Mateus 25
25
Haweweil Deihetiwo Birhen
1“Niyatora nga farüyeri weirengi ra ebwe weya faülüri merer. E wol fadew ra deihetiwo happalafaifire la hädini yael lam ra e hoho yalöngü lada buwou weti mwana ebwe liili. 2Rimmaru ma uworuul happalafaifire hara ra la tai talam tipael nga rimmaru ra e talam tipael. 3Marahara rimmaru ra e tai talam tipael la tai ikka süyarari yalöngüri yael turu 4nga iyahara e talam tipael ra la hauloni pöüleri yael yalöngü bwa süyarari yalöngüri yael lam. 5Mwana ebwe liili eda sawatoho nga happalafaifire hara lada hatoru lada madülü.
6“Eda mori nuhorapari bwongi ifiri na yalemat e kabwat nga eda dölü bwa, ‘Eda mori bwitoho mwaarewe e liili! Hau bwitoho iyolor.’ 7Lada haneraho marahawe deihetiwo happalafaifire lada hawerewere wikiri marahara yael lam. 8Marahara rimmaru ra la rarodaw lada haüül iyahara rimmaru ra e talam tipael bwa, ‘Hau hanehamami yalöngüri yamami lam bwa ete huru.’ 9Iyahara rimmaru ra e talam tipael lada haüül bwa, ‘Naweri, e tawai howu na haibwe hanehami nga hamami hai hooho. Hau raho räni stowa hauda parüyeri yami yalöngü.’ 10Ifiri mena nga marahara rimmaru ra e tai talam tipael lada raho parüyeri yael yalöngü. Ifiri na la süye nga eda bwitoho mwana ebwe liili. Faifire hara rimmaru ra e talam tipael lada pülüyarango niimw ifiri sänneri liili nga eda tiyehi hatam.
11“Werimwiliri mena nga marahawe rimmaru we la tai talam tipael lada wehitafaari lada fadöfadörango niimw nga la dölü bwa, ‘Latu, Latu! Haitihamamirango!’ 12Mwana e liili eda haüül bwa, ‘E tawau süye bwa i tohüra re hami.’ ”
13Hesus eda habwangi na yaar hawewe eda haüül bwa, “Hau hafanihemi bwa hau tahüra hale wangayet ma niyato meta na yami Tamoru ebwe bwitoho.”
Haweweil Dörümörü Lei Fitehi
(Lukas 19.11-27)
14“Niyatora nga Farüyeri weirengi ra ebwe weya faülüri merer. Delaari nga demarü mwaare ebwe dai raho idoburodu eda fadöngü fängäniil marahara lei yaar fitehi eda hariil bwa labwe nifarini marahara hapitehir. 15E faaülü marahara hapitehir nipatael eda tabweya na e süya ngari demarü bwa ebwe faaülü. E hariye demarü rimangaladi faduri mwanne ra kolt nga e hariye demarü liyangaladi nga e hariye demarü dangaladi. Werimwiliri mena nga eda süye. 16Lei fitehi we e hädi rimangaladi e hädi söhü mwannera eda hori fitehi eda häditafariya rimangaladi bwa hon. 17Lei fitehi e hädi liyangaladi nga ira sahü souri na e faaülü eda häditafariya liyangaladi bwa hon. 18Nga iyawe e hädi dangaladi ra e raho eda kkeri masalo eda ribwa na yaari mwana yaar tamoru mwanne eda hamwaro.
19“E ekka dewa riwarangi ma imwilir nga mwana yael tamoru eda wehitafaari eda habaühü hale meta na la faülüngerini marahawe yaar mwanne. 20Lei fitehi ra e hädi rimangaladi eda bwirango iyolor eda hariye na yaar tamoru na rimangaladi nga e haüya na yaar tamoru bwa, ‘Latu, ho hariyei rimangaladi ida häditafariya rimangaladi maürühür.’ 21Mwana yaar tamoru eda haüye bwa, ‘E maho dewa yaamu fitehi, heer lei maho nga ho mäni hatödü. E maho dewa yaamu hori fitehi mwannewe töt we i hariho. Meihira nga irau faülüho bwa hobwe uduweri tarapari mwanne. Bwitoho itirango hoda pülüyei ifiri mahori faringörüngöri!’ 22Lei fitehi e hädi liyangaladi eda bwirango iyolor eda dölü bwa, ‘Latu, ho hariyei liyangaladi, nga hobwe habaühü bwa i heditafariye liyangaladi maürühür.’ 23Mwana yaar tamoru eda haüye bwa, ‘E maho dewa yaamu fitehi, heer lei maho nga ho mäni hatödü. E maho dewa yaamu hori fitehi mwannewe töt we i hariho. Meihira nga irau faülüho bwa hobwe uduweri tarapari mwanne. Bwitoho itirango hoda pülüyei ifiri mahori faringörüngöri!’ 24Lei fitehi ra e hädi dangaladi eda bwirango eda dölü bwa, ‘Latu, i hüra bwa ho tipayarüdü. Ho hiridini uwari fatoh hara ho tai fatohini, nga ho hatoiyerini uwari fatoh hara ho tai hassefi fatoh irang. 25Ira sapiri na ida hamwaro na yaamu mwanne fari masalo bwa i matahü. Iyera-mo yaamu mwanne.’ 26Mwana yaar tamoru eda haüye bwa, ‘Demarü lei tahürari faülümire ra ho sawalaw. Ho hüra bwa i hiridini uwari fatoh hara i tai fatohini, nga i hatoiyerini uwari fatoh hara iitei hassefi fatoh ma irang. 27Ira nga hapaüpöüri-mo hobwe itenango na yai mwanne räni bank bwa ebwe wol hon. Ida wehitafaari ida hädi na dangaladi fängääni ma hon.’ 28Mwana eda haüül par palüül lei yaar fitehi bwa, ‘Hau hädi mwanner ma iyolor hauda hariye yalematawe e hädi deihetiwo ngaladi. 29Urutael yalemat hara e wol faülümire iyoloil ra ebwe para pipiya marahara labwe para hädini, nga yalemat hara e tawol faülümire iyoloil ra mena töt ra e mire iyoloil ra labwe para häditengiil. 30Hau hädi lei fitehi ye e tawol nifaar hauda peitawau fari losopödü, burukara na ebwe tangi nga e hatata ngiir ma irang.’
Haühühüri Haddiye
31“Ifiri na Rauri Yalemat ebwe bwitoho nga iiy King nga urutael anghel la pülüye, nga eda maato uwawori räniyeri yaar tamoru, 32nga urutael sawori pipiyeri farüye larau hatoiyeril imowar. Ebwe hädi eda wolifatangiil yalemat hara lada luwou moutehir ma irang eda weya faülüri yalematara lei hafaniri siipi ra e haiyeiyafatangil siipi ma ifiri iyahara kamini. 33Ebwe hädiil yaraha siipi eda iterilaraho ifiri hurumalar nga iyahara kamini ra ebwe iteril ifiri hurusehin. 34Ifiri mena nga King erau haüül marahara la mire ifiri hurumalar bwa, ‘Hau bwitoho marahara hami ra hau hafaiyemau ma ifiri Papai! Hau bwitoho bwa Dios ebwe harihemi Farüyeri weirengi ra e faduri miresahü bwa räniyemi ifiri-mo hapurotaheri farüyeri yalemat. 35Bwa i ddung nga hau haneyai harai, nga e bwesi farubei nga hau haneyai rumei sarü, hau tahüra re ngaangu nga hau haitiyeirango niimwemi, 36iitei üffoüf nga hauda haüffoüfayai, i hamatahi nga hau nifariyei, i mire räni karabuse nga hau mweyaliyei!’ 37Marahara lei maho lada hauye bwa, ‘Tamoru, ingayet na hai käkäneho bwa ho ddung haida hanoho haramu, hale e bwesi farubomu haida hanoho rumomu sarü? 38Nga ingayet na hai käkäneho nga hai tahüra re heer nga hai haitihorango niimwamami, hale ho tai üffoüf haida haüfoüfaho? 39Nga ingayet na ho hamatahi hale ho mire räni karabuse nga hai mweyaliho?’ 40King eda haüül bwa, ‘Ibwe hau dewahami bwa mena hau faülüngeri demarü maraha lei tabwei ra e hauhuri halofalof dewa, nga ira na hau faülüngeriyei!’
41“Eda haüül iyahara la mire ifiri hurusehin bwa, ‘Hau süye ma iyoloi bwa hau hafaiyebwiteli ma ifiri Dios! Hau süye hauda bwitiwo uwawori yafira e tawol haühühür ra e faülüyehi bwa räniyeri diabolo ma yaar anghel! 42Bwa i ddung nga hau tei haneyai harai, e bwesi farubei nga hau tei haneyai rumei sarü, 43hau tahüra re ngaangu nga hau tei haitiyeirango niimwemi, iitei üffoüf nga hau tei haüffoüfayai, i hamatahi nga i mire räni karabuse nga hau tei tapangiyei.’ 44Lada hauye bwa, ‘Tamoru, ingayet na hai käkäneho bwa ho ddung hale e bwesi farubomu hale hai tohüra re heer hale ho tai üffoüf hale ho hamatahi hale ho mire räni karabuse nga hai tei tapangiho?’ 45King eda haüül bwa, ‘Ibwe hau dewahami bwa ifiri na haubwe tai tapangi demarü maraha la hauhuri halofalof, nga hau tei tapangiyei.’ 46Marahar ra larau bwitiwo ifiri hahaliheli ra e tawol haühühür, nga iyahara lei maho ra larau raho ifiri tawol haühühüri fad.”
Iliyochaguliwa sasa
Mateus 25: SOV
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
(Active) © Wycliffe Bible Translators, Inc. All rights reserved.
Mateus 25
25
Haweweil Deihetiwo Birhen
1“Niyatora nga farüyeri weirengi ra ebwe weya faülüri merer. E wol fadew ra deihetiwo happalafaifire la hädini yael lam ra e hoho yalöngü lada buwou weti mwana ebwe liili. 2Rimmaru ma uworuul happalafaifire hara ra la tai talam tipael nga rimmaru ra e talam tipael. 3Marahara rimmaru ra e tai talam tipael la tai ikka süyarari yalöngüri yael turu 4nga iyahara e talam tipael ra la hauloni pöüleri yael yalöngü bwa süyarari yalöngüri yael lam. 5Mwana ebwe liili eda sawatoho nga happalafaifire hara lada hatoru lada madülü.
6“Eda mori nuhorapari bwongi ifiri na yalemat e kabwat nga eda dölü bwa, ‘Eda mori bwitoho mwaarewe e liili! Hau bwitoho iyolor.’ 7Lada haneraho marahawe deihetiwo happalafaifire lada hawerewere wikiri marahara yael lam. 8Marahara rimmaru ra la rarodaw lada haüül iyahara rimmaru ra e talam tipael bwa, ‘Hau hanehamami yalöngüri yamami lam bwa ete huru.’ 9Iyahara rimmaru ra e talam tipael lada haüül bwa, ‘Naweri, e tawai howu na haibwe hanehami nga hamami hai hooho. Hau raho räni stowa hauda parüyeri yami yalöngü.’ 10Ifiri mena nga marahara rimmaru ra e tai talam tipael lada raho parüyeri yael yalöngü. Ifiri na la süye nga eda bwitoho mwana ebwe liili. Faifire hara rimmaru ra e talam tipael lada pülüyarango niimw ifiri sänneri liili nga eda tiyehi hatam.
11“Werimwiliri mena nga marahawe rimmaru we la tai talam tipael lada wehitafaari lada fadöfadörango niimw nga la dölü bwa, ‘Latu, Latu! Haitihamamirango!’ 12Mwana e liili eda haüül bwa, ‘E tawau süye bwa i tohüra re hami.’ ”
13Hesus eda habwangi na yaar hawewe eda haüül bwa, “Hau hafanihemi bwa hau tahüra hale wangayet ma niyato meta na yami Tamoru ebwe bwitoho.”
Haweweil Dörümörü Lei Fitehi
(Lukas 19.11-27)
14“Niyatora nga Farüyeri weirengi ra ebwe weya faülüri merer. Delaari nga demarü mwaare ebwe dai raho idoburodu eda fadöngü fängäniil marahara lei yaar fitehi eda hariil bwa labwe nifarini marahara hapitehir. 15E faaülü marahara hapitehir nipatael eda tabweya na e süya ngari demarü bwa ebwe faaülü. E hariye demarü rimangaladi faduri mwanne ra kolt nga e hariye demarü liyangaladi nga e hariye demarü dangaladi. Werimwiliri mena nga eda süye. 16Lei fitehi we e hädi rimangaladi e hädi söhü mwannera eda hori fitehi eda häditafariya rimangaladi bwa hon. 17Lei fitehi e hädi liyangaladi nga ira sahü souri na e faaülü eda häditafariya liyangaladi bwa hon. 18Nga iyawe e hädi dangaladi ra e raho eda kkeri masalo eda ribwa na yaari mwana yaar tamoru mwanne eda hamwaro.
19“E ekka dewa riwarangi ma imwilir nga mwana yael tamoru eda wehitafaari eda habaühü hale meta na la faülüngerini marahawe yaar mwanne. 20Lei fitehi ra e hädi rimangaladi eda bwirango iyolor eda hariye na yaar tamoru na rimangaladi nga e haüya na yaar tamoru bwa, ‘Latu, ho hariyei rimangaladi ida häditafariya rimangaladi maürühür.’ 21Mwana yaar tamoru eda haüye bwa, ‘E maho dewa yaamu fitehi, heer lei maho nga ho mäni hatödü. E maho dewa yaamu hori fitehi mwannewe töt we i hariho. Meihira nga irau faülüho bwa hobwe uduweri tarapari mwanne. Bwitoho itirango hoda pülüyei ifiri mahori faringörüngöri!’ 22Lei fitehi e hädi liyangaladi eda bwirango iyolor eda dölü bwa, ‘Latu, ho hariyei liyangaladi, nga hobwe habaühü bwa i heditafariye liyangaladi maürühür.’ 23Mwana yaar tamoru eda haüye bwa, ‘E maho dewa yaamu fitehi, heer lei maho nga ho mäni hatödü. E maho dewa yaamu hori fitehi mwannewe töt we i hariho. Meihira nga irau faülüho bwa hobwe uduweri tarapari mwanne. Bwitoho itirango hoda pülüyei ifiri mahori faringörüngöri!’ 24Lei fitehi ra e hädi dangaladi eda bwirango eda dölü bwa, ‘Latu, i hüra bwa ho tipayarüdü. Ho hiridini uwari fatoh hara ho tai fatohini, nga ho hatoiyerini uwari fatoh hara ho tai hassefi fatoh irang. 25Ira sapiri na ida hamwaro na yaamu mwanne fari masalo bwa i matahü. Iyera-mo yaamu mwanne.’ 26Mwana yaar tamoru eda haüye bwa, ‘Demarü lei tahürari faülümire ra ho sawalaw. Ho hüra bwa i hiridini uwari fatoh hara i tai fatohini, nga i hatoiyerini uwari fatoh hara iitei hassefi fatoh ma irang. 27Ira nga hapaüpöüri-mo hobwe itenango na yai mwanne räni bank bwa ebwe wol hon. Ida wehitafaari ida hädi na dangaladi fängääni ma hon.’ 28Mwana eda haüül par palüül lei yaar fitehi bwa, ‘Hau hädi mwanner ma iyolor hauda hariye yalematawe e hädi deihetiwo ngaladi. 29Urutael yalemat hara e wol faülümire iyoloil ra ebwe para pipiya marahara labwe para hädini, nga yalemat hara e tawol faülümire iyoloil ra mena töt ra e mire iyoloil ra labwe para häditengiil. 30Hau hädi lei fitehi ye e tawol nifaar hauda peitawau fari losopödü, burukara na ebwe tangi nga e hatata ngiir ma irang.’
Haühühüri Haddiye
31“Ifiri na Rauri Yalemat ebwe bwitoho nga iiy King nga urutael anghel la pülüye, nga eda maato uwawori räniyeri yaar tamoru, 32nga urutael sawori pipiyeri farüye larau hatoiyeril imowar. Ebwe hädi eda wolifatangiil yalemat hara lada luwou moutehir ma irang eda weya faülüri yalematara lei hafaniri siipi ra e haiyeiyafatangil siipi ma ifiri iyahara kamini. 33Ebwe hädiil yaraha siipi eda iterilaraho ifiri hurumalar nga iyahara kamini ra ebwe iteril ifiri hurusehin. 34Ifiri mena nga King erau haüül marahara la mire ifiri hurumalar bwa, ‘Hau bwitoho marahara hami ra hau hafaiyemau ma ifiri Papai! Hau bwitoho bwa Dios ebwe harihemi Farüyeri weirengi ra e faduri miresahü bwa räniyemi ifiri-mo hapurotaheri farüyeri yalemat. 35Bwa i ddung nga hau haneyai harai, nga e bwesi farubei nga hau haneyai rumei sarü, hau tahüra re ngaangu nga hau haitiyeirango niimwemi, 36iitei üffoüf nga hauda haüffoüfayai, i hamatahi nga hau nifariyei, i mire räni karabuse nga hau mweyaliyei!’ 37Marahara lei maho lada hauye bwa, ‘Tamoru, ingayet na hai käkäneho bwa ho ddung haida hanoho haramu, hale e bwesi farubomu haida hanoho rumomu sarü? 38Nga ingayet na hai käkäneho nga hai tahüra re heer nga hai haitihorango niimwamami, hale ho tai üffoüf haida haüfoüfaho? 39Nga ingayet na ho hamatahi hale ho mire räni karabuse nga hai mweyaliho?’ 40King eda haüül bwa, ‘Ibwe hau dewahami bwa mena hau faülüngeri demarü maraha lei tabwei ra e hauhuri halofalof dewa, nga ira na hau faülüngeriyei!’
41“Eda haüül iyahara la mire ifiri hurusehin bwa, ‘Hau süye ma iyoloi bwa hau hafaiyebwiteli ma ifiri Dios! Hau süye hauda bwitiwo uwawori yafira e tawol haühühür ra e faülüyehi bwa räniyeri diabolo ma yaar anghel! 42Bwa i ddung nga hau tei haneyai harai, e bwesi farubei nga hau tei haneyai rumei sarü, 43hau tahüra re ngaangu nga hau tei haitiyeirango niimwemi, iitei üffoüf nga hau tei haüffoüfayai, i hamatahi nga i mire räni karabuse nga hau tei tapangiyei.’ 44Lada hauye bwa, ‘Tamoru, ingayet na hai käkäneho bwa ho ddung hale e bwesi farubomu hale hai tohüra re heer hale ho tai üffoüf hale ho hamatahi hale ho mire räni karabuse nga hai tei tapangiho?’ 45King eda haüül bwa, ‘Ibwe hau dewahami bwa ifiri na haubwe tai tapangi demarü maraha la hauhuri halofalof, nga hau tei tapangiyei.’ 46Marahar ra larau bwitiwo ifiri hahaliheli ra e tawol haühühür, nga iyahara lei maho ra larau raho ifiri tawol haühühüri fad.”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
(Active) © Wycliffe Bible Translators, Inc. All rights reserved.