इफिसियो 6
6
टाबर अर मां-बाप
1 #
कुलु 3:20
हे टाबरौ, थै परभु रा गाठ जोड़ में हो, इण वास्तै थै थौरे मां बाप रा हुकम मांनो, क्यूंकै ओ सही है। 2“आपरै मां बाप रौ आदर करौ।” ओ पैलौ हुकम है जिणरै साथै वायदो भी जुड़योड़ो है की, 3“जद थै थौरे मां बाप रौ कैणौ मांनोला, तो थारौ भलौ होवैला अर थांनै धरती माथै लम्बी उमर मिळेला।”
4 #
कुलु 3:21
हे टाबरौ रा मां बाप, थै भी थौरे टाबरौ नै रीस मत दिलाओ, पर परभु में सीख देता रैवौ अर उणौनै सई गळत रौ फरक हमजावता उणौनै मोटा करौ।
मालिक अर दास
5 #
कुलु 3:22–25
हे दासो, जिकौ धरती माथै थांरा मालिक है, उणरौ कैणौ मांन रै साथै अर हाचा मन ऊं मानो। जिण तरैह ऊं थै मसीह रौ हुकम मानो हो। 6मिनखौ नै दिखावण वास्तै अर राजी करनै वास्तै सेवा मत करौ। पर मसीह रा दास ज्यूं मन ऊं परमेसर री इछा माथै चालो 7अर सेवा नै लोगां री सेवा जांण नीं, पर परभु री सेवा जांण नै राजी मन ऊं करौ। 8क्यूंकै थै जांणौ हो के, जिकौ कोई भी जितौ चौखौ कांम करैला, चाहे वो नौकर हो चाहे आजाद, परभु उण नै उतौ ही चौखौ फळ देवेला।
9 #
कुलु 4:1;
कुलु 3:25
हे मालिको थै भी थांरा नौकरो नै धमकावणो छोड़ दो अर उणौरै साथै भी चौखौ वैवार करौ। क्यूंकै थै जांणौ हो थौरे दोनो रौ मालिक सरग में है अर वे कदैई पकसपात नीं करै।
आतमा री लड़ाई रा हथियार
10कैवणौ ओहीज है के, परभु रा गाठ जोड़ अर परभु री महान सगति में मजबुत बणौ। 11परमेसर रा सगळा हथियार बान्ध लौ, ताकी थै सैतान री सगळी चालौ नै रोक सकौ। 12क्यूंकै, अपांरी आ कुसती मिनखां ऊं कोनीं है, पर आकास में राज करणा वाळी सगतियो री दुस्ट सेना ऊं अर इण धरती री अंधेर सगतियो रा परधानो ऊं अर उणौरा राजा ऊं है। 13इण वास्तै बुरै दिनां मे इणौरौ सांमनौ करनै वास्तै परमेसर रा सगळा हथियार बांध लौ ताकी सगळी लड़ाई पूरी कर नै टिकियोड़ा रै सकौ।
14इण वास्तै सचाई ऊं कमर बांधनै अर धारमिकता रौ कवच पैहर नै, 15सुभ संदेस रा परचार वास्तै पगां मे मेळ मिलाप रा पगरखा पैहर नै तैयार हो जाओ 16अर उण सगळौ रै साथै, विसवास री ढ़ाल लेन मजबुती ऊं ऊभा रैवौ। जिण ऊं थै उण सैतान रा सगळा बळता तीरो नै बुझा सकौ। 17उद्धार रौ मुगट पैहर लौ, अर परमेसर रै वचन रूपी आतमा री तरवार उठा लौ। 18हर एक मौका माथै अर सगळी बातां वास्तै आतमा मे ऊं विणती करता रौ अर इणीज तरैह ऊं परमेसर रा पवितर लोगां रै वास्तै हमेसां विणती करनै जागता रौ।
19म्हारै वास्तै भी विणती करजौ के, म्हनै बोलता वगत ऐड़ौ जोरदार वचन मिळै, जिण ऊं म्हैं हीमत रै साथै सुभ संदेस रौ भेद बता सकूं। 20जिणरै वास्तै में हांकळौ ऊं बन्धियोड़ो परमेसर रौ राजदूत हूं अर आ भी विणती करजौ के, परभु रै बारै में जैड़ा परमेसर चावै म्हैं उणनै हीमत ऊं बोलूं।
आखरी नमस्कार
21 #
प्रेरि 20:4; 2 तीमु 4:12 #
कुलु 4:7,8 बाकी री बातां थांनै तुखिकुस बतावेला, जिकौ परभु में लाडलौ भाई है अर विसवास जोगो सेवक है, इण ऊं थै जांण जावोला के म्हैं कीकर हूं अर कीकर रैवूं हूं। 22म्हैं तुखिकुस नै इण वास्तै थौरे खनै मेलूं के, थै म्हारी दसा जांण सकौ अर इण ऊं थांरा मन नै हीमत मिळै।
23पिता परमेसर अर परभु यीसु मसीह री और ऊं सगळै भाइयो नै सानति अर विसवास रै साथै परैम मिळै। 24जिकौ अपांरै परभु यीसु मसीह में हाचो परैम राखै, उणौ सगळौ माथै दया होती रैवै।
Iliyochaguliwa sasa
इफिसियो 6: RWR
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© NLCI CC BY-NC-ND 4.0