Mareke 1
1
Maluo ma Dzã Muboghoro
(Mat 3.1-12; Luk 3.1-18; Dzã 1.19-28)
1Ki me ebaana ki Nsia yi Mbwe yi a Yiisu-Kriste, Mwana a Nzaami. 2Mu mukaana a mubighili Edzayi básono ti:
«Tala, me sa ngweghe ntumu a me ku nkulu a we
mu kuulu nde agyighili we nzili.
3 Li me likyi li munde wu li mu okakehe engubu ku syehe:
Ligyighili nzili a Mfumu,
lisa mankwulu ma nde makala nsumu!»
4Dzã ágyi, me nde áakaboghoro baara ku syehe, ya áakatsala nsia yi a oboghoro kuu ogyiŋi mayele, mu obagha kolokolo a masumu. 5Baara bwohono mu etsulu e nsie kii Yude ya baba bvulu lili Yerusaleme bákagye kundaa nde ya bákakihi masumu ma bo ŋa nkulu a baara bwohono. Ya Dzã ákaboghoro bo mu nzala yi a Dzurudẽ.
6Dzã áli alaha enkuru ki batwu mu mfu a nyama wu baakata ti syamo ya álaha musili wu a mu nkobo a nyama mu bala. Nde ákadza bansense ya nyuŋu wu musuru.
7Nde ákatsala nsia yi: «Mbwuru wu li mu ogya ŋa mbihi a me luru me mu lileene. Me ka nkughu mfuŋumu mu onyana misyi mi bikoghoro bi nde o. 8Me ndi mu okaboghoro be mu madza, lo nde, nde sa aboghoro be mu Mufulu a Ngili.»
Oboghoro o Yiisu-Kriste ya bigyeele ku syehe
(Mat 3.13–4.11; Luk 3.21-22; 4.1-13)
9Mu bitsughu bibye, Yiisu áfi ku bvulu lili Nadzarete mu etsulu e nsie kii Ngalile, ya Dzã áboghoro nde mu nzala yi a Dzurudẽ. 10Ŋa ósaapala Yiisu mu madza, nde ámono mayulu mábaghala ya Mufulu áfi ku yulu ya ásughuru ŋa yulu a nde mu efaana kii beeme. 11Likyi líbili mu mayulu ti: «We li Mwana a me wu mukolo, me aakamono esee ki elagha mu we.»
12Ŋaana oŋo, Mufulu ábiri Yiisu ku syehe. 13Oko, Satana ágyeele nde mu bitsughu makwumu-mana (40). Nde áli ŋa kara li banyama baba musuru, ya bangye-yulu bákabaha nde.
Binduono bi Yiisu-Kriste bi binsomo
(Mat 4.12-22; Luk 4.14-15; 5.1-11)
14Ŋa mbihi a ŋa bálo Dzã mu boloko, Yiisu ágyene ku Ngalile ya ábaana oluo Nsia yi Mbwe yi a Nzaami. 15Nde ákalyele ti: «Matala maato ya Empu e Nzaami eeyabehene. Ligyiŋi mayele, ya lisa kana mu Nsia yi Mbwe.»
16Mu matala ma ókaluru Yiisu mu mukogho a mubu wu a Ngalile, nde ámono Simõ ya Andere mbwee a nde, mu okatubu nkoho a bo mu madza ma mubu, mu kuulu bo báli bilebe bibi banswi. 17Yiisu ályele kundaa bo ti: «Linama me! Me sa nkirili be bilebe bibi baara.» 18Ŋaana oŋo, bo bábulunyaã nkoho a bo ya bánama nde. 19Bu afirisehe mwana a la, nde ámono Dzake ya Dzã mbwee a nde, baana ba Nzebede baba baghala, ba báli si munsa bwara ya ba bákabaama nkoho. 20Ŋaana oŋo, nde áti bo mbili, bo bábulusihi taara a bo Nzebede ya basala ba nde munsa bwara, ya bánama Yiisu.
Baghala nga a mufulu wu mubi
(Luk 4.31-37)
21Bo báyato ŋa bvulu lili Kaperenawume. Mu etsughu kii Sabate, Yiisu ásomo mu nzo a lisamana a ba-Dzwife, ya ábaana oluo. 22Baara bákakiŋimi mu nduo-nduo yi ákaluo nde, mu kuulu nde ka ákaluo ti bu ókaluo baluo-mikyene o, lo nde ákaluo ti mbwuru wu li a litumu.
23Munsa nzo a lisamana a ba-Dzwife óli a baghala mumõ wu áali a mufulu wu mubi. Nde áakehe engubu ti: 24«Yiisu musi Nadzarete, we ya bihi ndagha ma? We bu aagyi mu osa kuulu ti bihi lipfighili? Me ngyahaba we nande li: We li Wu a Ngili wu oogweghe Nzaami.» 25Yiisu áfyeẽ nde ya ályele ti: «Kuru muŋma a we ya pala mu baghala wu!» 26Mufulu wu mubi ányihi nde mu mpini ya ákehe mungili wu munene. Ŋa mbihi oŋo nde ábulupala mu baghala munde. 27Baara bwohono bákiŋimi. Mu obo bákafuhunu bo-a-bo ti: «Yi ma yo? Ma maluo ma manyaghara! Nde li mu otumu si mifulu mi mibi ya litumu, ya mye mili mu ogyughu nde!» 28Mu obo nsia a Yiisu yítsaŋama mu etsulu e nsie kii Ngalile kyehene.
Yiisu dzuhu buko bu Piere ya babyele balagha
(Mat 8.14-17; Luk 4.38-41)
29Yiisu bu apala mu nzo a lisamana a ba-Dzwife, ágyene ya Dzake ya Dzã ku nzo a Simõ ya Andere. 30Buko bu Simõ wu mukaha ábwi mulabala ŋa yulu a mbughu mu nkooro a mukaama. Yiisu bu asaayato, bályele nde ndagha oyo. 31Yiisu áyasele ŋa bele a nde ya bu akwara nde mu kwogho, átehebe nde. Mukaama áfi nde ya nde ábwi mu osalala bo mu bi-odza.
32Mu nkonkolo, ŋa mbihi a ŋa ódzyama tala, bágyi a nde babyele bwohono ya banga a mifulu mi mibi. 33Baara ba bvulu bwohono báyabvuŋunu ŋa nkulu a muŋma a nzo yi áli nde. 34Nde ádzuhu baara balagha ba báli a mabyele mama mawa-mawa ya ábyi mifulu mi mibi milagha. Ka ágwi muswa kundaa mifulu mi mibi ti mibili o, mu kuulu mye mígyahaba nde.
Yiisu tsala Nsia yi Mbwe mu Ngalile
(Luk 4.42-43)
35Mu minkya-nkya, ŋaala nkini áli ya mpyibi, Yiisu átemene ya ápala mu bvulu, ágyene ku ebini ki egwene a baara ya ábwi osamana. 36Simõ ya baara ba báli ya nde bápala mu oyisagha nde. 37Mu matala ma bámono bo nde, bo bályele kundaa nde ti: «Baara bwohono bali mu okabulusagha we.» 38Nde ábvuhulu bo ndiri: «Litswe nkolo nkimi, ku mala ma mali bitaataa bi, mpaala me nduo si oko, mu kuulu me mu obo me aangyi ŋa nsie.» 39Mu obo nde ágyene mu etsulu e nsie kii Ngalile kyehene ya ákabululuo mu manzo mama lisamana ma ba-Dzwife, ya ákabyi mifulu mi mibi mu baara.
Yiisu dzuhu nga-a-buala
(Mat 8.1-4; Luk 5.12-16)
40Nga-a-buala mutsyini ágyi kundaa Yiisu. Bu akunu mabuo ŋa nsie ŋa nkulu a nde, ábuono nde bu: «Kala ti we dzyi, we kughu osa me wu a tse-tse.» 41Yiisu ámono nde nyiĩ. Bu alabala ekee, ábyeme nde ya ályele ti: «Me ndzyi, kala wu a tse-tse.» 42Ŋaana oŋo buala búfi ya nde ásaatsyeme. 43Ŋaana oŋo Yiisu ábvurulu nde ku bula bu nde, átswi nde mukele mu ebaghala 44ya ályele nde ti: «Yighili ogyughu: Ka lyele mbwuru si mumõ o, lo gye yisuo nyuru a we kundaa ngaa a nzaami, ya gwa mu otsehebe o nyuru a we, ekaba ki ótumu Moyidze. Obo sa bukala bumpughulu bu buusuo kundaa baara bwohono ti we aadzughu.» 45Lo baghala munde bu agyene, ábwi otsala nsia a ndagha oyo mu mpini ya mu yulu. Mu obo Yiisu ka áfiribagha bu aasomo epankala mu nswe bvulu o. Nde ákabulukala yini a ku mbala a bvulu, mu bibini bi bigwene a baara. Ya baara ba bákafa mu mankolo mwohono bákagya kundaa nde.
Iliyochaguliwa sasa
Mareke 1: txy TEC
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2024 (Active) Wycliffe Bible Translators, Inc. All rights reserved.
Mareke 1
1
Maluo ma Dzã Muboghoro
(Mat 3.1-12; Luk 3.1-18; Dzã 1.19-28)
1Ki me ebaana ki Nsia yi Mbwe yi a Yiisu-Kriste, Mwana a Nzaami. 2Mu mukaana a mubighili Edzayi básono ti:
«Tala, me sa ngweghe ntumu a me ku nkulu a we
mu kuulu nde agyighili we nzili.
3 Li me likyi li munde wu li mu okakehe engubu ku syehe:
Ligyighili nzili a Mfumu,
lisa mankwulu ma nde makala nsumu!»
4Dzã ágyi, me nde áakaboghoro baara ku syehe, ya áakatsala nsia yi a oboghoro kuu ogyiŋi mayele, mu obagha kolokolo a masumu. 5Baara bwohono mu etsulu e nsie kii Yude ya baba bvulu lili Yerusaleme bákagye kundaa nde ya bákakihi masumu ma bo ŋa nkulu a baara bwohono. Ya Dzã ákaboghoro bo mu nzala yi a Dzurudẽ.
6Dzã áli alaha enkuru ki batwu mu mfu a nyama wu baakata ti syamo ya álaha musili wu a mu nkobo a nyama mu bala. Nde ákadza bansense ya nyuŋu wu musuru.
7Nde ákatsala nsia yi: «Mbwuru wu li mu ogya ŋa mbihi a me luru me mu lileene. Me ka nkughu mfuŋumu mu onyana misyi mi bikoghoro bi nde o. 8Me ndi mu okaboghoro be mu madza, lo nde, nde sa aboghoro be mu Mufulu a Ngili.»
Oboghoro o Yiisu-Kriste ya bigyeele ku syehe
(Mat 3.13–4.11; Luk 3.21-22; 4.1-13)
9Mu bitsughu bibye, Yiisu áfi ku bvulu lili Nadzarete mu etsulu e nsie kii Ngalile, ya Dzã áboghoro nde mu nzala yi a Dzurudẽ. 10Ŋa ósaapala Yiisu mu madza, nde ámono mayulu mábaghala ya Mufulu áfi ku yulu ya ásughuru ŋa yulu a nde mu efaana kii beeme. 11Likyi líbili mu mayulu ti: «We li Mwana a me wu mukolo, me aakamono esee ki elagha mu we.»
12Ŋaana oŋo, Mufulu ábiri Yiisu ku syehe. 13Oko, Satana ágyeele nde mu bitsughu makwumu-mana (40). Nde áli ŋa kara li banyama baba musuru, ya bangye-yulu bákabaha nde.
Binduono bi Yiisu-Kriste bi binsomo
(Mat 4.12-22; Luk 4.14-15; 5.1-11)
14Ŋa mbihi a ŋa bálo Dzã mu boloko, Yiisu ágyene ku Ngalile ya ábaana oluo Nsia yi Mbwe yi a Nzaami. 15Nde ákalyele ti: «Matala maato ya Empu e Nzaami eeyabehene. Ligyiŋi mayele, ya lisa kana mu Nsia yi Mbwe.»
16Mu matala ma ókaluru Yiisu mu mukogho a mubu wu a Ngalile, nde ámono Simõ ya Andere mbwee a nde, mu okatubu nkoho a bo mu madza ma mubu, mu kuulu bo báli bilebe bibi banswi. 17Yiisu ályele kundaa bo ti: «Linama me! Me sa nkirili be bilebe bibi baara.» 18Ŋaana oŋo, bo bábulunyaã nkoho a bo ya bánama nde. 19Bu afirisehe mwana a la, nde ámono Dzake ya Dzã mbwee a nde, baana ba Nzebede baba baghala, ba báli si munsa bwara ya ba bákabaama nkoho. 20Ŋaana oŋo, nde áti bo mbili, bo bábulusihi taara a bo Nzebede ya basala ba nde munsa bwara, ya bánama Yiisu.
Baghala nga a mufulu wu mubi
(Luk 4.31-37)
21Bo báyato ŋa bvulu lili Kaperenawume. Mu etsughu kii Sabate, Yiisu ásomo mu nzo a lisamana a ba-Dzwife, ya ábaana oluo. 22Baara bákakiŋimi mu nduo-nduo yi ákaluo nde, mu kuulu nde ka ákaluo ti bu ókaluo baluo-mikyene o, lo nde ákaluo ti mbwuru wu li a litumu.
23Munsa nzo a lisamana a ba-Dzwife óli a baghala mumõ wu áali a mufulu wu mubi. Nde áakehe engubu ti: 24«Yiisu musi Nadzarete, we ya bihi ndagha ma? We bu aagyi mu osa kuulu ti bihi lipfighili? Me ngyahaba we nande li: We li Wu a Ngili wu oogweghe Nzaami.» 25Yiisu áfyeẽ nde ya ályele ti: «Kuru muŋma a we ya pala mu baghala wu!» 26Mufulu wu mubi ányihi nde mu mpini ya ákehe mungili wu munene. Ŋa mbihi oŋo nde ábulupala mu baghala munde. 27Baara bwohono bákiŋimi. Mu obo bákafuhunu bo-a-bo ti: «Yi ma yo? Ma maluo ma manyaghara! Nde li mu otumu si mifulu mi mibi ya litumu, ya mye mili mu ogyughu nde!» 28Mu obo nsia a Yiisu yítsaŋama mu etsulu e nsie kii Ngalile kyehene.
Yiisu dzuhu buko bu Piere ya babyele balagha
(Mat 8.14-17; Luk 4.38-41)
29Yiisu bu apala mu nzo a lisamana a ba-Dzwife, ágyene ya Dzake ya Dzã ku nzo a Simõ ya Andere. 30Buko bu Simõ wu mukaha ábwi mulabala ŋa yulu a mbughu mu nkooro a mukaama. Yiisu bu asaayato, bályele nde ndagha oyo. 31Yiisu áyasele ŋa bele a nde ya bu akwara nde mu kwogho, átehebe nde. Mukaama áfi nde ya nde ábwi mu osalala bo mu bi-odza.
32Mu nkonkolo, ŋa mbihi a ŋa ódzyama tala, bágyi a nde babyele bwohono ya banga a mifulu mi mibi. 33Baara ba bvulu bwohono báyabvuŋunu ŋa nkulu a muŋma a nzo yi áli nde. 34Nde ádzuhu baara balagha ba báli a mabyele mama mawa-mawa ya ábyi mifulu mi mibi milagha. Ka ágwi muswa kundaa mifulu mi mibi ti mibili o, mu kuulu mye mígyahaba nde.
Yiisu tsala Nsia yi Mbwe mu Ngalile
(Luk 4.42-43)
35Mu minkya-nkya, ŋaala nkini áli ya mpyibi, Yiisu átemene ya ápala mu bvulu, ágyene ku ebini ki egwene a baara ya ábwi osamana. 36Simõ ya baara ba báli ya nde bápala mu oyisagha nde. 37Mu matala ma bámono bo nde, bo bályele kundaa nde ti: «Baara bwohono bali mu okabulusagha we.» 38Nde ábvuhulu bo ndiri: «Litswe nkolo nkimi, ku mala ma mali bitaataa bi, mpaala me nduo si oko, mu kuulu me mu obo me aangyi ŋa nsie.» 39Mu obo nde ágyene mu etsulu e nsie kii Ngalile kyehene ya ákabululuo mu manzo mama lisamana ma ba-Dzwife, ya ákabyi mifulu mi mibi mu baara.
Yiisu dzuhu nga-a-buala
(Mat 8.1-4; Luk 5.12-16)
40Nga-a-buala mutsyini ágyi kundaa Yiisu. Bu akunu mabuo ŋa nsie ŋa nkulu a nde, ábuono nde bu: «Kala ti we dzyi, we kughu osa me wu a tse-tse.» 41Yiisu ámono nde nyiĩ. Bu alabala ekee, ábyeme nde ya ályele ti: «Me ndzyi, kala wu a tse-tse.» 42Ŋaana oŋo buala búfi ya nde ásaatsyeme. 43Ŋaana oŋo Yiisu ábvurulu nde ku bula bu nde, átswi nde mukele mu ebaghala 44ya ályele nde ti: «Yighili ogyughu: Ka lyele mbwuru si mumõ o, lo gye yisuo nyuru a we kundaa ngaa a nzaami, ya gwa mu otsehebe o nyuru a we, ekaba ki ótumu Moyidze. Obo sa bukala bumpughulu bu buusuo kundaa baara bwohono ti we aadzughu.» 45Lo baghala munde bu agyene, ábwi otsala nsia a ndagha oyo mu mpini ya mu yulu. Mu obo Yiisu ka áfiribagha bu aasomo epankala mu nswe bvulu o. Nde ákabulukala yini a ku mbala a bvulu, mu bibini bi bigwene a baara. Ya baara ba bákafa mu mankolo mwohono bákagya kundaa nde.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2024 (Active) Wycliffe Bible Translators, Inc. All rights reserved.