Mateyo 21
21
Yesu aingila mu Yelusalemu
(Mako10.46-52; Luka18.35-43)
1Ulo Yesu na basambi bakwe ba palamine mu Yelusalemu, bafikile pa nkende ya Betifage ku lupili lwa miolife. Apo Yesu atumineko abasambi babili. 2Alibebele ati, “Kabuyeni mu mushi uli kuntanshi, pa kwingila fye mukosanga impunda ilikulikilwe pamo na kamwana kakwe, mukakule no kundetela. 3Nga kwabapo uwa kumipusha mwebeni ati, ‘Ni Shikulu eukofifwaya,’ pekapo bakomipeela.”
4Ifi fyonse fyakitikile pa kufikilisha ifyo kasesema alandile,
5“Ebako umwana mwanakashi Sioni ati,
bona Imfumu yobe ikoisa kuli webo,
iya kuikefya, ilininine pa mpunda,
na pa musepela wa mpunda.”
6Abasambi baile kukita ifyo Yesu abebele. 7Baliletele impunda na kana, epakwanshikapo insalu shabo elo Yesu aikalanapo. 8Abantu abakuti ubwingi balyanshikile nsalu shabo mu musebo. Elo bambi bakontwele mitano ya fimuti no kwanshika mu musebo. 9Ibumba lyali kuntanshi na kunuma balitampile ukupunda ati,
“Hosana kuli mwana Davidi!
Apaalwe uukoishila mwi shina lyakwa Shikulu!
Lesa alumbanishiwe!”
10Ulo Yesu aingile mu Yelusalemu, umusumba onse walikabile ku kyongo. Abantu balikwipusha ati, “Ninani uyo?”
11Abantu bali kukonka Yesu balyasukile ati, Ni kasesema Yesu waku Nasaleti.
Yesu atamfyamo aba makwebo mwi Tempele
(Mako10.46-52; Luka18.35-43)
12Yesu alingile mulubansa lwe Tempele no kutamfyamo bonse abali kushita no kushitishamo. Alipenawile amatebulo ya bali kukabushanya indalama ne fipuna fya bali kushitisha inkunda. 13Alibebele ati, “Kyalilembwa mu malembo ati, ‘ing'anda yangi bakaita ati, ing'anda ya mapepo.’ Nomba mwebo mwaipanga ikifulo kya bang'o.”
14Impofu na bakulemana amolu balishile mulubansa lwe Tempele naye alibaposeshe. 15banshimapepo bakindami na Bakafundisha ba mafunde pa kubone fyabune ifyo ali kukita na baike mwi Tempele bako pundati, “Alumbwe mwana Davidi!” 16Elo baipwishe Yesu ati, “Bushe mukoumfwa kufyo abaike bakolanda?” Yesu naye alibasukile ati,
“Nkoumfwa. Bushe ta mwabelengapo pali ili lembo? ‘Pa tunwa twa baike na bana abonka epo wa bika malumbo ya kupwililika?’”
17Elo Yesu alibashiile no kuya ku Betani uko aile kulaala.
Yesu atipa ikimuti kya mukunyu
(Mako11.12-14; 20-24)
18Ulo Yesu ali pa lwendo lwa ku bwekelamo ku musumba pa makya, ulukelo lwa konkelepo, alyumfwile nsala. 19Epakubona ikimuti kya mukunyu pa mbali ya musebo, ulo afikileko asangileko fye amabula yeka ukwakubula ifisabo. Aebele kimuti ati, “Kwikakatala akutwalapo ikisabo libili kuli webo.” Pekapo ne kimuti kyalala.
20Abasambi pa kubone fyo kyalibapapwishe ati, “Alale, alale nindo yu mukunyu wa lalila kangu kangu?”
21Yesu alibasukile ati, “Nkomyeba ikine kine nga muliteketele apakubula ukutwishika, kuti mwakita ifyo na kitile kuli uyu mukunyu, kabili kuti mwaeba no lupili ati, fumapa, kabuye uipoose muli bemba, kikesa kuba fyeke fyo. 22Nga muli ne kiteketelo, mukapokelela kyonse ikyo mukopepelapo.”
Amaka yakwa Yesu uko yafuma
(Mako11.27-33; Luka20.1-8)
23Ulo Yesu abwekele mulubansa lwe Tempele, akofunda bantu, banshimapepo bakindami na Bafilolo baishile kumwipushati, “Ninsambu ndo wakwata pa kukite fi fyonse? Kabili ni nani wakupeela ya maka?”
24Yesu naye alibasukile ati, “Nandibo nkomipushapo ngale, nga mwangasuka, elo nandi nkomyasuka? 25Bushe Yowane afumishepi amaka ya kubatisha? Ni kuli Lesa nangula ni ku bantunse?”
Balitampile ukulekuipusha abene, “Tukomwasuka shani? Ngatumwebe ati ya kufuma ‘kuli Lesa,’ naye akotwipusha ati, ‘Nindo muta muteketele?’ 26Pambi nakyo nga tumwebe ati, ‘Ni ku bantu,’ tukoiletelela ku bantu pantu balishibile ati Yowane ni kasesema.” 27Nomba epakwasuka Yesu ati, “Tatwishibilepo.”
Yesu naye alibasukile ati, “Nandibo ntamyebe ukwafuma ya maka nkitilamo ifi fintu.”
Umulumbe wa bana balalume babili
28“Nomba mukobonapo shani? palipo umuntu umo uwakwete abalalume babili. Aebele umukulubantu ati, ‘We mwana wangi, koye ubombe mwibala lya myangashi lelo.’ 29Naye alimwasukile ati, ‘Ntayeko.’ Panshita imbi, abweseshe itontonkanyo no kuya kubomba. 30Kabili uyu muntu aile kweba umwana wakwe umbi ukuya kubomba umulimo umowine. Alyasukile ati, ‘Emukwai nkoya kubomba.’ Nomba taile kubomba. 31Bushe ni nani pali balya bana babili akitile ukufyaya kwakwa wishi?” Bali mwasukile ati, “Mukulubantu.”
Yesu alibebele ati, “Nkomyeba, bakasonkesha na bakilende balekumitangilila mu Bufumu bwa mwiulu. 32Pantu Yowane kabatisha aishile kumilangilila inshila ya bololoke, ta mwa muketekele, nomba bakasonkesha na bakilende bena bali muteketele. Nangula mwalibwene fyo, tamwalapile no ku muteketela.”
Umulumbe wa balimi bali kusonkela ibala lya mwangashi
(Mako12.1-12; Luka20.9-19)
33Yesu alibebele ati, “Kutikeniko mulumbe na umbi, Kwalipo umuntu umo uwalimine ibala lya myangashi, apindileko no lupango, aimbilemo ne kya kufininamo umwangashi, akulilepo no lupungu lwa bamalonda. Ulo aile pa lwendo, epakusha ibala ku bakusonkela. 34Panshita ya busomboshi, alitumineko ababomfi bakwe ukuya kusendako ifisabo fimo. 35Bakasunga we bala baimiine abasha, ba puminepo umo, umbi baipaya naumbi balimutobele amabwe. 36Kabili alitumineko ababomfi na bambi abakufulapo ukukila pa bantanshi. Nabo balibakitile kimo kine nga ba pa kutampa. 37Kuli pelwepelwe atumineko umwalalume wakwe umo, alyebele ati, ‘Mukine fye bakaya kumukindika.’ 38Bakasunga we bala pa kubona ulya mwana mwalalume, baitepelesha ati, ‘Natwipaye iyi ine mpyani yakwe epakwebati ibala litushalile.’ 39Epakumwikata, bamupoosa kunse ye bala no kumwipaya.”
40Yesu alibepwishe ati, “Bushe ulo umwine we bala akesa, akesa kita shani kuli balya bakasunga?”
41Nabo balimwasukile ati, “Akesa kubepaya bakintomfwabo no kwisa kusekesha ibala lya mwangashi kuli bambi abakesa kumupeelako ifisabo panshita yakusombola.”
42Yesu epakubebati, “Bushe tamwabelengapo ikyalembwa mu malembo ikilanda ati,
“Ilibwe bakakuula basulile
e lyaisa kuba ilikankala.
Iki kyakitilwe fye na Shikulu
kabili kya kupapusha ku menso yesu.”
43“Ekyo nkomyebati, Ubufumu bwakwa Lesa bukapokwa kuli mwebo no kupeelwa kubengatwalapo ifisabo. 44[Umuntu onse ukaponena pa kilibwe ki akafunaika, nomba uyo kikaponenapo akashinaika.”]
45Banshimapepo bakindami na Bafalise pa kumfwa iyo milumbe, balilukile ati ebo akoeba. 46Balifwaishe nshila ya kumwikatilamo nomba balifililwe pantu bali kutiina amabumba ya bantu abashininkishe ati Yesu ni kasesema.
Iliyochaguliwa sasa
Mateyo 21: ABT
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The Word For The World International
Mateyo 21
21
Yesu aingila mu Yelusalemu
(Mako10.46-52; Luka18.35-43)
1Ulo Yesu na basambi bakwe ba palamine mu Yelusalemu, bafikile pa nkende ya Betifage ku lupili lwa miolife. Apo Yesu atumineko abasambi babili. 2Alibebele ati, “Kabuyeni mu mushi uli kuntanshi, pa kwingila fye mukosanga impunda ilikulikilwe pamo na kamwana kakwe, mukakule no kundetela. 3Nga kwabapo uwa kumipusha mwebeni ati, ‘Ni Shikulu eukofifwaya,’ pekapo bakomipeela.”
4Ifi fyonse fyakitikile pa kufikilisha ifyo kasesema alandile,
5“Ebako umwana mwanakashi Sioni ati,
bona Imfumu yobe ikoisa kuli webo,
iya kuikefya, ilininine pa mpunda,
na pa musepela wa mpunda.”
6Abasambi baile kukita ifyo Yesu abebele. 7Baliletele impunda na kana, epakwanshikapo insalu shabo elo Yesu aikalanapo. 8Abantu abakuti ubwingi balyanshikile nsalu shabo mu musebo. Elo bambi bakontwele mitano ya fimuti no kwanshika mu musebo. 9Ibumba lyali kuntanshi na kunuma balitampile ukupunda ati,
“Hosana kuli mwana Davidi!
Apaalwe uukoishila mwi shina lyakwa Shikulu!
Lesa alumbanishiwe!”
10Ulo Yesu aingile mu Yelusalemu, umusumba onse walikabile ku kyongo. Abantu balikwipusha ati, “Ninani uyo?”
11Abantu bali kukonka Yesu balyasukile ati, Ni kasesema Yesu waku Nasaleti.
Yesu atamfyamo aba makwebo mwi Tempele
(Mako10.46-52; Luka18.35-43)
12Yesu alingile mulubansa lwe Tempele no kutamfyamo bonse abali kushita no kushitishamo. Alipenawile amatebulo ya bali kukabushanya indalama ne fipuna fya bali kushitisha inkunda. 13Alibebele ati, “Kyalilembwa mu malembo ati, ‘ing'anda yangi bakaita ati, ing'anda ya mapepo.’ Nomba mwebo mwaipanga ikifulo kya bang'o.”
14Impofu na bakulemana amolu balishile mulubansa lwe Tempele naye alibaposeshe. 15banshimapepo bakindami na Bakafundisha ba mafunde pa kubone fyabune ifyo ali kukita na baike mwi Tempele bako pundati, “Alumbwe mwana Davidi!” 16Elo baipwishe Yesu ati, “Bushe mukoumfwa kufyo abaike bakolanda?” Yesu naye alibasukile ati,
“Nkoumfwa. Bushe ta mwabelengapo pali ili lembo? ‘Pa tunwa twa baike na bana abonka epo wa bika malumbo ya kupwililika?’”
17Elo Yesu alibashiile no kuya ku Betani uko aile kulaala.
Yesu atipa ikimuti kya mukunyu
(Mako11.12-14; 20-24)
18Ulo Yesu ali pa lwendo lwa ku bwekelamo ku musumba pa makya, ulukelo lwa konkelepo, alyumfwile nsala. 19Epakubona ikimuti kya mukunyu pa mbali ya musebo, ulo afikileko asangileko fye amabula yeka ukwakubula ifisabo. Aebele kimuti ati, “Kwikakatala akutwalapo ikisabo libili kuli webo.” Pekapo ne kimuti kyalala.
20Abasambi pa kubone fyo kyalibapapwishe ati, “Alale, alale nindo yu mukunyu wa lalila kangu kangu?”
21Yesu alibasukile ati, “Nkomyeba ikine kine nga muliteketele apakubula ukutwishika, kuti mwakita ifyo na kitile kuli uyu mukunyu, kabili kuti mwaeba no lupili ati, fumapa, kabuye uipoose muli bemba, kikesa kuba fyeke fyo. 22Nga muli ne kiteketelo, mukapokelela kyonse ikyo mukopepelapo.”
Amaka yakwa Yesu uko yafuma
(Mako11.27-33; Luka20.1-8)
23Ulo Yesu abwekele mulubansa lwe Tempele, akofunda bantu, banshimapepo bakindami na Bafilolo baishile kumwipushati, “Ninsambu ndo wakwata pa kukite fi fyonse? Kabili ni nani wakupeela ya maka?”
24Yesu naye alibasukile ati, “Nandibo nkomipushapo ngale, nga mwangasuka, elo nandi nkomyasuka? 25Bushe Yowane afumishepi amaka ya kubatisha? Ni kuli Lesa nangula ni ku bantunse?”
Balitampile ukulekuipusha abene, “Tukomwasuka shani? Ngatumwebe ati ya kufuma ‘kuli Lesa,’ naye akotwipusha ati, ‘Nindo muta muteketele?’ 26Pambi nakyo nga tumwebe ati, ‘Ni ku bantu,’ tukoiletelela ku bantu pantu balishibile ati Yowane ni kasesema.” 27Nomba epakwasuka Yesu ati, “Tatwishibilepo.”
Yesu naye alibasukile ati, “Nandibo ntamyebe ukwafuma ya maka nkitilamo ifi fintu.”
Umulumbe wa bana balalume babili
28“Nomba mukobonapo shani? palipo umuntu umo uwakwete abalalume babili. Aebele umukulubantu ati, ‘We mwana wangi, koye ubombe mwibala lya myangashi lelo.’ 29Naye alimwasukile ati, ‘Ntayeko.’ Panshita imbi, abweseshe itontonkanyo no kuya kubomba. 30Kabili uyu muntu aile kweba umwana wakwe umbi ukuya kubomba umulimo umowine. Alyasukile ati, ‘Emukwai nkoya kubomba.’ Nomba taile kubomba. 31Bushe ni nani pali balya bana babili akitile ukufyaya kwakwa wishi?” Bali mwasukile ati, “Mukulubantu.”
Yesu alibebele ati, “Nkomyeba, bakasonkesha na bakilende balekumitangilila mu Bufumu bwa mwiulu. 32Pantu Yowane kabatisha aishile kumilangilila inshila ya bololoke, ta mwa muketekele, nomba bakasonkesha na bakilende bena bali muteketele. Nangula mwalibwene fyo, tamwalapile no ku muteketela.”
Umulumbe wa balimi bali kusonkela ibala lya mwangashi
(Mako12.1-12; Luka20.9-19)
33Yesu alibebele ati, “Kutikeniko mulumbe na umbi, Kwalipo umuntu umo uwalimine ibala lya myangashi, apindileko no lupango, aimbilemo ne kya kufininamo umwangashi, akulilepo no lupungu lwa bamalonda. Ulo aile pa lwendo, epakusha ibala ku bakusonkela. 34Panshita ya busomboshi, alitumineko ababomfi bakwe ukuya kusendako ifisabo fimo. 35Bakasunga we bala baimiine abasha, ba puminepo umo, umbi baipaya naumbi balimutobele amabwe. 36Kabili alitumineko ababomfi na bambi abakufulapo ukukila pa bantanshi. Nabo balibakitile kimo kine nga ba pa kutampa. 37Kuli pelwepelwe atumineko umwalalume wakwe umo, alyebele ati, ‘Mukine fye bakaya kumukindika.’ 38Bakasunga we bala pa kubona ulya mwana mwalalume, baitepelesha ati, ‘Natwipaye iyi ine mpyani yakwe epakwebati ibala litushalile.’ 39Epakumwikata, bamupoosa kunse ye bala no kumwipaya.”
40Yesu alibepwishe ati, “Bushe ulo umwine we bala akesa, akesa kita shani kuli balya bakasunga?”
41Nabo balimwasukile ati, “Akesa kubepaya bakintomfwabo no kwisa kusekesha ibala lya mwangashi kuli bambi abakesa kumupeelako ifisabo panshita yakusombola.”
42Yesu epakubebati, “Bushe tamwabelengapo ikyalembwa mu malembo ikilanda ati,
“Ilibwe bakakuula basulile
e lyaisa kuba ilikankala.
Iki kyakitilwe fye na Shikulu
kabili kya kupapusha ku menso yesu.”
43“Ekyo nkomyebati, Ubufumu bwakwa Lesa bukapokwa kuli mwebo no kupeelwa kubengatwalapo ifisabo. 44[Umuntu onse ukaponena pa kilibwe ki akafunaika, nomba uyo kikaponenapo akashinaika.”]
45Banshimapepo bakindami na Bafalise pa kumfwa iyo milumbe, balilukile ati ebo akoeba. 46Balifwaishe nshila ya kumwikatilamo nomba balifililwe pantu bali kutiina amabumba ya bantu abashininkishe ati Yesu ni kasesema.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The Word For The World International