Ubwandilo 36
36
Abaluko ulwa Esabu
(1 Imb. 1.34-37)
1Aba bo abaluko aba Esabu, sona yuyo akitiziwanga ukuti Edomu. 2#Ubw. 26.34U Esabu akasenda abakolo aba mu Kenani aba: U Ada umwana uwa Eloni, umu Hiti nu Oholibama umwana uwa Ana, umwizukulu uwa Zibeyoni umu Hivi, 3#Ubw. 28.9nu Basemati, umwana uwa Ishimayeli, umuyemba uwa Nebayoti.
4U Ada akapapa u Elifazi, u Basemati akapapa u Leweli, 5u Oholibama akapapa u Yewushi nu Yalamu nu Kola. Banaba bakaba bana ba Esabu, babo bakapapiliwa muchisu icha Kenani. 6Po u Esabu akabasenda abachi bache, abana bache abalumendo na balindu, sona na bantu bosi babo akikalagha nabo munyumba yache, poka ni vitekwa vyache vyosi nu katundu wesi yuyo akakaba muchisu icha Kenani nukwepapo pamaso pa muzuna wache u Yakobo, po akabuka kuchisu ichinji. 7Akabomba bunubu pachifukwa ichakuti ubuzilo bubo bakikalagha nu Yakobo bukaba bunandi nkani pakuti bosi bakaba ni vitekwa ivyinji nkani. Po batakaba bakuti bangikala poka nu wamwabo yula. 8Po u Esabu akikala muchisu icha maghamba icha Edomu.
9Aba bo abaluko ulwa Esabu umunyenya uwa bantu aba Edomu babo bakikala muchisu icha maghamba icha Edomu.
10Agha gho amatabwa agha bana aba Esabu: U Elifazi umwana yuyo akamupapila u Ada nu Leweli yuyo akamupapila u Basemati. 11Abana aba Elifazi bo aba: U Temani nu Omali nu Zefo nu Gatamu nu Kenazi. 12U Elifazi umwana uwa Esabu akaba nu muchi umuzya yuyo akaba we Timuna, yuyo akamupapila u Amaleki. Aba bakaba bizukulu aba Esabu babo akapapa nu Ada. 13Abana aba Leweli bo aba: Nahati nu Zela nu Shama sona nu Miza. Aba bo abizukulu aba Basemati umuchi uwa Esabu. 14Aba bo bana aba Esabu babo akamupapila u Oholibama umwana uwa Ana umwizukulu uwa Zibeyoni: U Yewushi nu Yalamu sona nu Kola.
15Aba bo bamwene mubaluko ulwa Esabu:
Abana aba Elifazi ukatote uwa Esabu bo aba: U Temani nu Omali nu Zefo nu Kenazi, 16nu Kola nu Gatamu nu Amaleki. Aba bo bamwene babo bakafuma mwa Elifazi muchisu icha Edomu. Banaba bakaba bana aba Ada. 17Mwa Leweli umwana uwa Esabu, mukafuma abamwene aba: U Nahati nu Zela nu Shama nu Miza. Banaba bakaba bamwene babo bakafuma mwa Leweli muchisu icha Edomu. Banaba bakaba bana aba Basemati umuchi uwa Esabu. 18Aba bo bamwene babo bakafuma mwa Oholibama umuchi uwa Esabu: U Yewushi nu Yalamu nu Kola. Banaba bakaba bamwene babo bakafuma mwa Oholibama, umwana uwa Ana, umuchi uwa Esabu.
19Abamwene bosi banaba bakafuma mwa Esabu.
Abaluko ulwa Seyili
(1 Imb. 1.38-42)
20Aba bo abana abalumendo aba Seyili umu Holi, babo bakikalagha muchigaba chilachila: U Lotani nu Shobali nu Zibeyoni nu Ana, 21nu Dishoni nu Ezeli sona nu Dishani. Banaba bakaba bana aba Seyili muchisu icha Edomu babo bakaba abamwene aba Chiholi. 22U Lotani akapapa: U Holi nu Homami. U Timuna akaba muyemba uwa Lotani. 23Abana aba Shobali bakaba bo aba: U Alivani nu Manahati nu Ebali nu Shefo nu Onamu. 24Abana aba Zibeyoni bakaba bo aba: U Ayiya nu Ana. U Ana weyuyo akazyagha imbwibwi izya mizi amapye munkolongo, bo akudima impunda izya wise u Zibeyoni. 25Abana aba Ana bakaba bo aba: U Dishoni nu Oholibama umwana umulindu uwa Ana. 26Abana aba Dishoni bakaba bo aba: U Hemudani nu Eshibani nu Itilani sona nu Kelani. 27U Ezeli akapapa: U Bilihani nu Zavani sona nu Akani. 28U Dishani akapapa: U Uzi nu Alani. 29Aba bakaba abamwene aba Chiholi: U Lotani nu Shobali nu Zibeyoni nu Ana, 30nu Dishoni nu Ezeli nu Dishani. Banaba bakaba bamwene aba Chiholi ukuyana nuluko lwabo muchisu icha Seyili.
Abamwene aba mu Edomu
(1 Imb. 1.43-54)
31Aba bo bamwene babo bakalaghilagha muchisu icha Edomu, bo abamwene aba ba Izilayeli batandite pakulaghila:
32U Bela umwana uwa Bewoli akaba we mwene uwamu Edomu, yuyo akaya kache akakulu nkani kakitiziwanga ukuti Dinihaba.
33Bo u Bela afwa, u Yobabu umwana uwa Zela uwa muchisu icha Bozila akamupyana pakuba we mwene.
34Bo u Yobabu afwa, u Hushamu uwa muchisu icha Tema akamupyana pakuba we mwene.
35Bo Hushamu afwa, u Hadadi umwana uwa Bedadi, yuyo akamupota u Midiyani mu Mowabu, akamupyana pakuba we mwene. Akaya kache kala kakitiziwanga ukuti Aviti.
36Bo u Hadadi afwa, u Samila uwa muchisu icha Masileka akamupyana pakuba we mwene.
37Bo u Samila afwa, u Shabuli uwa muchisu icha Lehoboti mulubazu ulwa lusoko akamupyana pakuba we mwene.
38Bo u Shabuli afwa, u Baala Hanani umwana uwa Akiboli akamupyana pakuba we mwene.
39Bo u Baala Hanani umwana uwa Akiboli afwa, u Hadadi akamupyana pakuba we mwene. Akaya kache kala kakitiziwanga ukuti Pawu. Umuchi wache akaba we Mehetabeli umwana uwa Matiledi umwana umulindu uwa Mezahabi.
40Agha gho matabwa agha bamwene babo bakapapiwa mwa Esabu, ukuyana nuluko lwabo, sona nu buzilo bubo bakikalako, ukuyana na matabwa ghabo:
U Timuna nu Aliva nu Yeteti
41nu Oholibama nu Ela nu Pinoni
42nu Kenazi nu Temani sona nu Mibizali
43nu Magidiyeli nu Ilamu.
Aba bo bamwene aba mu Edomu kokuti Esabu umunyenya uwa bantu aba mu Edomu, ukuyana nu buzilo bubo bakikalako pakuba bwabo nu bwabo.
Iliyochaguliwa sasa
Ubwandilo 36: LMB2024
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Lambya Bible © Bible Society of Malawi, 2024.