Mareke OSOMO
OSOMO
Wu me mukaana wu luru bupfi ŋa kara li mikaana myehene mina mi básono mu mi mitala Nsia yi Mbwe yi a Yiisu-Kriste. Baara baakalyele ti wu mukaana wu a nsomo ŋa kara li mikaana mimye.
Ngughu a ndagha yi odzyi osuo Mareke mu mukaana wu yili ti mu engaŋma Yiisu, musi Nadzarete, li Mwana a Nzaami.
Mareke ka áli ntumu a Yiisu o, lo nde áli akabuldzye ya Poole ya nde ásala ya Piere. Okughu okala ti mandagha ma ásono nde mu mukaana wu, nde ágyughu mo kundaa Piere, mu matala ma ákatsala nde nsia a bumweẽ bu Yiisu-Kriste ŋa nsie yi kundaa baara. Nde ásono mukaana wu mu nkooro a babo baala ka bali ba-Dzwife o. Nzaami ályele mu Bisono bibi ngili ti nde sa agweghe mbwuru mu obvwuhu basi Isarayele ba bali baara ba nde. Mu matala ma ógyi Yiisu ŋa yulu a nsie yi, Isarayele áli kunsa litumu li basi Rome. Basi Isarayele bákasa kana ti Kriste wu ósiini a bo Nzaami ogweghe, me nde aakwulu bo kunsa litumu li basi Rome. Lo Yiisu ka ágyi mu nkooro a obvwughu oko o. Yiisu áyabvwuhu yini a baara ba baakihi litumu li nde ya ba baasihi Satana ya masumu.
Mu mukaana wu Mareke ályele mandagha ma ósi Yiisu ŋa yulu a nsie yi ya ma áluo nde baara, bumõ si ya lipfu li nde ya osighili o nde mu lipfu. Yiisu áluo baara mu lileene, nde ádzuhu babyele, ákabyi mifulu mi mibi ya ákasa bimaã bibi okiŋimi. Ngu okala ti Yiisu li Mwana a Nzaami, nde ka ásele masaŋama o, mu kuulu «Mwana a mbwuru ndeme ka ágyi mu kuulu basalala nde o, lo mu kuulu nde asalala ya agwa bumweẽ bu nde mu ofuru ekolo mpaala baara balagha babvwughu.» (10.45).
Bamfumu ba ba-Dzwife bábihi nde, tee mu odzwa nde. Nswe munde wu aanama Yiisu faana okala mukughu mu omono mpara, lo ku masini sa okala a esee.
Bu me bu baakakaba mukaana wu:
1) Nsia yi Mbwe yi ótsala Dzã Muboghoro (1.1-8).
2) Oboghoro o Yiisu ya bunu Satana ásagha obwihi nde mu masumu (1.9-13).
3) Yiisu áyikala ku Ngalile (1.14–9.50).
4) Yiisu ápala mu bvulu lili Ngalile mu ogye ku Yerusaleme (10.1-52).
5) Limiŋi li Yiisu lili masini ŋa yulu a nsie: Mumfwunu a nde, Lipfu li nde (11.1–15.47).
6) Yiisu sighili ŋa kara li ba bákpi (16.1-8).
7) Yiisu moŋono kundaa binduono bi nde (16.9-20).
Iliyochaguliwa sasa
Mareke OSOMO: txy TEC
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2024 (Active) Wycliffe Bible Translators, Inc. All rights reserved.
Mareke OSOMO
OSOMO
Wu me mukaana wu luru bupfi ŋa kara li mikaana myehene mina mi básono mu mi mitala Nsia yi Mbwe yi a Yiisu-Kriste. Baara baakalyele ti wu mukaana wu a nsomo ŋa kara li mikaana mimye.
Ngughu a ndagha yi odzyi osuo Mareke mu mukaana wu yili ti mu engaŋma Yiisu, musi Nadzarete, li Mwana a Nzaami.
Mareke ka áli ntumu a Yiisu o, lo nde áli akabuldzye ya Poole ya nde ásala ya Piere. Okughu okala ti mandagha ma ásono nde mu mukaana wu, nde ágyughu mo kundaa Piere, mu matala ma ákatsala nde nsia a bumweẽ bu Yiisu-Kriste ŋa nsie yi kundaa baara. Nde ásono mukaana wu mu nkooro a babo baala ka bali ba-Dzwife o. Nzaami ályele mu Bisono bibi ngili ti nde sa agweghe mbwuru mu obvwuhu basi Isarayele ba bali baara ba nde. Mu matala ma ógyi Yiisu ŋa yulu a nsie yi, Isarayele áli kunsa litumu li basi Rome. Basi Isarayele bákasa kana ti Kriste wu ósiini a bo Nzaami ogweghe, me nde aakwulu bo kunsa litumu li basi Rome. Lo Yiisu ka ágyi mu nkooro a obvwughu oko o. Yiisu áyabvwuhu yini a baara ba baakihi litumu li nde ya ba baasihi Satana ya masumu.
Mu mukaana wu Mareke ályele mandagha ma ósi Yiisu ŋa yulu a nsie yi ya ma áluo nde baara, bumõ si ya lipfu li nde ya osighili o nde mu lipfu. Yiisu áluo baara mu lileene, nde ádzuhu babyele, ákabyi mifulu mi mibi ya ákasa bimaã bibi okiŋimi. Ngu okala ti Yiisu li Mwana a Nzaami, nde ka ásele masaŋama o, mu kuulu «Mwana a mbwuru ndeme ka ágyi mu kuulu basalala nde o, lo mu kuulu nde asalala ya agwa bumweẽ bu nde mu ofuru ekolo mpaala baara balagha babvwughu.» (10.45).
Bamfumu ba ba-Dzwife bábihi nde, tee mu odzwa nde. Nswe munde wu aanama Yiisu faana okala mukughu mu omono mpara, lo ku masini sa okala a esee.
Bu me bu baakakaba mukaana wu:
1) Nsia yi Mbwe yi ótsala Dzã Muboghoro (1.1-8).
2) Oboghoro o Yiisu ya bunu Satana ásagha obwihi nde mu masumu (1.9-13).
3) Yiisu áyikala ku Ngalile (1.14–9.50).
4) Yiisu ápala mu bvulu lili Ngalile mu ogye ku Yerusaleme (10.1-52).
5) Limiŋi li Yiisu lili masini ŋa yulu a nsie: Mumfwunu a nde, Lipfu li nde (11.1–15.47).
6) Yiisu sighili ŋa kara li ba bákpi (16.1-8).
7) Yiisu moŋono kundaa binduono bi nde (16.9-20).
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2024 (Active) Wycliffe Bible Translators, Inc. All rights reserved.