2 Tasalonikayi 1
1
1N kɔ Bulus n bee Sẽkoom yɛnɛ ɔ ɗɔbii. Sila a Timotini i a nyazɔ a nkɔni.
U dɔ̃ sẽkoom yɛnɛ shɔ sisɨn ãnɛyi a koomo Tasalonika i ɗɔbii, shɔ gbeteyi pɛ Ɗalapa Uɓeye a Uɓeyelapa Yesɔ Kirisi ɓɛɛyɛ:
2Mɛnɛ Ɗalapa Uɓeye a Uɓeyelapa Yesɔ Kirisini i ãwɔ tɔ̃vɨng shonɛ a ɔ̃nɛbiinyatɔ̃nɛni
Ruuyeenɛ a Kirisi anɛ
3U shɔbiiyi ɔ̃tɛ kaka jazɨng akɔrɔ u dɔ̃ri Ɗalapatɔ kopiɗaviya awɔ yuu. Pɛ vitɔ̃vɨng u pɛlitɔ nankɔ aruviya ɔ sisɨn ãnɛ a ɗɔ banɛ fɛ̃ɛm, a ɔrɛnɛ gbete kopiya awuni a zɔ yuu aɗɔ ɗekn fɛ̃ɛm. 4Aruukɔ u au yuu u baasitɛ awɔ yuuni u geli shɔ sisɨn ãnɛyi a Ɗalapa bii kopiɗɔpiya. U baasi aru ɔ ɗekn yɛnɛ a sisɨnmɛɛnɛ a sisɨn ãnɛ a raatasinɛ a raaɓoonɛ gbete kpaayɛni kpai.
5Vim kpai tasitɛ nɛ Ɗalapa yeeruu pɛ tɔ̃vɨng, aruumkɔ shɔ yɛ gawɔ atette shɔ gbete i kpaa tonɛtɔ a Ɗa ɗɔ kpati roonɛni, gbete ɔ ɓooraa au yuunimi. 6Ɗalapa yɛ pɛli vigbete tɔ̃vɨng-yɛtɔ: yɛ pɔ̃ shɔ gbeteyi pɔ̃wɔ raaɓoonɛ i ɓooraatɔ, 7ama yɛ ãwɔ susunɛtɔ shɔ gbeteyi ɓooraayɛ a ukɔni. Yɛ pɛli vim aɗagbete Uɓeyelapa Yesɔ kɛ shɛnɛ a kolapa au Ɗajashonɛlapa pɛ̃nibayini, 8Yɛ pɛlivishonɛ a yaa gbete a ɗɔɔ shaanɛ, u tasi gbeteyi bɛ̃ɛ̃ Ɗalapa nyagnnɛ raarɛ, a shɔ gbete i ji gn ruu tɔ̃vɨng ɓa ayuu Uɓeyelapa Yesɔni ɓa. 9I yɛ ɓooraa lɛsinɛ gbete yisinya ɓayɛ dang-dang, shɔ yɛ sẽyitɔ a Uɓeyelapa ɗekn au bassinɛ kakani, 10A leegbete kaanɛ aru u shɔbiiyi bassiutɔ a bassinɛ gbete shɛ a shɔ sisɨn ãnɛyi naa kpai, a yɛ ɔ̃ ji ai tetteni, aruviya ɔ ãsisɨntɛ a ruu gbete u gelɔɔyɛni.
11Aruukɔ u gakiwɔ Datɔ kopiɗaviya, u gaki u Ɗalapa u pɔ̃wɔrɛ ɔ kpaa suru gbete ɓawɔnya au yuuniyɛtɔ. Mɛnɛ Ɗalapa u kaka u sɔ̃rinya vigbete ɔ kasiyɛ tɔ̃vɨngtɔ kpai, wɔsɔ̃n ɔ yisinya ɔ vishonɛ sisɨn ãnɛtɔ kpai. 12A nyabangkɔ Uɓeyelapa Yesɔ nii yɛ kpaa bassinɛtɔ awɔ yuuni, ɔkɔɔma ɔ kpaa sɔ̃njo au ɗɔbii, nɔgbete Ɗalapa tɔ̃vɨng shonɛ ɔ̃yɛ a Uɓeyelapa Yesɔ Kirisi ɓɛɛni.
Iliyochaguliwa sasa
2 Tasalonikayi 1: Laa
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The Word for the World International and The Word for the World Nigeria