1 थिस्सलुनीकियो 2
2
पौलुस रौ परचार कांम
1हे भाइयो, थै आप ई जांणौ हो की म्हारौ थौरे खनै आवणौ फालतू नीं होयौ। 2#प्रेरि 16:19–24; प्रेरि 17:1–9अर थै आप ई जांणौ हो की पैला फिलिप्पी में दु:ख उठाणै अर तकलीफो सहन करणी पड़ी। बल्कि म्हौरै परमेसर म्हौ नै ऐड़ी ताकत दी, की म्हौ परमेसर रौ सुभ संदेस घणौ विरोध होणै रै बावजूद भी थांनै सुणाओ ला। 3क्यूंकै म्हौ रौ उपदेस नीं झूठौ है अर नीं असुद्धता ऊं, अर नीं छळ रै साथै है। 4पण जैड़ा परमेसर म्हौ नै योग्य ठैरायनै सुभ संदेस सूंपयौ, म्हौ वैड़ौ इज वरणन करौ हो। अर इणमे मिनखौ नै कोनीं, पण परमेसर नै, जिकौ म्हौरै मनो नै जांचे है, खुस करै है। 5क्यूंकै थै जांणौ हो की म्हौ नीं तो कदैई चापलूसी री बातां किनी, अर नीं लोभ रै वास्तै बहाना किया। परमेसर म्हौरौ गवाई है। 6अर जद म्हौ मसीह रै प्रेरित होणै रै कारण थौरे माथै बोझ घाल सकै हा, तौभी म्हौ मिनखौ ऊं आदर कोनीं चावौ हो, अर नीं थौरे ऊं नीं वळै किणी ऊं। 7पण जिण तरैह मां आपरै टाबरौ रौ पाळ-पोस करै है, व्यौंही म्हौ ई थौरे बीच में रैयनै कोमलता दिखाई हो। 8अर व्यौंही म्हौ थौरी लालसा करता होया, नीं कैवल परमेसर रा सुभ संदेस, पण अपणा-अपणा प्रांण ई थांनै देवण खातर तैयार हा, इण वास्तै की थै म्हौरै लाडका होय गिया हा।
9क्यूंकै, हे भाइयो, थै म्हौरै मेनत अर तकलीफो नै याद राखौ हो। म्हौ इण वास्तै रात-दिन कांम धंधौ करता होया थौरे में परमेसर रै सुभ संदेस रौ परचार कियो, की थौरे मे ऊं किणी माथै भार नीं होवै। 10थै आप ई गवाई हो, अर परमेसर ई गवाह है की थै विसवासियो रै बीच में म्हारा व्यवहार कैड़ौ पवितर अर धारमिक अर निरदोस रियौ। 11थै जांणौ हो की जैड़ा पिता आपरै टाबरौ रै साथै व्यवहार करै है, वैड़ा ही म्हौ भी थांरै में ऊं हर एक नै उपदेस देवो, अर सानति देवो, अर समझाता हा, 12की थौरो चाल-चलण परमेसर रै योग्य हो, जिकौ थांनै आपरै राज अर महिमा में बुलावै है। 13इण वास्तै म्हौ भी परमेसर रौ धन्यवाद हमेसां करौ हो, की जद म्हौरै तरफ ऊं परमेसर रौ सुभ संदेस रौ वचन थौरे खनै पूगो, तो थै उणै मिनखौ रौ कोनीं पण परमेसर रौ वचन समझनै स्वीकार कियो, अर वो थां विसवासियो में जिकौ विसवास राखौ हो, प्रभावसील है।
14 #
प्रेरि 17:5
इण वास्तै थै, हे भाइयो, परमेसर री उण कलीसियाओ की सी चाल चलणै लागा जिकौ यहूदिया देस में मसीह यीसु में है, क्यूंकै थां भी थांरै लोगां ऊं वैड़ौ इज दु:ख पायो जैड़ौ उणौ यहूदी लोगां ऊं पायो हो, 15#प्रेरि 9:23,29; 13:45,50; 14:2,5,19; 17:5,13; 18:12जिणौ परभु यीसु नै अर भविसयदाताओ नै भी मार नाख्या अर म्हौ नै सताया। अर परमेसर उण ऊं खुस कोनीं, अर वे सगळै मिनखौ रौ विरोध करै है, 16अर वे दूजी जातियो ऊं उणरै उद्धार रै वास्तै बातां करणै ऊं म्हौ नै रोके है की हमेसां अपणै पापों रा घड़ा भरता रैवै, अर परमेसर रौ क्रोध उणौ माथै आ गियौ है।
कलीसिया ऊं मिळणै री इछा
17हे भाइयो, जद म्हौ थोड़ी जेज रै वास्तै, मन में नीं बल्कि परगट में, थौरे ऊं न्यारा हो गिया हा, तो म्हौ घणी लालसा रै साथै थौरो मूंडौ देखणै रै खातर वळै पाछा आवण रै लियै घणी कोसीस किनी। 18इण वास्तै म्हौ थौरे ऊं मिलनै रै लियै कोसीस कर रिया हा। म्हैं पौलुस एक बार नीं बल्कि दो बार थौरे खनै आवणौ चायौ, पण सैतान म्हौ नै रोकतो रियौ। 19भला म्हौरी आसा या आंणंद या बड़ाई रौ मुगट कांई है? कांई म्हौरै परभु यीसु रै नैड़ा उणरै आवण रै वैळा थै इज कोनीं होवो? 20म्हौरी बड़ाई अर आंणंद थै इज हो।
Iliyochaguliwa sasa
1 थिस्सलुनीकियो 2: RWR
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© NLCI CC BY-NC-ND 4.0