Luka 14
14
Yesu A gizi ni Parisiyawa
1A nana asibi, Se Yesu te de si mbosi a gizi ni tolense parisiyawa, ntani kapa yi ndani sua kone yi. 2A geba e yi nseminji daa de seni e yi nja nani e yi kyubu zo anya Yesu. 3Yesu minya parisiyawa nja male worede su shina doka, <<A siki doka e kyawu de su worikye ntani a nana asibi ko e yi kyawu ba?>> 4Se su zunwa shuru. Yesu worikye nseminji nsu suwo e gye yi nkye te ma ke. 5Se Yesu minya ntani nkye, nde nse daa a siki aku e mani yaa ko saa de puari a romu a nana ni asibi, de dandani yaa butu yi aromu ba?>> 6Se su yi yaa keleba yi a kiya mu ba.
La Ki yaa ke Ma Kankye Mbodaa ba
7Yesu geni a siki worede de su sukwa de su zo anya si mbosi su zabi anya zunwa nsu girima, Yesu gye su abenshi nsum: 8Nde nse daa sukwa ke buki ni amere, kede ki zunwa akigbolo nsu girima ko e sukwa nsude pi ke girima. 9Nde e ma yomu, nsude sukwa guru aku yaa zo gye ke nkye, ki bila tolense nsum kingbolo.> Ka zi kumnya, sobon ka kuma te zunwa a kingbolo de e ma dereja gagaba. 10Sede nde su sukwa ke buki, te de ki zunwa a kingbolo de e mani dereja ba, e zo gye ke nkye, <Oboki, zo a bisi a anya kyakyawu.> Anya ni sua ba ke girima a geba ntani buki de ki ma nja su. 11Kowon nsude e ba kiya yi girima, sua la yi e ma mbodaa ba, sede nsu de bwala kiya ma mbodaa ba, sua la yi ma nsu girima.>> 12Se Yesu gye nsu de sukwa buki, <<Nde ki sukwa nse daa ni si mbosi nsape ko nyema, kede ki sukwa oboki ake, ko yayuwa ake ko dengi ake, ko nsu mbo nana ko dengeri ake kin ba; nde ki yi yomu, sua sukwa ke nana daa de ki biya mbo de su yi ke nshi. 13Sede nde ka sukwa buki, ki sukwa potoruwa, nja gurugu nja nsu nki sha riki nja makapi. 14Yomu na ka mani anabirika, dun sua yi yaa biya ke ba, sua biya ke nana de ntani gangasi sua dege a kumsha.>>
Kokongye ni Totolo Buki
Mat 22.1-10
15Se daa a siki worede su ma nja shi asi mbosi, gye Yesu nkye, <<Nsu anabirika na nsebeki de si mbosi anya buki solota ni Mirikisi.>> 16Yesu pala nkye: << Nse daa shiriya totolo buki e sukwa ntani Nyowa. 17A kwanki ni buki e yi e saka bunwa e yi manki nja worede e sukwa su, <su zo, guru mbo ma a kisi.> 18Sede guru asu sua beyi nja wuja. Nse ni pari nkye, Ni see pili, E ma dole de Ni te geni yi, kadishiya ki bilani de nte,> 19<<Nseda nkye, ni se saa ni noma gom, Ni ma a turiki de nte gwada su. Kadishiya ma ke nja ni.> 20<<Nse daa kuma nkye, <Ni yi amere, sobon yomu na zo ba.> 21<<Se bunwa zo gye nsugizi e yi guru mbo de su gye yi. Se nsugizi e yi yi anwashi e kuma gye bunwa e yi, nkye te kurukuzum de ki biya turiki nja lelenga ni geri, de ki tala nsu de su ma potoruwa, nja gurugu, nja makapi, nja nsu nki sha riki.> 22Bunwa nkye, <<<Tolense, <Mbo de ki sani ni yi, sede anya tuku ma.> 23<<Se nsugizi gye bunwa yi, <Te a woze golonwa de ki biya turiki nja siki geri de ki sa ntani de su zo, sobon de gizi na e sika. 24Na gye ku, ba nse daa de a siki ntani de Ni sukwa su buki de su ki.>>
Genbeki Ni Biya Yesu
Mat 10.37,38
25Yesu nkye mma gye ku, nana da ntani Nyowa sua biya yi, se e juyi gye su nkye, 26<<Guru nsu de yaa zo a anya na yaa ki adaa e yi nja amaa e yi, nja mata yi nja yaya e yi, yayuwa e yi menza nja mata, ee ari nja leyi e yi ba, yaama yayagizi na ba. 27Guru nsu de la gidiri e yi de biya ni ba yaama yayagizi na ba. 28<<Gaskye, nde nseda a siki aku yaa bila de e gina laki. Yaa para zuzunwa de kone mbode yaa kaa, e geni ko gyolo de e manshi yaa deta yi ari de yaa gama gini yi bo? 29Nde e kapa gini de eya karikye ba, guru nsu de geni gini e yi yaa yi dala. 30Sua nkye, nse mu kapa gini sede e yi yaa karikye ba.>
31<<Ko nde Seleki daa yaa bila de e te ayanki ngazi nja Seleki daa. sede yaa para zunwa de geni ko yaa te yi yaa yanki ngazi nja shoja dubu gom de e yi yanki nja Seleki de e mani shoja dubu ashirin? 32Nde yaa yi ba, seleki yaa saka yaa manki yi tunde su ma nyisa de te anya asu de bila zunwa selema.
33Yomu na, kowon nse a siki aku yaa bila guru mbo de e man shi ba yaama yayagizi na ba.
Giri de Mani Anki Ba
Mat 5.13; Mk 9.50
34Giri e man kyawu, sede nde giri bila zanki yi, yaa man zanki gagaba? 35E mani ampani daa a kesa ko taki gagaba; sua leyi nya.
<<Nsude man kuni zi, bila de e zi.>>
Iliyochaguliwa sasa
Luka 14: Gaa
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The Word for the World International and The Word for the World Nigeria
Luka 14
14
Yesu A gizi ni Parisiyawa
1A nana asibi, Se Yesu te de si mbosi a gizi ni tolense parisiyawa, ntani kapa yi ndani sua kone yi. 2A geba e yi nseminji daa de seni e yi nja nani e yi kyubu zo anya Yesu. 3Yesu minya parisiyawa nja male worede su shina doka, <<A siki doka e kyawu de su worikye ntani a nana asibi ko e yi kyawu ba?>> 4Se su zunwa shuru. Yesu worikye nseminji nsu suwo e gye yi nkye te ma ke. 5Se Yesu minya ntani nkye, nde nse daa a siki aku e mani yaa ko saa de puari a romu a nana ni asibi, de dandani yaa butu yi aromu ba?>> 6Se su yi yaa keleba yi a kiya mu ba.
La Ki yaa ke Ma Kankye Mbodaa ba
7Yesu geni a siki worede de su sukwa de su zo anya si mbosi su zabi anya zunwa nsu girima, Yesu gye su abenshi nsum: 8Nde nse daa sukwa ke buki ni amere, kede ki zunwa akigbolo nsu girima ko e sukwa nsude pi ke girima. 9Nde e ma yomu, nsude sukwa guru aku yaa zo gye ke nkye, ki bila tolense nsum kingbolo.> Ka zi kumnya, sobon ka kuma te zunwa a kingbolo de e ma dereja gagaba. 10Sede nde su sukwa ke buki, te de ki zunwa a kingbolo de e mani dereja ba, e zo gye ke nkye, <Oboki, zo a bisi a anya kyakyawu.> Anya ni sua ba ke girima a geba ntani buki de ki ma nja su. 11Kowon nsude e ba kiya yi girima, sua la yi e ma mbodaa ba, sede nsu de bwala kiya ma mbodaa ba, sua la yi ma nsu girima.>> 12Se Yesu gye nsu de sukwa buki, <<Nde ki sukwa nse daa ni si mbosi nsape ko nyema, kede ki sukwa oboki ake, ko yayuwa ake ko dengi ake, ko nsu mbo nana ko dengeri ake kin ba; nde ki yi yomu, sua sukwa ke nana daa de ki biya mbo de su yi ke nshi. 13Sede nde ka sukwa buki, ki sukwa potoruwa, nja gurugu nja nsu nki sha riki nja makapi. 14Yomu na ka mani anabirika, dun sua yi yaa biya ke ba, sua biya ke nana de ntani gangasi sua dege a kumsha.>>
Kokongye ni Totolo Buki
Mat 22.1-10
15Se daa a siki worede su ma nja shi asi mbosi, gye Yesu nkye, <<Nsu anabirika na nsebeki de si mbosi anya buki solota ni Mirikisi.>> 16Yesu pala nkye: << Nse daa shiriya totolo buki e sukwa ntani Nyowa. 17A kwanki ni buki e yi e saka bunwa e yi manki nja worede e sukwa su, <su zo, guru mbo ma a kisi.> 18Sede guru asu sua beyi nja wuja. Nse ni pari nkye, Ni see pili, E ma dole de Ni te geni yi, kadishiya ki bilani de nte,> 19<<Nseda nkye, ni se saa ni noma gom, Ni ma a turiki de nte gwada su. Kadishiya ma ke nja ni.> 20<<Nse daa kuma nkye, <Ni yi amere, sobon yomu na zo ba.> 21<<Se bunwa zo gye nsugizi e yi guru mbo de su gye yi. Se nsugizi e yi yi anwashi e kuma gye bunwa e yi, nkye te kurukuzum de ki biya turiki nja lelenga ni geri, de ki tala nsu de su ma potoruwa, nja gurugu, nja makapi, nja nsu nki sha riki.> 22Bunwa nkye, <<<Tolense, <Mbo de ki sani ni yi, sede anya tuku ma.> 23<<Se nsugizi gye bunwa yi, <Te a woze golonwa de ki biya turiki nja siki geri de ki sa ntani de su zo, sobon de gizi na e sika. 24Na gye ku, ba nse daa de a siki ntani de Ni sukwa su buki de su ki.>>
Genbeki Ni Biya Yesu
Mat 10.37,38
25Yesu nkye mma gye ku, nana da ntani Nyowa sua biya yi, se e juyi gye su nkye, 26<<Guru nsu de yaa zo a anya na yaa ki adaa e yi nja amaa e yi, nja mata yi nja yaya e yi, yayuwa e yi menza nja mata, ee ari nja leyi e yi ba, yaama yayagizi na ba. 27Guru nsu de la gidiri e yi de biya ni ba yaama yayagizi na ba. 28<<Gaskye, nde nseda a siki aku yaa bila de e gina laki. Yaa para zuzunwa de kone mbode yaa kaa, e geni ko gyolo de e manshi yaa deta yi ari de yaa gama gini yi bo? 29Nde e kapa gini de eya karikye ba, guru nsu de geni gini e yi yaa yi dala. 30Sua nkye, nse mu kapa gini sede e yi yaa karikye ba.>
31<<Ko nde Seleki daa yaa bila de e te ayanki ngazi nja Seleki daa. sede yaa para zunwa de geni ko yaa te yi yaa yanki ngazi nja shoja dubu gom de e yi yanki nja Seleki de e mani shoja dubu ashirin? 32Nde yaa yi ba, seleki yaa saka yaa manki yi tunde su ma nyisa de te anya asu de bila zunwa selema.
33Yomu na, kowon nse a siki aku yaa bila guru mbo de e man shi ba yaama yayagizi na ba.
Giri de Mani Anki Ba
Mat 5.13; Mk 9.50
34Giri e man kyawu, sede nde giri bila zanki yi, yaa man zanki gagaba? 35E mani ampani daa a kesa ko taki gagaba; sua leyi nya.
<<Nsude man kuni zi, bila de e zi.>>
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The Word for the World International and The Word for the World Nigeria