Genesis 45
45
Josefa ta lihorora
1Yipo nye ya mu vhulire Josefa kugukwata mutjima komeho zanavenye ava va sikeme pwendi. Makura ta zigire asi: “Ninkeni, navenye vapeke va tunde po pwange!” Makura nagumwe si gwapeke hena ga sikeme po pwaJosefa, apa ga lihorwere kovakwawo. 2Makura ta vareke kulira, dogoro Vaegipite nembo lyaFarawo tali mu zuvhu. 3Josefa makura ta tantere vakuru vendi namumbyendi asi: “Nyame Josefa! Nani otate simpe vazuni.” Nye vakuru vendi namumbyendi ya va vhulire kumulimburura, yeeyi gwa va pwagere unene kosipara sendi. 4Ga ninka Josefa ta tantere hena vakuru vendi namumbyendi asi: “Hedeni tupu oku kwange.” Ano vana kumuhedera, makura ta va tantere asi: “Nyame mumbyeneni Josefa, ogu mwa randesere koEgipite. 5Nye ntaantani mwa ha guva, ndi mu lihandukire nyamweni asi mwa randesa nge oku. Yeeyi Karunga kwa hova kutuma nge oku asi nomwenyo deni ngadi paruke. 6Yeeyi ntaantani erumbu nomvhura mbali nye lina kara mosirongo, ano simpe kodili nomvhura ntano edi ngava dira kupurura ndi kuzangura. 7Nye Karunga kwa hova kutuma nge komeho zeni asi ngaku hupe matumbwidiso geni kontunda zevhu, none mu paruke, ano wovanzi ngava kerere po mwarweni. 8Kapisi nyone mwa tuma nge ko oku, nye Karunga. Age yiyo ga tumba nge urenga kwaFarawo nomupangi gembo lyendi nalinye nomupangeli gosirongo saEgipite nasinye.
9“Zendeni usimbu kotate, ngomu ka va tantere asi, munoge Josefa kwa tanta asi: ‘Karunga kwa paka nge, ni kare mupangeli gosirongo saEgipite nasinye. Wiza kwange, wa ha likata‐kata. 10Nkumwe ngo ya tunge mosirongo saGoseni, ngo ya kare pepi name, nyamoge novana woge novatekuru woge nononzwi nonongombe doge neyi wa weka nayinye. 11Nyamwange ngani ya ku rera, yeeyi simpe kodili nomvhura ntano derumbu, neisi ngo hepa, nyamoge nepata lyoge neyi ya ku hama nayinye.’
12“Tareni si, amesi meho geni kuna kuyimona, nomeho gamumbyange Mbenyameni, asi nyamwange nina kuuyunga neni. 13Ngomu ka va tantere otate kombinga zefumano lyange omu moEgipite, nokombinga zeyi nayinye muna kumona, ngomu ka genderere ko kukavareta oku.”
14Age makura ta lidingire mumbyendi Mbenyameni monsingo, makura ta lili, ano Mbenyameni nage ta lilire monsingo zendi. 15Age makura ta ncumita vakuru vendi navenye oku tava lilire mononsingo. Konyima ntani nye vana kuuyunga nendi vakuru vendi namumbyendi.
16Ano apa za zuvhikire ozo mbudi membo lyaFarawo asi vakuru vaJosefa namumbyendi vana wiza, oFarawo novantu vendi kwa yi haferere. 17Farawo makura ta uyunga naJosefa asi: “Tantera vakuru woge asi: ‘Ninkeni mu kutire nonkutira deni, mu ze kosirongo saKanani, kembo lyeni, 18mu ka rete guhyeni nomapata geni, mu wize kwange. Makura ngani mu pa yoyiwa yomoEgipite, one ngomu lye yewogo lyosirongo.’ 19Yimo ngo va tantera asi: ‘Va rugane ngesi: Tomu ligusire matemba gokukapereka vana veni novakadi veni, makura ngomu ka hare guhyeni mu wize. 20Mwa ha guva morwa yininke yeni yekembo, yeeyi eyi ya wapera mo mosirongo saEgipite nazinye, yiyo yeni ngayi kara.’ ”
21Vana vaIsraeli yimo va rugana, ano Josefa ga va pere matemba moomu ga tente Farawo nonkuta zomonzira. 22Age makura ta va pe nkenye ogu sikoverero sosipe. Nye Mbenyameni ta mu pe yimaliva yomuwaya‐waya yosisiliveli mafere gatatu noyikoverero yitano yoyipe. 23Ano oguhwe ta va tumine yindongi murongo eyi vana pereke yininke yoyiwa po yomoEgipite noyindongi hena yoyikadi murongo eyi vana pereke nombuto nonomboroto nonondya doguhwe donkuta. 24Yipo nye ga ninkire vakuru vendi namumbyendi asi va ze, awo makura tava ka za. Ano age ta va tantere asi: “Nokulitangwisa si monzira.”
25Awo makura tava tundu mo moEgipite, tava ka sika kosirongo saKanani kwaguhyawo Jakopo. 26Ano apa va mu sansekerere asi: “Josefa simpe muzuni, yige ana kara mupangeli gosirongo nasinye saEgipite!” Mwenyo gwendi kuna kukarara, yeeyi kapi ga yi pulire.
27Nye apa va mu divisilire nonkango nadinye edi ga uyungire Josefa, makura a mone hena matemba aga ga tumine Josefa asi ga ya mu pereke, makura mwenyo gwaJakopo, guhyawo, tagu zi mo. 28Israeli makura ta tanta asi: “Makura nye! Munwange Josefa simpe nomwenyo gwendi! Tani zi ni ka mu tare paapa na kuhesera.”
Iliyochaguliwa sasa
Genesis 45: KWN
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Egwanekerobibeli Lyanamibia 1987, 2003
© Bible Society of Namibia 1987, 2003
Genesis 45
45
Josefa ta lihorora
1Yipo nye ya mu vhulire Josefa kugukwata mutjima komeho zanavenye ava va sikeme pwendi. Makura ta zigire asi: “Ninkeni, navenye vapeke va tunde po pwange!” Makura nagumwe si gwapeke hena ga sikeme po pwaJosefa, apa ga lihorwere kovakwawo. 2Makura ta vareke kulira, dogoro Vaegipite nembo lyaFarawo tali mu zuvhu. 3Josefa makura ta tantere vakuru vendi namumbyendi asi: “Nyame Josefa! Nani otate simpe vazuni.” Nye vakuru vendi namumbyendi ya va vhulire kumulimburura, yeeyi gwa va pwagere unene kosipara sendi. 4Ga ninka Josefa ta tantere hena vakuru vendi namumbyendi asi: “Hedeni tupu oku kwange.” Ano vana kumuhedera, makura ta va tantere asi: “Nyame mumbyeneni Josefa, ogu mwa randesere koEgipite. 5Nye ntaantani mwa ha guva, ndi mu lihandukire nyamweni asi mwa randesa nge oku. Yeeyi Karunga kwa hova kutuma nge oku asi nomwenyo deni ngadi paruke. 6Yeeyi ntaantani erumbu nomvhura mbali nye lina kara mosirongo, ano simpe kodili nomvhura ntano edi ngava dira kupurura ndi kuzangura. 7Nye Karunga kwa hova kutuma nge komeho zeni asi ngaku hupe matumbwidiso geni kontunda zevhu, none mu paruke, ano wovanzi ngava kerere po mwarweni. 8Kapisi nyone mwa tuma nge ko oku, nye Karunga. Age yiyo ga tumba nge urenga kwaFarawo nomupangi gembo lyendi nalinye nomupangeli gosirongo saEgipite nasinye.
9“Zendeni usimbu kotate, ngomu ka va tantere asi, munoge Josefa kwa tanta asi: ‘Karunga kwa paka nge, ni kare mupangeli gosirongo saEgipite nasinye. Wiza kwange, wa ha likata‐kata. 10Nkumwe ngo ya tunge mosirongo saGoseni, ngo ya kare pepi name, nyamoge novana woge novatekuru woge nononzwi nonongombe doge neyi wa weka nayinye. 11Nyamwange ngani ya ku rera, yeeyi simpe kodili nomvhura ntano derumbu, neisi ngo hepa, nyamoge nepata lyoge neyi ya ku hama nayinye.’
12“Tareni si, amesi meho geni kuna kuyimona, nomeho gamumbyange Mbenyameni, asi nyamwange nina kuuyunga neni. 13Ngomu ka va tantere otate kombinga zefumano lyange omu moEgipite, nokombinga zeyi nayinye muna kumona, ngomu ka genderere ko kukavareta oku.”
14Age makura ta lidingire mumbyendi Mbenyameni monsingo, makura ta lili, ano Mbenyameni nage ta lilire monsingo zendi. 15Age makura ta ncumita vakuru vendi navenye oku tava lilire mononsingo. Konyima ntani nye vana kuuyunga nendi vakuru vendi namumbyendi.
16Ano apa za zuvhikire ozo mbudi membo lyaFarawo asi vakuru vaJosefa namumbyendi vana wiza, oFarawo novantu vendi kwa yi haferere. 17Farawo makura ta uyunga naJosefa asi: “Tantera vakuru woge asi: ‘Ninkeni mu kutire nonkutira deni, mu ze kosirongo saKanani, kembo lyeni, 18mu ka rete guhyeni nomapata geni, mu wize kwange. Makura ngani mu pa yoyiwa yomoEgipite, one ngomu lye yewogo lyosirongo.’ 19Yimo ngo va tantera asi: ‘Va rugane ngesi: Tomu ligusire matemba gokukapereka vana veni novakadi veni, makura ngomu ka hare guhyeni mu wize. 20Mwa ha guva morwa yininke yeni yekembo, yeeyi eyi ya wapera mo mosirongo saEgipite nazinye, yiyo yeni ngayi kara.’ ”
21Vana vaIsraeli yimo va rugana, ano Josefa ga va pere matemba moomu ga tente Farawo nonkuta zomonzira. 22Age makura ta va pe nkenye ogu sikoverero sosipe. Nye Mbenyameni ta mu pe yimaliva yomuwaya‐waya yosisiliveli mafere gatatu noyikoverero yitano yoyipe. 23Ano oguhwe ta va tumine yindongi murongo eyi vana pereke yininke yoyiwa po yomoEgipite noyindongi hena yoyikadi murongo eyi vana pereke nombuto nonomboroto nonondya doguhwe donkuta. 24Yipo nye ga ninkire vakuru vendi namumbyendi asi va ze, awo makura tava ka za. Ano age ta va tantere asi: “Nokulitangwisa si monzira.”
25Awo makura tava tundu mo moEgipite, tava ka sika kosirongo saKanani kwaguhyawo Jakopo. 26Ano apa va mu sansekerere asi: “Josefa simpe muzuni, yige ana kara mupangeli gosirongo nasinye saEgipite!” Mwenyo gwendi kuna kukarara, yeeyi kapi ga yi pulire.
27Nye apa va mu divisilire nonkango nadinye edi ga uyungire Josefa, makura a mone hena matemba aga ga tumine Josefa asi ga ya mu pereke, makura mwenyo gwaJakopo, guhyawo, tagu zi mo. 28Israeli makura ta tanta asi: “Makura nye! Munwange Josefa simpe nomwenyo gwendi! Tani zi ni ka mu tare paapa na kuhesera.”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Egwanekerobibeli Lyanamibia 1987, 2003
© Bible Society of Namibia 1987, 2003