Málkus 5
5
Yésuse umóndúgie mɔndɔ wa bilɔg biá bileénde agá Dekapól
(Mat 8.28-34; Lúk 8.26-39)
1Egélém agányɛ Yésuse na bebinene bég ebéneg na ɔgɔ́n unó wa ŋŋɛnd ya máŋ má Galilé uguá gibéyi giá guísi giá Gelasení. 2Umaágánayúgán uguá ŋŋumba, mɔndɔ omodi uwakilɛn yɔ́, guonoólín agá bibɛ́l, umabá na gilɔg giá gileénde.#5.2 Bandɔ bá gibéyi giá guísi igigányɛ bámabá bónyonon bandɔ bɔ́b uguá bihɔ́ biá adányɛ uguá iŋuɛnyɛ. Bayúdɛn bámánán buhɔɔ́m ubugányɛ manyanyɛ na bileénde ibísílaninaá bínya. 3Mɔndɔ ugányɛ umabá ugíga agá bibɛ́l uguá iŋuɛnyɛ. Ta mɔndɔ umasábia bugaga buá gɔ́d yɔ́ duoli, ta duoli duá duayɛ dúmasúguɔ́dɔn yɔ́. 4Bámabá bágúda yɔ́ na duoli duá duayɛ ugása, ta mɔndɔ umasábianan bugaga gudɔ́mb buég. 5Umabá ugíga binɛŋ bim pɛ́ŋ agá bibɛ́l ibigányɛ, waánsan ubíhúmúna na adányɛ. 6Haná úmanábílíŋídɛ́n Yésuse, uwɔgɔ́l ɔdɛ́d uwenegusígínín yɔ́ dunúnú. 7Uwehéhídinye úmuanyɛ áneé: «Yésuse! Aŋuá uhaŋ wa Uhaluá unyaá giyáŋáŋá! Áŋamba na giagɛ! Síkoli, bíliá uguá ɔhɛ́n huá Uhaluá áneé odigóŋóbígie.» 8Gá giagiá, Yésuse umɔyídɛ́n giɛ́ áneé: «Gilɔg giá gileénde! Hám uguá nuɔ́l nuá mɔndɔ ugányɛ!» 9Egélém uwoóhún giɛ́ áneé: «Ɔhɛ́n huáhɔ húnyɛ áneé ányá?» «Ɔhɛ́n huámɛ húnyɛ áneé “Gimbi”. Dinyɛ gimbi.» 10Uwabíand gá gáneganɛn yɔ́ áneé udigúŋá biɛ́ gá hémie biɛ́ uguá gibéyi giá guísi.
11Giandá giá giíŋ giá ŋŋunéb gímabá hɔ́ gíámba gunyá, uguá bindaánd biá ɔŋuɛnyɛ. 12Bilɔg biá bileénde ibigányɛ ibíágánganɛn yɔ́ áneé: «Dídɔ́m uguá ŋŋunéb ugúnó, dibíŋín uguɔ́b guá duɔ́l!» 13Uweliminyinye biɛ́. Ibíáhám, ibíénebíŋín uguá ŋŋunéb. Ŋŋunéb gidigid símabá síáhám duɔns dúandɛ, isíénetúlúgén ugumɔn guá ɔŋuɛnyɛ, isíónobiómbón uguá máŋ, isíáhɔ́h. 14Begíg ŋŋunéb ɔbɔ́bínɔh, ebénesesényé agá tísɔna naá uguá mufágfág. Bandɔ obónoól gá guán buand ubúmabídúmban. 15Ebénegín Yésuse agá mɔdɔg, abán mɔndɔ umaábianán gimbi giá bilɔg biá bileénde uguég guá nuɔ́l, dugumine, umámánábílaŋa ugányɛ kééŋ. Bugádɔ ubúégimbin bɔ́. 16Bandɔ abámán, ɔbɔ́yɔn bɔsɔ́gá buand ubúmabídúmban gá mɔndɔ wa bilɔg biá bileénde naá buá ŋŋunéb. 17Abɛ́d gɔg gá gáneganɛn Yésuse áneé, woólígie uguɔ́b guá gibéyi giá guísi. 18Umaágáyúman uguá ŋŋumba, mɔndɔ umaábia bilɔg biá bileénde uwobísógólonye yɔ́ áneé udɔ́mb neéneg. 19Yésuse uwen. Gɔgaá úmuanyɛ gég áneé: «Gúg agáhɔ gá nihiá uguá giansɛ giáhɔ giá bandɔ, ɔnɔyɔ́n bɔ́ buand gidigid ubuɔ́ Ɔgúná úmágual gég gá guánanɛn bulɔ́b.» 20Mɔndɔ uwɛɛ́d, uwɔnɔya uguá gibéyi giá guísi giá Dekapól#5.20 Dekapól anagányɛ gunyá áneé gibéyi giá guísi igínya na bɔtísɔna báad., buand ubuɔ́ Yésuse úmal gég gá busió. Bandɔ gidigid ɔbɔ́mɔ́bídɔ́lígɔ́nɔ́n abáyíka buɔ́.
Gióndúgie giá ugándɔ umaáhámán manɔ́ŋ na gihunya giá ŋŋɔndɛ ya Yalús
(Mat 9.18-26; Lúk 8.40-56)
21Yésuse umaámándayɔg uguá ŋŋumba na ɔgɔ́n unó wa máŋ, giíŋ igíégéŋélidie yɔ́ úmuanyɛ delimine uguá ŋŋɛnd. 22Ogógi omodi wa gigúl ɔhɛ́n áneé Yalús, uwesieg. Uwanaguɛ́n yɔ́ uguá dugɔ́nd. 23Uwagáneganɛn yɔ́ kanda nidɔgíná áneé: «Ŋŋɔndɛ yamɛ yɔɔ́guɔŋka na nigué. Síkoli ógún ɔsidɔ́bígɛ́n yɛ́ imbɔ́g gá gueleé isɔ́d yond ibia bugɔ́sia.» 24Uwalád ŋŋil neéneg, giíŋ igíébinen bɔ́, bɔ́da yɔ́. Bédídígen yɔ́ maáyɛ mem.
25Ugándɔ omodi umabá uguá ɔlɔŋ uguɔ́g, uhémenye manɔ́ŋ, umabá umámánúgual na manúma duɔŋ dúad na dúandɛ. 26Umabá umɔ́mɔ́núguɔ́bɛ́ɛg giod, uwegéndémidie bolondi, uwehémie ŋŋúme siég wɔ́s ta guól beseé, manúma miídan pɛ́ŋ uguá busió, mákányan gukányan. 27-28Umɔɔ́b buand ubuɔ́ bámabá bɔ́ya gá Yésuse, haná úmábá hɔ́ uwoólín yɔ́ uguélém. Ugedenye egég gá ɔdɛ́m áneé: «Mbɔ́dɔ́bígɔ́dɛn gisɔn giég #5.27-28 Bayúdɛn ŋŋɔɔ́guɔ́ndɔ́ɔg.» Uwɔbígɔ́dɛn gɔg gisɔn. 29Hɔ́nɔhɔ́ manɔ́ŋ umedelimin guháman yɔ́, uwɔbíɔ́b uguég guá nuɔ́l áneé umɔ́ndɔ́ɔg. 30Uguá ginɛŋ giáguɔ́, Yésuse uwaán áneé gidám giég giá bugaga gímáhám. Uwabígagalɛd, agá ɔdɛ́m na ɔdɛ́m huá giíŋ uwɔyɛd áneé: «Ányá umɔ́bígɔ́dɛ́n gisɔn giámɛ?» 31Bebinene bég obóndinye yɔ́ áneé: «Abíyigan haná giíŋ gíguɔ́dɔnɔ́ oóhón áneé, ányá umɔ́mbígɔ́dɛ́n a?» 32Uwabíyigan gɔg uguég guá maáyɛ gá guán umáal buɔ́. 33Ugándɔ uwaguɛn mpɔdíga na bugádɔ, haná úmalinsán buand ubúmegin yɔ́, uwoól uwaguɛn Yésuse agá dugɔ́nd, uwɔyɔn yɔ́ hómohómue. 34Uwɔyidɛn yɔ́ gɔg áneé: «Ŋŋɔndɛ yamɛ, guágɔdɛ́m guáhɔ gúmóguóndúgíe. Ídá uguá bumbénu, ídá adianándanúmɛ́d manúma amagányɛ.» 35Umabá umanyɛ gá gálgal, bedúmébi obónoólín agá nihiá niá ogógi ugányɛ, ɔbɔ́yidɛn yɔ́ áneé: «Ŋŋɔndɛ yahɔ imémenegué. Gá giagɛ egéndesésenyeé ehuínyihuínyi?» 36Yésuse umasúguágan gɔg idú gɔ́b gá mayɔ. Uwɔyidɛn yɔ́ áneé: «Adibiá bugádɔ, ág ɔdɛ́m pɛ́ŋ.» 37Umasánduguádáab áneé mɔndɔ ubinidin yɔ́. Búmábúdibá Piéle, Sák na gisɔ́nd giég Sáŋa. 38Ebéneg agá nihiá niá ogógi ugányɛ, uwegégie ogundu na masiana, bandɔ bábaŋa, béhéhenye. 39Uwebíŋín, uwɔyidɛn bɔ́ áneé: «Gá giagɛ núágánaá ogundu, nubaŋa? Muúŋayɔ ŋŋɔndɛ ugányɛ uméségué, gɔgaá unyɛ gá dunɔ́.» 40Ɔbɔ́hɔna yɔ́, uwehémie gɔg bandɔ gidigid abámabá uguá giansɛ uwond uwɔdɔ́ŋɛ́ɛn bebíényi bá muɔ́n na bandɔ ebémélényé yɔ́. Uwebíŋín agá hɔɔ́m ɔhɔɔ́ muúŋayɔ úmabá. 41Uwegimbin yɔ́ uguá ɔmbɔ́g#5.41 Uguá Bayúdɛn bamasábá bɔbígɔ́dɔn gilɔ́ŋ gá giagiá ginyɛ manyanyɛ. uwɔyidɛn yɔ́ áneé: «Talíta kum!» Anagányɛ gúnya áneé, Muúŋayɔ ŋŋɔndɛ, yɔ́guɔyɔn, adígɛ́n 42Muúŋayɔ ŋŋɔndɛ uwedúmbie guadigɛn. Uwɛɛ́d gá guanda, umasɛ́d uganyɛ na duɔŋ dúad na dúandɛ. Uguá ginɛŋ igiɛ́ bámán anagányɛ, ebéséhén na buɔ́. 43Yésuse uwond gɔg uwegíndídin bɔ́ áneé bédilinsé mɔndɔ buɔ́. Egélém agányɛ, uganyɛ gɔ́b áneé: «Ánaá núéŋin yɔ́ gunyá.»
Iliyochaguliwa sasa
Málkus 5: EKM
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Málkus 5
5
Yésuse umóndúgie mɔndɔ wa bilɔg biá bileénde agá Dekapól
(Mat 8.28-34; Lúk 8.26-39)
1Egélém agányɛ Yésuse na bebinene bég ebéneg na ɔgɔ́n unó wa ŋŋɛnd ya máŋ má Galilé uguá gibéyi giá guísi giá Gelasení. 2Umaágánayúgán uguá ŋŋumba, mɔndɔ omodi uwakilɛn yɔ́, guonoólín agá bibɛ́l, umabá na gilɔg giá gileénde.#5.2 Bandɔ bá gibéyi giá guísi igigányɛ bámabá bónyonon bandɔ bɔ́b uguá bihɔ́ biá adányɛ uguá iŋuɛnyɛ. Bayúdɛn bámánán buhɔɔ́m ubugányɛ manyanyɛ na bileénde ibísílaninaá bínya. 3Mɔndɔ ugányɛ umabá ugíga agá bibɛ́l uguá iŋuɛnyɛ. Ta mɔndɔ umasábia bugaga buá gɔ́d yɔ́ duoli, ta duoli duá duayɛ dúmasúguɔ́dɔn yɔ́. 4Bámabá bágúda yɔ́ na duoli duá duayɛ ugása, ta mɔndɔ umasábianan bugaga gudɔ́mb buég. 5Umabá ugíga binɛŋ bim pɛ́ŋ agá bibɛ́l ibigányɛ, waánsan ubíhúmúna na adányɛ. 6Haná úmanábílíŋídɛ́n Yésuse, uwɔgɔ́l ɔdɛ́d uwenegusígínín yɔ́ dunúnú. 7Uwehéhídinye úmuanyɛ áneé: «Yésuse! Aŋuá uhaŋ wa Uhaluá unyaá giyáŋáŋá! Áŋamba na giagɛ! Síkoli, bíliá uguá ɔhɛ́n huá Uhaluá áneé odigóŋóbígie.» 8Gá giagiá, Yésuse umɔyídɛ́n giɛ́ áneé: «Gilɔg giá gileénde! Hám uguá nuɔ́l nuá mɔndɔ ugányɛ!» 9Egélém uwoóhún giɛ́ áneé: «Ɔhɛ́n huáhɔ húnyɛ áneé ányá?» «Ɔhɛ́n huámɛ húnyɛ áneé “Gimbi”. Dinyɛ gimbi.» 10Uwabíand gá gáneganɛn yɔ́ áneé udigúŋá biɛ́ gá hémie biɛ́ uguá gibéyi giá guísi.
11Giandá giá giíŋ giá ŋŋunéb gímabá hɔ́ gíámba gunyá, uguá bindaánd biá ɔŋuɛnyɛ. 12Bilɔg biá bileénde ibigányɛ ibíágánganɛn yɔ́ áneé: «Dídɔ́m uguá ŋŋunéb ugúnó, dibíŋín uguɔ́b guá duɔ́l!» 13Uweliminyinye biɛ́. Ibíáhám, ibíénebíŋín uguá ŋŋunéb. Ŋŋunéb gidigid símabá síáhám duɔns dúandɛ, isíénetúlúgén ugumɔn guá ɔŋuɛnyɛ, isíónobiómbón uguá máŋ, isíáhɔ́h. 14Begíg ŋŋunéb ɔbɔ́bínɔh, ebénesesényé agá tísɔna naá uguá mufágfág. Bandɔ obónoól gá guán buand ubúmabídúmban. 15Ebénegín Yésuse agá mɔdɔg, abán mɔndɔ umaábianán gimbi giá bilɔg biá bileénde uguég guá nuɔ́l, dugumine, umámánábílaŋa ugányɛ kééŋ. Bugádɔ ubúégimbin bɔ́. 16Bandɔ abámán, ɔbɔ́yɔn bɔsɔ́gá buand ubúmabídúmban gá mɔndɔ wa bilɔg biá bileénde naá buá ŋŋunéb. 17Abɛ́d gɔg gá gáneganɛn Yésuse áneé, woólígie uguɔ́b guá gibéyi giá guísi. 18Umaágáyúman uguá ŋŋumba, mɔndɔ umaábia bilɔg biá bileénde uwobísógólonye yɔ́ áneé udɔ́mb neéneg. 19Yésuse uwen. Gɔgaá úmuanyɛ gég áneé: «Gúg agáhɔ gá nihiá uguá giansɛ giáhɔ giá bandɔ, ɔnɔyɔ́n bɔ́ buand gidigid ubuɔ́ Ɔgúná úmágual gég gá guánanɛn bulɔ́b.» 20Mɔndɔ uwɛɛ́d, uwɔnɔya uguá gibéyi giá guísi giá Dekapól#5.20 Dekapól anagányɛ gunyá áneé gibéyi giá guísi igínya na bɔtísɔna báad., buand ubuɔ́ Yésuse úmal gég gá busió. Bandɔ gidigid ɔbɔ́mɔ́bídɔ́lígɔ́nɔ́n abáyíka buɔ́.
Gióndúgie giá ugándɔ umaáhámán manɔ́ŋ na gihunya giá ŋŋɔndɛ ya Yalús
(Mat 9.18-26; Lúk 8.40-56)
21Yésuse umaámándayɔg uguá ŋŋumba na ɔgɔ́n unó wa máŋ, giíŋ igíégéŋélidie yɔ́ úmuanyɛ delimine uguá ŋŋɛnd. 22Ogógi omodi wa gigúl ɔhɛ́n áneé Yalús, uwesieg. Uwanaguɛ́n yɔ́ uguá dugɔ́nd. 23Uwagáneganɛn yɔ́ kanda nidɔgíná áneé: «Ŋŋɔndɛ yamɛ yɔɔ́guɔŋka na nigué. Síkoli ógún ɔsidɔ́bígɛ́n yɛ́ imbɔ́g gá gueleé isɔ́d yond ibia bugɔ́sia.» 24Uwalád ŋŋil neéneg, giíŋ igíébinen bɔ́, bɔ́da yɔ́. Bédídígen yɔ́ maáyɛ mem.
25Ugándɔ omodi umabá uguá ɔlɔŋ uguɔ́g, uhémenye manɔ́ŋ, umabá umámánúgual na manúma duɔŋ dúad na dúandɛ. 26Umabá umɔ́mɔ́núguɔ́bɛ́ɛg giod, uwegéndémidie bolondi, uwehémie ŋŋúme siég wɔ́s ta guól beseé, manúma miídan pɛ́ŋ uguá busió, mákányan gukányan. 27-28Umɔɔ́b buand ubuɔ́ bámabá bɔ́ya gá Yésuse, haná úmábá hɔ́ uwoólín yɔ́ uguélém. Ugedenye egég gá ɔdɛ́m áneé: «Mbɔ́dɔ́bígɔ́dɛn gisɔn giég #5.27-28 Bayúdɛn ŋŋɔɔ́guɔ́ndɔ́ɔg.» Uwɔbígɔ́dɛn gɔg gisɔn. 29Hɔ́nɔhɔ́ manɔ́ŋ umedelimin guháman yɔ́, uwɔbíɔ́b uguég guá nuɔ́l áneé umɔ́ndɔ́ɔg. 30Uguá ginɛŋ giáguɔ́, Yésuse uwaán áneé gidám giég giá bugaga gímáhám. Uwabígagalɛd, agá ɔdɛ́m na ɔdɛ́m huá giíŋ uwɔyɛd áneé: «Ányá umɔ́bígɔ́dɛ́n gisɔn giámɛ?» 31Bebinene bég obóndinye yɔ́ áneé: «Abíyigan haná giíŋ gíguɔ́dɔnɔ́ oóhón áneé, ányá umɔ́mbígɔ́dɛ́n a?» 32Uwabíyigan gɔg uguég guá maáyɛ gá guán umáal buɔ́. 33Ugándɔ uwaguɛn mpɔdíga na bugádɔ, haná úmalinsán buand ubúmegin yɔ́, uwoól uwaguɛn Yésuse agá dugɔ́nd, uwɔyɔn yɔ́ hómohómue. 34Uwɔyidɛn yɔ́ gɔg áneé: «Ŋŋɔndɛ yamɛ, guágɔdɛ́m guáhɔ gúmóguóndúgíe. Ídá uguá bumbénu, ídá adianándanúmɛ́d manúma amagányɛ.» 35Umabá umanyɛ gá gálgal, bedúmébi obónoólín agá nihiá niá ogógi ugányɛ, ɔbɔ́yidɛn yɔ́ áneé: «Ŋŋɔndɛ yahɔ imémenegué. Gá giagɛ egéndesésenyeé ehuínyihuínyi?» 36Yésuse umasúguágan gɔg idú gɔ́b gá mayɔ. Uwɔyidɛn yɔ́ áneé: «Adibiá bugádɔ, ág ɔdɛ́m pɛ́ŋ.» 37Umasánduguádáab áneé mɔndɔ ubinidin yɔ́. Búmábúdibá Piéle, Sák na gisɔ́nd giég Sáŋa. 38Ebéneg agá nihiá niá ogógi ugányɛ, uwegégie ogundu na masiana, bandɔ bábaŋa, béhéhenye. 39Uwebíŋín, uwɔyidɛn bɔ́ áneé: «Gá giagɛ núágánaá ogundu, nubaŋa? Muúŋayɔ ŋŋɔndɛ ugányɛ uméségué, gɔgaá unyɛ gá dunɔ́.» 40Ɔbɔ́hɔna yɔ́, uwehémie gɔg bandɔ gidigid abámabá uguá giansɛ uwond uwɔdɔ́ŋɛ́ɛn bebíényi bá muɔ́n na bandɔ ebémélényé yɔ́. Uwebíŋín agá hɔɔ́m ɔhɔɔ́ muúŋayɔ úmabá. 41Uwegimbin yɔ́ uguá ɔmbɔ́g#5.41 Uguá Bayúdɛn bamasábá bɔbígɔ́dɔn gilɔ́ŋ gá giagiá ginyɛ manyanyɛ. uwɔyidɛn yɔ́ áneé: «Talíta kum!» Anagányɛ gúnya áneé, Muúŋayɔ ŋŋɔndɛ, yɔ́guɔyɔn, adígɛ́n 42Muúŋayɔ ŋŋɔndɛ uwedúmbie guadigɛn. Uwɛɛ́d gá guanda, umasɛ́d uganyɛ na duɔŋ dúad na dúandɛ. Uguá ginɛŋ igiɛ́ bámán anagányɛ, ebéséhén na buɔ́. 43Yésuse uwond gɔg uwegíndídin bɔ́ áneé bédilinsé mɔndɔ buɔ́. Egélém agányɛ, uganyɛ gɔ́b áneé: «Ánaá núéŋin yɔ́ gunyá.»
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia