फिलिप्पियो 4
4
सीख
1इण वास्तै म्हारै लाडला भाइयो, म्हैं थांनै घणौ याद करूं हूं। थै म्हारौ आंणंद हो, म्हनै थौरे माथै घमंड है। म्हारै लाडला भाइयो, थै यूं हीज परभु में मजबुत रैवौ।
2म्हैं यहूदिया अर सुनतुखे नै भी हमजाऊ हूं के, थै दोनूं परभु में एक मन रैवौ। 3हे लाडला सुजुगे#4:3 सुजुगे रौ मतलब हाचो हाती है।, म्हैं थारै ऊं विणती करूं के, थूं इण बेनां री मदद कर। क्यूंकै, ऐ म्हारै साथै सुभ संदेस पोचावणा रा कांम में, कलेमेन्ट अर दूजा साथियो रै साथै घणी मेनत करी है। जिणरौ नाम परमेसर जिन्दगी री किताब में लिख दियौ है।
4परभु मे हमेसां आंणंद करौ। म्हैं वळै कैवूं के परभु मे आंणंद करौ। 5सगळा लोग थौरी नरमाई जांण ले। परभु रौ आवणौ नैड़ौ है। 6किणी बात री चिंता मत करौ। हर जरुत रै वास्तै पराथना करौ। धन्यवाद देता परमेसर रै सांमै आपरी विणती राखौ। 7तो परमेसर री सानति, जिकौ अपांरी समझ ऊं बारै है, अपांरा हिरदा नै अर विचारो नै यीसु मसीह में बचायनै राखै ला।
8हे भाइयो, जिकौ बातां हाची है, मांनणी है, सई है, पवितर है, चौखी है, मनभावणी है अर सौभा री है, चौखा गुणा री है आवण माथै हीज ध्यांन लगावो। 9जिकौ बातां थै म्हारै मे देखी, सुणी, सीखी अर मांनी, उणौ माथै चालो, तो सानति देवण वाळा परमेसर थौरे साथै रैवैला।
दांन वास्तै धन्यवाद
10म्हनै परभु में इण वास्तै आंणंद मिळयो के, थांरै में म्हारै वास्तै घणा दिनां रै बाद परैम उमड़ियो है। थांनै पैला भी म्हारी चिंता ही, पर परैम दिखाणै रौ थांनै मौकौ कोनीं मिळयो हो। 11म्हैं इण वास्तै नीं कैवूं हूं के, म्हनै किणी चीज री कमी है। म्हैं ओ सिखयो हूं के, हरैक दसा में सन्तोस ऊं रैवूं। 12म्हैं अमीरी अर गरीबी, दोनूं देखी हूं। भली खाणौ मिळै या भूखो सोवणौ पड़ै। पर हर एक दसा में सन्तोस ऊं रैवणौ रौ भेद सीखग्यौ हूं। 13मसीह ऊं मिलण वाळी सगति ऊं म्हैं सगळी दसा नै झेळ सकूं।
14पण तौभी दुख में थै म्हारौ साथ देन भलौ कियो। 15हे फिलिपियो, थै खुद जांणौ हो के, जद म्हैं सुभ संदेस रा परचार री सरूआत में मकिदुनिया ऊं गियौ तो, थांरै लोगां री मंडली नै छोड़ नै कोई म्हारी धन ऊं मदद कोनीं करी। 16#प्रेरि 17:1#2 कुरि 11:9जद म्हैं थिसलुनिके में हो, तो थै, एक बार नीं, पर दो बार म्हारी जरुत पूरी करी ही। 17म्हनै दांन कोनीं चाहीजै। पर म्हैं ओ चावूं के, थौरे खाते में आसीस जुड़ती जावै। 18अब म्हनै किणी चीज री जरुत कोनीं है। सगळौ है म्हारै खनै। इपफ्रुदीतुस रै साथै जिकौ दांन थै भेजिया, उण ऊं म्हारी सगळी जरुत पूरी होयगी है। आप लोगां री आ भेट, एक सुगन अर भावतो बलिदान है। जिकौ परमेसर नै भावे। 19म्हारौ परमेसर आप लोगां नै यीसु मसीह में महिमा रौ वो धन देवेला, जिकौ थौरी हर एक कमी घटी पूरी करैला। 20म्हौरै पिता परमेसर री सौभा जुग जुग तांई होती रैवै। आमीन।
आखरी नमस्कार
21यीसु मसीह रा गाठ जोड़ में सगळा परमेसर रा पवितर लोगां नै म्हारौ नमस्कार। जिकौ भाई म्हारै साथै है, वे भी थांनै नमस्कार कैवै है। 22सगळा परमेसर रा लोग जिकौ अठै है अर खास करनै रोम रा राजा रै मेहल मे रैवै वे भी थांनै नमस्कार कैवै है।
23अपांरा परभु यीसु मसीह रौ अनुग्रह थौरी आतमा माथै हमेसां रैवै।
Iliyochaguliwa sasa
फिलिप्पियो 4: RWR
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© NLCI CC BY-NC-ND 4.0