Málkus 4
4
Nsab ya ebuhi
(Mat 13.1-9; Lúk 8.4-8)
1Yésuse uwanduguɛ́d gá huínyihuinye uguá ŋŋɛnd ya máŋ. Giandá giá giíŋ giá bandɔ igíákilɛn yɔ́, uwayumɛn uguá ŋŋumba uwedugumin, bandɔ gidigid ɔbɔ́lɔbɛn uguá ŋŋɛnd ya máŋ. 2Uwehuínyihuinye bɔ́ giod giá muand uguá nsab, wɔyɔn bɔ́ áneé: 3«Ánaá núbídɔ́lígɛn! Ebuhi umahám gá guɛ́d gá buhe. 4Umeégébuhé, mbuh símodi isíáguan uguá buáyɛ buá ŋŋil, munonyi umúónoól umúányá wɔ́s. 5Gidám giá mbuh gímodi igíáguɛn uguá ɔgugɔyɔ, agá hɔɔ́m ɔhɔɔ́ magayɔ mámasádibá giod. Isíédúmbie gubumug, haná guísi gúmasádibá bubímbíl, 6ɔhɛ́nyɛ húmaámáhám isíábɛg gá giagiá símabá símanyɛ sidiluá iŋaŋ, isíédúmbie isíɔ́yɔ́g. 7Mbuh símodi isíáguɛn uguá gimaáŋana, igíágɔm igíéhúgígen siɛ́, igíɔ́da siɛ́ isíégue mbɔlɔɔ́la. 8Símodi isíáguɛn agá ginɔ́g giá magayɔ, isíáguman, isíéhúme ndínyi imoómi gudɔ́mb dubab nitín na dúad, ndínyi imodi gudɔ́mb edín ádádɔ. Imodi gudɔ́mb edín átánɔ.» 9Yésuse uwɔyɛ́d áneé: «Unyaá na idú siá guɔ́b wɔɔ́b!»
Gá giagɛ Yésuse úgálgalaá pɛ́ŋ uguá nsab
(Mat 13.10-15; Lúk 8.9-10)
10Bámaámádándúgan na giíŋ, bandɔ abámabá neéneg na #4.10Bíyɛ́g Esayí 6.9-10.medenyi máad na máandɛ na bebinene bég, báganyɛ gég áneé dídámbúnán nsab. 11Uwɔyɔn bɔ́ áneé: «Gánɔ gá busió, banuá ɔbɔ, bámanúhuá ninamba niá Niguili niá Uhaluá, abánya uguá nígadá ebéné gɔg, buá gidigid búáguɛ́d guonoólónín bɔ́ pɛ́ŋ uguá nsab, 12gá gueleé ta bábila eŋís bádián, ta bɔ́bídɔ́lígɔn bɔ́diɔ́b, eéndegú bédiesínúgié bilɔŋ, bóbísómonye bilɔga biɔ́b gá bia giyibinina.» 13Uwɔnduguɔyidɛn bɔ́ áneé: «Nudiɔ́guɔ́bɔn nsab iyɛ a? Naánanyá núnya nuɔguɔ́b isíólsíóndeé gɔg?»
Gudambɔn guá nsab ya ebuhi
(Mat 13.18-23; Lúk 8.11-15)
14Búnyɛ áneé: «Ebuhi weébuhe Nugálɔ nuá Uhaluá. 15Bandɔ abánya uguá buáyɛ buá ŋŋil iyɛɛ́ Nugálɔ unúbíbuhenú, bányɛ bandɔ ɔbɔ́sɔ́guɔ́b Nugálɔ. Hɔ́nɔhɔ́, Sátan wonoól uhónid Nugálɔ unuɔ́ bɔ́sɔ́guɔ́b. 16Guísi guá ɔgugɔyɔ, búnyɛ bandɔ ɔbɔ́bɔnaá Nugálɔ, hɔ́nɔhɔ́ bágíndígɛn nuɔ́ na ibal. 17Bódigódi gɔg iŋaŋ, bányɛ bandɔ bá maná ginɛŋ: Meyú ugúnya ana nusésényi númónoól gá busió buá Nugálɔ nuá Uhaluá, báguɛn. 18Símodi sínyɛ isibuhénu agá gimaáŋana, bɔ́bɔ́mɔɔ́b Nugálɔ, 19gɔgaá, guágan idɛ́m siɔ́b na nubídágídɛ́n nuɔ́b gá muand muá guísi, bunɛ́m na muand mum muá beseé umúnya inɔŋɔnɔŋa hiá bunɛ́m, múhúgígen nuɔ́ múgúndie nuɔ́, núdihúm bibɔg. 20Bómodi bányɛ hɔ́ abámagíndígɛn Nugálɔ nuá Uhaluá uguá ginɔ́g giá guísi. Bábánya bandɔ ɔbɔ́bídɔ́lígɔnɔnaá Nugálɔ, bágíndígɛn nuɔ́, núhúm ndínyi imoómi gudɔ́mb dubab nitín na dúad, inyaá ana gudɔ́mb edín ádádɔ, imodi inyaá ana gudɔ́mb nsám edín átánɔ.»
Nsab ya ilámba
(Mat 5.15; 10.26; Lúk 8.16-18; 11.33; 6.38)
21Uwɔnduguɔyidɛn bɔ́ áneé: «Mɔndɔ weédímbígen ilámba gá guág uguadá guá ondoŋ ugúnya ana uguá mbílígís a? Mbuen waáguadigan hiɛ́? 22Ɛɛ́ɛ! Buá gidigid ubúnya uguá ninamba búánáhám agá budányɛ. Búmodi búdibá hɔ́ uguá ninamba ubuɔ́ bédienéhémienú na ɔdɛ́m huá buɔ́sɛ. 23Unyaá na idú siá guɔ́b, wɔɔ́b!» 24Uwɔnduguɔyidɛn bɔ́ áneé: «Nubígɛ́ŋ, nugimbe muand umuɔ́ núɔ́bɔnaá. Uguá bilɔŋ ibiɛ́ núgimbenú muɔ́ búbúánálanɔ́ áneé nuándabia muɔ́ gudɔ́mb. 25Ɛɛ́ɛ! Ubiananaá giod, bɔ́nɔ́híginɛn yɔ́. Udiábiánán, bɔ́nɔ́gɔ́l ta maná gidám uyɔɔ́ úgódionu.»
Nsab ya bunimɛ́d ubúgumanaá buéŋenyi
26Uwɔnduguɔyidɛn bɔ́ áneé: «Ana gugilebe guá Uhaluá gúnya: mɔndɔ waánima uguég guá mesíge. 27Ta ubídíman ta unyɛ gindényé, budúg buɔ́sɛ, bunimɛ́d buég búɔ́sɔ́gá, búguman, udilɛns haná búgumanaá. 28Guísi mbánan gúbumugie megíde, egélém agányɛ bisɛl, agá nsúgie nsám uguá dubab. 29Dubab dúmámanagúnɛ́n, bɛ́d gá sáŋa gá giagiá ginɛŋ giá guóge gímésieg.»
Nsám ya gigúm
(Mat 13.31-32; Lúk 13.18-19)
30Uwɔnduguɔyidɛn bɔ́ áneé: «Dinyɛ dia gɔ́l nulinsa nuá Niguili niá Uhaluá na giagɛ aga? Dinyɛ dia díye niɛ́ na nsab ilúm? 31Nínyɛ haná nsám ya gigúm. Uguá ginɛŋ igiɛ́ báságɔ́n yɛ́, búnyɛ maná nsám bugídígíd gá nsám gidigid isínya uguísi. 32Bámágɔ́n yɛ́ gɔg, yaáguman, yasiáyɛ giandá giá budɛ́ gudɔ́mb manimɛ́d gidigid. Bígasia biég bíguman, bíhaŋa, munonyi múnyɛ muá hága bigad biɔ́b guɔ́.» 33Anagányɛ nɔ́ úmabá uhuínyihuinye bandɔ na giod giá nsab hana isiɛ. Umabá udúme nsab siég uguá guɔ́b guá bandɔ abámabá bɔ́bídɔ́lígɔn yɔ́. 34Umasábá ugálgal kanda nsab, umabá úménebíséŋélídíe na bebinene bég udambunan bɔ́ siɛ́.
Yésuse weéhédenye ombógónyé
(Mat 8.18, 23-27; Lúk 8.22-25)
35Na ginɛ́ŋ giá buɔ́sɛ buáguɔ́, Yésuse uwɔyidɛn bebinene bég áneé: «Ánaá díyɔg na ɔgɔ́n unó wa máŋ.» 36Bebinene obólígie gɔg agá giíŋ, abáyumɛn uguá ŋŋumba iyɛɛ́ úmabá guɔ́ abɛ́d neéneg. Ŋŋumba símodi símabá hɔ́ ɔlɔŋ naá yeg. 37Giandá giá gihínyi igíágɔns gufife, ombógónyé uhúɛ́d gá bíbuman uguá ŋŋumba, iyagɔns guhónón na mimbi. 38Umabá uguélém guá ŋŋumba, ɔduá dɔbigina uguá ŋŋáda, wiídan dunɔ́. Bebinene bég abáhuɛnyɛ yɔ́, bámuanyɛ gég áneé: «Ehuínyihuínyi, búdiáguala bugádɔ, dimáhɔ́h.» 39Uwahunyɛg, uwaánsídɛn gihínyi, uwɔyidɛn máŋ áneé: «Hádán! Ɔlɛ́d!» Gihínyi igíáhádan, guɔ́m uguónd yeéyuyu. 40Uwɔyidɛn bɔ́ áneé: «Gá giagɛ núnya na bugádɔ anagányɛ? Numanyɛ nudiág ɔdɛ́m a?» 41Manɔ́ŋ mɔ́b amásúmbɛ́ɛg, bábígálgalɛn áneé: «Búbúnya kasɛ́ bumɔndɔ ubuɔ́ gihínyi na máŋ múɔ́bɔninaá?»
Iliyochaguliwa sasa
Málkus 4: EKM
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Málkus 4
4
Nsab ya ebuhi
(Mat 13.1-9; Lúk 8.4-8)
1Yésuse uwanduguɛ́d gá huínyihuinye uguá ŋŋɛnd ya máŋ. Giandá giá giíŋ giá bandɔ igíákilɛn yɔ́, uwayumɛn uguá ŋŋumba uwedugumin, bandɔ gidigid ɔbɔ́lɔbɛn uguá ŋŋɛnd ya máŋ. 2Uwehuínyihuinye bɔ́ giod giá muand uguá nsab, wɔyɔn bɔ́ áneé: 3«Ánaá núbídɔ́lígɛn! Ebuhi umahám gá guɛ́d gá buhe. 4Umeégébuhé, mbuh símodi isíáguan uguá buáyɛ buá ŋŋil, munonyi umúónoól umúányá wɔ́s. 5Gidám giá mbuh gímodi igíáguɛn uguá ɔgugɔyɔ, agá hɔɔ́m ɔhɔɔ́ magayɔ mámasádibá giod. Isíédúmbie gubumug, haná guísi gúmasádibá bubímbíl, 6ɔhɛ́nyɛ húmaámáhám isíábɛg gá giagiá símabá símanyɛ sidiluá iŋaŋ, isíédúmbie isíɔ́yɔ́g. 7Mbuh símodi isíáguɛn uguá gimaáŋana, igíágɔm igíéhúgígen siɛ́, igíɔ́da siɛ́ isíégue mbɔlɔɔ́la. 8Símodi isíáguɛn agá ginɔ́g giá magayɔ, isíáguman, isíéhúme ndínyi imoómi gudɔ́mb dubab nitín na dúad, ndínyi imodi gudɔ́mb edín ádádɔ. Imodi gudɔ́mb edín átánɔ.» 9Yésuse uwɔyɛ́d áneé: «Unyaá na idú siá guɔ́b wɔɔ́b!»
Gá giagɛ Yésuse úgálgalaá pɛ́ŋ uguá nsab
(Mat 13.10-15; Lúk 8.9-10)
10Bámaámádándúgan na giíŋ, bandɔ abámabá neéneg na #4.10Bíyɛ́g Esayí 6.9-10.medenyi máad na máandɛ na bebinene bég, báganyɛ gég áneé dídámbúnán nsab. 11Uwɔyɔn bɔ́ áneé: «Gánɔ gá busió, banuá ɔbɔ, bámanúhuá ninamba niá Niguili niá Uhaluá, abánya uguá nígadá ebéné gɔg, buá gidigid búáguɛ́d guonoólónín bɔ́ pɛ́ŋ uguá nsab, 12gá gueleé ta bábila eŋís bádián, ta bɔ́bídɔ́lígɔn bɔ́diɔ́b, eéndegú bédiesínúgié bilɔŋ, bóbísómonye bilɔga biɔ́b gá bia giyibinina.» 13Uwɔnduguɔyidɛn bɔ́ áneé: «Nudiɔ́guɔ́bɔn nsab iyɛ a? Naánanyá núnya nuɔguɔ́b isíólsíóndeé gɔg?»
Gudambɔn guá nsab ya ebuhi
(Mat 13.18-23; Lúk 8.11-15)
14Búnyɛ áneé: «Ebuhi weébuhe Nugálɔ nuá Uhaluá. 15Bandɔ abánya uguá buáyɛ buá ŋŋil iyɛɛ́ Nugálɔ unúbíbuhenú, bányɛ bandɔ ɔbɔ́sɔ́guɔ́b Nugálɔ. Hɔ́nɔhɔ́, Sátan wonoól uhónid Nugálɔ unuɔ́ bɔ́sɔ́guɔ́b. 16Guísi guá ɔgugɔyɔ, búnyɛ bandɔ ɔbɔ́bɔnaá Nugálɔ, hɔ́nɔhɔ́ bágíndígɛn nuɔ́ na ibal. 17Bódigódi gɔg iŋaŋ, bányɛ bandɔ bá maná ginɛŋ: Meyú ugúnya ana nusésényi númónoól gá busió buá Nugálɔ nuá Uhaluá, báguɛn. 18Símodi sínyɛ isibuhénu agá gimaáŋana, bɔ́bɔ́mɔɔ́b Nugálɔ, 19gɔgaá, guágan idɛ́m siɔ́b na nubídágídɛ́n nuɔ́b gá muand muá guísi, bunɛ́m na muand mum muá beseé umúnya inɔŋɔnɔŋa hiá bunɛ́m, múhúgígen nuɔ́ múgúndie nuɔ́, núdihúm bibɔg. 20Bómodi bányɛ hɔ́ abámagíndígɛn Nugálɔ nuá Uhaluá uguá ginɔ́g giá guísi. Bábánya bandɔ ɔbɔ́bídɔ́lígɔnɔnaá Nugálɔ, bágíndígɛn nuɔ́, núhúm ndínyi imoómi gudɔ́mb dubab nitín na dúad, inyaá ana gudɔ́mb edín ádádɔ, imodi inyaá ana gudɔ́mb nsám edín átánɔ.»
Nsab ya ilámba
(Mat 5.15; 10.26; Lúk 8.16-18; 11.33; 6.38)
21Uwɔnduguɔyidɛn bɔ́ áneé: «Mɔndɔ weédímbígen ilámba gá guág uguadá guá ondoŋ ugúnya ana uguá mbílígís a? Mbuen waáguadigan hiɛ́? 22Ɛɛ́ɛ! Buá gidigid ubúnya uguá ninamba búánáhám agá budányɛ. Búmodi búdibá hɔ́ uguá ninamba ubuɔ́ bédienéhémienú na ɔdɛ́m huá buɔ́sɛ. 23Unyaá na idú siá guɔ́b, wɔɔ́b!» 24Uwɔnduguɔyidɛn bɔ́ áneé: «Nubígɛ́ŋ, nugimbe muand umuɔ́ núɔ́bɔnaá. Uguá bilɔŋ ibiɛ́ núgimbenú muɔ́ búbúánálanɔ́ áneé nuándabia muɔ́ gudɔ́mb. 25Ɛɛ́ɛ! Ubiananaá giod, bɔ́nɔ́híginɛn yɔ́. Udiábiánán, bɔ́nɔ́gɔ́l ta maná gidám uyɔɔ́ úgódionu.»
Nsab ya bunimɛ́d ubúgumanaá buéŋenyi
26Uwɔnduguɔyidɛn bɔ́ áneé: «Ana gugilebe guá Uhaluá gúnya: mɔndɔ waánima uguég guá mesíge. 27Ta ubídíman ta unyɛ gindényé, budúg buɔ́sɛ, bunimɛ́d buég búɔ́sɔ́gá, búguman, udilɛns haná búgumanaá. 28Guísi mbánan gúbumugie megíde, egélém agányɛ bisɛl, agá nsúgie nsám uguá dubab. 29Dubab dúmámanagúnɛ́n, bɛ́d gá sáŋa gá giagiá ginɛŋ giá guóge gímésieg.»
Nsám ya gigúm
(Mat 13.31-32; Lúk 13.18-19)
30Uwɔnduguɔyidɛn bɔ́ áneé: «Dinyɛ dia gɔ́l nulinsa nuá Niguili niá Uhaluá na giagɛ aga? Dinyɛ dia díye niɛ́ na nsab ilúm? 31Nínyɛ haná nsám ya gigúm. Uguá ginɛŋ igiɛ́ báságɔ́n yɛ́, búnyɛ maná nsám bugídígíd gá nsám gidigid isínya uguísi. 32Bámágɔ́n yɛ́ gɔg, yaáguman, yasiáyɛ giandá giá budɛ́ gudɔ́mb manimɛ́d gidigid. Bígasia biég bíguman, bíhaŋa, munonyi múnyɛ muá hága bigad biɔ́b guɔ́.» 33Anagányɛ nɔ́ úmabá uhuínyihuinye bandɔ na giod giá nsab hana isiɛ. Umabá udúme nsab siég uguá guɔ́b guá bandɔ abámabá bɔ́bídɔ́lígɔn yɔ́. 34Umasábá ugálgal kanda nsab, umabá úménebíséŋélídíe na bebinene bég udambunan bɔ́ siɛ́.
Yésuse weéhédenye ombógónyé
(Mat 8.18, 23-27; Lúk 8.22-25)
35Na ginɛ́ŋ giá buɔ́sɛ buáguɔ́, Yésuse uwɔyidɛn bebinene bég áneé: «Ánaá díyɔg na ɔgɔ́n unó wa máŋ.» 36Bebinene obólígie gɔg agá giíŋ, abáyumɛn uguá ŋŋumba iyɛɛ́ úmabá guɔ́ abɛ́d neéneg. Ŋŋumba símodi símabá hɔ́ ɔlɔŋ naá yeg. 37Giandá giá gihínyi igíágɔns gufife, ombógónyé uhúɛ́d gá bíbuman uguá ŋŋumba, iyagɔns guhónón na mimbi. 38Umabá uguélém guá ŋŋumba, ɔduá dɔbigina uguá ŋŋáda, wiídan dunɔ́. Bebinene bég abáhuɛnyɛ yɔ́, bámuanyɛ gég áneé: «Ehuínyihuínyi, búdiáguala bugádɔ, dimáhɔ́h.» 39Uwahunyɛg, uwaánsídɛn gihínyi, uwɔyidɛn máŋ áneé: «Hádán! Ɔlɛ́d!» Gihínyi igíáhádan, guɔ́m uguónd yeéyuyu. 40Uwɔyidɛn bɔ́ áneé: «Gá giagɛ núnya na bugádɔ anagányɛ? Numanyɛ nudiág ɔdɛ́m a?» 41Manɔ́ŋ mɔ́b amásúmbɛ́ɛg, bábígálgalɛn áneé: «Búbúnya kasɛ́ bumɔndɔ ubuɔ́ gihínyi na máŋ múɔ́bɔninaá?»
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia