ကျောင်းလုကာ 5
5
အခန်း (၅)
နပတ်နိင်ခွမ်ကျိုင်
(ကျောင်းမဿဲ ၄:၁၈-၂၂။ ကျောင်းမာကု ၁:၁၆-၂၀)
1တဆီညင်း ဖကျောင်းယေရှု ဟိုင်းဖျောင်းတီ့ အိုးဂင်္နေသရက် #5:1 အိုးဂင်္နေသရက် ဂါလိလဲကွေးမု့တိုးဂျေ့။ကျန်အွေန့်နန်း ခွမ်ဟေ့းကေကောဆီးမန်းထမ်ဖကျောင်းဟဲ့ အေ့းအွေန့်ခေါ့်ဟွင်တိဆာ။ 2ခမ်းခီးအန်း ဖကျောင်းညို တပိုင်ဗေ့ကား လေ့အားလမ်။ ခွမ်ဗေ့ကား လီလေးလေ့ဟက် ဆားအားပိုင်ဗေ့ကားအန်းတိဆာ။ 3သနန်း ဖကျောင်းယေရှု လေ့အိုင်းလမ်အန်း ဟိုးတိလေ့ရှိမုန် အန်းဟက် ကာကေခိုင်လေ့အွေန့်တေပိုအန်း။ ခမ်းခီ့အန်း ဖကျောင်းယေရှုငေါ်တိလေးဟက် ဟောထမ်တိခွမ်ဟေ့း။
4နာမ်ဟွမ်ဟောထမ်ဟော့ဟက် ဖကျောင်း လားတိရှိမုန် "တအိုးလု့ခါးတိင လွယ်းလေ့မီဟက့် ပွဲ့ခါးဗေ့ကားအန်းလီဆာ" လားထင်လာနော့်တိဆာ။
5ရှိမုန်လားတိ "ဖကျောင်း အေးဗေ့ခါးဆိုး မွေတကောပိုကားကျမ်းတိုးဟာ။ ဟော့ဟက် ဖကျောင်းဆန်တအူးဟာ အူးပွဲလေးအန်းလီတိုးပေါ့်လား" လထင်လနော့်တိဆာ။
6ဝိုင်အန်း ပွဲလေးအန်းလီဟဲ့ ကေနယ် လေးကေကျန်ဖ ပိုကေကားကျကျာတိဆာ။ 7ဟော့ဟက် ကေနယ် ကော့ခွမ်ဗေ့ကားအားကေအွေန့်ခေါ့လေး ဆီးကာကေကျွယ်ခေ့ဟဲ့ ကော့တိကေ။
8အားလေခါမယ်ခါမာဟေ့းအန်း ရှိမုန် ပေတရုအေ့းခေါ့ ကျွန်ဖကျောင်းဟဲ့ တင်းပါး "ယေရှု#5:8 ယေရှု ကာမု့ပေတရုဟက် လာပေါ်ဟေဘရူးဟက် (Cephas) ကွေးအဓိပ္ပါယ် စမူတီ့ဆာ။အေ့းနယ်ပဲန်းခွမ်ရောအန်းညှက်အန်းငမ်အွန်းဟေ့းတ ကာဟာလိုင်းလေးအေးမာနက်" ခေါ်းထင်တိဆာ။
9လားလနော့်ဟက် ပဲန်းပိုဆေးရှိမုန် မု့ဇေဗေဒဲကွမ်းဟွင် ယာကုပ်ဟဲ့ ယောဟန် အားကေဗေပိုကားအန်း ပိုလာမီးတိနယ်ဟေ့းတဟဲ့ ကွမ်းကေတိဆာ။ 10ယေရှုလား ရှိမုန် "အမ်းတီ့လား။ မီနယ် စီးကယ်မီလားဇေဗေဒဲကားအန်းတိနယ် ယာကုပ်ဟက်ယောဟန်ခွမ်ဟေ့းဟဲ့ ကာကေဟော့ခဲ့ယ်အူးဟိုင်းဟဲ့ မီလားပိုရောလာ" နော့်။ 11ခမ်းခီ့အန်း ကေကော တွေလေးအန်းဟိုးတိပါးခါသေးဟဲ့ အားကေကွေးခါမယ်ခါမာအန်းကေကောဗေ့အေ့ဟဲ့ ဟော့ခယ်းဖကျောင်းဟိုင်းတိဆာ။
ဖယာရောဂါ ခွမ်လိုင်းတပိုင်
(ကျောင်းမဿဲ ၈:၁-၄။ ကျောင်းမာကု ၁:၄၀-၄၅)
12တပေါ် ယေရှုအွေန့်တိမွန်ခါတိသနန်း ကွေးအားလာမယ်ပဲန်းဖယာရောဂါတပိုင်။ ဟွင်နယ် ညှိဖကျောင်းဟဲ့ တင်းပါး "ဖကျောင်း မီကွေးကျေးသနာတိနယ်ကာဖယာအူးလိုင်းဟိုင်းဆာ။ ဟော့ဟက်စီးကာဖယာရောဂါဟွင်လိုင်းဟိုင်းဟဲ့" ခေါ်းဖကျောင်းဟွင်တိဆာ။
13ဟော့ဟက် ဖကျောင်း သဟွင် တွေတီးတေ့တီ့ဖော်ဟွင်ဟဲ့ "အူးကွေးကျေးသားနာကာဟာလိုင်း" လားလနော့်ဟက် ဖယာဟွင်ကောလို့လိုင်းဟိုင်းတိဆာ။
14ခမ်းခီ့အန့် ဖကျောင်း လားထင်ဖယာရောဂါအမ်းတိလားတိမွန်လားလနော့်ဟက် "ဟိုင်းတိ ပုရောဟိတ်ဟဲ့ ပြတိုးမီဆာ။ ဟော့ဟက် ဖယာရောဂါမီအန်း လားတိခွမိဟေ့းဟဲ့ ပတ်မောရှေပြအွန်း ပိုသန်" ရောဆာလားထင်လနော့်။
15ဟော့ဟက် ခေါင်ဖကျောင်း ဖျောင်းသပိုင်မန်းအေ့ဟဲ့ ခွမ်ဟေ့းကေကော ကျူ့ပိုအေ့း အေးလာညှက်ခါးဟောဖကျောင်းဟဲ့အားပိုမန်းကော အေ့းကျူ့နန်းခေ့။ 16ဝိုင်အန့် ဖကျောင်းဟိုင်း စငိုင်လေးပါးခွမ်ဟေ့း ဟိုင်းတင်းပါးသနန်း။
အန်းညှက်ကောကာအာဖိုင်ဟက် ဖယာကောကာလိုင်း
(ကျောင်းမဿဲ ၉:၁-၈။ ကျောင်းမာကု ၂:၁-၁၂)
17နာမ်ဖကျောင်းယေရှု လားထမ်အွေန့်သနန်း မွန်ဂါလိလဲဟက် မွန်ယုဒဟက် မွန်ဂျေရုဆလင် ခွမ်ခပ်အေ့အေ့းဟက် ခွမ်မု့ဖာရိရှဲ#5:17 ဖာရိရှဲ လာပေါ်ဂရိဟက် (pharisaios) အားကေလေဟက်အွေန့်ကွယ်ဟက် အားကေလေလီဟေဘရူးဟက် ပိုအားကေအွေန့်ကွယ်အဓိပ္ပါယ်တီ့ဆာ။ ဟက် ဆလားကေကောဟိုင်းဖျောင်းနန်းငေါ်သနန်း။ ဟော့ဟက် အီးပေါ်ဖကျောင်း ကားစိမ်းအွန်းတိယေရှုဟဲ့ စီးကာဖယာရောဂါခွမ်ဟေ့းကေလိုင်းဟဲ့ ကာစီမ်းအွန်းထင။ 18ခွမ်အားအွိုင်း ခွမ်တိုင်းဖတပိုင် ကာဟွင်အီ့တိတိုဆားဟဲ့ တွေအေ့းတိခမ်းနားဖကျောင်းယေရှု။ 19ဟော့ဟက် ခွမ်ဟေ့းတဟက် ကွေးခါးလေ့ဟက် တွေဟွင်ဟိုးတိညာပန်းဟက် ရော်ညာပန်းအန့်းလူးမာနဲ့ဟဲ့ ပွဲခွမ်တိုင်းဖအန်းလီတိခမ်းနားယေရှုတိဆာ။
20အားဟွင်တိုင်းဖ ဖကျောင်းညို့ဟွင်လာနော့် လားတိခွမ်တိုင်းဖ "တမီရောအန်းညှက်အန်းငမ်အူးကာအားဖိုင်ဟက်ဂျေတိမီအေ့ဂျေ့" လားထင်လနော့်တိဆာ။ 21သနန်း ဖာရိရှဲဟက်မု့ဆလားကေ့ "ဟွင်နယ် မွန်းမွန်ဟဲ့ မတိဟွင်ပိုလားခါးလားလနော့်။ ဟွင်နယ်ခီ့ ပန်းဖကျောင်းနော့်။ စလေးဖကျောင်းဟဲ့ ရောအန်းညှက်အန်းငမ်ကွယ် ဟွင်ကျန်ကာအားဖိုင်တိ" ခီ့ကေလာနော့်တိဆာ။
22ယေရှုညိုကေခီ့လာနော့်ဟက် လားတိကေ "မန့်ပေးခိလာနော့်တိ။ 23'အားဟန်ရောအန်းညှက်အူးကာအားဖိုင်သမီဟဲ့ဂျေ့' 'မီကိုးဟဲ့ တေဆာ' လားလနော့်တိနယ် အားအွေန့်ယောင်လေးပိုင်။ 24ဟော့ဟက် ကွမ်းဖကျောင်း#5:24 ကွမ်းဖကျောင်း ခရစ်နယ် ကော့ဟွင်တိုးတီမြောင် လာတိနိုင်လိုကေအန်းအားပေးရောအန်းညှက်အွန်အူးကောကျန်ကာအားဖိုင်တပေး အူးလားသပေး" အားဟွင်တိုင်းဖအန်း "ကိုးဆာ တွေဆားမီဟဲ့ အေ့းတိညာဆာ" လားထင်လနော့်တိဆာ။ 25လားလနာ့်ဟက် အားဟွင်တိုင်းဖအန်းကောလို့ကို့ တိပါးခွမ်ဟေ့းဟက် အားဟွင်အီ့တိဆားအန်းဟွင်ကောလို့တွေဆားအန်းဟက် မန်းမီမန်းမွန်းဖကျောင်းတင်းပါးဟဲ့ ဟွင်ကောအေ့းတိညာဟွင်မြောင်တိဆာ။ 26ခွမ်ဟေ့းကေကော်ကွမ်းဟက် ခက်တက် "အားအေးဟော့တိပိုယူကော မားနိင်းအေးပိုယူဂျေ့" လားတိပိုလာနော့်ဟက် မန်းမိမန်းမွန်မွန်းဖကျောင်းတိဆာ။
လေ မု့လေဝိ
(ကျောင်းမဿဲ ၉:၉-၁၃။ ကျောင်းမာကု ၂:၁၃-၁၇)
27အားလေခါမယ်ခါမာအန်းဟော့ဟက် နမ်ဖကျောင်းလီလေးအန်း ကွေးမု့လေဝိခွမ်ခေါ်တပိုင် ညှိဟွင်ငေါ်တိပါးခါသေး ဟဲ့လားထင် "ဟော့ခဲယ်ဖကျောင်းဟဲ့ ရောခွမ်ကျိုင်အူးဆာ" ဟော့ခဲယ်အူးဆာလားထင်လနော့်တိဆာ။ 28ဟော့ဟက် လေဝိကော် ကိုးဟဲ့သဟွင်ကွေးခါမယ်ခါမာအန်းကောဗေ့တက်အေ့ဟဲ့ ဟော့ခဲယ်ဖကျောင်းဟိုင်းတိဆာ။
29ခမ်းခီးအန့်း လေဝိကျန်ငန်းထောင်းအွန်းဟက် ကျွန်လေ့တိညာဟွင်ဟက် ဖာကျောင်းဟက်ခွမ်ကျိုင်ကေကောလပ်ဟဲ့ ခွမ်ခေါ်ဟဲ့ ခေ့းအားအွိုင်းဆီးပိုကျူ့ပိုဟဲ့ဆွမ်းလွန်ကေတိဆာ။ 30သနန်း ဖာရိရှဲဟက်ဆလားကေကော လားတီ့ဖကျောင်း လားတိခွမ်ကျိုင်နမ်ဟေ့း "ပေးနယ် အားခွမ်ခေါ်းအန့် အားလေခါမယ်ခါမာဟေ့းခွမ်အန်းညှက်အန်းငမ်မတ်မီ့ပိုဆွမ်းပဲန်းမွန်းကေ" လားထင်လနော့်။
31ယေရှု လားတိကေ "အားပိုင်ကပ်ဆူးအန်းကော လိုးပိုင်းဆလားဟာ အားကေမန်းအန့်းကွယ်ဟဲ့ ကေလိုးတိ။ 32လားနိင်းတိနယ် တိုးအေးညှက်ဟဲ့ ပဲန်းခွမ်လားစီစီနယ်ကော့သပေး အူးအေ့းကျိုင်ဟာ။ စလေးအန်း တိုးအေ့းရောအန်းညှက်အန်းငမ်အွန်း ကေညန်ဟဲ့ အန်း အေးကော့ကေနယ်" လားတိကေလာနော့်။
အားဟာကေခေါ့်မွန်း ကမ်းဆင်း
(ကျောင်းမဿဲ ၉:၁၄-၁၇။ ကျောင်းမာကု ၂:၁၈-၂၂)
33ခမ်းခီးအန့်း ဖာရိရှဲဟက်ဆလား လတိဖကျောင်း "ဆလားကျူးအိုးဆရာယောဟန်ဟက် ခွမ်ကျိုင်ဟွင် အားလေကမ်းဆင်းဟဲ့တင်းပါး ကျက့်ကျက့်ကေကောရော။ ခွမ်ကျိုင်ဖာရိရှဲကကော ရောအားလေလာနော့်ခေ့။ ဟော့ဟက် ခွမ်ကျိုင်မီတိနယ် ဆွမ်းပဲန်းဟဲ့အွေန့် တိုင်းအားအွိုင်းပိုင်မတ်ပေးကမ်းဆင်းတိ" တိုင်းတိကေလာနော့်။
34ယေရှုလား "အားကေအေ့းပါးခေ့း နမ်အွေန့်မွန်းကျောင်းပေါင် ကျန်ကာကေကမ်းဆင်းပိုခေ့းနော့်။ အားလေလနော့်ကွေးမွန်ရောဟာ။ 35ဟော့ဟက် ထေ့းဝေးလား ကော့ကျောင်းပေါင်ဟိုင်းလေးကေတိနယ် ကေနယ်ဆွမ်းပဲန်းဟဲ့ ကေနယ်လားကမ်းဆင်း" လားတိကေလာနော့်တိဆာ။
36ခမ်းခီးအန့်း ဖာကျောင်းယေရှု လားပြပုံဥပမာခါတိ "မွန်ကောဖော်ဖီ့းခါးတူးအန်း မွန်ကောတွေပစ်ခိုးဟဲ့ ခဲ့က်ဆိုင်းဟာ။ စီးကယ်ခဲ့က်ကော ဖော်ဖီ့းကောအေ့အားရို့ဟဲ့ လားပီ့း။ 37အိုးအငွန်မွန်ကောဆိုင်းတိ ကော့နန်ယင်းဟာ။ ရောလာနော့်တိနယ် အိုးအားငွန်အားခိုးကော့လားဖာ့းအေ့ဟဲ့ အိုးဟာအန်းကောပွတ်အေ့ဟက် ကော့နာယင်းကော်လားဖအေ့။ 38ဟော့ဟက် အိုးအားငွန်ကော်ပိုဆိုင်းတိ ကော့်နာယင်းအားခိုးတိဆာ။ 39လာနော့်အန့်း အားကေပွန်ညှိအိုးအားငွန်ဖီ့းအန့်း ကေကောပိုကျေးနပ်ခေ့းတိဆာ။ ကေနယ် 'အိုးအားငွန်ဖီ့းအန်းညှက်ဂျေ့' လားလနော့်ဟက် ကေတိလားဆမ်းညှိအိုးအားငွန်အားခိုးဟာ" လားတိကေလာနော့်။
Iliyochaguliwa sasa
ကျောင်းလုကာ 5: STU
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Samtao Bible by Beyond Translation is licensed under Creative Commons Attribution-ShareAlike 4.0 License.
