Genesis 44
44
Josefa ta heteke vakuru vendi namumbyendi
1Josefa yiyo ga tanterere erenga lyembo lyendi asi: “Ka zwide nonsako dava vagara nondya paapa va hulira kupereka, makura yimaliva yawo o yi tengwidire mononsako dawo. 2Ano nkinda zange zosisiliveli nkumwe o ka zi ture monsako zomunona po kumwe noyimaliva yendi yondando zonondya.” Ano age nage yimo ga rugane moomu ga mu tanterere Josefa. 3Ngurangura muna kuzera mwina, owo vagara makura tava va ninki va ze kumwe noyindongi yawo. 4Kwa pwege mo tupu mositata, kapi va zire ure, konyima zawo oku Josefa ta tantere erenga lyembo lyendi asi: “Liwapaika usimbu, o va konke vena vagara. Nsene no ka va gwana, ka va pure asi: ‘Uwa yinke muna u sintire udona? 5Yinke muna vakere nkinda zange zosisiliveli? Kapisi yiso sininke esi a nwine hekurwange, aso hena yiso a zanekedesa nkenye apa? Yininke eyi muna rugana yidona, kapi muna rugana nawa.’ ”
6Ano apa ga ka va gwene, makura ta ka va tantera nonkango odo. 7Awo makura tava mu limburura asi: “Yinke ana kuuyungira nonkango dangoso, hompa gwetu? Ndangose, kuyirugana ose vantu woge oyo! 8Ko tara si, sipona yimaliva eyi twa gwene mononsako detu, amesi twa ka yi gusa ko koKanani, tu yi tengwide, ngorodo ndi sisiliveli yiyo nye natu vhura kuvaka monzugo zahekuroge ndi? 9Nkenye ogu pwava vantu woge ogu nava zi gwana, a fe. Ose nose ngatu kare vapika vahompa gwetu.” 10Age makura ta tanta asi: “Hawe, yiwa, moomu muna yi tanta yimo ngayi kara. Googu nava zi gwana, yige mupika gwange nga kara. One vamwe ko tani mu sigi.” 11Yipo nye va ninkire, nkenye ogu ta tura nsako zendi pevhu, ta zi ditura. 12Age makura ta papara. Age kwa tamekere komukurona dogoro ta ka hutura kogu gomunona. Hawe, nkinda ga ka zi gwana monsako zaMbenyameni. 13Awo makura tava taura yikoverero yawo, nkenye ogu ta rondeke murongero gwendi kosindongi sendi, makura tava tengura kositata.
14Ano Juda novakwawo makura tava zi monzugo zaJosefa, age simpe mweli. Awo makura tava liganda pevhu kosipara sendi. 15Josefa makura ta va tantere asi: “Yininke musinke nye eyi muna rugana? Nani one nokuyidiva si asi, mugara ngame, eyi ya horama nokupuka nge si.”
16Juda makura ta limburura asi: “Yinke eyi natu tanta, hompa gwetu? Yinke eyi natu vhura kuuyunga? Neyi natu lipoperesa yinke? Karunga ana mono udona wovantu woge. Tara, ose nogu vana zi gwana nkinda, natuvenye vapika vahompa gwetu.”
17Nye age ta tanta asi: “Li humbuke olyo! Googu mugara vana zi gwana nkinda, yige na kara mupika gwange. Nye one zendeni nombili zeni kwaguhyeni.”
Juda ta likwambererere Mbenyameni
18Juda makura ta mu hedere, ta tanta asi: “Ani hompa gwange, ko purakene si tanko, muntu goge a uyunge mo nkango, ove hena wa ha sigilira ehandu lyoge li hwamene momuntu goge, yeeyi ove kwa hetakana naFarawo. 19Hompa gwange kwa pulire vantu vendi asi: ‘Guhyeni pweli? Namumbyeneni mwa kara ndi?’ 20Ose makura tatu ku limburura, hompa gwetu, asi: ‘Twa kara naguhyetu gokukurupa namumbyetetu gomumati ogu ga vhara moukurupe wendi, nye nomvhura dendi simpe nonsesu. Ano mukurwendi ga fa, age gelike ga hupa po mezimo lyozina, ano guhwe kwa mu hara.’ 21Yipo nye wa tanterere vantu woge asi: ‘Ngomu ka mu retere nge si, ngani ya mu tare.’ 22Ose twa limbwilire hompa gwetu asi: ‘Mudinkantu kapi nga vhura kusiga oguhwe, ngano tava fu.’ 23Nye ove wa tanterere vantu woge asi: ‘Mumbyeneni nsene a dira kuwiza oku kwange kumwe none, none si nokuhorokera ko si hena kosipara sange.’
24“Ose makura tatu tengura kembo kwaguhyetu, muntu goge, yiyo twa ka mu sansekera nonkango dahekurwetu. 25Guhyetu makura ta tu tantere asi: ‘Katukeni, mu ka tu randere hena nondya.’ 26Ose yiyo twa tanta asi: ‘Ose nokuvhura si kuza ko. Ntudi mumbyetetu ntene a za kumwe nose, tatu zi ko. Yeeyi ose nokuvhura si kuhoroka kosipara somugara ogo, mumbyetetu nsene a pira po.’ 27Ano muntu goge, otate, kwa tu tantera asi: ‘Amesi mwa yi diva asi, mukadange vavali tupu ga hampurukira nge. 28Gumwe po yiyo ga tunda po pwange, ame yiyo na tente asi, yosili ana likana, hawe, ana likana. Nyame ogu nelyezuva kapi na mu mona. 29Ano nsene asi nagoogu tomu mu gusa nge, nye si ka mu gwane simpagwa, ngano ngani guva dogoro ngani lifira moukurupe wange wonomvhi to!’
30“Ano nsene ni za komuntu goge, otate, nye ogu mumati patupu pwetu, age nye gogwina ga mu tokomena ngosina, 31ngano nga fa, nsene a mona asi mumati patupu. Ano ose vantu woge ngano ngatu mu guvisa dogoro ta fu moukurupe wonomvhi to. 32Yeeyi ame, muntu goge, nyame na zi mo nye mevega lyotate lyokuhamena munona kosipara sawo, morwa kwa tantere asi: ‘Nsene kapi ngani ka mu tengwida, ngani kara munzoni kosipara sotate moukaro wange naunye.’ 33Siga nge nye ame muntu goge, ni kare mupika mevega lyogu mumati, age o mu sige a ze novakuru vendi. 34Yeeyi nomusi omu nani za kotate, age mumati kutupu kwange. Yina vhuru nge kukatara ruhepo rorunene oru ngaru gwana otate.”
Iliyochaguliwa sasa
Genesis 44: KWN
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Egwanekerobibeli Lyanamibia 1987, 2003
© Bible Society of Namibia 1987, 2003
Genesis 44
44
Josefa ta heteke vakuru vendi namumbyendi
1Josefa yiyo ga tanterere erenga lyembo lyendi asi: “Ka zwide nonsako dava vagara nondya paapa va hulira kupereka, makura yimaliva yawo o yi tengwidire mononsako dawo. 2Ano nkinda zange zosisiliveli nkumwe o ka zi ture monsako zomunona po kumwe noyimaliva yendi yondando zonondya.” Ano age nage yimo ga rugane moomu ga mu tanterere Josefa. 3Ngurangura muna kuzera mwina, owo vagara makura tava va ninki va ze kumwe noyindongi yawo. 4Kwa pwege mo tupu mositata, kapi va zire ure, konyima zawo oku Josefa ta tantere erenga lyembo lyendi asi: “Liwapaika usimbu, o va konke vena vagara. Nsene no ka va gwana, ka va pure asi: ‘Uwa yinke muna u sintire udona? 5Yinke muna vakere nkinda zange zosisiliveli? Kapisi yiso sininke esi a nwine hekurwange, aso hena yiso a zanekedesa nkenye apa? Yininke eyi muna rugana yidona, kapi muna rugana nawa.’ ”
6Ano apa ga ka va gwene, makura ta ka va tantera nonkango odo. 7Awo makura tava mu limburura asi: “Yinke ana kuuyungira nonkango dangoso, hompa gwetu? Ndangose, kuyirugana ose vantu woge oyo! 8Ko tara si, sipona yimaliva eyi twa gwene mononsako detu, amesi twa ka yi gusa ko koKanani, tu yi tengwide, ngorodo ndi sisiliveli yiyo nye natu vhura kuvaka monzugo zahekuroge ndi? 9Nkenye ogu pwava vantu woge ogu nava zi gwana, a fe. Ose nose ngatu kare vapika vahompa gwetu.” 10Age makura ta tanta asi: “Hawe, yiwa, moomu muna yi tanta yimo ngayi kara. Googu nava zi gwana, yige mupika gwange nga kara. One vamwe ko tani mu sigi.” 11Yipo nye va ninkire, nkenye ogu ta tura nsako zendi pevhu, ta zi ditura. 12Age makura ta papara. Age kwa tamekere komukurona dogoro ta ka hutura kogu gomunona. Hawe, nkinda ga ka zi gwana monsako zaMbenyameni. 13Awo makura tava taura yikoverero yawo, nkenye ogu ta rondeke murongero gwendi kosindongi sendi, makura tava tengura kositata.
14Ano Juda novakwawo makura tava zi monzugo zaJosefa, age simpe mweli. Awo makura tava liganda pevhu kosipara sendi. 15Josefa makura ta va tantere asi: “Yininke musinke nye eyi muna rugana? Nani one nokuyidiva si asi, mugara ngame, eyi ya horama nokupuka nge si.”
16Juda makura ta limburura asi: “Yinke eyi natu tanta, hompa gwetu? Yinke eyi natu vhura kuuyunga? Neyi natu lipoperesa yinke? Karunga ana mono udona wovantu woge. Tara, ose nogu vana zi gwana nkinda, natuvenye vapika vahompa gwetu.”
17Nye age ta tanta asi: “Li humbuke olyo! Googu mugara vana zi gwana nkinda, yige na kara mupika gwange. Nye one zendeni nombili zeni kwaguhyeni.”
Juda ta likwambererere Mbenyameni
18Juda makura ta mu hedere, ta tanta asi: “Ani hompa gwange, ko purakene si tanko, muntu goge a uyunge mo nkango, ove hena wa ha sigilira ehandu lyoge li hwamene momuntu goge, yeeyi ove kwa hetakana naFarawo. 19Hompa gwange kwa pulire vantu vendi asi: ‘Guhyeni pweli? Namumbyeneni mwa kara ndi?’ 20Ose makura tatu ku limburura, hompa gwetu, asi: ‘Twa kara naguhyetu gokukurupa namumbyetetu gomumati ogu ga vhara moukurupe wendi, nye nomvhura dendi simpe nonsesu. Ano mukurwendi ga fa, age gelike ga hupa po mezimo lyozina, ano guhwe kwa mu hara.’ 21Yipo nye wa tanterere vantu woge asi: ‘Ngomu ka mu retere nge si, ngani ya mu tare.’ 22Ose twa limbwilire hompa gwetu asi: ‘Mudinkantu kapi nga vhura kusiga oguhwe, ngano tava fu.’ 23Nye ove wa tanterere vantu woge asi: ‘Mumbyeneni nsene a dira kuwiza oku kwange kumwe none, none si nokuhorokera ko si hena kosipara sange.’
24“Ose makura tatu tengura kembo kwaguhyetu, muntu goge, yiyo twa ka mu sansekera nonkango dahekurwetu. 25Guhyetu makura ta tu tantere asi: ‘Katukeni, mu ka tu randere hena nondya.’ 26Ose yiyo twa tanta asi: ‘Ose nokuvhura si kuza ko. Ntudi mumbyetetu ntene a za kumwe nose, tatu zi ko. Yeeyi ose nokuvhura si kuhoroka kosipara somugara ogo, mumbyetetu nsene a pira po.’ 27Ano muntu goge, otate, kwa tu tantera asi: ‘Amesi mwa yi diva asi, mukadange vavali tupu ga hampurukira nge. 28Gumwe po yiyo ga tunda po pwange, ame yiyo na tente asi, yosili ana likana, hawe, ana likana. Nyame ogu nelyezuva kapi na mu mona. 29Ano nsene asi nagoogu tomu mu gusa nge, nye si ka mu gwane simpagwa, ngano ngani guva dogoro ngani lifira moukurupe wange wonomvhi to!’
30“Ano nsene ni za komuntu goge, otate, nye ogu mumati patupu pwetu, age nye gogwina ga mu tokomena ngosina, 31ngano nga fa, nsene a mona asi mumati patupu. Ano ose vantu woge ngano ngatu mu guvisa dogoro ta fu moukurupe wonomvhi to. 32Yeeyi ame, muntu goge, nyame na zi mo nye mevega lyotate lyokuhamena munona kosipara sawo, morwa kwa tantere asi: ‘Nsene kapi ngani ka mu tengwida, ngani kara munzoni kosipara sotate moukaro wange naunye.’ 33Siga nge nye ame muntu goge, ni kare mupika mevega lyogu mumati, age o mu sige a ze novakuru vendi. 34Yeeyi nomusi omu nani za kotate, age mumati kutupu kwange. Yina vhuru nge kukatara ruhepo rorunene oru ngaru gwana otate.”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Egwanekerobibeli Lyanamibia 1987, 2003
© Bible Society of Namibia 1987, 2003