Genesis 8
8
Epwiro lyoruhanzo
1Karunga kwa diworokere Nowa noyikorama nayinye noyimuna eyi ga zire nayo memuwato; makura ta ninki mpepo zi pepe pevhu, mema makura taga tameke kupwira. 2Marunone gokonhi zefuta nonomuliu dekeguru tayi siti. Ano mvhura zekeguru tazi seka, 3mema taga pwire ngorooro. Pa pita mazuva efere nonomurongo ntano, mema taga pwire, 4mezuva lyomurongo nagatano‐nagavali lyokwedi kwautano‐nauvali, emuwato tali hegama kondundu zaArarati. 5Mema kwa pwilire ngorooro, ano mezuva lyomuhowo lyokwedi komurongo, nondungu donondundu kuna kumoneka.
6Pa pita mazuva nomurongo ne, Nowa ta zegurura ekende, 7ta pwagesa mo ekorova a li tume. (Alyo ngali teremba dogoro mema taga pwililire.) 8Nowa makura ta tumu nkutji zi ka tare nsene asi mema gana pwire, 9ano ago mema haga karera simpe pevhu, nkutji nokugwana si evega lyokutembera. Makura Nowa ta pwagesa kuwoko, ta tengwidire nkutji memuwato. 10Nowa kwa ndindilire hena mazuva gatano‐nagavali, makura ta gusa nkutji memuwato a zi tume. 11Ngurova nkutji tazi ka tengura kwendi, ta dimburura asi nosihako sazo sositarara soukuzu komurungu. Nowa ta yi nongonona asi mema taga pwire. 12Nowa kwa ndindilire hena mazuva gatano‐nagavali, ta tumu hena nkutji; apa ngesi kapi hena za ka tengwire.
13Apa ga sikire Nowa konomvhura mafere gatano‐nalimwe nazimwe, mezuva lyomuhowo lyokwedi komuhowo, mema yipo nye ga pwilire nuunu. Apa ga gusire ko Nowa ndunda kemuwato, a nokere, ta mono asi evhu lina kukuta. 14Mezuva lyonomurongo mbali nagatano‐nagavali lyokwedi kwauvali, hawe, evhu nyweenywe.
15Karunga ta tantere Nowa asi: 16“Pwaga mo memuwato namukadoge novana woge novakadi vawo. 17Pwagesa mo yikorama nayinye eyi ono kara nayo, yidira noyimuna noyikoramagona nayinye asi ngayi ka livhare, tayi lihanene omo mwa za uzuni.” 18Makura Nowa ta pwaga mo memuwato namukadendi novana vendi novakadi vawo. 19Yikorama nayinye noyimuna noyidira noyikoramagona tayi pwaga mo memuwato, nkenye eyi morudi rwayo.
Nowa ta zamba nzambo
20Nowa makura ta tungire Hompa sizambero; ta gusa‐gusa yikorama simwe‐simwe momarudi gokukuhuka noyidira, ta yi zamba yi kare nzambo zeswakerero kosizambero. 21Ano Hompa eyi ga fumbwira edumba ewa, ta lipura mwene asi: “Nokanunu si hena asi ngani fingilire evhu mweyi a rugana muntu; na diva asi muntu haga tunda unona wendi, magazaro gendi madona. Kapi ngani zonagura hena yinamwenyo nayinye, moomu na yi rugana apa.
22“Siruwo esi ngau kara po uzuni,
ngapa kara siruwo sokukuna nokuzangura.
Ngapa kara siruwo somufu nesi soupyu,
nesi soruteni nesi sokurombo
nomutenya nomasiku.
Eyi kapi ngayi hura po.”
Iliyochaguliwa sasa
Genesis 8: KWN
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Egwanekerobibeli Lyanamibia 1987, 2003
© Bible Society of Namibia 1987, 2003
Genesis 8
8
Epwiro lyoruhanzo
1Karunga kwa diworokere Nowa noyikorama nayinye noyimuna eyi ga zire nayo memuwato; makura ta ninki mpepo zi pepe pevhu, mema makura taga tameke kupwira. 2Marunone gokonhi zefuta nonomuliu dekeguru tayi siti. Ano mvhura zekeguru tazi seka, 3mema taga pwire ngorooro. Pa pita mazuva efere nonomurongo ntano, mema taga pwire, 4mezuva lyomurongo nagatano‐nagavali lyokwedi kwautano‐nauvali, emuwato tali hegama kondundu zaArarati. 5Mema kwa pwilire ngorooro, ano mezuva lyomuhowo lyokwedi komurongo, nondungu donondundu kuna kumoneka.
6Pa pita mazuva nomurongo ne, Nowa ta zegurura ekende, 7ta pwagesa mo ekorova a li tume. (Alyo ngali teremba dogoro mema taga pwililire.) 8Nowa makura ta tumu nkutji zi ka tare nsene asi mema gana pwire, 9ano ago mema haga karera simpe pevhu, nkutji nokugwana si evega lyokutembera. Makura Nowa ta pwagesa kuwoko, ta tengwidire nkutji memuwato. 10Nowa kwa ndindilire hena mazuva gatano‐nagavali, makura ta gusa nkutji memuwato a zi tume. 11Ngurova nkutji tazi ka tengura kwendi, ta dimburura asi nosihako sazo sositarara soukuzu komurungu. Nowa ta yi nongonona asi mema taga pwire. 12Nowa kwa ndindilire hena mazuva gatano‐nagavali, ta tumu hena nkutji; apa ngesi kapi hena za ka tengwire.
13Apa ga sikire Nowa konomvhura mafere gatano‐nalimwe nazimwe, mezuva lyomuhowo lyokwedi komuhowo, mema yipo nye ga pwilire nuunu. Apa ga gusire ko Nowa ndunda kemuwato, a nokere, ta mono asi evhu lina kukuta. 14Mezuva lyonomurongo mbali nagatano‐nagavali lyokwedi kwauvali, hawe, evhu nyweenywe.
15Karunga ta tantere Nowa asi: 16“Pwaga mo memuwato namukadoge novana woge novakadi vawo. 17Pwagesa mo yikorama nayinye eyi ono kara nayo, yidira noyimuna noyikoramagona nayinye asi ngayi ka livhare, tayi lihanene omo mwa za uzuni.” 18Makura Nowa ta pwaga mo memuwato namukadendi novana vendi novakadi vawo. 19Yikorama nayinye noyimuna noyidira noyikoramagona tayi pwaga mo memuwato, nkenye eyi morudi rwayo.
Nowa ta zamba nzambo
20Nowa makura ta tungire Hompa sizambero; ta gusa‐gusa yikorama simwe‐simwe momarudi gokukuhuka noyidira, ta yi zamba yi kare nzambo zeswakerero kosizambero. 21Ano Hompa eyi ga fumbwira edumba ewa, ta lipura mwene asi: “Nokanunu si hena asi ngani fingilire evhu mweyi a rugana muntu; na diva asi muntu haga tunda unona wendi, magazaro gendi madona. Kapi ngani zonagura hena yinamwenyo nayinye, moomu na yi rugana apa.
22“Siruwo esi ngau kara po uzuni,
ngapa kara siruwo sokukuna nokuzangura.
Ngapa kara siruwo somufu nesi soupyu,
nesi soruteni nesi sokurombo
nomutenya nomasiku.
Eyi kapi ngayi hura po.”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Egwanekerobibeli Lyanamibia 1987, 2003
© Bible Society of Namibia 1987, 2003