Matiós 11
11
1Henyé, Yésuse umaámáman gubídínan medenyi még máad na máandɛ, uwoólígie uguá bɔtísɔna bá gibéyi giá guísi igigányɛ gá huínyihuinye na guɔya Ginɔ́g giá Nsɔ́m.
Ŋŋóhúnín ya Sáŋa na ŋŋondínyi ya Yésuse
2Sáŋa, uguég guá giansɛ giá mbíne, uwɔɔ́b nigúmi niá Klístus gá muand umuɔ́ úmabá wala. Uwadúmɛ́n Yésuse gɔg bebinene bég gá guóhún yɔ́ áneé: 3«Anyɛ “mɔndɔ uyɔɔ́ dígíganaá” ugúnya ana dimanyɛ gá gígan odoódi a?» 4Yésuse uwondinye bɔ́ áneé: «Idánánɔ nuɔyidɛn yɔ́ buand ubuɔ́ núɔ́bɔnaá naá ubuɔ́ núánanaá: 5Beheguhégu báguánan, biŋándúnya bíanda, beŋúnuŋún bɔ́ndúgɔn, bedúdú bɔ́bɔn, bilɔ́ŋ bíhunyigan, bésesenyinye basúgasúga Ginɔ́g giá Nsɔ́m. 6Beseé naá abádianáguanɔ́ gámɛ gá busió.» 7Uguá ginɛŋ igiɛ́ bebinene bá Sáŋa bémegúgen, Yésuse uwagɔns guɔyɔn bandɔ gá busió buá Sáŋa áneé: «Giagɛ igiɛ́ númɛɛ́d gá bíyigan agá uhambɛ? Nubalɔ unuɔ́ gihíŋ gídɔ́lɔnɔ́ a?» 8Ahá, giagɛ gɔg númiídán gá bíyigan? Mɔndɔ umaábíláŋá na binɔ́g biá bisɔn a? Gɔgaá, abábílaŋanɔ́ na binɔ́g biá bisɔn bágíga uguá biansɛ biá ifuŋ. 9Yoónúóhon áneé giagɛ gɔg igiɛ́ númiídan gá bíyigan? Ebunebúné a? Ɛɛ́ɛ, yɔɔ́núɔyɔn, waádúmban muɛ́d ebunebúné. 10Búnyɛ gég gá busió búnya ubúɔ́ŋɔ́n áneé: «Ndénu, ŋŋadɔ́m oŋoyi nsɔ́m wamɛ uguáhɔ guá busió, gá guaŋanan ŋŋil yahɔ. 11Hómohómue yɔɔ́núɔyɔn buɔ́, uguá bandɔ gidigid ebémebíbíén uguísi uguɔ, ta omoómi udiádúmban Sáŋa Eyumínyi gá buyáŋáŋá. Ta nɔ́ gɔg, mɔndɔ wa bugídígíd uguá Niguili niá gumɔn unyɛ giandá gudɔ́mb yɔ́. 12Guenebul agá Sáŋa eyumínyibandɔ guesieg hínen uyɔ, Niguili niá gumɔn nínyɛ inisegídíenu na buhánd, bihánd bíbíhɔgɔnɔ́ niɛ́. 13Bebunebúné gidigid gɔg, na gigodi súsɔ́n, bémesesényé Ginɔ́g giá Nsɔ́m guesieg uguá ginɛŋ giá Sáŋa. 14Mmába nuáguamba guɔ́b beseé, búnyɛ úmuanyɛ, Elí úgódionu áneé wosiond. 15Mɔndɔ ugódionu idú ánaá wɔɔ́b! 16Nnyɛ wa gɔ́l nunam unuɔ hana ányá? Nnyɛ wa gɔ́l nuɔ hana biayɔ ibísédugumin agá biɔ́mb, bídɔ́ŋɔn bɔsɔ́gá.
17Dimɔnúdɔ́ŋɔ́nɛ́n núlimbia, unuen gubíne!
Idiɔnúdɔ́ŋɔn isag siá nigué unuen gubaŋa!
18Ɛɛ́ɛ, Sáŋa umoól, ta gunyánan, ta gubíhuán unuɔyɛd áneé “Ugódi gilɔg giá gileénde.” 19Muɔ́n wa mɔndɔ umoól ubíhuán, unyánan, unuɔyɛd áneé “Ndé ɔlɔtɔlɔ́t unó, gihuɔ́gíba, ogúl wa beduísilampɔ́ na bɔlɔga!” Gɔgaá, nugedie unuédíye bugindényé buá nuɔ́ uguég guá melélíe.»
Mbíbaŋ gá busió buá bɔtísɔna bá Galilé
20Yésuse uwɛɛ́d gɔg gá gálgalɛn bandɔ gá bilɔg biá muand ibiɛ́ bálanɔ́ uguá bɔtísɔna ɔbɔɔ́ úmadúmbanɛn guɔ́, wala biseyi gá giagiá bémesénúgie bilɔŋ. 21«Bulɔ́b naánahɔ Kɔlasɛ́ŋ! Bulɔ́b naánahɔ Bɛtsayída! Gá giagiá biseyi ibímabíalá uguánɔ, búámabá áneé bímabíalá agá tísɔna wa Tíl naá wa Sidɔ́ŋ uguá ginɛŋ igíné, késíe bémebíŋín uguá meyú gá núgie bilɔŋ.#11.21 Til na Sidɔ́ŋ búmasábá bɔtísɔna bayúdɛn. 22Ɛɛ́ɛ, yɔɔ́núɔyɔn buɔ́ uguá buɔ́sɛ buá nugélényi nuá Tíl naá nuá Sidɔ́ŋ, buɔ́b buónyi búdianábá gulal hana buánɔ. 23Aŋuá gɔg, Kafalnawúm, anɛɛ́d ugumɔn a? Ɛ́ɛɛ́, anásɔs uguá bunyɛ nnyɔlɛ! Gá giagiá búámabá áneé biseyi ibímabíalá uguáhɔ bímabíalá Sɔdɔ́m késíe gidɔŋ giá Sɔdɔ́m gímanyɛ hɔ́ guesieg hínen. 24Buand buáguɔ́, buɔ́sɛ buá nugélényi buónyi buá Sɔdɔ́m búdianábá gulal hana buáhɔ.»#11.24 Mag 19
Na Síe na Muɔ́n
25Uguá ginɛŋ igigányɛ, Yésuse uwɔgɔ́l nugálɔ uwɔyɛd áneé: «Baba, Ɔgúná wa guísi na gumɔn, yeébúlúgenye hana ámanambɛ́n bandɔ bá nugedie na bandɔ bá nulinsa gá dambunɛn biayɔ. 26Ɛɛ́ɛ, Baba, anagányɛ ámámba áneé búbá gá beseé wahɔ. 27Baba úmaámpuá buá gidigid. Ta mɔndɔ udiényi Muɔ́n búmábúdibá Síe, ta mɔndɔ udiényi Síe búmábúdibá Muɔ́n naá uyɔɔ́ Muɔ́n wɔ́yɔnɔ́ gudambunɛn.»
Bídúgánánɔ ginɔ́h giámɛ
28«Ŋŋólónínón, banuá gidigid nuɔtɔnɔ́ na biandá biá binɔ́h, yaŋuá yanábádanúhuá nihoge. 29Bídúgánánɔ ginɔ́h giámɛ nuond nuól gámɛ gá nuhɔ́nhɔ́n, gá giagiá nnyɛ yɛbyɛb na ɔdɛ́m gisínyi. Uguámɛ núánábianɔ́ nihoge niá bɔndɔ buánɔ. 30Ɛɛ́ɛ, ginɔ́h giámɛ gídibá meyú gá bídúgɛn, gínyɛ lágɔlágɔ.»
Iliyochaguliwa sasa
Matiós 11: EKM
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Matiós 11
11
1Henyé, Yésuse umaámáman gubídínan medenyi még máad na máandɛ, uwoólígie uguá bɔtísɔna bá gibéyi giá guísi igigányɛ gá huínyihuinye na guɔya Ginɔ́g giá Nsɔ́m.
Ŋŋóhúnín ya Sáŋa na ŋŋondínyi ya Yésuse
2Sáŋa, uguég guá giansɛ giá mbíne, uwɔɔ́b nigúmi niá Klístus gá muand umuɔ́ úmabá wala. Uwadúmɛ́n Yésuse gɔg bebinene bég gá guóhún yɔ́ áneé: 3«Anyɛ “mɔndɔ uyɔɔ́ dígíganaá” ugúnya ana dimanyɛ gá gígan odoódi a?» 4Yésuse uwondinye bɔ́ áneé: «Idánánɔ nuɔyidɛn yɔ́ buand ubuɔ́ núɔ́bɔnaá naá ubuɔ́ núánanaá: 5Beheguhégu báguánan, biŋándúnya bíanda, beŋúnuŋún bɔ́ndúgɔn, bedúdú bɔ́bɔn, bilɔ́ŋ bíhunyigan, bésesenyinye basúgasúga Ginɔ́g giá Nsɔ́m. 6Beseé naá abádianáguanɔ́ gámɛ gá busió.» 7Uguá ginɛŋ igiɛ́ bebinene bá Sáŋa bémegúgen, Yésuse uwagɔns guɔyɔn bandɔ gá busió buá Sáŋa áneé: «Giagɛ igiɛ́ númɛɛ́d gá bíyigan agá uhambɛ? Nubalɔ unuɔ́ gihíŋ gídɔ́lɔnɔ́ a?» 8Ahá, giagɛ gɔg númiídán gá bíyigan? Mɔndɔ umaábíláŋá na binɔ́g biá bisɔn a? Gɔgaá, abábílaŋanɔ́ na binɔ́g biá bisɔn bágíga uguá biansɛ biá ifuŋ. 9Yoónúóhon áneé giagɛ gɔg igiɛ́ númiídan gá bíyigan? Ebunebúné a? Ɛɛ́ɛ, yɔɔ́núɔyɔn, waádúmban muɛ́d ebunebúné. 10Búnyɛ gég gá busió búnya ubúɔ́ŋɔ́n áneé: «Ndénu, ŋŋadɔ́m oŋoyi nsɔ́m wamɛ uguáhɔ guá busió, gá guaŋanan ŋŋil yahɔ. 11Hómohómue yɔɔ́núɔyɔn buɔ́, uguá bandɔ gidigid ebémebíbíén uguísi uguɔ, ta omoómi udiádúmban Sáŋa Eyumínyi gá buyáŋáŋá. Ta nɔ́ gɔg, mɔndɔ wa bugídígíd uguá Niguili niá gumɔn unyɛ giandá gudɔ́mb yɔ́. 12Guenebul agá Sáŋa eyumínyibandɔ guesieg hínen uyɔ, Niguili niá gumɔn nínyɛ inisegídíenu na buhánd, bihánd bíbíhɔgɔnɔ́ niɛ́. 13Bebunebúné gidigid gɔg, na gigodi súsɔ́n, bémesesényé Ginɔ́g giá Nsɔ́m guesieg uguá ginɛŋ giá Sáŋa. 14Mmába nuáguamba guɔ́b beseé, búnyɛ úmuanyɛ, Elí úgódionu áneé wosiond. 15Mɔndɔ ugódionu idú ánaá wɔɔ́b! 16Nnyɛ wa gɔ́l nunam unuɔ hana ányá? Nnyɛ wa gɔ́l nuɔ hana biayɔ ibísédugumin agá biɔ́mb, bídɔ́ŋɔn bɔsɔ́gá.
17Dimɔnúdɔ́ŋɔ́nɛ́n núlimbia, unuen gubíne!
Idiɔnúdɔ́ŋɔn isag siá nigué unuen gubaŋa!
18Ɛɛ́ɛ, Sáŋa umoól, ta gunyánan, ta gubíhuán unuɔyɛd áneé “Ugódi gilɔg giá gileénde.” 19Muɔ́n wa mɔndɔ umoól ubíhuán, unyánan, unuɔyɛd áneé “Ndé ɔlɔtɔlɔ́t unó, gihuɔ́gíba, ogúl wa beduísilampɔ́ na bɔlɔga!” Gɔgaá, nugedie unuédíye bugindényé buá nuɔ́ uguég guá melélíe.»
Mbíbaŋ gá busió buá bɔtísɔna bá Galilé
20Yésuse uwɛɛ́d gɔg gá gálgalɛn bandɔ gá bilɔg biá muand ibiɛ́ bálanɔ́ uguá bɔtísɔna ɔbɔɔ́ úmadúmbanɛn guɔ́, wala biseyi gá giagiá bémesénúgie bilɔŋ. 21«Bulɔ́b naánahɔ Kɔlasɛ́ŋ! Bulɔ́b naánahɔ Bɛtsayída! Gá giagiá biseyi ibímabíalá uguánɔ, búámabá áneé bímabíalá agá tísɔna wa Tíl naá wa Sidɔ́ŋ uguá ginɛŋ igíné, késíe bémebíŋín uguá meyú gá núgie bilɔŋ.#11.21 Til na Sidɔ́ŋ búmasábá bɔtísɔna bayúdɛn. 22Ɛɛ́ɛ, yɔɔ́núɔyɔn buɔ́ uguá buɔ́sɛ buá nugélényi nuá Tíl naá nuá Sidɔ́ŋ, buɔ́b buónyi búdianábá gulal hana buánɔ. 23Aŋuá gɔg, Kafalnawúm, anɛɛ́d ugumɔn a? Ɛ́ɛɛ́, anásɔs uguá bunyɛ nnyɔlɛ! Gá giagiá búámabá áneé biseyi ibímabíalá uguáhɔ bímabíalá Sɔdɔ́m késíe gidɔŋ giá Sɔdɔ́m gímanyɛ hɔ́ guesieg hínen. 24Buand buáguɔ́, buɔ́sɛ buá nugélényi buónyi buá Sɔdɔ́m búdianábá gulal hana buáhɔ.»#11.24 Mag 19
Na Síe na Muɔ́n
25Uguá ginɛŋ igigányɛ, Yésuse uwɔgɔ́l nugálɔ uwɔyɛd áneé: «Baba, Ɔgúná wa guísi na gumɔn, yeébúlúgenye hana ámanambɛ́n bandɔ bá nugedie na bandɔ bá nulinsa gá dambunɛn biayɔ. 26Ɛɛ́ɛ, Baba, anagányɛ ámámba áneé búbá gá beseé wahɔ. 27Baba úmaámpuá buá gidigid. Ta mɔndɔ udiényi Muɔ́n búmábúdibá Síe, ta mɔndɔ udiényi Síe búmábúdibá Muɔ́n naá uyɔɔ́ Muɔ́n wɔ́yɔnɔ́ gudambunɛn.»
Bídúgánánɔ ginɔ́h giámɛ
28«Ŋŋólónínón, banuá gidigid nuɔtɔnɔ́ na biandá biá binɔ́h, yaŋuá yanábádanúhuá nihoge. 29Bídúgánánɔ ginɔ́h giámɛ nuond nuól gámɛ gá nuhɔ́nhɔ́n, gá giagiá nnyɛ yɛbyɛb na ɔdɛ́m gisínyi. Uguámɛ núánábianɔ́ nihoge niá bɔndɔ buánɔ. 30Ɛɛ́ɛ, ginɔ́h giámɛ gídibá meyú gá bídúgɛn, gínyɛ lágɔlágɔ.»
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia