Yakobo 4
4
Mwilekubika bulunda ne kyalo
1Bushe ubulaki no kulwa filafuma pii? Bushe tekukonkelela ulunkumbwa lwabubi ululwisha mu mibili yenu? 2Mulafwaya ukukwata ifintu lelo tamukwata, ekyo mwipailapo na bantu. Mulasubila ukukwata ifintu lelo tamukwata, ekyo mulakila no kulekulwilapo. Tamukwata ifyo mufwaya pantu tamulomba kuli Lesa. 3Ekyo tamupokelela fintu ulo mukolomba, nikyo mulalomba na mapange yabubi. Mulalomba ifintu fya kumisansamusha fye mwe bene. 4Mwe bantu baalukila Lesa mwe! Bushe tamwaishiba ati ukupanga ubulunda ne kyalo kuba umulwani wakwa Lesa? Uufwaya bukibusa ne kyalo alaikita umulwini wakwa Lesa. 5Mwilekutontonkanya ati te fyakishinka ifyalembwa mu malembo ya Mushilo ifisosa ati, “Lesa alitutemwa sana, kabili alatufubila pa mulandu wa Mupashi abika muli fwebo.” 6Lelo kwena Lesa ikikuuku atukwatila kyalikilapo. Efyo kyalilembwa ati, “Lesa akinkitila abakilumba, lelo abaikyefya bena alabakwatila ikikuuku.” 7Kanshi mulekunakila Lesa. Mulekwansha Ikiwa, nakyo kya lekumibutuka. 8Mulekupalamina kuli Lesa, naye alekupamina kuli mwebo. Sambeni iminwe yenu mwebo mwe balubembu! Mule kusangulula imitima yenu mwe bamyalumyalu! 9Mulekuba no bulanda, lileni no kuloosha. Mulekuleka inseko shenu shaluke misowa, ne nsansa shibe ubulanda. 10Mulekuba abakuikefya pa kinso kyakwa Shikulu, naye akamisansabalika.
Ulwambo tekwesha
11Mwe bawesu, mwilekwambana. Uyo onse uukoamba nangu ukumupeela umulandu, alasuula amafunde yakwa Lesa nangula ukuyalengulula. Ekyo ngo kolengulula amafunde, ninshi taukoyakonka awe, ukoyalengulula fye. 12Lesa eka eupeela amafunde no kupingula abantu. Kabili eka fye ewaba na maka ya kupususha abantu nangula ukubalofya. Nga we ni webo nani uwakupingula umunobe?
Amataki tekwesha
13Kamumfwa mwebo mwe balanda ati, “Lelo nangula mailo tukaya ku musumba uukindami. Tukaya kupwako umwaka umo. Tukalekukita amakwebo no kunonkako indalama.” 14Tamwishibile nga kyakwebati mukaba aba mweo mailo. Mwebo mwaliba fye nga kaamfwa uuboneka pa kashita akanini, kabili mwaluba nepo ele. 15Efyo mulingile ukusosa nifi, “Shikulu nga kofwaya tukabe aba mweo, tukakita fyakuti na fyakuti.” 16Nomba mwebo mulakita ikilumba no kuleitakisha. Amataki yonse aya musango uyu, yabubi. 17Ekyo kanshi umuntu onse uwaishiba ifyabune ifintu afwile ukulakita, nomba nga takokita, ninshi akobembuka.
Iliyochaguliwa sasa
Yakobo 4: ABT
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The Word For The World International