Psalms 4
4
1အကျွန်ုပ်အား ဖြောင့်မတ်စေတော်မူသော ဘုရားရှင်၊ အကျွန်ုပ်ခေါ်သောအခါ အကျွန်ုပ်အား ထူးတော်ပါ။ အကျွန်ုပ် ဆင်းရဲဒုက္ခထဲသို့ ရောက်သည့်အခါ ကိုယ်တော်သည် အကျွန်ုပ်အား ကူညီမစ၍ ချမ်းသာပေးတော်မူခဲ့ပါသည်။ ယခုအခါ၌လည်း အကျွန်ုပ်အား သနားကရုဏာထားတော်မူ၍ အကျွန်ုပ်၏ ဆုတောင်းခြင်းအား နားထောင်တော်မူပါ။ 2အသင်လူသားတို့၊ သင်တို့သည် ငါ၏ဘုန်းအသရေအား မည်မျှကြာအောင် ရှုတ်ချကြမည်နည်း။ မည်သည့်အချိန်အထိ အကျိုးမဲ့၍ အချည်းနှီးဖြစ်သည့်အရာအား နှစ်သက်ကြပြီး လိမ်လည်ခြင်းအား လိုက်လံရှာဖွေနေကြသနည်း။ 3ဘုရားရှင်သည် မိမိ၏အတွက် သူတော်ကောင်းအား ရွေးချယ်ထားတော်၍ သီးသန့်ခွဲထားတော်မူကြောင်းအား သိမှတ်ကြလော့။ ဘုရားရှင်သည် ငါခေါ်သောအခါ ကိုယ်တော်သည် နားထောင်တော်မူ။ 4သင်တို့သည် အမျက်ဒေါသထွက်ကြသော်လည်း အပြစ်ဒုစရိုက်ကို မပြုကြနှင့်။ သင်တို့၏ အိပ်ရာပေါ်တွင် သင်တို့စိတ်နှလုံး၌ စဉ်စားဆင်ခြင်လျက် တိတ်ဆိတ်စွာနေကြလော့။ 5ဖြောင့်မတ်ခြင်း ပူဇော်သက္ကာများအား ပူဇော်၍ ဘုရားရှင်အား ယုံကြည်အားကိုးကြလော့။ 6များစွာသောသူတို့က "ကောင်းမြတ်သည့်အရာကို ငါတို့အား မည်သူက ပြနိုင်ပါမည်နည်း" ဟုပြောဆိုကြကြပါ၏။ အို ဘုရားရှင်၊ ကိုယ်တော်၏ မျက်နှာတော်မှ အလင်းအား ကျွန်ုပ်တို့အပေါ်တွင် ထွန်းလင်စေတော်မူပါ။ 7အကျွန်၏ စိတ်နှလုံးထဲ ကိုယ်တော်ပေးတော်မူသော ဝမ်းမြောက်ခြင်းသည် သူတို့ထံတွင် ကောက်ပဲသီးနှံနှင့် စပျစ်ဝိုင်အသ်စ်များ ပေါများစွာရှိသောအချိန်၌ သူတို့ထံတွင်ရှိသည့် ဝမ်းမြောက်ခြင်းထက် သာလွန်ပါ၏။ 8အကျွန်ုပ်သည် ငြိမ်းချမ်းစွာ လဲလျောင်း၍ အိပ်စက်ပါမည်။ အကြောင်းမူကား အို ဘုရားရှင်၊ ကိုယ်တော်တစ်ပါးတည်းသာလျှင် အကျွန်ုပ်အား ဘေးကင်းလုံခြုံစွာ နေထိုင်ရသောအခွင့်အား ပေးတော်မူပါ၏။
Iliyochaguliwa sasa
Psalms 4: TPV-RV
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.