Genesis 48
48
Jakopo ta swere vana vaJosefa oManase naEfurayimi
1Kutunda poyo tava sansekere Josefa asi: “Oguhwo tava vere.” Age makura ta gusa vana vendi wovagara vavali oManase naEfurayimi a ze nawo. 2Awo tava tantere hena Jakopo asi: “Munoge Josefa ana wiza koge.” Makura Jakopo ta litumbu sidigo ta hingire pouro. 3Jakopo makura ta tantere Josefa asi: “Karunga Munankondo nadinye, kwa monekerere nge poRusu, mosirongo saKanani, yiyo ga tungikire nge. 4Kwa tanterere nge asi: ‘Tara, ame ngani vhukisa ruvharo roge, ngani ku ninke ngo kare nomuhoko dononzi, ame hena ngani gava sirongo esi, ngasi kare sawo narunye.’
5“Ntaantani vana woge wovagara vavali ava wa vharera moEgipite, ame simpe na hana kuwiza koge moEgipite, tava kara vange. OManase naEfurayimi ngava kara vange, ngwendi oRubena naSimiyoni. 6Ava wa vhara konyima zava, owo yiwo ko woge. Awo ngava va tumbwisa moupingwa wawo komadina govakuru vawo. 7Ano apa na tundire koMesopotamiya, Rakera ta fire nge sikatji mosirongo saKanani, ako kananogona ko tu sike koEfurata. Ame makura tani mu horeke konontere donzira ezi zokoEfurata, kuninka asi zaBeterehema.”
8Ano Israeli apa ga mwene vana vaJosefa wovagara, ta pura asi: “Wolye ava?”
9Ano Josefa ta limburura oguhwe asi: “Owo vana vange ava ga pera nge Karunga omu.” Age ta tanta asi: “Ko va reta si oku kwange, ni va swere.” 10Nye meho gaIsraeli ago gana uvire koukurupe, kapi nga vhuru kumona. Ano apa ga va mu reterere, age makura ta va ncumita ta va lidingire. 11Israeli ta tantere Josefa asi: “Kapi na yi gazara asi ngani mona hena sipara soge, nye Karunga ana ninki nge ni pahukire noruvharo roge rooru.” 12Josefa makura ta va gusa po pokatji komaguru goguhwe, makura ta nyongama a tare sipara pevhu.
13Josefa makura ta va gusa navenye vavali, Efurayimi ta mu kwata nokuwoko korulyo, kulivyuka norumoho rwaIsraeli, ano Manase ta mu kwata nokuwoko korumoho ku livyuke norulyo rwaIsraeli, makura ta va reta pepi nendi. 14Israeli ta gonona kuwoko kwendi kokorulyo, ta ku kambeke komutwe gwaEfurayimi, ogu gomunona po, ano kuwoko kwendi kokorumoho komutwe gwaManase. Age kwa pinganesere mawoko gendi, yeeyi Manase yige mbeli ga kere. 15Age ta va swere, ta tanta asi:
“Karunga ogu ngava ruganene
otate Abirahamu naIsaka,
Karunga ogu a rere nge
moukaro wange naunye
dogoro naina ngesi,
16muengeli ogu ga yoworora nge
momaudona nagenye a tungike
vadinkantu ava,
edina lyange ngava li tumbure
kumwe nomadina gawo
namadina gotate oAbirahamu naIsaka,
ngava kure tava vhuka unene
pokatji koyirongo.”
17Josefa eyi ga mona oguhwe vana kambeke kuwoko kwawo korulyo komutwe gwaEfurayimi, makura tayi mu koro; age makura ta ku gusa ko kuwoko koguhwe komutwe gwaEfurayimi, a ku ture komutwe gwaManase. 18Josefa ta tantere oguhwe asi: “Ani hawe tate, kapisi yimo ngoso, yeeyi ogu yige mbeli, yige nomu kambeka komutwe kuwoko kokorulyo.” 19Nye oguhwe tava nyoka, tava tanta asi: “Na yi diva munwange, na yi diva. Nage nga kara gomuhoko, age hena nga tumba. Nye mumbyendi nga mu pitakana moutumbe wendi, ano ruvharo rwendi ngaru vhuka, taru kara nomuhoko dononzi.”
20Apa ga va tungikire mezuva olyo, kwa tente asi:
“Nyove nga tungikisa Israeli,
a tante asi:
‘Karunga ngano ta ku rugana o
fane Efurayimi naManase.’ ”
Yimo nye ngoso ga tulire Efurayimi komeho zaManase. 21Israeli makura ta tantere Josefa asi: “Tara, ame pokufa na kerere. Nye Karunga nga kara pweni, age hena nga mu tengwide kosirongo soguhyeni. 22Ame tani ku pe ko hena evega limwe o pitakane po povakweni, eli na gusa norufuro rwange nouta wange momawoko goVaamoli.”
Iliyochaguliwa sasa
Genesis 48: KWN
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Egwanekerobibeli Lyanamibia 1987, 2003
© Bible Society of Namibia 1987, 2003
Genesis 48
48
Jakopo ta swere vana vaJosefa oManase naEfurayimi
1Kutunda poyo tava sansekere Josefa asi: “Oguhwo tava vere.” Age makura ta gusa vana vendi wovagara vavali oManase naEfurayimi a ze nawo. 2Awo tava tantere hena Jakopo asi: “Munoge Josefa ana wiza koge.” Makura Jakopo ta litumbu sidigo ta hingire pouro. 3Jakopo makura ta tantere Josefa asi: “Karunga Munankondo nadinye, kwa monekerere nge poRusu, mosirongo saKanani, yiyo ga tungikire nge. 4Kwa tanterere nge asi: ‘Tara, ame ngani vhukisa ruvharo roge, ngani ku ninke ngo kare nomuhoko dononzi, ame hena ngani gava sirongo esi, ngasi kare sawo narunye.’
5“Ntaantani vana woge wovagara vavali ava wa vharera moEgipite, ame simpe na hana kuwiza koge moEgipite, tava kara vange. OManase naEfurayimi ngava kara vange, ngwendi oRubena naSimiyoni. 6Ava wa vhara konyima zava, owo yiwo ko woge. Awo ngava va tumbwisa moupingwa wawo komadina govakuru vawo. 7Ano apa na tundire koMesopotamiya, Rakera ta fire nge sikatji mosirongo saKanani, ako kananogona ko tu sike koEfurata. Ame makura tani mu horeke konontere donzira ezi zokoEfurata, kuninka asi zaBeterehema.”
8Ano Israeli apa ga mwene vana vaJosefa wovagara, ta pura asi: “Wolye ava?”
9Ano Josefa ta limburura oguhwe asi: “Owo vana vange ava ga pera nge Karunga omu.” Age ta tanta asi: “Ko va reta si oku kwange, ni va swere.” 10Nye meho gaIsraeli ago gana uvire koukurupe, kapi nga vhuru kumona. Ano apa ga va mu reterere, age makura ta va ncumita ta va lidingire. 11Israeli ta tantere Josefa asi: “Kapi na yi gazara asi ngani mona hena sipara soge, nye Karunga ana ninki nge ni pahukire noruvharo roge rooru.” 12Josefa makura ta va gusa po pokatji komaguru goguhwe, makura ta nyongama a tare sipara pevhu.
13Josefa makura ta va gusa navenye vavali, Efurayimi ta mu kwata nokuwoko korulyo, kulivyuka norumoho rwaIsraeli, ano Manase ta mu kwata nokuwoko korumoho ku livyuke norulyo rwaIsraeli, makura ta va reta pepi nendi. 14Israeli ta gonona kuwoko kwendi kokorulyo, ta ku kambeke komutwe gwaEfurayimi, ogu gomunona po, ano kuwoko kwendi kokorumoho komutwe gwaManase. Age kwa pinganesere mawoko gendi, yeeyi Manase yige mbeli ga kere. 15Age ta va swere, ta tanta asi:
“Karunga ogu ngava ruganene
otate Abirahamu naIsaka,
Karunga ogu a rere nge
moukaro wange naunye
dogoro naina ngesi,
16muengeli ogu ga yoworora nge
momaudona nagenye a tungike
vadinkantu ava,
edina lyange ngava li tumbure
kumwe nomadina gawo
namadina gotate oAbirahamu naIsaka,
ngava kure tava vhuka unene
pokatji koyirongo.”
17Josefa eyi ga mona oguhwe vana kambeke kuwoko kwawo korulyo komutwe gwaEfurayimi, makura tayi mu koro; age makura ta ku gusa ko kuwoko koguhwe komutwe gwaEfurayimi, a ku ture komutwe gwaManase. 18Josefa ta tantere oguhwe asi: “Ani hawe tate, kapisi yimo ngoso, yeeyi ogu yige mbeli, yige nomu kambeka komutwe kuwoko kokorulyo.” 19Nye oguhwe tava nyoka, tava tanta asi: “Na yi diva munwange, na yi diva. Nage nga kara gomuhoko, age hena nga tumba. Nye mumbyendi nga mu pitakana moutumbe wendi, ano ruvharo rwendi ngaru vhuka, taru kara nomuhoko dononzi.”
20Apa ga va tungikire mezuva olyo, kwa tente asi:
“Nyove nga tungikisa Israeli,
a tante asi:
‘Karunga ngano ta ku rugana o
fane Efurayimi naManase.’ ”
Yimo nye ngoso ga tulire Efurayimi komeho zaManase. 21Israeli makura ta tantere Josefa asi: “Tara, ame pokufa na kerere. Nye Karunga nga kara pweni, age hena nga mu tengwide kosirongo soguhyeni. 22Ame tani ku pe ko hena evega limwe o pitakane po povakweni, eli na gusa norufuro rwange nouta wange momawoko goVaamoli.”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Egwanekerobibeli Lyanamibia 1987, 2003
© Bible Society of Namibia 1987, 2003