Matiós 10
10
Buóli buá bebinene báad na báandɛ
1Yésuse umaámágúsígan bebinene bég báad na báandɛ, uweéŋin bɔ́ buŋaŋa buá gúŋa bilɔg biá bileénde bónd bóndúgonye bunyɛ mɔgɔn gidigid na bunyɛ buóŋi gidigid. 2Ihɛ́n siá báad na báandɛ símabá áneé: Símune uyɔɔ́ bámalɔg áneé Piéle na gisɔ́nd giég Andlé, Sák na Sáŋa baán bá Sebedé, 3Fílibe na Baltelemí, Túmasia na Matiós eduísilampɔ́, Sák uhaŋ wa Alfé na Tadé, 4Símune mɔndɔ wa gidɔŋ na Yúdas wa Iskaliɔ́t umoógió Yésuse.
Yésuse umádɔ́m bebinene báad na báandɛ
5Yésuse uwadɔ́m bebinene bég báad na báandɛ gá buóli, uwesilidin bɔ́ áneé: «Nudigɔ́l ŋŋil siá bindiádába, nudibíŋín uguá tísɔna wa Samalí ta omoómi, 6ánaá nuɛ́d ɔmbɔ́g huá bidúmbúa biá giansɛ giá Íslayɛ́l ibímafɔm. 7Uguá ŋŋil, nusesenye áneé Niguili niá gumɔn níganyɛ mɔdɔg. 8Núóndúgonye banúmanuma, nuhunya bilɔ́ŋ, nusuguna beŋúnuŋún, nugúŋa bilɔg biá bileénde. Numadáŋáab gá gilé ánaá núdóŋonye gá gilé. 9Nudigɔ́l ta ŋŋúme, ta góol, ta mbámbá ya ŋŋúme gá guág uguánɔ guá bibadá, 10ta gibadá giá uŋand, ta bisɔn bíandɛ, ta bisílíbas, ta nudímbe, gá giagiá eŋelibuóli waánigimanan na bisuɛ́n biég. 11Núméneg agá tísɔna ugúnya ana uguá gidɔŋ gímodi, nuóhún mmába mɔndɔ unyɛ hɔ́ unyaá wanúgíndígɛn, úmabá, nugíga hɔ́ gueneg buɔ́sɛ buánɔ buá dɔ́mb. 12Núgébíŋen uguá giansɛ nubígélídie bandɔ abánya guɔ́. 13Bandɔ abánya uguá giansɛ igigányɛ bámánúgíndígɛn, ánaá bumbénu buánɔ búbíŋín guɔ́, gɔgaá, bámábádinúgíndígɛn bumbénu buánɔ búnuóndin. 14Béméen gunúgíndígɛn bónd béen guɔ́b dugálɔ duánɔ, núgáhámán uguá giansɛ giáguɔ́ ugúnya ana uguá tísɔna waáguɔ́, ánaá núgidid dugɔ́nd duánɔ áneé ta gibud giɔ́b gídinúládímɛn. 15Yɔɔ́núɔyɔn buɔ́, búnyɛ hómohómue, buɔ́sɛ buá nugélényi, gusɔ́mb gisan giá Sɔdɔ́m na Gɔmɔ́l gúdianábá bubɛ́ hana gá busió buá tísɔna ugányɛ.»
Gidóginye giá nugényigényi
(Mál 13.9-13; Lúk 12.11-12; 21.12-19)
16Yaŋuá uyɔ mmánúdɔ́m hana bidúmbúa agá ɔdɛ́m na ɔdɛ́m huá mbuá siá mpɔ́m, nubá na mamb hana nnyɔ́g, nubá biegu hana mbɛŋ siá nsɔŋ mbúlúa. 17Bídédínyénénu na bandɔ: Bénénúduénen uguá biansɛ biá nugélényi bónd bénúnúbe uguɔ́b guá bigúl. 18Bónónúgógólonye agá eŋís ya bɔŋɔ́mɔna na ya ifuŋ gámɛ gá busió, bámuanyɛ na bindiádába bánábádabia bulins. 19Uguá ginɛŋ igiɛ́ bónónúgógólonyeé uguá biansɛ biá nugélényi, nudibísésényé gá guamba ubuɔ́ núnya nuá gálɛ́d ugúnya ana ubuɔ́ núnya nuá guɔyɛd: ubuɔ́ núánábianɔ́ gá guɔyɛd búónonúólín hɔ́nɔhɔ́. 20Gá giagiá búdibá banuá nuanágálgalaá, búnyɛ Gileénde giá Síe wanɔ gígíánágálgalaá uguánɔ. 21Gisɔ́nd gíánásílɛ́ɛg sɔ́g gisɔ́nd gá nigué, síe wanásílɛ́ɛg muɔ́n weg, baán bénébíségélidinye bebíényi béfudenye bɔ́ gá gué. 22Bandɔ gidigid bánánúbina gámɛ gá busió. Gɔgaá uwenésímbénú ambanɔ gueneg agá nsúgie úwanábánɔ́ aháŋánɔ. 23Bánágánúgúŋa gá uyɔ tísɔna, nubínɔh nuɛ́d gá unó, hómohómue mbánan yɔɔ́núɔyɔn buɔ́, nudienégéndémidie bɔtísɔna gidigid bá gidɔŋ giá Íslayɛ́l kandabá áneé Muɔ́n wa mɔndɔ umésieg. 24Ebinene udiádúmban ehuínyihuínyi weg, ta edúmébi údiádúmban ɔgúnɔ́gɔ́n weg. 25Gá busió buá ebinene, ugódi áneé ubá hana ehuínyihuínyi weg, eŋelibuóli hana ɔgúnɔ́gɔ́n weg. Bɔ́mɔ́dɔ́ŋɛ́ɛn gɔg muád nihiá áneé Bɛlsebúl, bɔ́nɔ́dɔ́ŋɔn bandɔ bég bá nihía áneé giagɛ?
Nudibiá bugádɔ ta gá buand
(Mál 8.38; Lúk 9.26; 12.2-9)
26Nudibianán gɔg bugádɔ nɔɔ́nɔb! Buand búmodi búdibá hɔ́ ubuhúgén ubúɔ́nɔ́lɔbinaá kendehúgúne, ta buand búmodi búdibá hɔ́ ubunambánɔ ubúɔ́nɔ́lɔbinaá kandamúɛnyɛ. 27Ubuɔ́ nnúɔyɔnaá agá lindíndi, ɔyɔ́nɔ́n buɔ́ na ɔdɛ́m huá buɔ́sɛ, ubuɔ́ bɔ́núɔyɔnaá uguá isogi, mágádánánɔ uguá ɔdɔ́ndɔ nubɔ́duguɔya buɔ́. 28Nudibianán bugádɔ naá ɔbɔ́nɔnɔ́ nuɔ́l, gɔgaá, bádibá bɔ́guɔ́n bɔndɔ, bíanánánɔ bugádɔ naá unyaá wa guɔ́n bɔndɔ na nuɔ́l agá yoógi hiá ságásagá. 29Kásɛ bédiéduénen mbelekume íhandɛ gá gibéyi giá ŋŋúme a? Henyé gɔg áneé ta imoómi uguɔ́b guá ɔlɔŋ, idiáguan eguísi kandabá áneé Síe wanɔ umálɛns buɔ. 30Mmába hana gánɔ, ta ŋŋíde siánɔ sínyɛ gidigid isíhanánɔ. 31Banuá gɔg, nudibianán bugádɔ gá giagiá nuádúmban mbelekume gidigid. 32Mɔndɔ uwenémpínenyeé agá eŋís ya bandɔ, yaŋuá súsɔ́n yenéhínenye yɔ́ agá busió buá Síe wamɛ unyaá ugumɔn, 33uwanámbísásíga gɔg agá eŋís ya bandɔ, yaŋuá súsɔ́n yanábísásɛ́ɛg yɔ́ agá busió buá Síe wamɛ unyaá ugumɔn.
Búdibá bumbénu gɔgaá, búnyɛ masalasala
(Lúk 12.51-53)
34Nudigedényé áneé mmonúólín na bumbénu eguísi, mmosónúólín na bumbénu gɔgaá, mmonúólín na masalasala. 35Ɛɛ́ɛ, mmoól gá dándɔ́n na muɔ́n na síe weg, na ŋŋɔndɛ na noódíe weg, na giombi na muéndé muég. 36Babɛlɛ́bɛl báhɔ bánábá uguáhɔ guá giansɛ.
Gubíyɛb gá binidin Yésuse
(Mál 8.34-35; Lúk 14.26-27; 9.23-24)
37Mɔndɔ uwɔyɔnɔ́ síe ugúnya ana noódíe gundɔ́mb, ugányɛ udibá wamɛ, uwɔyɔnɔ́ uhaŋ weg ugúnya ana ŋŋɔndɛ yeg gundɔ́mb ugányɛ udibá wamɛ. 38Usádibídúgɛ́n nuag nuég gá mbinidin udibá wamɛ 39Uwɔyɔnɔ́ gugága nusɔ́da nuég, wenénímie nuɔ́, gɔgaá, uwenénímienú nuɔ́ gámɛ gá busió wonónd gá bia nuɔ́.
Usánúgíndígɛn, umáŋíndígɛn
(Mál 9.37, 41; Lúk 9.48; 10.16; Sáŋ 13.20)
40«Mɔndɔ unúgíndíganaá waáŋíndígan yaŋuá mbánan, súsɔ́n uŋíndíganaá, waágíndígan umaándɔ́m. 41Ugíndíganaá ebunebúné uguég guá udényi huá bubunebúné, wanábia bisuɛ́n biá bebunebúné, ugíndíganaá súsɔ́n mɔndɔ unyaá gindényé uguég guá bugindényé, wanábia bisuɛ́n biá bugindényé. 42Hómohómue mbánan, uguá biayɔ ibiɛ, mɔndɔ úmeéŋin ta omoómi nnyéli ya mimbi má gisínyi má bíhuá áneé unyɛ ebinene wamɛ, udianáyɛ́n bisuɛ́n biég.»
Iliyochaguliwa sasa
Matiós 10: EKM
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Matiós 10
10
Buóli buá bebinene báad na báandɛ
1Yésuse umaámágúsígan bebinene bég báad na báandɛ, uweéŋin bɔ́ buŋaŋa buá gúŋa bilɔg biá bileénde bónd bóndúgonye bunyɛ mɔgɔn gidigid na bunyɛ buóŋi gidigid. 2Ihɛ́n siá báad na báandɛ símabá áneé: Símune uyɔɔ́ bámalɔg áneé Piéle na gisɔ́nd giég Andlé, Sák na Sáŋa baán bá Sebedé, 3Fílibe na Baltelemí, Túmasia na Matiós eduísilampɔ́, Sák uhaŋ wa Alfé na Tadé, 4Símune mɔndɔ wa gidɔŋ na Yúdas wa Iskaliɔ́t umoógió Yésuse.
Yésuse umádɔ́m bebinene báad na báandɛ
5Yésuse uwadɔ́m bebinene bég báad na báandɛ gá buóli, uwesilidin bɔ́ áneé: «Nudigɔ́l ŋŋil siá bindiádába, nudibíŋín uguá tísɔna wa Samalí ta omoómi, 6ánaá nuɛ́d ɔmbɔ́g huá bidúmbúa biá giansɛ giá Íslayɛ́l ibímafɔm. 7Uguá ŋŋil, nusesenye áneé Niguili niá gumɔn níganyɛ mɔdɔg. 8Núóndúgonye banúmanuma, nuhunya bilɔ́ŋ, nusuguna beŋúnuŋún, nugúŋa bilɔg biá bileénde. Numadáŋáab gá gilé ánaá núdóŋonye gá gilé. 9Nudigɔ́l ta ŋŋúme, ta góol, ta mbámbá ya ŋŋúme gá guág uguánɔ guá bibadá, 10ta gibadá giá uŋand, ta bisɔn bíandɛ, ta bisílíbas, ta nudímbe, gá giagiá eŋelibuóli waánigimanan na bisuɛ́n biég. 11Núméneg agá tísɔna ugúnya ana uguá gidɔŋ gímodi, nuóhún mmába mɔndɔ unyɛ hɔ́ unyaá wanúgíndígɛn, úmabá, nugíga hɔ́ gueneg buɔ́sɛ buánɔ buá dɔ́mb. 12Núgébíŋen uguá giansɛ nubígélídie bandɔ abánya guɔ́. 13Bandɔ abánya uguá giansɛ igigányɛ bámánúgíndígɛn, ánaá bumbénu buánɔ búbíŋín guɔ́, gɔgaá, bámábádinúgíndígɛn bumbénu buánɔ búnuóndin. 14Béméen gunúgíndígɛn bónd béen guɔ́b dugálɔ duánɔ, núgáhámán uguá giansɛ giáguɔ́ ugúnya ana uguá tísɔna waáguɔ́, ánaá núgidid dugɔ́nd duánɔ áneé ta gibud giɔ́b gídinúládímɛn. 15Yɔɔ́núɔyɔn buɔ́, búnyɛ hómohómue, buɔ́sɛ buá nugélényi, gusɔ́mb gisan giá Sɔdɔ́m na Gɔmɔ́l gúdianábá bubɛ́ hana gá busió buá tísɔna ugányɛ.»
Gidóginye giá nugényigényi
(Mál 13.9-13; Lúk 12.11-12; 21.12-19)
16Yaŋuá uyɔ mmánúdɔ́m hana bidúmbúa agá ɔdɛ́m na ɔdɛ́m huá mbuá siá mpɔ́m, nubá na mamb hana nnyɔ́g, nubá biegu hana mbɛŋ siá nsɔŋ mbúlúa. 17Bídédínyénénu na bandɔ: Bénénúduénen uguá biansɛ biá nugélényi bónd bénúnúbe uguɔ́b guá bigúl. 18Bónónúgógólonye agá eŋís ya bɔŋɔ́mɔna na ya ifuŋ gámɛ gá busió, bámuanyɛ na bindiádába bánábádabia bulins. 19Uguá ginɛŋ igiɛ́ bónónúgógólonyeé uguá biansɛ biá nugélényi, nudibísésényé gá guamba ubuɔ́ núnya nuá gálɛ́d ugúnya ana ubuɔ́ núnya nuá guɔyɛd: ubuɔ́ núánábianɔ́ gá guɔyɛd búónonúólín hɔ́nɔhɔ́. 20Gá giagiá búdibá banuá nuanágálgalaá, búnyɛ Gileénde giá Síe wanɔ gígíánágálgalaá uguánɔ. 21Gisɔ́nd gíánásílɛ́ɛg sɔ́g gisɔ́nd gá nigué, síe wanásílɛ́ɛg muɔ́n weg, baán bénébíségélidinye bebíényi béfudenye bɔ́ gá gué. 22Bandɔ gidigid bánánúbina gámɛ gá busió. Gɔgaá uwenésímbénú ambanɔ gueneg agá nsúgie úwanábánɔ́ aháŋánɔ. 23Bánágánúgúŋa gá uyɔ tísɔna, nubínɔh nuɛ́d gá unó, hómohómue mbánan yɔɔ́núɔyɔn buɔ́, nudienégéndémidie bɔtísɔna gidigid bá gidɔŋ giá Íslayɛ́l kandabá áneé Muɔ́n wa mɔndɔ umésieg. 24Ebinene udiádúmban ehuínyihuínyi weg, ta edúmébi údiádúmban ɔgúnɔ́gɔ́n weg. 25Gá busió buá ebinene, ugódi áneé ubá hana ehuínyihuínyi weg, eŋelibuóli hana ɔgúnɔ́gɔ́n weg. Bɔ́mɔ́dɔ́ŋɛ́ɛn gɔg muád nihiá áneé Bɛlsebúl, bɔ́nɔ́dɔ́ŋɔn bandɔ bég bá nihía áneé giagɛ?
Nudibiá bugádɔ ta gá buand
(Mál 8.38; Lúk 9.26; 12.2-9)
26Nudibianán gɔg bugádɔ nɔɔ́nɔb! Buand búmodi búdibá hɔ́ ubuhúgén ubúɔ́nɔ́lɔbinaá kendehúgúne, ta buand búmodi búdibá hɔ́ ubunambánɔ ubúɔ́nɔ́lɔbinaá kandamúɛnyɛ. 27Ubuɔ́ nnúɔyɔnaá agá lindíndi, ɔyɔ́nɔ́n buɔ́ na ɔdɛ́m huá buɔ́sɛ, ubuɔ́ bɔ́núɔyɔnaá uguá isogi, mágádánánɔ uguá ɔdɔ́ndɔ nubɔ́duguɔya buɔ́. 28Nudibianán bugádɔ naá ɔbɔ́nɔnɔ́ nuɔ́l, gɔgaá, bádibá bɔ́guɔ́n bɔndɔ, bíanánánɔ bugádɔ naá unyaá wa guɔ́n bɔndɔ na nuɔ́l agá yoógi hiá ságásagá. 29Kásɛ bédiéduénen mbelekume íhandɛ gá gibéyi giá ŋŋúme a? Henyé gɔg áneé ta imoómi uguɔ́b guá ɔlɔŋ, idiáguan eguísi kandabá áneé Síe wanɔ umálɛns buɔ. 30Mmába hana gánɔ, ta ŋŋíde siánɔ sínyɛ gidigid isíhanánɔ. 31Banuá gɔg, nudibianán bugádɔ gá giagiá nuádúmban mbelekume gidigid. 32Mɔndɔ uwenémpínenyeé agá eŋís ya bandɔ, yaŋuá súsɔ́n yenéhínenye yɔ́ agá busió buá Síe wamɛ unyaá ugumɔn, 33uwanámbísásíga gɔg agá eŋís ya bandɔ, yaŋuá súsɔ́n yanábísásɛ́ɛg yɔ́ agá busió buá Síe wamɛ unyaá ugumɔn.
Búdibá bumbénu gɔgaá, búnyɛ masalasala
(Lúk 12.51-53)
34Nudigedényé áneé mmonúólín na bumbénu eguísi, mmosónúólín na bumbénu gɔgaá, mmonúólín na masalasala. 35Ɛɛ́ɛ, mmoól gá dándɔ́n na muɔ́n na síe weg, na ŋŋɔndɛ na noódíe weg, na giombi na muéndé muég. 36Babɛlɛ́bɛl báhɔ bánábá uguáhɔ guá giansɛ.
Gubíyɛb gá binidin Yésuse
(Mál 8.34-35; Lúk 14.26-27; 9.23-24)
37Mɔndɔ uwɔyɔnɔ́ síe ugúnya ana noódíe gundɔ́mb, ugányɛ udibá wamɛ, uwɔyɔnɔ́ uhaŋ weg ugúnya ana ŋŋɔndɛ yeg gundɔ́mb ugányɛ udibá wamɛ. 38Usádibídúgɛ́n nuag nuég gá mbinidin udibá wamɛ 39Uwɔyɔnɔ́ gugága nusɔ́da nuég, wenénímie nuɔ́, gɔgaá, uwenénímienú nuɔ́ gámɛ gá busió wonónd gá bia nuɔ́.
Usánúgíndígɛn, umáŋíndígɛn
(Mál 9.37, 41; Lúk 9.48; 10.16; Sáŋ 13.20)
40«Mɔndɔ unúgíndíganaá waáŋíndígan yaŋuá mbánan, súsɔ́n uŋíndíganaá, waágíndígan umaándɔ́m. 41Ugíndíganaá ebunebúné uguég guá udényi huá bubunebúné, wanábia bisuɛ́n biá bebunebúné, ugíndíganaá súsɔ́n mɔndɔ unyaá gindényé uguég guá bugindényé, wanábia bisuɛ́n biá bugindényé. 42Hómohómue mbánan, uguá biayɔ ibiɛ, mɔndɔ úmeéŋin ta omoómi nnyéli ya mimbi má gisínyi má bíhuá áneé unyɛ ebinene wamɛ, udianáyɛ́n bisuɛ́n biég.»
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia