Matthew 26
26
Te tau purenga ke tamate ko Jesus
(Mak 14.1–2; Luk 22.1–2; Jon 11.45–53)
1Tera te vasia ko Jesus ku faka oti tana fakaako ranga kia nea kaatoa nei, koia ne muna atu ki na kau fanonga, 2“E kotou iroa ina, ia foi aso e rua tera ka fai te Kai kai o te Faka sara anga, te vasia te Tama a Tangata ka soria ina ke tukia ki fongo raakau.”
3Tera nga ariki fai kava ma nga matapure ne taanaki i te paito o Caiaphas, te Maurunga o nga Pure Fai kava, 4koratou ne tau purenga ke puke faka leku leku ko Jesus, ke tuku ki te mate, ma ne mmuna, 5“Tatou se ma fai ke fai i te vasia o te Kai kai, natafito i te kano fenua ka fai faka feuaki rei iei.”
Jesus e faka roro ria i Bethany
(Mak 14.3–9; Jon 12.1–8)
6Jesus ku nofo i Bethany i te paito o Simon, te tangata ne maua ria e te ngae ngae tino para e ati te lepa. 7#Luk 7.37,38.Tera te vasia o Jesus ku kai iei, te maatua fafine ne au kiei ma te faangongo ʻalapastaʼ e pii ia sua sinu manongi, na tauvi e fai rei ki fea, tera ringi rei ea koia ki te poko uru o Jesus. 8Ta te kau fanonga ne ono kiei, ne teke o feesiri, “Sea natafito ne ringi peri?! 9A sua sinu manongi nei e fetau fangatasi ke fai tauvi, natafito na tauvi e maatea rei, tera a mane ke sori rei ki faoa faka ruru faka arofa.”
10Jesus ku nai iroa ina pe nia ma ratou e muna kiei, tera muna atu rei koia kia ratou, “Sea natafito kotou e furu ki te maatua fafine nei? E maatea rei na laoi ma na taurekareka a maatua fafine nei ne fai mai kia kuou. 11Kotou ka fare mau ma te kano fenua e fakaruru faka arofa i otou tafa, kae kuou ka see nofo mau ma kotou. 12Tera pe nia ma ana ne fai nei, koia ne ringi te sua sinu manongi ki toku tino ke pena pena ki toku vasia ka tanu. 13Kuou e faka ari atu kia kotou te maori: Ia ngangea fea te Rongo Laoi nei e tuufakina ria ia taangata kaatoa nei, ta pe nia ma te maatua fafine ne fai nei, ka araara fakina o faka maanatu kiei.”
Judas e fifia ke sori ko Jesus
(Mak 14.10–11; Luk 22.3–6)
14Tera take tangata i te kau fanonga e tino angafuru ma rua, na ingoa ko Judas Iscariot, ne poi ki nga ariki fai kava o fesiri, 15“A nia motou ka sori mai kia kuou, pe ke kau soria atu ko Jesus kia kotou?”
Tera koratou ne tau koa foi mane e fua toru, tera sori rei kiei. 16Ta mai i te vasia, ko Judas ku ono ono ki se vasia laoi ke sori ko Jesus kia ratou.
Jesus kau kai ma na kau fanonga i te Kai kai o te Faka sara anga
(Mak 14.12–21; Luk 22.7–13; 22.21–23; Jon 13.21–30)
17Tera i te mataki aso o te Kai kai oa Preti ne Tao Fua Fuarei, te kau fanonga ne oomai kia Jesus, o feesiri kiei, “I ngangea fea ko kee e fifia ke matou oro o pena pena mai ko te Kai kai o te Faka sara anga kia ko kee?”
18Tongoi atu rei ko Jesus kia ratou, “Oro ki te tangata sokotasi i te noforanga lasi, o faka ari atu kiei, ‘Te fakaako e muna na vasia ku oko. Tera te kau fanonga ma koia ka fai ko te Kai kai o te Faka sara anga i tou paito!’ ”
19Tera te kau fanonga ne fai tautari pea Jesus ne faka ari atu kia ratou, ma ne pena pena ea ratou te Kai kai o te Faka sara anga. 20Vasia ku afi afi, Jesus ma na kau fanonga e tino angafuru ma rua ne fare ki raro ke kai. 21I ratou vasia e fare e kkai iei, muna atu rei ko Jesus, “Kuou e faka ari atu kia kotou te maori: Te tangata sokotasi ia kotou ka nai soria kuou.”
22Tera na kau fanonga ku tteke rei, tera fakatafito arei o feesiri taki tasi kiei, “E tonu rei te ariki ee, ko kee si see fakatuu mai kia kuou, nakoia?”
23Tongoi atu rei ko Jesus, “Tera koia, komaua ka kai i te longi sokotasi, ka nai soria kuou. 24Te Tama a Tangata ka mate pe te Pepa Tapu e muna koia ka mate, ka e fakaruru faka arofa maatea rei ki te tangata ka sori ea koia te Tama a Tangata kia rima o te faoa pariki! E fetau fangatasi rei ki te tangata nei ke see faanau mai!”
25Tera ko Judas, te tangata ka sori iei, ku muna, “E tonu rei, te fakaako ee, ko kee si see fakatuu mai kia kuou, nakoia?”
Ta tongoi atu rei ko Jesus, “Teenaa rei ko kee e muna naa.”
Te Kai Tapu o te Ariki
(Mak 14.22–26; Luk 22.14–20; 1 Cor 11.23–25)
26Tera i ratou vasia ku kkai iei, Jesus ne sau koa mo preti, sori ko te rotu faka ue ue, totofi ea koia, tera sori rei ki na kau fanonga. Kae muna atu rei koia, “Sau o kai, teinei toku tino.”
27Tera koia ne sau te faangongo, faka ue ue ki Tupua, ma ne sori kia ratou; ta kae muna atu rei koia, “Inu kiei, kotou kaatoa. 28Teinei toku toto iei e faka maru ki te tongi sanga a Tupua; toku toto ne maringi ki tua ke furuna koa sara saranga a te kano fenua kaatoa. 29Tera kuou e faka ari atu kia kotou, kuou ka see kau inu mia fokia koa waeni nei oko rei ki te aso kuou ka inu kia waeni foou ma kotou i te Kainanga o toku Mmana.”
30Tera koratou ne pese ratou pese, ma e oro ki tua ki te Maunga i Olive.
Jesus e faka iro iro te faka fiti fiti anga a Peter
(Mak 14.27–31; Luk 22.31–34; Jon 13.36–38)
31Tera muna atu rei ko Jesus kia ratou, “Tera i te poo nei, kotou kaatoa ka furi kese ma kuou, natafito te Pepa Tapu e muna,
‘Tupua ka nai tamatea te tangata reo manu,
ka ma tofa vare arei koa sipi sipi.’
32 #
Mat 28.16. “Tera kae ia tua kuou ku faka masike ake ki te ora, kuou ka mua ia kotou o poi ki Galilee.”
33Tera muna atu rei ko Peter kia Jesus, “Kuou ka se ma tiaki rei ko kee, maafa rei onia faoa nei ka furi kese!”
34Muna atu rei ko Jesus kia Peter, “Kuou e faka ari atu kia kee te maori: Te vasia te kio siki tangi i te poo nei, ko kee ka muna faka toru ko kee se kee iroa ina kuou.”
35Tongoi atu rei ko Peter, “Kuou ka se ma muna rei faka peenaa, moa rei kuou e mate ma kee!”
Ma na kau fanonga kaatoa rei ne muna faka peeraa.
Jesus e rotu i Gethsemane
(Mak 14.32–42; Luk 22.39–46)
36Tera ko Jesus ne poi ma na kau fanonga ki te ngangea e ati ko Gethsemane, tera muna atu rei koia kia ratou, “Fare ake i kunei mo vasia kuou e poi ki te ngangea o rotu iei.” 37Tera koia ne kave ko Peter ma tau faanau a Zebedee. Te arofa ku au maatea rei ia koia. 38Tera muna atu rei koia kia ratou, “Te arofa i toku fatu manava e sapa rei ka nai tamatea kuou; fare i kunei o arafaki ma kuou.” 39Tera fenatu rei koia faka molakea, tokoturi ifo rei koia kae punou ki te kere o rotu, “Toku Mmana ee, kae maafa rei, sau kese atu ko te faangongo o fakarongo neaisu nei ma kuou! Kae siei toku fifia, kae tou fifia.”
40Tera foki rei koia ki na kau fanonga e toka toru, ta nai maua atu rei koratou e meeraki; tera muna atu rei koia kia Peter, “Ea rei, kotou e toka toru naa ku se ma fai ke arafaki rei ma kuou mo vasia molakea? 41Faka mata araara, o rotu ko kotou ka see feetoki ki te titipea ranga. Te mauri e fifia, kae te tino e losi.”
42Ta kae foki rei ko Jesus o rotu, “Toku Mmana ee, kae te faangongo o fakarongo neaisu nei ka se ma sau kese ria, kuou rei ke inu kiei, i tou fifia ka ma fai.” 43Tera koia ne foki mai, nai maua rei na kau fanonga e meeraki; a ratou mata ku se ma ara ake rei.
44Tera ko Jesus ne tuku koratou, kae foki rei o rotu i na faka toru o muna ia taranga sokotasi. 45Tera koia ne foki mai ki na kau fanonga, kae muna atu, “Kotou e koi meeraki rei o maanava? Pula! Te vasia ku au ki te Tama a Tangata ke soria ina kia makeke o faoa titisara. 46Turaki ki runga, ke tatou oro. Pula: teinei te tangata, koia ka nai soria ina kuou!”
Jesus ku pukea ria
(Mak 14.43–50; Luk 22.47–53; Jon 18.3–12)
47Jesus koi muna rei vasia Judas, koia te faka tino angafuru ma rua o na kau fanonga, ku oko mai ma te kano fenua e tokkapi, ma ratou rautoro ma ratou raakau taua. Ratou ne fakkau mai e nga ariki fai kava, ma nga matapure. 48Ko Judas te tataangutu koia ku sori te faka iro kia ratou, “Te tangata kuou ka songi kiei, tera puke arei ea kotou natafito tera totou tangata e fifia kiei!”
49Tera ko Judas ne poi tonu rei kia Jesus, ta kae muna atu, “Te roto mafora ke naa ia kee, te fakaako ee,” kae songi atu kiei.
50Tera tongoi atu rei ko Jesus, “Fai faka vave, soa ee!”
Tera koratou ne oomai o puke ko Jesus ke mau. 51Kae te tangata sokotasi i na kau fanonga ne taaki tana rautoro o nai sepea ria ko te taringa o te fai fekau a te Maurunga o nga Pure Fai kava. 52Muna atu rei ko Jesus kiei, “Fokisaki tau rautoro o tuku ki na ngangea, natafito pe koai e sau tana rautoro, koia ka tamatea ria ki te rautoro. 53Ea, se kee iroa ina kuou ke kau karanga ki toku Mmana ke sosoa mai, i te vasia sokotasi koia ka nai fakkauna mai arei kia kuou e tino angafuru ma rua i te kano tau o ana ʻangelʼ?! 54Kae fai faka peinei, tera te Pepa Tapu rei ka oko tiaina faka fefea iei e muna konei a nea e fetau fangatasi ke fai?”
55 #
Luk 19.47; 21.37. Tera ko Jesus muna atu rei ki te kano fenua, “Ea, kotou e fai ke oomai ma otou rautoro ma raakau taua ke puke kuou pe kuou te tangata saeaki ia fono? I nga aso kaatoa kuou e nofo ki raro o fakaako i rota Paito Tapu, kae kotou se ne kotou pukea kuou. 56Kae a nea kaatoa nei ne faka sasa ke fakatonu sia pe nia a nga ʻprophetʼ ne tusia i te Pepa Tapu.”
Tera na kau fanonga kaatoa ne ratou tiakina koia, kae furi kese rei.
Jesus ia mua o te Kau Fono fono
(Mak 14.53–65; Luk 22.54–55; 22.63–71; Jon 18.13–14; 18.19–24)
57Faoa ne puke ko Jesus, ta kave rei ea ratou ki te paito o Caiaphas, te Maurunga o nga Pure Fai kava, i ngangea nga fakaako oa Fono ma nga matapure ne taanaki ki roto iei. 58Ko Peter ne tautari kiei e au faka totomuri mai, oko rei ki te vae tafaa fare o te paito o te Maurunga o nga Pure Fai kava. Koia ne poi ki tafaa fare, poi rei o nofo ki raro ma nga faoa reo ke ono mata pe nia ka faka saa mai ki tua. 59Nga ariki fai kava ma te Kau Fono fono kaatoa ne sakiri o faara pe ni loi ma ratou ke fai ke tukuaki kia Jesus ke tukuna ki te mate. 60Ta kae se ne ratou maua ria, kae moa rei te kano fenua ne oomai e tokarava rei o fai aratou araara fanga faka lelesi kiei. Ta kia muri rei e toka rua koa taangata ne turaki ake o muna, 61#Jon 2.19.“Te tangata nei ne muna, ‘Kuou e ma fai fuarei ke ofa aki ki raro ko te Paito Tapu o Tupua, ta ia foi aso e toru ka kau fakatuu riaina ki runga fokia!’ ”
62Tera te Maurunga o nga pure fai kava ne tuu ki runga o muna atu kia Jesus, “E fai ko se tongoi ma au kia rau taranga e fai kia kee nei?” 63Kae ko Jesus e fakaturi.
Tera te Maurunga o nga pure fai kava karanga atu foki kiei, “Kuou e muna atu kia kee i te ingoa Tupua ora: Faka ari mai kia matou pe ko kee te Ariki Fakaroro, te Tama a Tupua.”
64Tongoi atu rei ko Jesus kiei, “Teenaa rei ko kee e muna naa, tera kuou ka faka ari atu kia kotou: Tafito i te vasia nei o poi arei, kotou ka ono ki te Tama a Tangata e nofo i te faasi matau o Tupua, te Uru o te Mana, ma ka fena ifo ia kauao o te vaerangi!”
65Tera i te vasiaa, te Maurunga o nga pure fai kava ne sae ko ana suru, ma e muna, “Ei, e faka puaka! Tatou ka see fai pe nia fokia! Kotou siki ne songoi fakarongo ki tana fakarangi?! 66Kotou e maanatu faka fefea?”
Tongoi atu rei koratou, “Koia ku tokaa ke tukuna ki te mate.”
67Tera tafito arei oratou anu sia ria ko ana mata ma kae ratou tukia koia, 68kae muna atu, “Faka iro mai kia matou: Ko kee te Ariki Fakaroro! Muna mai rei pe koai ne tuki ia kee naa!”
Te peupeu ranga a Peter
(Mak 14.66–72; Luk 22.56–62; Jon 18.15–18; 18.25–27)
69Ko Peter e nofo i tua i te fafare, vasia te fafine fai fekau a te Maurunga o nga pure fai kava ne au kiei, tera muna atu rei, “Ko kee fokia ma Jesus o Galilee.”
70Tera ko Peter ne peupeu atu kiei, o muna i aratou mata kaatoa rei, “Kuou se kau iroa ina pe nia ma au e muna kiei naa.” 71Tera kae saere o poi ki te urufanga o te tafaa fare. Na vasia ku piri atu ki te urufanga, take fafine fai fekau ne ono kiei, tera muna atu rei koia ki nga taangata i kuraa, “Koia naa ma Jesus o Nazareth.”
72Kae peupeu atu fokia kiei ko Peter, ma ne tongoi atu, “Kuou ka vata vata kuou see kau iroa ina ko te tangata naa!”
73Si se ne roa ake fuarei, nga taangata e turaki i ngangea ne oomai kia Peter. Tera muna atu rei koratou, “E tonu rei, ko kee e kau ia ratou, natafito i tau fai araara e iroa ina iei!”
74Tera ko Peter ne faka puaka, “Aku maori rei, Tupua ke nai fakkiroa mai kuou, pe kuou si see muna atu ma te tonu! Kuou si see kau iroa ina ko te tangata naa!”
Mo vasia te kio ku tangi. 75Tera ko Peter ku maanatu pe nia ma Jesus ne muna atu kiei, “Te vasia te kio siki tangi iei, ko kee ka peupeu o muna faka toru ko kee se kee iroa ina kuou.” Tera koia ne poi ki tua, ma e tangi fai ngutu maatea rei.
Iliyochaguliwa sasa
Matthew 26: TKP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025 Wycliffe Bible Translators, Inc.
Matthew 26
26
Te tau purenga ke tamate ko Jesus
(Mak 14.1–2; Luk 22.1–2; Jon 11.45–53)
1Tera te vasia ko Jesus ku faka oti tana fakaako ranga kia nea kaatoa nei, koia ne muna atu ki na kau fanonga, 2“E kotou iroa ina, ia foi aso e rua tera ka fai te Kai kai o te Faka sara anga, te vasia te Tama a Tangata ka soria ina ke tukia ki fongo raakau.”
3Tera nga ariki fai kava ma nga matapure ne taanaki i te paito o Caiaphas, te Maurunga o nga Pure Fai kava, 4koratou ne tau purenga ke puke faka leku leku ko Jesus, ke tuku ki te mate, ma ne mmuna, 5“Tatou se ma fai ke fai i te vasia o te Kai kai, natafito i te kano fenua ka fai faka feuaki rei iei.”
Jesus e faka roro ria i Bethany
(Mak 14.3–9; Jon 12.1–8)
6Jesus ku nofo i Bethany i te paito o Simon, te tangata ne maua ria e te ngae ngae tino para e ati te lepa. 7#Luk 7.37,38.Tera te vasia o Jesus ku kai iei, te maatua fafine ne au kiei ma te faangongo ʻalapastaʼ e pii ia sua sinu manongi, na tauvi e fai rei ki fea, tera ringi rei ea koia ki te poko uru o Jesus. 8Ta te kau fanonga ne ono kiei, ne teke o feesiri, “Sea natafito ne ringi peri?! 9A sua sinu manongi nei e fetau fangatasi ke fai tauvi, natafito na tauvi e maatea rei, tera a mane ke sori rei ki faoa faka ruru faka arofa.”
10Jesus ku nai iroa ina pe nia ma ratou e muna kiei, tera muna atu rei koia kia ratou, “Sea natafito kotou e furu ki te maatua fafine nei? E maatea rei na laoi ma na taurekareka a maatua fafine nei ne fai mai kia kuou. 11Kotou ka fare mau ma te kano fenua e fakaruru faka arofa i otou tafa, kae kuou ka see nofo mau ma kotou. 12Tera pe nia ma ana ne fai nei, koia ne ringi te sua sinu manongi ki toku tino ke pena pena ki toku vasia ka tanu. 13Kuou e faka ari atu kia kotou te maori: Ia ngangea fea te Rongo Laoi nei e tuufakina ria ia taangata kaatoa nei, ta pe nia ma te maatua fafine ne fai nei, ka araara fakina o faka maanatu kiei.”
Judas e fifia ke sori ko Jesus
(Mak 14.10–11; Luk 22.3–6)
14Tera take tangata i te kau fanonga e tino angafuru ma rua, na ingoa ko Judas Iscariot, ne poi ki nga ariki fai kava o fesiri, 15“A nia motou ka sori mai kia kuou, pe ke kau soria atu ko Jesus kia kotou?”
Tera koratou ne tau koa foi mane e fua toru, tera sori rei kiei. 16Ta mai i te vasia, ko Judas ku ono ono ki se vasia laoi ke sori ko Jesus kia ratou.
Jesus kau kai ma na kau fanonga i te Kai kai o te Faka sara anga
(Mak 14.12–21; Luk 22.7–13; 22.21–23; Jon 13.21–30)
17Tera i te mataki aso o te Kai kai oa Preti ne Tao Fua Fuarei, te kau fanonga ne oomai kia Jesus, o feesiri kiei, “I ngangea fea ko kee e fifia ke matou oro o pena pena mai ko te Kai kai o te Faka sara anga kia ko kee?”
18Tongoi atu rei ko Jesus kia ratou, “Oro ki te tangata sokotasi i te noforanga lasi, o faka ari atu kiei, ‘Te fakaako e muna na vasia ku oko. Tera te kau fanonga ma koia ka fai ko te Kai kai o te Faka sara anga i tou paito!’ ”
19Tera te kau fanonga ne fai tautari pea Jesus ne faka ari atu kia ratou, ma ne pena pena ea ratou te Kai kai o te Faka sara anga. 20Vasia ku afi afi, Jesus ma na kau fanonga e tino angafuru ma rua ne fare ki raro ke kai. 21I ratou vasia e fare e kkai iei, muna atu rei ko Jesus, “Kuou e faka ari atu kia kotou te maori: Te tangata sokotasi ia kotou ka nai soria kuou.”
22Tera na kau fanonga ku tteke rei, tera fakatafito arei o feesiri taki tasi kiei, “E tonu rei te ariki ee, ko kee si see fakatuu mai kia kuou, nakoia?”
23Tongoi atu rei ko Jesus, “Tera koia, komaua ka kai i te longi sokotasi, ka nai soria kuou. 24Te Tama a Tangata ka mate pe te Pepa Tapu e muna koia ka mate, ka e fakaruru faka arofa maatea rei ki te tangata ka sori ea koia te Tama a Tangata kia rima o te faoa pariki! E fetau fangatasi rei ki te tangata nei ke see faanau mai!”
25Tera ko Judas, te tangata ka sori iei, ku muna, “E tonu rei, te fakaako ee, ko kee si see fakatuu mai kia kuou, nakoia?”
Ta tongoi atu rei ko Jesus, “Teenaa rei ko kee e muna naa.”
Te Kai Tapu o te Ariki
(Mak 14.22–26; Luk 22.14–20; 1 Cor 11.23–25)
26Tera i ratou vasia ku kkai iei, Jesus ne sau koa mo preti, sori ko te rotu faka ue ue, totofi ea koia, tera sori rei ki na kau fanonga. Kae muna atu rei koia, “Sau o kai, teinei toku tino.”
27Tera koia ne sau te faangongo, faka ue ue ki Tupua, ma ne sori kia ratou; ta kae muna atu rei koia, “Inu kiei, kotou kaatoa. 28Teinei toku toto iei e faka maru ki te tongi sanga a Tupua; toku toto ne maringi ki tua ke furuna koa sara saranga a te kano fenua kaatoa. 29Tera kuou e faka ari atu kia kotou, kuou ka see kau inu mia fokia koa waeni nei oko rei ki te aso kuou ka inu kia waeni foou ma kotou i te Kainanga o toku Mmana.”
30Tera koratou ne pese ratou pese, ma e oro ki tua ki te Maunga i Olive.
Jesus e faka iro iro te faka fiti fiti anga a Peter
(Mak 14.27–31; Luk 22.31–34; Jon 13.36–38)
31Tera muna atu rei ko Jesus kia ratou, “Tera i te poo nei, kotou kaatoa ka furi kese ma kuou, natafito te Pepa Tapu e muna,
‘Tupua ka nai tamatea te tangata reo manu,
ka ma tofa vare arei koa sipi sipi.’
32 #
Mat 28.16. “Tera kae ia tua kuou ku faka masike ake ki te ora, kuou ka mua ia kotou o poi ki Galilee.”
33Tera muna atu rei ko Peter kia Jesus, “Kuou ka se ma tiaki rei ko kee, maafa rei onia faoa nei ka furi kese!”
34Muna atu rei ko Jesus kia Peter, “Kuou e faka ari atu kia kee te maori: Te vasia te kio siki tangi i te poo nei, ko kee ka muna faka toru ko kee se kee iroa ina kuou.”
35Tongoi atu rei ko Peter, “Kuou ka se ma muna rei faka peenaa, moa rei kuou e mate ma kee!”
Ma na kau fanonga kaatoa rei ne muna faka peeraa.
Jesus e rotu i Gethsemane
(Mak 14.32–42; Luk 22.39–46)
36Tera ko Jesus ne poi ma na kau fanonga ki te ngangea e ati ko Gethsemane, tera muna atu rei koia kia ratou, “Fare ake i kunei mo vasia kuou e poi ki te ngangea o rotu iei.” 37Tera koia ne kave ko Peter ma tau faanau a Zebedee. Te arofa ku au maatea rei ia koia. 38Tera muna atu rei koia kia ratou, “Te arofa i toku fatu manava e sapa rei ka nai tamatea kuou; fare i kunei o arafaki ma kuou.” 39Tera fenatu rei koia faka molakea, tokoturi ifo rei koia kae punou ki te kere o rotu, “Toku Mmana ee, kae maafa rei, sau kese atu ko te faangongo o fakarongo neaisu nei ma kuou! Kae siei toku fifia, kae tou fifia.”
40Tera foki rei koia ki na kau fanonga e toka toru, ta nai maua atu rei koratou e meeraki; tera muna atu rei koia kia Peter, “Ea rei, kotou e toka toru naa ku se ma fai ke arafaki rei ma kuou mo vasia molakea? 41Faka mata araara, o rotu ko kotou ka see feetoki ki te titipea ranga. Te mauri e fifia, kae te tino e losi.”
42Ta kae foki rei ko Jesus o rotu, “Toku Mmana ee, kae te faangongo o fakarongo neaisu nei ka se ma sau kese ria, kuou rei ke inu kiei, i tou fifia ka ma fai.” 43Tera koia ne foki mai, nai maua rei na kau fanonga e meeraki; a ratou mata ku se ma ara ake rei.
44Tera ko Jesus ne tuku koratou, kae foki rei o rotu i na faka toru o muna ia taranga sokotasi. 45Tera koia ne foki mai ki na kau fanonga, kae muna atu, “Kotou e koi meeraki rei o maanava? Pula! Te vasia ku au ki te Tama a Tangata ke soria ina kia makeke o faoa titisara. 46Turaki ki runga, ke tatou oro. Pula: teinei te tangata, koia ka nai soria ina kuou!”
Jesus ku pukea ria
(Mak 14.43–50; Luk 22.47–53; Jon 18.3–12)
47Jesus koi muna rei vasia Judas, koia te faka tino angafuru ma rua o na kau fanonga, ku oko mai ma te kano fenua e tokkapi, ma ratou rautoro ma ratou raakau taua. Ratou ne fakkau mai e nga ariki fai kava, ma nga matapure. 48Ko Judas te tataangutu koia ku sori te faka iro kia ratou, “Te tangata kuou ka songi kiei, tera puke arei ea kotou natafito tera totou tangata e fifia kiei!”
49Tera ko Judas ne poi tonu rei kia Jesus, ta kae muna atu, “Te roto mafora ke naa ia kee, te fakaako ee,” kae songi atu kiei.
50Tera tongoi atu rei ko Jesus, “Fai faka vave, soa ee!”
Tera koratou ne oomai o puke ko Jesus ke mau. 51Kae te tangata sokotasi i na kau fanonga ne taaki tana rautoro o nai sepea ria ko te taringa o te fai fekau a te Maurunga o nga Pure Fai kava. 52Muna atu rei ko Jesus kiei, “Fokisaki tau rautoro o tuku ki na ngangea, natafito pe koai e sau tana rautoro, koia ka tamatea ria ki te rautoro. 53Ea, se kee iroa ina kuou ke kau karanga ki toku Mmana ke sosoa mai, i te vasia sokotasi koia ka nai fakkauna mai arei kia kuou e tino angafuru ma rua i te kano tau o ana ʻangelʼ?! 54Kae fai faka peinei, tera te Pepa Tapu rei ka oko tiaina faka fefea iei e muna konei a nea e fetau fangatasi ke fai?”
55 #
Luk 19.47; 21.37. Tera ko Jesus muna atu rei ki te kano fenua, “Ea, kotou e fai ke oomai ma otou rautoro ma raakau taua ke puke kuou pe kuou te tangata saeaki ia fono? I nga aso kaatoa kuou e nofo ki raro o fakaako i rota Paito Tapu, kae kotou se ne kotou pukea kuou. 56Kae a nea kaatoa nei ne faka sasa ke fakatonu sia pe nia a nga ʻprophetʼ ne tusia i te Pepa Tapu.”
Tera na kau fanonga kaatoa ne ratou tiakina koia, kae furi kese rei.
Jesus ia mua o te Kau Fono fono
(Mak 14.53–65; Luk 22.54–55; 22.63–71; Jon 18.13–14; 18.19–24)
57Faoa ne puke ko Jesus, ta kave rei ea ratou ki te paito o Caiaphas, te Maurunga o nga Pure Fai kava, i ngangea nga fakaako oa Fono ma nga matapure ne taanaki ki roto iei. 58Ko Peter ne tautari kiei e au faka totomuri mai, oko rei ki te vae tafaa fare o te paito o te Maurunga o nga Pure Fai kava. Koia ne poi ki tafaa fare, poi rei o nofo ki raro ma nga faoa reo ke ono mata pe nia ka faka saa mai ki tua. 59Nga ariki fai kava ma te Kau Fono fono kaatoa ne sakiri o faara pe ni loi ma ratou ke fai ke tukuaki kia Jesus ke tukuna ki te mate. 60Ta kae se ne ratou maua ria, kae moa rei te kano fenua ne oomai e tokarava rei o fai aratou araara fanga faka lelesi kiei. Ta kia muri rei e toka rua koa taangata ne turaki ake o muna, 61#Jon 2.19.“Te tangata nei ne muna, ‘Kuou e ma fai fuarei ke ofa aki ki raro ko te Paito Tapu o Tupua, ta ia foi aso e toru ka kau fakatuu riaina ki runga fokia!’ ”
62Tera te Maurunga o nga pure fai kava ne tuu ki runga o muna atu kia Jesus, “E fai ko se tongoi ma au kia rau taranga e fai kia kee nei?” 63Kae ko Jesus e fakaturi.
Tera te Maurunga o nga pure fai kava karanga atu foki kiei, “Kuou e muna atu kia kee i te ingoa Tupua ora: Faka ari mai kia matou pe ko kee te Ariki Fakaroro, te Tama a Tupua.”
64Tongoi atu rei ko Jesus kiei, “Teenaa rei ko kee e muna naa, tera kuou ka faka ari atu kia kotou: Tafito i te vasia nei o poi arei, kotou ka ono ki te Tama a Tangata e nofo i te faasi matau o Tupua, te Uru o te Mana, ma ka fena ifo ia kauao o te vaerangi!”
65Tera i te vasiaa, te Maurunga o nga pure fai kava ne sae ko ana suru, ma e muna, “Ei, e faka puaka! Tatou ka see fai pe nia fokia! Kotou siki ne songoi fakarongo ki tana fakarangi?! 66Kotou e maanatu faka fefea?”
Tongoi atu rei koratou, “Koia ku tokaa ke tukuna ki te mate.”
67Tera tafito arei oratou anu sia ria ko ana mata ma kae ratou tukia koia, 68kae muna atu, “Faka iro mai kia matou: Ko kee te Ariki Fakaroro! Muna mai rei pe koai ne tuki ia kee naa!”
Te peupeu ranga a Peter
(Mak 14.66–72; Luk 22.56–62; Jon 18.15–18; 18.25–27)
69Ko Peter e nofo i tua i te fafare, vasia te fafine fai fekau a te Maurunga o nga pure fai kava ne au kiei, tera muna atu rei, “Ko kee fokia ma Jesus o Galilee.”
70Tera ko Peter ne peupeu atu kiei, o muna i aratou mata kaatoa rei, “Kuou se kau iroa ina pe nia ma au e muna kiei naa.” 71Tera kae saere o poi ki te urufanga o te tafaa fare. Na vasia ku piri atu ki te urufanga, take fafine fai fekau ne ono kiei, tera muna atu rei koia ki nga taangata i kuraa, “Koia naa ma Jesus o Nazareth.”
72Kae peupeu atu fokia kiei ko Peter, ma ne tongoi atu, “Kuou ka vata vata kuou see kau iroa ina ko te tangata naa!”
73Si se ne roa ake fuarei, nga taangata e turaki i ngangea ne oomai kia Peter. Tera muna atu rei koratou, “E tonu rei, ko kee e kau ia ratou, natafito i tau fai araara e iroa ina iei!”
74Tera ko Peter ne faka puaka, “Aku maori rei, Tupua ke nai fakkiroa mai kuou, pe kuou si see muna atu ma te tonu! Kuou si see kau iroa ina ko te tangata naa!”
Mo vasia te kio ku tangi. 75Tera ko Peter ku maanatu pe nia ma Jesus ne muna atu kiei, “Te vasia te kio siki tangi iei, ko kee ka peupeu o muna faka toru ko kee se kee iroa ina kuou.” Tera koia ne poi ki tua, ma e tangi fai ngutu maatea rei.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025 Wycliffe Bible Translators, Inc.