde mu nkye dege bisi na,> yaa minya mu nkye, <To mina sa de ku beigaskye nja ni ba?> 32Sede nde mu nkye, <Dege anya nsebeki na> sua zi womba ntani shina nkye Yaaya e ma anebi la.
33Se su keleba Yesu nkye, <<Mu shina ba.>>
Yesu nkye, <<E ni na gye ku ko ni woni sori na mma yi mbo worosu mu ba.>>
Iliyochaguliwa sasa
Marikus 11: Gaa
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The Word for the World International and The Word for the World Nigeria
Marikus 11
11
Yesu Yuru A Wurishelima Kankye Seleki
Mat 21.1-11; Lk 19.28-40; Jn 12.12-19
1De Yesu nja yayagizi e yi su zo kusa ni Wurishelima nja Betapaji nja Betani anya dunsi zetu, se Yesu saka yayagizi e yi bi su la geba, 2e gye su nkye, <<Ku yuru a siki dende geri de ma a geba ku, kwa geni yaa janki de su domuna e yi ba nsude taba nyunwa e yi wo ba. Ku konse yi zo nshi. 3Nde nseda minya ku nkye, <Mina sa kwa yi yomu?> ku gye yi nkye, Nsugizi amu nkye mu konse te nshi yaa kuma ku nshi kuzukam.>>>
4De su te su geni yaa janki a woze a baki turiki, su domuna a kopa gizi. Se su konse yi, 5worosu su ntani sakisi anya ni su minya nkye, <<Mina yi, de kuma konse yaa janki?>> 6Su keleba kyakya yiri de Yesu gye su nkye su pala, se woroni bila su te ma su. 7De su zo ni yaa janki keyi Yesu su kwa yi riga su nya ANKI janki ni, Yesu zunwa a kiya yi. 8Ntani nyowa nya ogbodo asu a turiki, worosu su nya genya de su sala dege bikiya. 9Worede su ma a geba nja worede su ma biya e yi a beyi su dege murinya asu su ma nkye,
<<Osana!>>
<<Anabirika ma nja nsude e ma zo a siki seni Obagizi!>>
10<<Anabirika ma nja solota ni Adaa amu Dowuda!>>
<<Osana te nja Mirikisi a siki Bisi!>>
11Yesu yuru a Wurishelima e bise a Laki Lepa. E kone guru mbo, sede tunde nyema yi, Yesu butu te ni Betani nja yayagizi e yi.
Yesu Shire Laki Lepa
Mat 21.18,19
12De geri shekeri su bila Betani, Yesu zi nyunwa. 13Yesu geni ntasi bori nsu genya, e te de kone ko e man yaya. De te anya ni, e san mbodaa ba sede genya la kin, sobon e ma kwanki de bori yaa yi yaya na ba. 14Se Yesu gye ntasi bori nkye, <<Nseda yaa sakye suku yaya ke ba ni gbogbo gbogbo.>> Yayagizi e yi zi mbode e pala.
Yesu ta Laki Mirikisi
Mat 21.12-17; Lk 19.45-48; Jn 2.13-22
15De Yesu bise te a Wurishelima, e yuru a Laki Lepa e para kula worede su ma la keikei see nja nsu see keikei. Yesu kiri teburu ni nsu shenja gyolo nja kingbolo ni nsu la tatambiri see, 16Yesu nana konwawa la mbo see a baki kopa yuru a Laki lepa. 17Se Yesu kokoyi su, nkye, e ma rubuta a siki beta Mirikisi nkye:
<< <Gizi na sua sukwa yi
gizi lepa ni guru ntani bo?>
Sede ku leyi ma kunguni bolowa.> >>
18Tolense pirisi nja Male ni doka Musa su zi yomu su para bila turiki de sua kisa yi, sua womba yi, sobon guru ntani de su tala sua yi mamanki a kiya mbode yaa kokoyi.
19De nyema yi, su butu bila geri ni.
Ntasi Bori De Kyekeri
Mat 21.20-22
20De geri shekeri, su ma bise, su geni ntasi bori ni kyekeri butu a ririnya yi. 21Biturusu turunwa e gye Yesu nkye, <<Male, kone ntasi bori de ki yii baki mu e kyekeri>> 22Yesu keleba su nkye, <<Ku beigaskye nja Mirikisi,>> 23<<Ni ma gye ku gaskye, du nsude beigaskye ni Mirikisi yaa gye dunsi mu nkye, <dege te, de ki puari a siki totolo minya,> nde ki laba dishiya e yi a kiya mbode e pala ba, yaa paru. 24Nkayomu Ni ma gye ku, Guru mbode ku pata a siki lepa, ku beigaskye nkye kwa samu, yomuna yaa ma na ku. 25Guru kwanki de kwa yi lepa, nde ku keyi nseda a dishiya ku yape yi, sobon Adaa ku ni bisi ma yaa yape lepi aku. 26Sede nde ku yape yayuwa ku ba yomuna Adaa ku ni bisi yaa yape lepi aku ba.
Toree Yawudawa Minya Sori Ni Yesu
Mat 21.23-27; Lk 20.1-8
27De Yesu nja yayagizi e yi Su kwa yuru a geri Wurishelima, Yesu ma gyewe a siki Laki lepa, se tolense ni nsu pirisi, nja Male ni doka Musa nja toree su zo anya ni. 28Su minya nkye, <<Ni woni sori na ki ma yi mbo worosu mu?>> <<Waa ba ke sori de ka yi mbo mu?>>
29Yesu keleba nkye, <<Na minya ku mbodaa. Nde ku gye ni, Na gye ku ko ni woni sori na ni ma yi mbo worosu mu. 30Ku gye ni! Tunkwasa ni Yaaya e ma dege bisi na, ko dege anya nsebeki la?>>
31Se su yi shewura nja nkiya su su nkye, <<Nde mu nkye dege bisi na,> yaa minya mu nkye, <To mina sa de ku beigaskye nja ni ba?> 32Sede nde mu nkye, <Dege anya nsebeki na> sua zi womba ntani shina nkye Yaaya e ma anebi la.
33Se su keleba Yesu nkye, <<Mu shina ba.>>
Yesu nkye, <<E ni na gye ku ko ni woni sori na mma yi mbo worosu mu ba.>>
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The Word for the World International and The Word for the World Nigeria