Genesis 47
47
1Josefa kwa zire kwaFarawo, makura ta ka mu sansekera asi: “Otate novakuru vange, kosirongo saKanani vana tundu ko, vana wiza nononzwi dawo nonongombe dawo neyi va weka nayinye, moveli ntaantani mosirongo saGoseni.” 2Age makura ta gusa po vagara vatano povakuru vendi, ta ka va likida Farawo. 3Farawo makura ta pura vakuru vendi asi: “Yirugana yeni yirugana musinke?” Awo tava limburura Farawo asi:
“Vantu woge vasita, nyose vene nozinyakurwetu.” 4Awo makura tava kwamesa ko hena kutantera Farawo asi: “Ose kuna wiza tanko, tu ya kare vanayirongo omu mosirongo, yeeyi kwina kutupu maliro goyimuna yovantu woge, morwa erumbu mosirongo saKanani edigu. Tuna kanderere, vantu woge ngano to va ninki tupu nye va tunge mosirongo saGoseni.”
5Farawo yipo nye ga uyungire naJosefa asi: “Oguhwo novakuru woge koge vana wiza. 6Sirongo saEgipite soso sina lizata. Ninka oguhwo novakuru woge va ka tunge pevega eli lyewa po mosirongo; awo kuvhura kukatunga mosirongo saGoseni. Nsene poveli vamwe ava va yi kotora yousita, ngano kuvatura va kare vatareli woyimuna yange.”
7Josefa makura ta hwilida mo oguhwe, a ya va likide Farawo. Ano Jakopo makura ta morora Farawo nemororo lyombili. 8Farawo yipo nye ga pulire Jakopo asi: “Nomvhura doge dingapi?” 9Jakopo ta limburura Farawo asi: “Mazuva gougenda wange nomvhura efere limwe nonomurongo ntatu. Mazuva gange gomwenyo manunu, nye geguwo lyenzi, ago kapi ga sika konomvhura domama edi va kere nomwenyo pougenda wawo.” 10Jakopo makura ta swere Farawo neswero lyombili, makura ta tundu ko kwaFarawo. 11Ano Josefa makura ta ka likida Jakopo novakuru vendi mavega gokuhingira, ta va pe hena evhu moEgipite, mevega lyewa po mosirongo, moGoseni, moomu ga yi mu tanterere Farawo. 12Ano Josefa nga rere oguhwe novakuru vendi nembo nalinye lyoguhwe, ta va matwire nondya paapa sa hura sivaro sovakadi noruvharo rwawo.
Epangero lyaJosefa posiruwo serumbu
13Erumbu enene lya kere, mouzuni mudima mwa nu nondya, vantu womoEgipite nomoKanani tazi va pomporora nzara. 14Josefa makura ta kongeda rumaliva oru va pungwilire Vaegipite noVakanani mahangu. Oyo yimaliva makura ta yi twara kombara zaFarawo. 15Ano yimaliva yomoEgipite nomoKanani eyi ya pwa, Vaegipite navenye tava wiza kwaJosefa asi: “Tu pa nondya! Makura tu ku fire nye moyitarameho ndi? Yimaliva yetu yina pu.”
16Josefa ta limburura asi: “Reteni yimuna ni mu pe nondya, nsene asi yimaliva yeni yina pu.” 17Awo makura tava reta yimuna yawo kwaJosefa, gwina ta va pe nondya mononkambe dawo nononzwi noyikombo nonongombe noyindongili yawo. Mvhura ozo age kwa va pere nondya domoyimuna yawo nayinye.
18Mvhura ezi za kweme ko tava wiza kwendi asi: “Kapi tuna hara tu yi ku horeke, tate, yimaliva yetu nayinye ya pwa, ano yimuna yetu koge yina kara. Kutupu hena eyi natu ku pa tate, ntudi marutu getu nomapya getu. 19Makura tu ku fire moyitarameho nomapya getu ga zonauke ndi? Tu randa po nyamwetu nomapya getu yisima. Makura ngatu kare vapika vaFarawo, ano mapya getu ngaga kare gendi. Tu pa mbuto ngatu dire kufa, ano mapya getu ngaga dire kukara mapuku.”
20Josefa kwa randerere Farawo sirongo nasinye saEgipite, ano nkenye Muegipite ta randesa epya lyendi, morwa erumbu enene lya kere. Sirongo mudima tasi kara saFarawo. 21Josefa makura ta paka vantu upika, kutunda oku ga tamekera Egipite dogoro koku ga ka hulira. 22Mukunda govapristeli yigo gwelike ga dilire kuranda. Awo kapi va randesere mapya gawo, yeeyi Farawo yige ga ga va pere va parukire mo. 23Josefa ta tantere vantu asi: “Muna mono, naina ngesi ame kuna mu randere Farawo nyamweni nomapya geni. Mbuto zezi, mu ka kune momapya geni. 24Pokuteza‐teza, tomu gava siutano kwaFarawo. Eyi ngayi hupa po yaamweni, ngayi kare yombuto zeni neyi yokulya kweni momapata geni novana veni.”
25Vena tava limburura asi: “Wa tu popera, hawe madu wa wapeka, tate, ose ngatu kara vapika vaFarawo.” 26Josefa makura ta tura po veta zokuhamena mapya gaEgipite, asi siutano simwe somuzangu tasi kara saFarawo. Nelyezuva veta ozo haza kerera nononkondo dazo. Mapya govapristeli gelike ga dira kukara gaFarawo.
Nzago zaJakopo
27Yimo nye ngoso ga tungire Israeli moEgipite, mosirongo saGoseni. Yiwo va si hingilire, makura tava livharere mo, tava vhukire mo unene. 28Jakopo kwa ka kere mosirongo saEgipite nomvhura murongo nantano‐nambali, kuninka asi nomvhura daJakopo nadinye edi ga kere nomwenyo, efere limwe nonomurongo ne nantano‐nambali. 29Ano mazuva gaIsraeli eyi gana kusika popepi nokufa, makura ta tumine munwendi Josefa va ka mu zigide, makura ta mu tantere asi: “Ame nsene na gwana nkenda momeho goge, hwilida kuwoko koge pokatji komaguru gange, o gane nge asi ngo likida nge eharo noulimburukwi, ngo dire kuhoreka nge moEgipite.
30“Nye ame kuna hara ngani ka rare pomama. Yipo nye ngo gusira nge mo moEgipite, o ka horeke nge montoko zawo.” Age makura ta limburura asi: “Name yimo ngani rugana moomu muna tanta.” 31Israeli yipo ga tente asi: “Ko gana nge si.” Age makura ta mu gana. Israeli makura ta tongamene korwamutwe gouro.
Iliyochaguliwa sasa
Genesis 47: KWN
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Egwanekerobibeli Lyanamibia 1987, 2003
© Bible Society of Namibia 1987, 2003
Genesis 47
47
1Josefa kwa zire kwaFarawo, makura ta ka mu sansekera asi: “Otate novakuru vange, kosirongo saKanani vana tundu ko, vana wiza nononzwi dawo nonongombe dawo neyi va weka nayinye, moveli ntaantani mosirongo saGoseni.” 2Age makura ta gusa po vagara vatano povakuru vendi, ta ka va likida Farawo. 3Farawo makura ta pura vakuru vendi asi: “Yirugana yeni yirugana musinke?” Awo tava limburura Farawo asi:
“Vantu woge vasita, nyose vene nozinyakurwetu.” 4Awo makura tava kwamesa ko hena kutantera Farawo asi: “Ose kuna wiza tanko, tu ya kare vanayirongo omu mosirongo, yeeyi kwina kutupu maliro goyimuna yovantu woge, morwa erumbu mosirongo saKanani edigu. Tuna kanderere, vantu woge ngano to va ninki tupu nye va tunge mosirongo saGoseni.”
5Farawo yipo nye ga uyungire naJosefa asi: “Oguhwo novakuru woge koge vana wiza. 6Sirongo saEgipite soso sina lizata. Ninka oguhwo novakuru woge va ka tunge pevega eli lyewa po mosirongo; awo kuvhura kukatunga mosirongo saGoseni. Nsene poveli vamwe ava va yi kotora yousita, ngano kuvatura va kare vatareli woyimuna yange.”
7Josefa makura ta hwilida mo oguhwe, a ya va likide Farawo. Ano Jakopo makura ta morora Farawo nemororo lyombili. 8Farawo yipo nye ga pulire Jakopo asi: “Nomvhura doge dingapi?” 9Jakopo ta limburura Farawo asi: “Mazuva gougenda wange nomvhura efere limwe nonomurongo ntatu. Mazuva gange gomwenyo manunu, nye geguwo lyenzi, ago kapi ga sika konomvhura domama edi va kere nomwenyo pougenda wawo.” 10Jakopo makura ta swere Farawo neswero lyombili, makura ta tundu ko kwaFarawo. 11Ano Josefa makura ta ka likida Jakopo novakuru vendi mavega gokuhingira, ta va pe hena evhu moEgipite, mevega lyewa po mosirongo, moGoseni, moomu ga yi mu tanterere Farawo. 12Ano Josefa nga rere oguhwe novakuru vendi nembo nalinye lyoguhwe, ta va matwire nondya paapa sa hura sivaro sovakadi noruvharo rwawo.
Epangero lyaJosefa posiruwo serumbu
13Erumbu enene lya kere, mouzuni mudima mwa nu nondya, vantu womoEgipite nomoKanani tazi va pomporora nzara. 14Josefa makura ta kongeda rumaliva oru va pungwilire Vaegipite noVakanani mahangu. Oyo yimaliva makura ta yi twara kombara zaFarawo. 15Ano yimaliva yomoEgipite nomoKanani eyi ya pwa, Vaegipite navenye tava wiza kwaJosefa asi: “Tu pa nondya! Makura tu ku fire nye moyitarameho ndi? Yimaliva yetu yina pu.”
16Josefa ta limburura asi: “Reteni yimuna ni mu pe nondya, nsene asi yimaliva yeni yina pu.” 17Awo makura tava reta yimuna yawo kwaJosefa, gwina ta va pe nondya mononkambe dawo nononzwi noyikombo nonongombe noyindongili yawo. Mvhura ozo age kwa va pere nondya domoyimuna yawo nayinye.
18Mvhura ezi za kweme ko tava wiza kwendi asi: “Kapi tuna hara tu yi ku horeke, tate, yimaliva yetu nayinye ya pwa, ano yimuna yetu koge yina kara. Kutupu hena eyi natu ku pa tate, ntudi marutu getu nomapya getu. 19Makura tu ku fire moyitarameho nomapya getu ga zonauke ndi? Tu randa po nyamwetu nomapya getu yisima. Makura ngatu kare vapika vaFarawo, ano mapya getu ngaga kare gendi. Tu pa mbuto ngatu dire kufa, ano mapya getu ngaga dire kukara mapuku.”
20Josefa kwa randerere Farawo sirongo nasinye saEgipite, ano nkenye Muegipite ta randesa epya lyendi, morwa erumbu enene lya kere. Sirongo mudima tasi kara saFarawo. 21Josefa makura ta paka vantu upika, kutunda oku ga tamekera Egipite dogoro koku ga ka hulira. 22Mukunda govapristeli yigo gwelike ga dilire kuranda. Awo kapi va randesere mapya gawo, yeeyi Farawo yige ga ga va pere va parukire mo. 23Josefa ta tantere vantu asi: “Muna mono, naina ngesi ame kuna mu randere Farawo nyamweni nomapya geni. Mbuto zezi, mu ka kune momapya geni. 24Pokuteza‐teza, tomu gava siutano kwaFarawo. Eyi ngayi hupa po yaamweni, ngayi kare yombuto zeni neyi yokulya kweni momapata geni novana veni.”
25Vena tava limburura asi: “Wa tu popera, hawe madu wa wapeka, tate, ose ngatu kara vapika vaFarawo.” 26Josefa makura ta tura po veta zokuhamena mapya gaEgipite, asi siutano simwe somuzangu tasi kara saFarawo. Nelyezuva veta ozo haza kerera nononkondo dazo. Mapya govapristeli gelike ga dira kukara gaFarawo.
Nzago zaJakopo
27Yimo nye ngoso ga tungire Israeli moEgipite, mosirongo saGoseni. Yiwo va si hingilire, makura tava livharere mo, tava vhukire mo unene. 28Jakopo kwa ka kere mosirongo saEgipite nomvhura murongo nantano‐nambali, kuninka asi nomvhura daJakopo nadinye edi ga kere nomwenyo, efere limwe nonomurongo ne nantano‐nambali. 29Ano mazuva gaIsraeli eyi gana kusika popepi nokufa, makura ta tumine munwendi Josefa va ka mu zigide, makura ta mu tantere asi: “Ame nsene na gwana nkenda momeho goge, hwilida kuwoko koge pokatji komaguru gange, o gane nge asi ngo likida nge eharo noulimburukwi, ngo dire kuhoreka nge moEgipite.
30“Nye ame kuna hara ngani ka rare pomama. Yipo nye ngo gusira nge mo moEgipite, o ka horeke nge montoko zawo.” Age makura ta limburura asi: “Name yimo ngani rugana moomu muna tanta.” 31Israeli yipo ga tente asi: “Ko gana nge si.” Age makura ta mu gana. Israeli makura ta tongamene korwamutwe gouro.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Egwanekerobibeli Lyanamibia 1987, 2003
© Bible Society of Namibia 1987, 2003