Genesis 9
9
Malikwatakano gaKarunga naNowa
1Karunga kwa swerere Nowa novana vendi, ta tanta asi: “Livhareni mu vhuke mu zwide evhu. 2Yikorama nayinye yepevhu, rambanga ko yidira noyikoramagona nonomfi ngayi mu tjira. Nayinye kuna yi gava mepangero lyeni. 3Yikorama nayinye noyimeno yoyitarara kulya tupu, tani yi mu pe yi kare nondya deni. 4Posili sininke simwe sokudira kulya one: azo nyama zina kara nohonde, ntundiliro zomwenyo. 5Nkenye ogu ana kugusa mukwawo mwenyo, tani mu tokwere konomfa. Ngani zonagura nkenye sikorama esi sina kukudipaga, ame ngani futisa nkenye ogu nga dipaga mukwawo.
6“Ogu ana kudipaga muntu,
nage muntu mukwawo nga mu dipaga.
Yeeyi muntu kwa mu unga a
fane Karunga.
7“Vhareni vana wovanzi, ruvharo rweni ngaru vhuke, taru lihanene evhu mudima.”
8Makura Karunga ta tantere Nowa novana vendi asi: 9“Tani paka po malikwatakano kumwe neni noruvharo rweni, 10noyinamwenyo nayinye eyi muna kara nayo, yidira noyimuna noyikorama, nayinye eyi ya tunda memuwato. 11Nonkango edi na kupakesa po malikwatakano neni dedi: Tani mu tumbwidire asi kapi hena ngani zonagwisa yinamwenyo koruhanzo. Nokanunu si asi ruhanzo ngaru zonagure hena evhu.”
12Karunga ta tanta asi: “Sidiviso somalikwatakano ganarunye getu neni noyikorama nayinye, 13sekongoro eli ngani tura momaremo. Aso yiso ngasi kara sidiviso somalikwatakano getu nouzuni. 14Nsene maremo nina paka ko keguru lyevhu, ekongoro nalyo tali horoka momaremo, 15makura tani diworoka etumbwidiro lyange kweni nokoyikorama nayinye asi, nokanunu si asi ngani hanagwise hena yinamwenyo nayinye koruhanzo. 16Nsene asi ekongoro lina horoka momaremo, ni li tare, tani diworokere po malikwatakano ganarunye getu noyinamwenyo nayinye pevhu.”
17Karunga ta tantere Nowa asi: “Esi yiso sidiviso setumbwidiro eli na tumbwidire yinamwenyo nayinye yepevhu.”
Nowa novana vendi wovagara
18Vana vaNowa ava va pwagere memuwato oSema naHamu naJafeta. Hamu kwa kere zinyakurwaVakanani. 19Vana vaNowa vatatu ava yiwo ozinyakurwavantu navenye vepevhu.
20Nowa ogu ga kere ndimi, yige ga hovere kutapeka sikunino soyindjembere. 21Ano apa ga nwine ko kovhinyu, ta korwa, ta lihutura yikoverero yendi, a rare ngorooro rutu‐rutu motenta zendi. 22Hamu, zinyakurwaVakanani, apa ga mwene muherehere goguhwe, makura ta zi a ka sansekere ko vakwawo. 23Makura oSema naJafeta tava gusa erwakani va li liyambere komapepe. Awo kwa gendere sinderenyima va hwilire motenta, makura tava yambere guhyawo; awo kapi va pere ko yipara, neisi va mona muherehere gwaguhyawo. 24Ano Nowa eyi ga kororokwa, a dive eyi ga mu ruganene nsiraura zendi, 25ta tanta asi:
“Kanani va mu fingilire;
age nga kara mupika kovakwavo.”
26Nowa ta tanta hena asi:
“A fumane Hompa,
Karunga gwaSema.
Kanani nga kara mupika gwaSema.
27Karunga ngano ta nenepeke Jafeta,
ruvharo rwendi ngano taru kara
nava wonkwaSema monotenta.
Kanani nga kara mupika gwaJafeta.”
28Rwa pwa ruhanzo, Nowa ta kara ko hena nomvhura mafere gatatu nonomurongo ntano, 29ga ya fa age ana kara nonomvhura mafere gatano‐nagane nonomurongo ntano.
Iliyochaguliwa sasa
Genesis 9: KWN
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Egwanekerobibeli Lyanamibia 1987, 2003
© Bible Society of Namibia 1987, 2003
Genesis 9
9
Malikwatakano gaKarunga naNowa
1Karunga kwa swerere Nowa novana vendi, ta tanta asi: “Livhareni mu vhuke mu zwide evhu. 2Yikorama nayinye yepevhu, rambanga ko yidira noyikoramagona nonomfi ngayi mu tjira. Nayinye kuna yi gava mepangero lyeni. 3Yikorama nayinye noyimeno yoyitarara kulya tupu, tani yi mu pe yi kare nondya deni. 4Posili sininke simwe sokudira kulya one: azo nyama zina kara nohonde, ntundiliro zomwenyo. 5Nkenye ogu ana kugusa mukwawo mwenyo, tani mu tokwere konomfa. Ngani zonagura nkenye sikorama esi sina kukudipaga, ame ngani futisa nkenye ogu nga dipaga mukwawo.
6“Ogu ana kudipaga muntu,
nage muntu mukwawo nga mu dipaga.
Yeeyi muntu kwa mu unga a
fane Karunga.
7“Vhareni vana wovanzi, ruvharo rweni ngaru vhuke, taru lihanene evhu mudima.”
8Makura Karunga ta tantere Nowa novana vendi asi: 9“Tani paka po malikwatakano kumwe neni noruvharo rweni, 10noyinamwenyo nayinye eyi muna kara nayo, yidira noyimuna noyikorama, nayinye eyi ya tunda memuwato. 11Nonkango edi na kupakesa po malikwatakano neni dedi: Tani mu tumbwidire asi kapi hena ngani zonagwisa yinamwenyo koruhanzo. Nokanunu si asi ruhanzo ngaru zonagure hena evhu.”
12Karunga ta tanta asi: “Sidiviso somalikwatakano ganarunye getu neni noyikorama nayinye, 13sekongoro eli ngani tura momaremo. Aso yiso ngasi kara sidiviso somalikwatakano getu nouzuni. 14Nsene maremo nina paka ko keguru lyevhu, ekongoro nalyo tali horoka momaremo, 15makura tani diworoka etumbwidiro lyange kweni nokoyikorama nayinye asi, nokanunu si asi ngani hanagwise hena yinamwenyo nayinye koruhanzo. 16Nsene asi ekongoro lina horoka momaremo, ni li tare, tani diworokere po malikwatakano ganarunye getu noyinamwenyo nayinye pevhu.”
17Karunga ta tantere Nowa asi: “Esi yiso sidiviso setumbwidiro eli na tumbwidire yinamwenyo nayinye yepevhu.”
Nowa novana vendi wovagara
18Vana vaNowa ava va pwagere memuwato oSema naHamu naJafeta. Hamu kwa kere zinyakurwaVakanani. 19Vana vaNowa vatatu ava yiwo ozinyakurwavantu navenye vepevhu.
20Nowa ogu ga kere ndimi, yige ga hovere kutapeka sikunino soyindjembere. 21Ano apa ga nwine ko kovhinyu, ta korwa, ta lihutura yikoverero yendi, a rare ngorooro rutu‐rutu motenta zendi. 22Hamu, zinyakurwaVakanani, apa ga mwene muherehere goguhwe, makura ta zi a ka sansekere ko vakwawo. 23Makura oSema naJafeta tava gusa erwakani va li liyambere komapepe. Awo kwa gendere sinderenyima va hwilire motenta, makura tava yambere guhyawo; awo kapi va pere ko yipara, neisi va mona muherehere gwaguhyawo. 24Ano Nowa eyi ga kororokwa, a dive eyi ga mu ruganene nsiraura zendi, 25ta tanta asi:
“Kanani va mu fingilire;
age nga kara mupika kovakwavo.”
26Nowa ta tanta hena asi:
“A fumane Hompa,
Karunga gwaSema.
Kanani nga kara mupika gwaSema.
27Karunga ngano ta nenepeke Jafeta,
ruvharo rwendi ngano taru kara
nava wonkwaSema monotenta.
Kanani nga kara mupika gwaJafeta.”
28Rwa pwa ruhanzo, Nowa ta kara ko hena nomvhura mafere gatatu nonomurongo ntano, 29ga ya fa age ana kara nonomvhura mafere gatano‐nagane nonomurongo ntano.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Egwanekerobibeli Lyanamibia 1987, 2003
© Bible Society of Namibia 1987, 2003