Exodus 1
1
Vaisraeli tava va hepeke moEgipite
1Madina aga gana kukwama ko goVaisraeli ava va zire naJakopo koEgipite, nkenye ogu nepata lyendi: 2Rubena naSimiyoni naRevhi naJuda; 3Isasikali naSeburoni naMbenyameni; 4Dana naNafitali naGada naAseli; 5Jakopo kwa kere novantu nomurongo ntano‐nambali. Josefa age ga ka rugwa nare moEgipite. 6Ga pita po mazuva, Josefa novakwawo nava vepupi lyawo navenye tava fu. 7Nye Vaisraeli tava livhara, sivaro sawo tasi nenepa. Vana ya kara sivaro sawo tasi ya dida nye, sirongo nasinye velike.
8MoEgipite makura tamu zi hompa gomupe, ogu ga dilire kudiva Josefa. 9Age kwa tanterere vantu vendi asi: “Enye muna yi diva tupu asi Vaisraeli tava vhuka, awo hena tava tu pitakana mononkondo. 10Tu va gendeni monondunge va dire kuvhuka, neisi ngava hama kononkore detu, apa ngayi katuka yita ngava tu rwise, makura ngava tunde mo mosirongo setu.” 11Awo makura tava tulire mo noforomani dokuvaruganesa yirugana youngamba va si tante. Makura tava tungire Farawo yitata yokupungwira oPitomu naRamusesi. 12Mokuvahepeka Vaisraeli unene, yimo hena mokulivhara kwawo unene va vhuke dogoro Vaegipite tava nyengere mo Vaisraeli. 13Yipo nye va tulilire Vaisraeli moyirugana youngamba. 14Tava keregenya koungamba woyirugana yerova nonodopi noyirugana peke‐peke yomomapya; yirugana yosiupika yomusininiko eyi ngava ruganene Vaegipite.
15Hompa gwaEgipite makura ta tantere vavhadi oSifira naPuva asi: 16“Nsene tomu vhada vakadi woVahebeli, nye eyi ana kuwiza perwarwa nye mugara, dipageni, ano nsene mukadi, tomu mu sigi.” 17Vavhadi ngava tjira Karunga, yiyo va nyokerere kurugana eyi ga pangere hompa gwaEgipite; wovagara ngava va sigi. 18Hompa gwaEgipite makura ta tumine vavhadi ta ya pura asi: “Yinke muna kuyiruganena yokusiga vagara va paruke?”
19Vavhadi tava limburura Farawo asi: “Vakadi woVahebeli kapi va lifana nava vaEgipite, awo vakoli. Simpe muvhadi ga hana kuyasika, age nare ana hampuruka.” 20Ano mbunga yipo nye za livharere zi vhuke unene. Makura Karunga ta ragopeke owo vavhadi. 21Morwa ngava tjira Karunga, yipo nye ga va pererere ruvharo rorunzi. 22Farao yipo nye ga tundire a tantere vantu vendi asi: “Sinene mukeke gomugara vana hampuruka, mu zugumineni moNili, nye gomukadi tomu mu sigi.”
Iliyochaguliwa sasa
Exodus 1: KWN
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Egwanekerobibeli Lyanamibia 1987, 2003
© Bible Society of Namibia 1987, 2003
Exodus 1
1
Vaisraeli tava va hepeke moEgipite
1Madina aga gana kukwama ko goVaisraeli ava va zire naJakopo koEgipite, nkenye ogu nepata lyendi: 2Rubena naSimiyoni naRevhi naJuda; 3Isasikali naSeburoni naMbenyameni; 4Dana naNafitali naGada naAseli; 5Jakopo kwa kere novantu nomurongo ntano‐nambali. Josefa age ga ka rugwa nare moEgipite. 6Ga pita po mazuva, Josefa novakwawo nava vepupi lyawo navenye tava fu. 7Nye Vaisraeli tava livhara, sivaro sawo tasi nenepa. Vana ya kara sivaro sawo tasi ya dida nye, sirongo nasinye velike.
8MoEgipite makura tamu zi hompa gomupe, ogu ga dilire kudiva Josefa. 9Age kwa tanterere vantu vendi asi: “Enye muna yi diva tupu asi Vaisraeli tava vhuka, awo hena tava tu pitakana mononkondo. 10Tu va gendeni monondunge va dire kuvhuka, neisi ngava hama kononkore detu, apa ngayi katuka yita ngava tu rwise, makura ngava tunde mo mosirongo setu.” 11Awo makura tava tulire mo noforomani dokuvaruganesa yirugana youngamba va si tante. Makura tava tungire Farawo yitata yokupungwira oPitomu naRamusesi. 12Mokuvahepeka Vaisraeli unene, yimo hena mokulivhara kwawo unene va vhuke dogoro Vaegipite tava nyengere mo Vaisraeli. 13Yipo nye va tulilire Vaisraeli moyirugana youngamba. 14Tava keregenya koungamba woyirugana yerova nonodopi noyirugana peke‐peke yomomapya; yirugana yosiupika yomusininiko eyi ngava ruganene Vaegipite.
15Hompa gwaEgipite makura ta tantere vavhadi oSifira naPuva asi: 16“Nsene tomu vhada vakadi woVahebeli, nye eyi ana kuwiza perwarwa nye mugara, dipageni, ano nsene mukadi, tomu mu sigi.” 17Vavhadi ngava tjira Karunga, yiyo va nyokerere kurugana eyi ga pangere hompa gwaEgipite; wovagara ngava va sigi. 18Hompa gwaEgipite makura ta tumine vavhadi ta ya pura asi: “Yinke muna kuyiruganena yokusiga vagara va paruke?”
19Vavhadi tava limburura Farawo asi: “Vakadi woVahebeli kapi va lifana nava vaEgipite, awo vakoli. Simpe muvhadi ga hana kuyasika, age nare ana hampuruka.” 20Ano mbunga yipo nye za livharere zi vhuke unene. Makura Karunga ta ragopeke owo vavhadi. 21Morwa ngava tjira Karunga, yipo nye ga va pererere ruvharo rorunzi. 22Farao yipo nye ga tundire a tantere vantu vendi asi: “Sinene mukeke gomugara vana hampuruka, mu zugumineni moNili, nye gomukadi tomu mu sigi.”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Egwanekerobibeli Lyanamibia 1987, 2003
© Bible Society of Namibia 1987, 2003