Mateyo 7
7
Wipingula abanobe
(Luka6.37-38)
1“Mwile kupingwila abanenu pantu na mwebo mukapingulwa. 2Mufyo mupingwila bambi efyo na mwebo mukapingulwa mukipimo kimo kine. 3Nindo ukobwena akapande mu linso lya munobe ulo pa linso lyobe pali ikipampa? 4Kuti waeba shani wenu ati isa nkufumye akapande mu linso lyobe apo na webo ulikwete kipampa? 5We bumbimunda we, ubalilepo ukufumya ikili mu linso lyobe elo ukobwenekesha pa kufumya akali mu linso lyakwa wenu.
6“Mwipeela ikya mushilo ku mbwa, epali sha myalukila no kumisansa. Mwipeela ulubwe lwa mutengo ku nkumba epali sha nyantaulapo fye.”
Lomba, fwaya, konkonsha
(Luka11.9-13)
7Lomba, ukapeelwa, fwaya, ukasanga, konkonsha ne kiibi kikesukila kuli webo. 8Pantu onse uulomba alapeelwa, no ufwaya alasanga, naye uukonkonsha aleswilwako. 9Ni nani pali mwebo umwana nga akulomba umukate engamupe libwe? 10Nangula nga lomba isabi, engamupeela insoka? 11Umfwa mwe babubi nga mulishibile ukupeela abana ifyabune, nga wishinwe mwiulu ta enga peela ifyabupe fyabune ku ba mulomba? 12Ekyo muli fyonse, mukitile bambi ifyo munga fwaya ukukitilwa pantu ekufishapo ifyalembwa mu mafunde na bakasesema.
Umwenshi wa kufyenekana
(Luka13.24)
13Mule kwingilila pa mwenshi wa kufyenekana pantu uwakusaalala wena utwala kuboni kabili bengi bendelamo. 14Nomba umwenshi uwakufyenekana utwala ku mweo kabili banini bendamo.
Ikimuti ne fisabo fya kiko
(Luka6.43-44)
15Mule kukengela na bakasesema wabufi. Beshila mu fyakufwala fya mbelele nomba mukati mimbulu iyakutakanya. 16Bakeshibikilwa ku fisabo fyabo. Bushe abantu kuti baswa imyangashi ku kimuti kya myunga? Nangu amakunyu kuli bakilasa? 17Efyo ikimuti kyonse ikitatwala fisabo fyabune kitwala ifyabubi. 18Ikimuti kyabune teti kitwale ifisabo fyabubi. Ikimuti kyabubi takingatwala ifisabo fya bune. 19Ikimuti kyonse ikitatwala ifisabo ku kitema no kukiposa mu mulilo.
20Ekyo mu kabeshibila ku fisabo fyabo.
Ntakwishibilepo
(Luka13.25-27)
21“Teonse ungangebati, ‘Shikulu, Shikulu’ akengila mu Bufumu bwa mwiulu, kano fye abakita ifyo Tata wa mwiulu afwaya. 22Abengi pali bulya bushiku bakesa kungebati, ‘Shikulu, Shikulu, bushe tatwaseseme no kufumye fibanda mwishina lyobe, no kukita ifisungusho ifingi?’ 23Nandibo nkesa kubeba mukine ati, ‘Ntamishibilepo, fumeni pano mwe mbifi mwe!’
Bakakuula ba mayanda babili
(Luka6.47-49)
24“Ekyo uyo onse uumfwa ikyebo kyangi no ku kikita akaba ngo wa mano uwakulile ing'anda yakwe pebwe. 25Ulo inika shaiswile shalipangile ilyenshi, no mwela uukulu pa kupuma pali ilya ng'anda, nomba ta ya bongolokele pantu mufula wali pebwe.
26“Nomba uyo uumfwa ikyebo kyangi ukwakubula ukukikita, aba ngo muntu ikyungwa, uwa kulile ing'anda pa mukyanga. 27Imfula ulo yalokele, kyaama kyalishile, no mwela uukulu waisa kupumapo, ukubongoloka kwaiko kwali kulile sana.”
Abantu kyabapapusha pa mifundile yakwa Yesu
28Yesu pa kupwisha ishi nsoselo, abantu bali kupapa fye pa masambilisho yakwe. 29Pantu alibafundile nga umo wali na maka sana, tali kuba nga bakafundisha babo.
Iliyochaguliwa sasa
Mateyo 7: ABT
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The Word For The World International
