Genesis 50
50
1Josefa ta gwire kosipara soguhwe, ta lilire pwawo, makura ta va ncumita. 2Ano Josefa makura ta tantere vantu vendi wonondokotora asi va baruseme simpu soguhwe. 3Ebarusemo kwa gusire mazuva nomurongo ne, yeeyi mazuva gokuhura opo yigo ngali gusa ebarusemo. Ano Vaegipite kwa mu lilire mazuva nomurongo ntano‐nambali.
4Ano mazuva getamu lyendi eyi gana kupwa, makura Josefa ta uyunga nava vembo lyaFarawo asi: “Nsene na gwana nkenda kosipara seni, na mu kanderere, ngano tomu uyungire nge kwaFarawo asi: 5‘Otate kwa ganesa nge asi: Tara, ame tani fu, ano montoko zange ezi na tjokora moKanani, yimo ngo ka horeka nge. Na mu kanderere, ngano kuna sigi nge ni ze ni ka horeke otate. Ngani ka mana, ntani ngani ka tengura.’ ”
6Farawo makura ta tanta asi: “Zende o ka horeke oguhwo moomu va ku ganesa.”
7Josefa makura ta zi a ka horeke oguhwe. Ano vantu vaFarawo navenye novakurona womombara navenye nawo kwa zire nendi. Masimbi nagenye gosirongo saEgipite nago kwa zire nendi, 8nembo nalinye lyaJosefa novakuru vendi nembo lyoguhwe. Ruvharo rwawo rwelike nononzwi dawo nonongombe dawo yelike yiyo va sigire mosirongo saGoseni. 9Ano marukara goyita novarondi wononkambe nawo kwa zire nendi. Sigendo sinene unene sa kere.
10Ano apa va sikire porupare poAtadi, koUpumezuva waJorodana, tava tende mo va lire nomfa. Ano Josefa ta panga asi nomfa va di lire mazuva gatano‐nagavali. 11Vantu womoKanani eyi va zuvha malirankali poAtadi, tava tanta asi: “Ozo ndiliso zoVaegipite.” Evega olyo yipo va li tumbwire asi Abeli‐Misirayimu (kuninka asi ‘Ndiliso zaEgipite’). Alyo kwa kara koUpumezuva waJorodana.
12Vana vendi kwa mu rugene moomu ga va tanterere. 13Vana vendi kwa mu twere kosirongo saKanani. Makura tava ka mu horeka mekombombo lyosipapwira sevhu saMakupera, sipapwira sevhu esi ga rende Abirahamu kwaEfuroni, Muheti, ntoko zoupingwa esi sa hama koUpumezuva waMamure. 14Apa va mene kuhoreka oguhwe, Josefa ta tengura koEgipite, mwene novakuru vendi nava navenye ava va zire nendi va ka horeke guhyawo.
Josefa ta hengagwida vakuru vendi
15Ano vakuru vaJosefa vana kumona asi guhyawo ana fu, tava tanta asi: “Josefa mpange nga tu rugana moomu ava rugana vanyengi, a tu futisire moudona naunye ou twa mu rugana.” 16Yipo nye va tumine mbudi ezi kwaJosefa asi: “Oguhwo kwa tantere nonkango edi awo simpe nokufa si asi: 17‘Ngomu tantere Josefa ngesi asi: Yingasi va dongwenena po vakuru woge epuko nonzo zawo, yeeyi awo kwa ku rugana yoyidona.’ Nye ntaantani, tuna kanderere, dongonona po nzo zetu zovaruganeni vaKarunga goguhwo.” Ano Josefa makura ta lili apa ga zuvhire nonkango dawo odo.
18Ano vakuru vendi tava likatukire ko vene, tava ka ligandera kosipara sendi, tava tanta asi: “Tara, ose tu vapika woge.”
19Nye Josefa ta va limburura asi: “Mwa ha tjira. Ame nyame nani gepevega lyaKarunga? 20Yosili one kwa rugana nge yoyidona, nye Karunga kwa yi gazarera momuwa pokurugana moomu yina kara ntaantani, asi a parure mbunga zonene. 21Nye ntaantani gwa ha mu pwaga! Ame tani mu rere novana veni.” Yimo nye ga va hengagwidire ngoso, makura tadi va dama.
Nomfa daJosefa
22Ano Josefa makura ta kara moEgipite kumwe nembo lyoguhwe. Josefa kwa kere nomwenyo nomumvho efere nonomumvho murongo. 23Ano Josefa ga di mwene nontekuru dokononkokona dautatu daEfurayimi. Novana vaMakira, munwaManase, kwa va hampurukire, age Josefa pweli. 24Josefa makura ta tantere vakuru vendi asi: “Tani fu, nye Karunga nga mu pakera mbili, nga mu guse mo omu mosirongo, nga mu tware kosirongo esi ga tumbwidira oAbirahamu naIsaka naJakopo nomugano.” 25Josefa makura ta ganesa vana vaIsraeli asi: “Nsene Karunga nye nga mu pakera mbili nawa‐nawa, ngomu yi guse mo omu yisupa yange, mu yi piture.” 26Josefa makura ta fu, age ana kara nonomumvho efere nonomumvho murongo. Awo makura tava mu barusema, makura tava mu tura mosikesa moEgipite.
Iliyochaguliwa sasa
Genesis 50: KWN
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Egwanekerobibeli Lyanamibia 1987, 2003
© Bible Society of Namibia 1987, 2003
Genesis 50
50
1Josefa ta gwire kosipara soguhwe, ta lilire pwawo, makura ta va ncumita. 2Ano Josefa makura ta tantere vantu vendi wonondokotora asi va baruseme simpu soguhwe. 3Ebarusemo kwa gusire mazuva nomurongo ne, yeeyi mazuva gokuhura opo yigo ngali gusa ebarusemo. Ano Vaegipite kwa mu lilire mazuva nomurongo ntano‐nambali.
4Ano mazuva getamu lyendi eyi gana kupwa, makura Josefa ta uyunga nava vembo lyaFarawo asi: “Nsene na gwana nkenda kosipara seni, na mu kanderere, ngano tomu uyungire nge kwaFarawo asi: 5‘Otate kwa ganesa nge asi: Tara, ame tani fu, ano montoko zange ezi na tjokora moKanani, yimo ngo ka horeka nge. Na mu kanderere, ngano kuna sigi nge ni ze ni ka horeke otate. Ngani ka mana, ntani ngani ka tengura.’ ”
6Farawo makura ta tanta asi: “Zende o ka horeke oguhwo moomu va ku ganesa.”
7Josefa makura ta zi a ka horeke oguhwe. Ano vantu vaFarawo navenye novakurona womombara navenye nawo kwa zire nendi. Masimbi nagenye gosirongo saEgipite nago kwa zire nendi, 8nembo nalinye lyaJosefa novakuru vendi nembo lyoguhwe. Ruvharo rwawo rwelike nononzwi dawo nonongombe dawo yelike yiyo va sigire mosirongo saGoseni. 9Ano marukara goyita novarondi wononkambe nawo kwa zire nendi. Sigendo sinene unene sa kere.
10Ano apa va sikire porupare poAtadi, koUpumezuva waJorodana, tava tende mo va lire nomfa. Ano Josefa ta panga asi nomfa va di lire mazuva gatano‐nagavali. 11Vantu womoKanani eyi va zuvha malirankali poAtadi, tava tanta asi: “Ozo ndiliso zoVaegipite.” Evega olyo yipo va li tumbwire asi Abeli‐Misirayimu (kuninka asi ‘Ndiliso zaEgipite’). Alyo kwa kara koUpumezuva waJorodana.
12Vana vendi kwa mu rugene moomu ga va tanterere. 13Vana vendi kwa mu twere kosirongo saKanani. Makura tava ka mu horeka mekombombo lyosipapwira sevhu saMakupera, sipapwira sevhu esi ga rende Abirahamu kwaEfuroni, Muheti, ntoko zoupingwa esi sa hama koUpumezuva waMamure. 14Apa va mene kuhoreka oguhwe, Josefa ta tengura koEgipite, mwene novakuru vendi nava navenye ava va zire nendi va ka horeke guhyawo.
Josefa ta hengagwida vakuru vendi
15Ano vakuru vaJosefa vana kumona asi guhyawo ana fu, tava tanta asi: “Josefa mpange nga tu rugana moomu ava rugana vanyengi, a tu futisire moudona naunye ou twa mu rugana.” 16Yipo nye va tumine mbudi ezi kwaJosefa asi: “Oguhwo kwa tantere nonkango edi awo simpe nokufa si asi: 17‘Ngomu tantere Josefa ngesi asi: Yingasi va dongwenena po vakuru woge epuko nonzo zawo, yeeyi awo kwa ku rugana yoyidona.’ Nye ntaantani, tuna kanderere, dongonona po nzo zetu zovaruganeni vaKarunga goguhwo.” Ano Josefa makura ta lili apa ga zuvhire nonkango dawo odo.
18Ano vakuru vendi tava likatukire ko vene, tava ka ligandera kosipara sendi, tava tanta asi: “Tara, ose tu vapika woge.”
19Nye Josefa ta va limburura asi: “Mwa ha tjira. Ame nyame nani gepevega lyaKarunga? 20Yosili one kwa rugana nge yoyidona, nye Karunga kwa yi gazarera momuwa pokurugana moomu yina kara ntaantani, asi a parure mbunga zonene. 21Nye ntaantani gwa ha mu pwaga! Ame tani mu rere novana veni.” Yimo nye ga va hengagwidire ngoso, makura tadi va dama.
Nomfa daJosefa
22Ano Josefa makura ta kara moEgipite kumwe nembo lyoguhwe. Josefa kwa kere nomwenyo nomumvho efere nonomumvho murongo. 23Ano Josefa ga di mwene nontekuru dokononkokona dautatu daEfurayimi. Novana vaMakira, munwaManase, kwa va hampurukire, age Josefa pweli. 24Josefa makura ta tantere vakuru vendi asi: “Tani fu, nye Karunga nga mu pakera mbili, nga mu guse mo omu mosirongo, nga mu tware kosirongo esi ga tumbwidira oAbirahamu naIsaka naJakopo nomugano.” 25Josefa makura ta ganesa vana vaIsraeli asi: “Nsene Karunga nye nga mu pakera mbili nawa‐nawa, ngomu yi guse mo omu yisupa yange, mu yi piture.” 26Josefa makura ta fu, age ana kara nonomumvho efere nonomumvho murongo. Awo makura tava mu barusema, makura tava mu tura mosikesa moEgipite.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Egwanekerobibeli Lyanamibia 1987, 2003
© Bible Society of Namibia 1987, 2003