Matiyu 10
10
Thlǝn Yesu Kǝmsichiyan kum nggǝrsǝ chap
(Mar 3:13-19; Luk 6:12-16)
1ˈYak Yesu kǝmsichiyan kum nggǝrsǝ chap. Fǝran kan alkǝt tanda kǝ rǝkandǝ ɓǝɓi shemecha, kǝ kǝnandǝ kumi hashas tǝ fata, tǝ chǝk yen hatǝfenǝ kaɗi.
2Ə thlǝm kǝmsichǝɗi kum nggǝrsǝ chap ya. Tǝrkanan Siman (thla thlǝˈya fee wa Biturus) tǝ wanmanan Andrawus, Yakubu waˈi Zabadi, tǝ wanmanan Yohanna. 3Filibus tǝ Bartalamawus, Toma tǝ Matiyu thlǝ thlǝt chamnda, tǝ Yakubu waˈi Alfiyus, tǝ Taddawus. 4Siman thla thlǝ yahwakchǝ hahiyan kǝ nggǝranchǝ in kǝrsǝn, tǝ Yahuda Iskaryoti thla hǝyan chǝ Yesu kaɗ kǝmɗi atǝkrechiyan.
5Thlǝnkǝ Yesu fee kum nggǝrsǝ chap yu, ndang kan tandǝ tǝ alkǝt fa wa, “Kǝ ɗuwun kǝmɗi fee nawakchǝ kǝ Yahudawecha wa. Paɗ kǝ yimwun kǝ yowun mirɓi Samariyawecha wa. 6Ɗama kǝmɗi Israˈilawecha, fee chokchǝ kǝɗ chohrechiɗi sakecha. 7Maa kun ɗar wiˈta, kǝ wellawun kusheˈtǝɗa ha ndat wa, ‘Kutǝrakti hulafǝrta nduk ha.’ 8Kǝnan kowun fee kaɗ nech haˈchan. Kǝ thlaˈawun fee mǝrcha. Kǝnan kowun fee kaɗ tǝ hatǝfa tarkwangchǝ fa. Kǝ rǝkawun hwaˈarcha. Thlichowun pafǝn, kun paɗ kǝ fǝrwun pafǝn.
9“Kǝ kǝswun wanɗǝɓǝthl i rathlata, tǝ ɓisheta, tǝ ngaˈitǝ tipesha, ǝ hur thlipochiyowun wa. 10Kǝɗu paɗ mǝ kǝswun yowun yakwat har kǝthlǝm wiˈta wa, ndu chek tǝ kapata, ndu pahǝmcha, ndu fangnda. Kǝthlǝm thlǝ tera kimsi kǝ chan fee ǝnɗi kǝmchisi.
11“Nat mirɓa ndu wanmǝrǝɓɗi yimndǝwunsi, kowun nefa thlǝ kafata kǝ chokwun wirˈyan kǝ fartǝɗi natwun pǝɗata. 12Maa kun yimndǝ kauran, kǝ ndawun ǝn tanda, tǝ shiyandǝ Farta kǝ ɗǝfandech mbǝs ǝn kǝ har. 13Maa ǝ thlǝ nafchǝɗi wuran wunchi, nda ǝnˈyowun yi chok hashas kǝt ˈyowun kǝ chok tǝ tanda. Paɗ maa ǝ thlǝ wa ndǝ wunchǝ wa, chok hashas kǝt ˈyowun kǝ nggǝranchǝ in kaɗ kǝmɗiyowun. 14Nat wurɗi, ndu mǝrǝɓɗi karchǝ thlǝt wunchi, ndu ndiktiyowun thlǝfan kowun tǝnaˈtǝ sarchiyowun kaɗi ma ǝ chiwun kesh wuran, ndu ǝ mǝrɓan. 15Kittaˈan nati mbuˈowunda, fartǝ chak mee, naa nafchi mǝrǝɓ Sodom, tǝ Gomora haɗandǝ Farta fa kaan, mǝ nafchi mǝrǝɓ ini. 16Nggǝt thlǝn wunchi kǝɗ chohrech hur wanmerucha. Kǝthlǝm ndaˈan kǝ chok wun ɗathlchan kǝɗ wuruɓcha, paɗ ngga fǝ wenikicha wa, kǝ chok wun kǝɗ ngguɗungcha.
17“Mbǝramsǝ tǝ nafcha, kǝthlǝm nandǝ ɗǝt tǝ wunchi kǝ mit chak mee, paɗ kǝ thlǝfowunchinda hur wur nggominchi yanda. 18Kǝthlǝm nggǝt paɗ, nandǝ ɗǝt tǝ wunchi kǝ pangngǝn paktecha, tǝ kuturcha. Kǝthlǝm kǝ sǝnawun kusheˈtǝ ndiktǝɗisi thla nech mbinchan ǝ pangngǝnanda, tǝ paɗ pangngǝn fee nawakchǝ kǝ Yahudawecha. 19Fartǝɗi kǝsowun ndǝ nda, kǝ sakowunchǝ inda tǝ ǝnɗi natwun ndikta wa, ndu nechowun mbuˈtǝ wa kǝn wa. Kǝthlǝm na fee fǝrowun ǝnɗi natwun mbuˈta ǝ wanshengngǝn ini. 20Kǝthlǝm ngga kun nech shenuˈta wa, Shemeti Chinwun nech naa shenuˈta tǝmɗiyowun.
21“Wanmanda nan fǝr wanmanan kǝ ɓǝlan fee, chindǝ paɗ nan fǝr waˈyan kǝ ɓǝlan fee. Wanchi paɗ nandǝ thlaˈandǝ parchinandǝ fa, kǝ ɗǝf ndǝ paɗ kǝ ɓǝlan fee tanda. 22Naa nafchǝ terchan karwunchi kǝthlǝm nggǝta. Paɗ nat thla kǝrǝschǝ kǝ ɗukwaɗan nan hǝraˈta. 23Maa tandǝ fǝrowun ɓahta ǝ mǝrǝɓ yowuna, rakakowun kǝ yowuna. Kittaˈan nati mbuˈowunda, nowun tǝɓantǝ taurandǝ nat mǝrǝɓchi Israˈila ha wa, nggǝta Waˈi Nefa ni ɓat kaɗi.
24“Kimshasi tamchǝ mbǝrandǝ thlaha chaˈanchi har tǝ maanda wa. Ndu paɗ wan wira kǝ pǝɗan tǝ thlǝwirˈyan ha tǝ maanda wa. 25Kǝmsiˈan nan mbahǝn choktǝ kǝɗ thla chaˈanchi har, wan wir paɗ kǝ chok kǝɗ thlǝwirˈyan. Maa i ndǝ thlǝ wuran wa, ‘Kutur hweˈrǝ,’ nakan, tǝ weˈtǝ ɓǝɓi thlǝm mǝ na fee ˈya nafchi wuran hacha?
Thla kǝmchǝs kǝ kwaran fee
(Luk 12:2-7)
26“Kǝthlǝm ndaˈan, mǝ kwarawun tanda wa. Nggǝ ǝnsi thla sǝn waktǝ fee, nawaktǝ fee chendǝ kesh hayang wa. Ndu ǝnɗi nech ǝ wuɓta, nawaktǝ fee sǝnda wa. 27Ənɗi mbuˈowundi ǝ wuthla, kǝ mbuˈwun hayang. Ənɗi mbuˈowun ndǝ fee kǝ thlǝmata, mbuˈam tǝ alkǝta kǝthlǝm kǝ sǝk chikawuni. 28Mǝ lekawun nafchiɗi nech mbahǝn ɓǝllandǝ fata paɗ nandǝ mbahǝn ɓǝllanchi shemeɗi nech chet kesh ma mǝr nefa wa. Lekaman thla nech mbahǝn ɓǝllandǝ fata, tǝ shemeɗi nech chet kesh ma mǝr nef nat ǝ wur wata. 29Ngga thlǝ hǝyanchǝ fee chichi chǝ kaɗ chap in tipesh arta wa? Kǝɗu, yowunsǝ arta ǝ hur nanda nech mǝrta, ngga tǝ sǝndi Chinwunsǝ wa. 30Chika waas inchiyowun ǝ shengngan fee. 31Kǝthlǝm ndaˈan, mǝ lekǝwun tanda wa. Kun mbǝrawun chichi chǝ ha tǝ ndǝt kaan.
32“Nat thla pǝnchǝ wa yaˈan naki ǝ pangngǝn nafcha, nggǝt paɗ ni nggǝmandǝ wa, yin nakan pangngǝn papa thla nech hulafǝrta. 33Paɗ nat thla aschǝ in nenchi ǝ pangngǝn nafcha, nggǝt paɗ ni as in ndi ǝ pangngǝn papa thla nech hulafǝrta.
34“Kaɗowun wa ɓechi, tǝ ɓi tǝ chok hashas kǝta kǝ hur heshi wa. Ngga ɓechi tǝ ɓi tǝ chok hashas kǝta wa, paɗ yaanda. 35Kǝthlǝm ɓechi,
“‘Kǝ wumani yaanda pǝthlǝr waa tǝ chinnan,
wannuwaa tǝ manan,
Nunef paɗ tǝ man chimaɗan.
36Atǝkrechi nef paɗ, nandǝ choktǝ kǝ nafchǝɗi nech wirˈyan.’
37“Nat thla yahchǝ chinan ndu manan kaan mǝ nggǝta, chaˈwasi kǝn kǝ yina wa. Tǝpaɗ nat thla yahchi waˈyan, ndu waˈyan kǝ nuwaa mǝ nggǝta, chaˈwasi kǝn kǝ yina wa. 38Nat thla tǝr wakchǝ pallangndiyan kǝ para nenchi (kǝ ɓah ha kǝ mǝra kǝthlǝm nggǝta wa), chaˈwasi kǝn kǝ yina wa. 39Thla yahchi shishingndiyan nan kuɓata. Thla paɗ ɓǝlandǝ fee kǝthlǝm nggǝta, nan mbǝs shishingndǝ kǝ kweˈkǝchi.
Tarchi kǝnau pafǝn
40“Nat thla thlich wunchi tǝ chǝɗchǝɗ tǝ wanɗǝkaɗata, thlǝt nenchi. Nat thla thlich nenchi paɗ, thlǝt thla thlinchi nenchi. 41Nat thla thlich thlǝ shenuˈtǝ tǝ yahti Farta kǝthlǝm thlǝ shenuˈtǝ tǝ yahti Farta nakan, nan mbǝs kǝnau pafǝn i thlǝ shenuˈtǝ tǝ yahti Farta. Paɗ nat thla thlich thlǝ kafata, nakan wa thlǝ kafat nakan, nan mbǝs kǝnau pafǝn i thlǝ kafata. 42Nat thla fǝranchi tǝɓ sa ˈyem thla nech hashas yowun arta thla nech ngguɗyeh kǝthlǝm tǝn kǝ kimshaˈinchi, kittaˈan nee tam kuɓa kǝnauˈyan wa.”
Iliyochaguliwa sasa
Matiyu 10: GQA
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
©2025 Luke Initiative for Scripture Translation
Matiyu 10
10
Thlǝn Yesu Kǝmsichiyan kum nggǝrsǝ chap
(Mar 3:13-19; Luk 6:12-16)
1ˈYak Yesu kǝmsichiyan kum nggǝrsǝ chap. Fǝran kan alkǝt tanda kǝ rǝkandǝ ɓǝɓi shemecha, kǝ kǝnandǝ kumi hashas tǝ fata, tǝ chǝk yen hatǝfenǝ kaɗi.
2Ə thlǝm kǝmsichǝɗi kum nggǝrsǝ chap ya. Tǝrkanan Siman (thla thlǝˈya fee wa Biturus) tǝ wanmanan Andrawus, Yakubu waˈi Zabadi, tǝ wanmanan Yohanna. 3Filibus tǝ Bartalamawus, Toma tǝ Matiyu thlǝ thlǝt chamnda, tǝ Yakubu waˈi Alfiyus, tǝ Taddawus. 4Siman thla thlǝ yahwakchǝ hahiyan kǝ nggǝranchǝ in kǝrsǝn, tǝ Yahuda Iskaryoti thla hǝyan chǝ Yesu kaɗ kǝmɗi atǝkrechiyan.
5Thlǝnkǝ Yesu fee kum nggǝrsǝ chap yu, ndang kan tandǝ tǝ alkǝt fa wa, “Kǝ ɗuwun kǝmɗi fee nawakchǝ kǝ Yahudawecha wa. Paɗ kǝ yimwun kǝ yowun mirɓi Samariyawecha wa. 6Ɗama kǝmɗi Israˈilawecha, fee chokchǝ kǝɗ chohrechiɗi sakecha. 7Maa kun ɗar wiˈta, kǝ wellawun kusheˈtǝɗa ha ndat wa, ‘Kutǝrakti hulafǝrta nduk ha.’ 8Kǝnan kowun fee kaɗ nech haˈchan. Kǝ thlaˈawun fee mǝrcha. Kǝnan kowun fee kaɗ tǝ hatǝfa tarkwangchǝ fa. Kǝ rǝkawun hwaˈarcha. Thlichowun pafǝn, kun paɗ kǝ fǝrwun pafǝn.
9“Kǝ kǝswun wanɗǝɓǝthl i rathlata, tǝ ɓisheta, tǝ ngaˈitǝ tipesha, ǝ hur thlipochiyowun wa. 10Kǝɗu paɗ mǝ kǝswun yowun yakwat har kǝthlǝm wiˈta wa, ndu chek tǝ kapata, ndu pahǝmcha, ndu fangnda. Kǝthlǝm thlǝ tera kimsi kǝ chan fee ǝnɗi kǝmchisi.
11“Nat mirɓa ndu wanmǝrǝɓɗi yimndǝwunsi, kowun nefa thlǝ kafata kǝ chokwun wirˈyan kǝ fartǝɗi natwun pǝɗata. 12Maa kun yimndǝ kauran, kǝ ndawun ǝn tanda, tǝ shiyandǝ Farta kǝ ɗǝfandech mbǝs ǝn kǝ har. 13Maa ǝ thlǝ nafchǝɗi wuran wunchi, nda ǝnˈyowun yi chok hashas kǝt ˈyowun kǝ chok tǝ tanda. Paɗ maa ǝ thlǝ wa ndǝ wunchǝ wa, chok hashas kǝt ˈyowun kǝ nggǝranchǝ in kaɗ kǝmɗiyowun. 14Nat wurɗi, ndu mǝrǝɓɗi karchǝ thlǝt wunchi, ndu ndiktiyowun thlǝfan kowun tǝnaˈtǝ sarchiyowun kaɗi ma ǝ chiwun kesh wuran, ndu ǝ mǝrɓan. 15Kittaˈan nati mbuˈowunda, fartǝ chak mee, naa nafchi mǝrǝɓ Sodom, tǝ Gomora haɗandǝ Farta fa kaan, mǝ nafchi mǝrǝɓ ini. 16Nggǝt thlǝn wunchi kǝɗ chohrech hur wanmerucha. Kǝthlǝm ndaˈan kǝ chok wun ɗathlchan kǝɗ wuruɓcha, paɗ ngga fǝ wenikicha wa, kǝ chok wun kǝɗ ngguɗungcha.
17“Mbǝramsǝ tǝ nafcha, kǝthlǝm nandǝ ɗǝt tǝ wunchi kǝ mit chak mee, paɗ kǝ thlǝfowunchinda hur wur nggominchi yanda. 18Kǝthlǝm nggǝt paɗ, nandǝ ɗǝt tǝ wunchi kǝ pangngǝn paktecha, tǝ kuturcha. Kǝthlǝm kǝ sǝnawun kusheˈtǝ ndiktǝɗisi thla nech mbinchan ǝ pangngǝnanda, tǝ paɗ pangngǝn fee nawakchǝ kǝ Yahudawecha. 19Fartǝɗi kǝsowun ndǝ nda, kǝ sakowunchǝ inda tǝ ǝnɗi natwun ndikta wa, ndu nechowun mbuˈtǝ wa kǝn wa. Kǝthlǝm na fee fǝrowun ǝnɗi natwun mbuˈta ǝ wanshengngǝn ini. 20Kǝthlǝm ngga kun nech shenuˈta wa, Shemeti Chinwun nech naa shenuˈta tǝmɗiyowun.
21“Wanmanda nan fǝr wanmanan kǝ ɓǝlan fee, chindǝ paɗ nan fǝr waˈyan kǝ ɓǝlan fee. Wanchi paɗ nandǝ thlaˈandǝ parchinandǝ fa, kǝ ɗǝf ndǝ paɗ kǝ ɓǝlan fee tanda. 22Naa nafchǝ terchan karwunchi kǝthlǝm nggǝta. Paɗ nat thla kǝrǝschǝ kǝ ɗukwaɗan nan hǝraˈta. 23Maa tandǝ fǝrowun ɓahta ǝ mǝrǝɓ yowuna, rakakowun kǝ yowuna. Kittaˈan nati mbuˈowunda, nowun tǝɓantǝ taurandǝ nat mǝrǝɓchi Israˈila ha wa, nggǝta Waˈi Nefa ni ɓat kaɗi.
24“Kimshasi tamchǝ mbǝrandǝ thlaha chaˈanchi har tǝ maanda wa. Ndu paɗ wan wira kǝ pǝɗan tǝ thlǝwirˈyan ha tǝ maanda wa. 25Kǝmsiˈan nan mbahǝn choktǝ kǝɗ thla chaˈanchi har, wan wir paɗ kǝ chok kǝɗ thlǝwirˈyan. Maa i ndǝ thlǝ wuran wa, ‘Kutur hweˈrǝ,’ nakan, tǝ weˈtǝ ɓǝɓi thlǝm mǝ na fee ˈya nafchi wuran hacha?
Thla kǝmchǝs kǝ kwaran fee
(Luk 12:2-7)
26“Kǝthlǝm ndaˈan, mǝ kwarawun tanda wa. Nggǝ ǝnsi thla sǝn waktǝ fee, nawaktǝ fee chendǝ kesh hayang wa. Ndu ǝnɗi nech ǝ wuɓta, nawaktǝ fee sǝnda wa. 27Ənɗi mbuˈowundi ǝ wuthla, kǝ mbuˈwun hayang. Ənɗi mbuˈowun ndǝ fee kǝ thlǝmata, mbuˈam tǝ alkǝta kǝthlǝm kǝ sǝk chikawuni. 28Mǝ lekawun nafchiɗi nech mbahǝn ɓǝllandǝ fata paɗ nandǝ mbahǝn ɓǝllanchi shemeɗi nech chet kesh ma mǝr nefa wa. Lekaman thla nech mbahǝn ɓǝllandǝ fata, tǝ shemeɗi nech chet kesh ma mǝr nef nat ǝ wur wata. 29Ngga thlǝ hǝyanchǝ fee chichi chǝ kaɗ chap in tipesh arta wa? Kǝɗu, yowunsǝ arta ǝ hur nanda nech mǝrta, ngga tǝ sǝndi Chinwunsǝ wa. 30Chika waas inchiyowun ǝ shengngan fee. 31Kǝthlǝm ndaˈan, mǝ lekǝwun tanda wa. Kun mbǝrawun chichi chǝ ha tǝ ndǝt kaan.
32“Nat thla pǝnchǝ wa yaˈan naki ǝ pangngǝn nafcha, nggǝt paɗ ni nggǝmandǝ wa, yin nakan pangngǝn papa thla nech hulafǝrta. 33Paɗ nat thla aschǝ in nenchi ǝ pangngǝn nafcha, nggǝt paɗ ni as in ndi ǝ pangngǝn papa thla nech hulafǝrta.
34“Kaɗowun wa ɓechi, tǝ ɓi tǝ chok hashas kǝta kǝ hur heshi wa. Ngga ɓechi tǝ ɓi tǝ chok hashas kǝta wa, paɗ yaanda. 35Kǝthlǝm ɓechi,
“‘Kǝ wumani yaanda pǝthlǝr waa tǝ chinnan,
wannuwaa tǝ manan,
Nunef paɗ tǝ man chimaɗan.
36Atǝkrechi nef paɗ, nandǝ choktǝ kǝ nafchǝɗi nech wirˈyan.’
37“Nat thla yahchǝ chinan ndu manan kaan mǝ nggǝta, chaˈwasi kǝn kǝ yina wa. Tǝpaɗ nat thla yahchi waˈyan, ndu waˈyan kǝ nuwaa mǝ nggǝta, chaˈwasi kǝn kǝ yina wa. 38Nat thla tǝr wakchǝ pallangndiyan kǝ para nenchi (kǝ ɓah ha kǝ mǝra kǝthlǝm nggǝta wa), chaˈwasi kǝn kǝ yina wa. 39Thla yahchi shishingndiyan nan kuɓata. Thla paɗ ɓǝlandǝ fee kǝthlǝm nggǝta, nan mbǝs shishingndǝ kǝ kweˈkǝchi.
Tarchi kǝnau pafǝn
40“Nat thla thlich wunchi tǝ chǝɗchǝɗ tǝ wanɗǝkaɗata, thlǝt nenchi. Nat thla thlich nenchi paɗ, thlǝt thla thlinchi nenchi. 41Nat thla thlich thlǝ shenuˈtǝ tǝ yahti Farta kǝthlǝm thlǝ shenuˈtǝ tǝ yahti Farta nakan, nan mbǝs kǝnau pafǝn i thlǝ shenuˈtǝ tǝ yahti Farta. Paɗ nat thla thlich thlǝ kafata, nakan wa thlǝ kafat nakan, nan mbǝs kǝnau pafǝn i thlǝ kafata. 42Nat thla fǝranchi tǝɓ sa ˈyem thla nech hashas yowun arta thla nech ngguɗyeh kǝthlǝm tǝn kǝ kimshaˈinchi, kittaˈan nee tam kuɓa kǝnauˈyan wa.”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
©2025 Luke Initiative for Scripture Translation