Luka 15
15
Kokongye ni Timshiya de Beta
Mat 18.12-14
1Kuzukam nsu keleba gendu nja <<Nsu lepi>> Guru su tala de su zi Yesu. 2Sede parisiyawa nja male ni kokoyi doka Musa sua yi mungu beta a dishiya asu, <<Nseminji mu e keleba nsu lepi ari yaa si mbosi nja su>>
3Se Yesu yi su abenshi nkye: 4<<Nde nse da a siki aku mani timshiya deri se da beta a siki asu, yaa bila teseyin ntera de e te bila da de beta ari e samu yi bo? 5Nde e geni yi, yaa yi peri siki yaa leyi sa gawuya yi 6yaa ta a gizi. Se yaa te sukwa nsu oboki yi nja dengeri yi yaa gye su nkye, ku sua nto yi peri siki; Sobon ni geni timshiya naa de beta.> 7Mma gye ku yomu na sobon mwa yi perisiki nyowa a siki bisi a kiya ni nsu lepi da de juyi nja ntani teseyin ni tera de sua bila juyi biya gangasi ba.
Abenshi A kiya Gyolo De Beta
8<<Ko ankye Mase daa mani toro gom se da beta. Yaa sa wuta pitila e yi, de shire gizi e yi sunu ari e geni gyolo e yi bo? 9Nde e geni gyolo e yi, yaa sukwa nsu oboki e yi nja dengeri e yi agye su nkye, <<ku sua nto yi peri siki; ni geni gyolo na de e beta.> 10Yomu na, Na gye ku, Meleku ni Mirikisi sua yi perisiki a kiya ni nsu lepi da de juyi bila lepi e yi.>>
Abenshi A kiya ni Yaa minzi de beta
11Yesu sigeba pala nkye: <<Nseminji da mani yaya bi 12Yaa dende gye Adaa e yi nkye, <Adaa, ba ni mbo de e ma gado na.> Se Adaa asu laba mbo de e manshi e ba konse na yi.
13A beyi nana piri Yaa dende tala guru mbo de e ma nshi, e dege ta kesa da nsu nyisa e kisa guru mbo de e man shi e zunwa wopi. 14Beyi de e gama kisa guru mbo de e manshi, se nyunwa yuru a kesa, se e ma bila mbo si. 15Se e bila yanki anya yaa kesa ni daa, e sa yi yaa ma nsu kone alede de ba su mbosi. 16Yaa bila de sika siki e yi ni mbosi de alede sua si, sede nse da beyi mbo si ba.
17<<De e kuma zo a siki ankeli yi, e pala nkye, yaya ANKI kona su ma nja Adaa na sua yi banza ni mbosi, se eni ni zunwa muntu ni nyunwa anya mu! 18Na dege de ni kuma te anya ni Adaa na de ni gye yi nkye: Adaa ni yi Mirikisi lepi ni kuma yi ke lepi. 19Ni deta de ka sukwa ni nkye yaa ke ba; Ki sani de ni ma da a siki bunwa worede sua yi ke ANKI.>> 20Se e dege kuma ta anya ni Adaa e yi.
Tun de e ma nyisa Adaa e yi geni yi, se e zi toseyi e yi; E yi gudu ta anya yaa e yi, e runguma e yi.
21<<Yaa e yi gye yi nkye, <Adaa, Ni yi Mirikisi lepi ni kuma yi ke lepi. Ni deta de ki sukwa ni nkye yaa ake ba,>
22Sede Adaa gye bunwa e yi, <Ku yi Seberi! de yi shompa angwe kyakyawu de ku sa yi nshi. Ku sayi arika yaa nani yi de ku sayi takalami a seni e yi. 23Ku zo saa de e yi kiba de ku yanka de mu yi buki nja peri siki. 24Sobon yaa na de muntu e kuma man leyi; e beta mu sa muyi.> Sobon yomu mwa yi buki.
25<<A kwanki mu Yaa yi totolo ma a bikiya. De e zo a baki gizi, se e zi sua buga ganga nja wasa. 26Se e sukwa bunwa yi daa e minya yi mina yi tepiya. 27<Dende ake na e zo,> Bunwa gye yi, <Adaa ake sa mu yanka saa nsu kiba sobon dende ake kuma beyi zo nja lapiya.> 28<<Se Totolo e yi yi anwashi e ki bise ta siki. Se Adaa e yi ta anya e yi a woze ologba yi beyi kadishiya. 29Sede e keleba Adaa e yi, <Kone! Guru shekera mu ANKI nja ke kankye bunwa Ni taba ki doka ake ko ni nene beta ke. Ki taba ba ni ko yaa ni akuya de ni yi buki nja nsu oboki na ba. 30Sede yaa ake nsum de te kisa guru mbo de ki manshi anya ni mata nsu ki laki kuma zo a gizi, ki yanka yi saa nsu ki ba!> 31Adaa e yi nkye, <<<Yaa na,> <Ki ma nja ni kowoni nana, kuma guru mbo de ni man shi e ma na ke la. 32Sede e yi kyawu de mu yi peri siki, sobon yaa ya ake e muntu e kuma zo leyi; e beta mu kuma samu yi.>>>
Iliyochaguliwa sasa
Luka 15: Gaa
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The Word for the World International and The Word for the World Nigeria
Luka 15
15
Kokongye ni Timshiya de Beta
Mat 18.12-14
1Kuzukam nsu keleba gendu nja <<Nsu lepi>> Guru su tala de su zi Yesu. 2Sede parisiyawa nja male ni kokoyi doka Musa sua yi mungu beta a dishiya asu, <<Nseminji mu e keleba nsu lepi ari yaa si mbosi nja su>>
3Se Yesu yi su abenshi nkye: 4<<Nde nse da a siki aku mani timshiya deri se da beta a siki asu, yaa bila teseyin ntera de e te bila da de beta ari e samu yi bo? 5Nde e geni yi, yaa yi peri siki yaa leyi sa gawuya yi 6yaa ta a gizi. Se yaa te sukwa nsu oboki yi nja dengeri yi yaa gye su nkye, ku sua nto yi peri siki; Sobon ni geni timshiya naa de beta.> 7Mma gye ku yomu na sobon mwa yi perisiki nyowa a siki bisi a kiya ni nsu lepi da de juyi nja ntani teseyin ni tera de sua bila juyi biya gangasi ba.
Abenshi A kiya Gyolo De Beta
8<<Ko ankye Mase daa mani toro gom se da beta. Yaa sa wuta pitila e yi, de shire gizi e yi sunu ari e geni gyolo e yi bo? 9Nde e geni gyolo e yi, yaa sukwa nsu oboki e yi nja dengeri e yi agye su nkye, <<ku sua nto yi peri siki; ni geni gyolo na de e beta.> 10Yomu na, Na gye ku, Meleku ni Mirikisi sua yi perisiki a kiya ni nsu lepi da de juyi bila lepi e yi.>>
Abenshi A kiya ni Yaa minzi de beta
11Yesu sigeba pala nkye: <<Nseminji da mani yaya bi 12Yaa dende gye Adaa e yi nkye, <Adaa, ba ni mbo de e ma gado na.> Se Adaa asu laba mbo de e manshi e ba konse na yi.
13A beyi nana piri Yaa dende tala guru mbo de e ma nshi, e dege ta kesa da nsu nyisa e kisa guru mbo de e man shi e zunwa wopi. 14Beyi de e gama kisa guru mbo de e manshi, se nyunwa yuru a kesa, se e ma bila mbo si. 15Se e bila yanki anya yaa kesa ni daa, e sa yi yaa ma nsu kone alede de ba su mbosi. 16Yaa bila de sika siki e yi ni mbosi de alede sua si, sede nse da beyi mbo si ba.
17<<De e kuma zo a siki ankeli yi, e pala nkye, yaya ANKI kona su ma nja Adaa na sua yi banza ni mbosi, se eni ni zunwa muntu ni nyunwa anya mu! 18Na dege de ni kuma te anya ni Adaa na de ni gye yi nkye: Adaa ni yi Mirikisi lepi ni kuma yi ke lepi. 19Ni deta de ka sukwa ni nkye yaa ke ba; Ki sani de ni ma da a siki bunwa worede sua yi ke ANKI.>> 20Se e dege kuma ta anya ni Adaa e yi.
Tun de e ma nyisa Adaa e yi geni yi, se e zi toseyi e yi; E yi gudu ta anya yaa e yi, e runguma e yi.
21<<Yaa e yi gye yi nkye, <Adaa, Ni yi Mirikisi lepi ni kuma yi ke lepi. Ni deta de ki sukwa ni nkye yaa ake ba,>
22Sede Adaa gye bunwa e yi, <Ku yi Seberi! de yi shompa angwe kyakyawu de ku sa yi nshi. Ku sayi arika yaa nani yi de ku sayi takalami a seni e yi. 23Ku zo saa de e yi kiba de ku yanka de mu yi buki nja peri siki. 24Sobon yaa na de muntu e kuma man leyi; e beta mu sa muyi.> Sobon yomu mwa yi buki.
25<<A kwanki mu Yaa yi totolo ma a bikiya. De e zo a baki gizi, se e zi sua buga ganga nja wasa. 26Se e sukwa bunwa yi daa e minya yi mina yi tepiya. 27<Dende ake na e zo,> Bunwa gye yi, <Adaa ake sa mu yanka saa nsu kiba sobon dende ake kuma beyi zo nja lapiya.> 28<<Se Totolo e yi yi anwashi e ki bise ta siki. Se Adaa e yi ta anya e yi a woze ologba yi beyi kadishiya. 29Sede e keleba Adaa e yi, <Kone! Guru shekera mu ANKI nja ke kankye bunwa Ni taba ki doka ake ko ni nene beta ke. Ki taba ba ni ko yaa ni akuya de ni yi buki nja nsu oboki na ba. 30Sede yaa ake nsum de te kisa guru mbo de ki manshi anya ni mata nsu ki laki kuma zo a gizi, ki yanka yi saa nsu ki ba!> 31Adaa e yi nkye, <<<Yaa na,> <Ki ma nja ni kowoni nana, kuma guru mbo de ni man shi e ma na ke la. 32Sede e yi kyawu de mu yi peri siki, sobon yaa ya ake e muntu e kuma zo leyi; e beta mu kuma samu yi.>>>
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The Word for the World International and The Word for the World Nigeria