Mareke 4
4
Nkumu yi a mukunu wu aanyaghala nsia
(Mat 13.1-9; Luk 8.4-8)
1Yiisu áfirikaluo ŋa mukogho a mubu wa Ngalile. Mpwumu a baara yi alagha yíyabvuŋunu ŋa bele a nde. Mu obo nde ásomo munsa bwara ba búli mu madza ma mubu ya ábwi nsini omo. Mpwumu a baara yíli ŋa nsie mu mukogho a mubu. 2Nde ákaluo bo mandagha malagha mu mankumu. Kunsa mandagha ma ákaluo nde, nde ákalyele bo ndiri:
3«Ligyughu! Etsughu nga-emõ, mukunu mutsyini ápala mu oyinyahala nsia mu nseghe. 4Mu matala ma ákanyahala nde nsia, ndaama a nsia yíbwi mu mukogho a nzili. Baŋmini bágyi ya báli yo. 5Ndaama yinke yíbwi ŋa ebini ki éli a mameẽ, ŋaala nsie ka yili a mubighi o. Mburu yímene mu maswa-maswa, mu kuulu nsie áli yi asala. 6Lo mwiĩ bu abala, mye mídzighi ya míkee mu kuulu misumunu ka míli a midza o. 7Nsia yinke yíbwi kunsa mingaama, ya mingaama bu mikulu mísi yo mpiŋi ya yo yíkwono oburu bimburu. 8Lo ndaama a nsia yinke yíbwi mu nsie yi mbwe. Yo yímene, yíkulu ya yíburu mburu. Miti mi mike miburu mburu makwumu-matere (30), yinke mburu makwumu-masemene (60), yinke mburu nkama (100)». 9Ŋa mbihi oŋo Yiisu ályele ti: «Nyaã munde wu li a matswi mu ogyughu, agyughu!»
Mu emakye Yiisu aakabili mu mankumu
(Mat 13.10-17; Luk 8.9-10)
10Mu matala ma ágyene nde mu libee, babo ba bádzyi nde, emõ ya ba Kwumu ya buolo (12) bábwi ofwulu nde mu mi mitala mankumu. 11Nde ályele bo ti: «Kundaa be ba liigyagha mansweghe ma Empu e Nzaami, lo kundaa baara baba ku mbala mandagha mwohono okaluru mu mankumu,
12mu efaana kiili, “ngu okala ti bapana mihi, bo ka bamono elogho o,
ngu okala ti bo bagyighili ogyughu, lo bo ndagha obaghala we,
kala pele sa bagyiŋi mayele ya Nzaami sa asa bo kolokolo # 4.12
Edz 6.9-10
.”»
Yiisu baala nkumu yi a mukunu
(Mat 13.18-23; Luk 8.11-15)
13Yiisu áfirilyele bo ti: «Kala ti be ka liibaghala nkumu yi o, lo bunu-abo be likughu obaghala mankumu mwohono ma make? 14Mukunu wu aakanyahala Ndagha a Nzaami. 15Nsia yi aabwi mu mukogho a nzili, me baara ba baagyughu ndagha a Nzaami, lo Satana aakayamaha munsa mikolo mi bo Ndagha yi baagyughu bo. 16Nsia yi baanyahala mu bibini bi bili a mameẽ, me baara baala bu bagyughu Ndagha a Nzaami, basaakihi yo mu esee, 17lo ka bali a midza mu bomo o. Bo baakasa kana yini a mu mana matala. Ŋa ookagya mpara bwunu we kimini mu nkooro a Ndagha a Nzaami, oŋo bo ka baafirikasa kana o. 18Nsia yi baanyahala kunsa mingaama, me baara ba baakagyughu Ndagha a Nzaami, 19lo minyoõ mi nsie, ntono a busini bubu mpya ya nzala bilogho bibike bu yisomo mu mikolo mi bo, biikasa Ndagha a Nzaami mpiŋi ya yo ka yiburu mburu o. 20Nsia yi bányahala mu nsie yimbwe, me baara baakagyughu Ndagha a Nzaami, bo baakakihi yo ya baakaburu mburu: Mumõ mburu makwumu-matere (30), wu muke mburu makwumu-masemene (60), mukimi mburu nkama (100).»
Nkumu yi a mwindi
(Luk 8.16-18)
21Yiisu áfirilyele bo ti: «Mwindi nkuru baakafughu nde, bwunu we ku nsini a mbughu baakatwulu nde? Ka ŋa yulu a elogho ki baakatwulu mwindi o? 22Mu kuulu, mandagha mwohono mama ensweghe sa basoolo mo, ndagha yi ensweghe sa yimoŋono ŋa tse-tse. 23Kala ti mbwuru li a matswi mu ogyughu, agyughu.» 24Yiisu áfirilyele bo ti: «Lisa mayele mu mi liikagyughu be. Eteese ki liikateese be bambaala, me mu kyini ekye si akala baateese be, ya sa bafiribwehe be bi biluru. 25Mu kuulu, kundaa munde wu li a elogho, sa bafirigwa nde, lo kundaa munde wu gwene a elogho, sa bamaha nde ngu okala ekye ki ali a nde.»
Nkumu yi a mburu yi aakakulu yomo
26Yiisu áfirilyele ti: «Emfumu e Nzaami efaana ti mburu yi oonyahala baghala munsa nseghe. 27Ngu okala ti gyoŋomo, ngu okala ti nde kahala mihi, mwiĩ ya mpyibi, mburu yiikalughubu ya yiikakulu, lo nde ka aakagyahaba bunu-a-bo ookaluru o. 28Nsie yiikamyehẽ mburu yomo. Nsomo musumunu aakapala, ŋa mbihi oŋo ensia, ya ŋa nseele bele li ligyighili ogyele mu ensia. 29Ya mburu bu yiisaagyele, batsyiri yo mu mukpere wu a furunu mu kuulu matala mama otolo mburu maato».
Nkumu yi a mburu a mutaade
(Mat 13.31-32,34; Luk 13.18-19)
30Yiisu áfirilyele ndiri: «Nki efaana likughu ogwolo mu mi mitala Emfumu e Nzaami? Mu nki nkumu likughu osuo kye? 31Kye efaana ti liburu li muti wu a nkwumu a mutaade liili ŋa baakakunu lo mu nsie, lo liluru osala mu mburu yohono yili ŋa busu bu nsie. 32Lo, bakunu lo, bu limene, lipaha mampala ma manene, ya lo liluru byehene bi baakakunu mu nsaba mu mutele. Mu obo baŋmini ba mayulu baakatwu manzo ma bo mu mampala ma nde.»
33Me mu mankumu malagha mama bu Yiisu ákaluo baara Ndagha a Nzaami bwunu a bu bákughu bo ogyughu nde. 34Nde ákabili ya baara yini a mu mankumu. Lo ŋa ákakala nde ngasighi ya binduono bi nde, nde ákabaala bo mankumu mwohono.
Yiisu kahaba efulu ki enene
(Mat 8.23-27; Luk 8.22-25)
35Etsughu kyini ekye mu nkonkolo, Yiisu ályele kundaa binduono bi nde ti: «Litswe lisaghaba ku ngulu a mubu yinke». 36Bu bamana obvurulu mpwumu a baara, binduono bi Yiisu bígyene ya nde mu bwara bu áli nde. Óli si ya mabwara makimi. 37Ensihibi, efulu kii mpini ébwi ofulu ya mampo ma madza mákabwa mu bwara ya bwara búkalwulu mu madza. 38Yiisu áli agyoŋomo ku masini ma bwara ya ásiili mutswi mu tsulu li biko. Binduono bísiili nde ya bílyele ti: «Muluo, bihi lili mu okapfighili ya we ka li mu okamono mukolo mpara o?» 39Yiisu bu asighili, áfyeẽ efulu ya ályele madza ma mubu ti: «Lidzuunu! Likala pii!» Efulu éfi, ya edzuunu ki enene égyi. 40Ya nde ályele kundaa bo ti: «Mu emakye be lili a nzalamweẽ? Be nkini ka lili a kana o?» 41Enkwughu ki enene ésughuru bo ya bákabili bo-a-bo ti: «Nde nande ali, mbwuru wu, wuulu efulu ya mubu biikagyughu nde?»
Iliyochaguliwa sasa
Mareke 4: txy TEC
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2024 (Active) Wycliffe Bible Translators, Inc. All rights reserved.
