Lujia 2
2
Ersani Oluzho
(Mat 1:18-25)
1Hhe shihoude Kaisa Honshan Aogusidu minlin xiaizhi qienxiani kunlai man hukou banji giezho. 2Eneshi Jiliniu Xiliyani oronde shenzhan danlaku shihoude tou 1 hui hukou banjighasan wo. 3Ingie kunla man goya loujiadene hukou banjile echiwo. 4Yusufushi Dawude honshanni houdei wo, ingiese hheye Jialilini Nasale chenshise Bolihen giesan Yudaya orondedu Dawude Chenshide khizhi echiwo. 5Hhende bolusan Mereiyen ghuala hhantu hukou banjile echiwo. Hhe xienzide Mereiyen kewosi laizho. 6Hhela hhende bikude Mereiyen oluku shihou kuzhewo. 7Toushude nie kewon oluwo. Lishede oron widadene popude boui onghochode kijieghawo.
Qienxienla Ghoni Adulasan Kunlade Gouxioxini Kieliezho
8Hhe oronde xieni ghoni adulasan kunla ghadane ghonilai sagheizho. 9Ezhanyi qienxien hhelade xienjighazhi Ezhanni gon simiense zhouise ghoni adulachen kunla hende ayizho. 10Qienxien kieliewo, "Bu ayi! Uzhe, bi soyuji kunlade olusan hende bayasuku gouxioxini tande boulaye. 11Enedu Dawude Chenshide tande nie Jiuichen oluwo, hheshi Ezhan Mexiha wo. 12Ta nie yeliwai chanlane. Popude bouidene onghochode kijieghazho. Eneshi jihao wo."
13Menzhali asiman jieredu idaban budui hhe qienxienghala hhantu Hudade doulazho,
14"Asiman jiere Hudai kuai.
Zemin jiere Huda xiqi bisan kunlade pinnan wo!"
15Ingie qienxienla likai giedene asiman jiere khireiwo. Ghoni adulachen kunla nieniedene "matan Bolihende yoye. Huda matande kieliesan shiqin matui gholukuni nie uzheye" giezho.
16Hhela jindazhi echidene Mereiyen, Yusufu, pse nie onghochode kijieghasan yeliwai chanlawo. 17Hhela uzhedene qienxien ene kewonde kieliesan shiqinni kunlade man kieliewo. 18Ghoni adulachen kunla kieliesan shiqinyi kunla chenliedene ghudure wo giezhoma, 19Mereiyen ene shiqinyi man zhughedene jilazhi izhi sumulazho. 20Ghoni adulachen kunla khareizhi echikude Hudade kuaizhi doulazho. Hhela uzhesan, chenliesanla qienxien kieliesanghala niekielien wo.
21Neimudu kuru ga kewonni hetoune giedene niereini Ersa giewo. Eneshi kewosii laiku melie qienxien ogisan niere wo.
Ersani Mechide Uzheghazho
22 Musani shu jiere kieliesan waghaku udu kurudene Mereiyen Yusufughala Yelusalen chenshide kewonne Hudade khughozhi echighawo. 23Ezhanni guijinshu jiere huaizho, "Laoda kewonlani man zhiguishighazhi Hudade ogi." 24Pse Ezhanni guijinshu jiere huaizhi ghua yegu onu, ghua ga ghoghochen ogi giezho. Hhela ingiezhi giewo.
Ximien Kieliesan
25 Yelusalende nie kunni niereini Ximien giene. Hheshi nie gou kun wo, jiomun jiereye chighara wo, chanqi Isilie kunni jiuise giezhi panjizho. Hhende Shenlin duruzho. 26Duya ijieku melieshida kenjin Ezhan kieliesan Mexihani uzhene giezhi Shenlin mejieghawo. 27Shenlin hhei uduruzhi mechide ireghawo. Ersai ana adani zhao guijinni yoqiu mutun shiqin banjile irekude 28Ximien kewonni qiorudene Hudai nierei fugiedaghazhi doulawo,
29"Ezhan, chi yenjisan kielien mutun
ede hojii duyase pinnan andaghazho.
30Chi jiuikuni bi qinsi uzhewo.
31Eneshi chi olon minzulade zhunbei giesan wo.
32Niman kunlade Hudai mejieghaku gon wo.
Goya bexin Isilie kunni minshen wo."
33Ada anani hhe kewonde kieliesei chenliedene ghanirawo. 34Ximien hhelade oluzhi onxian giedene kewonni ana Mereiyende kieliewo, "Isilie kunlai dunda ezighan kunla ene kewonni bayasuzhi jienliene, ezighan kunla fandui giene. Kunla hhei sugienduzhi duitou gholune. 35Kunla zhughedene yan sumulakuni hhe man mejieghane. Chii zhugheye khudoghoghala chujiku mutun gholune."
Yana Kieliesan
36Pse hhende nie bierei xienzhi wine. Niereini Yana giene, Yasheni jiawuni Faneilini oqin wo, hende oqioluwo. Dafalasenu 7 nien soudene 37guafu feiliezhi 84 nien niezheghan souzho#2:37 Hhe ijin 84 oluwo. . Hhe mechise likai ulie giedene xieni udu orozo bareizhi onxian giedene Hudai shunjizho. 38Hhela jian kielien kielieku shihoude Yana hhelani yo penjidene Hudade mafan giezhi Yelusalenyi jiuise giezhi sagheichen kunlade Ersani shiqinyi kieliewo.
39 Yusufu Mereiyen ghuala zhao Hudai shu jiereshiku mutun shiqinni man banjizhi baraghadene khareizhi Jialilini Nasale chenshidene echiwo. 40Ersani beye fugiedazhi hendazhi agheli olodozho. Hudai nenjien hhei jiere wo.
Ersa Mechide Wo
41Niehonnie Jiulidaosan Jie kuzhese ada anani Yelusalende khizhi echizho. 42Ersa 12 olukude hhela zhao hhe xigonghala jieqi daoghale echiwo. 43Jieqi baludene giedene khareikude Ersa Yelusalende feiliewo. Ana adani ulie mejiene. 44Hhela sumulase hhantu yozho. Niudu yodene widasei mejie, qingu zhelienladene asazhi ereizho. 45Ereizhi olu dadene khareizhi Yelusalende ereile echiwo. 46Ghurudude Ezhanni giese ereizhi oluwo. Ersa loushilai dunda souzhi niemiende chenliezho, niemiende asazho. 47Jien hhenughunyi chenliesanla man hhe cunmin wo, huida giesan gou wo giezhi ghanirazho.
48Ada anani hhei chanladene uzhe beizho. Anani Ersade kieliewo, "Mini kewon, chi ingiezhi bijienni ereighazhi yangiene? Uzhe, bi adachinighala izhigie zhughe chilazhi ereizho." 49Ersa kieliewo, "Mini ereizhi yangiene? Bi indan Adane giede bikuni ta mejie danu?" 50Hhela kielienyini dunjire dazho.
51Ingie Ersa hhantu Nasalede khareidene ada anane kielienyi chenliezhi giezho. Anani ene shiqinyi zhughedene goude jilazho. 52Ersani beye yebeiseye fugiedazhi agheli olodozho. Huda kunla man Ersade bayasuzho.
Iliyochaguliwa sasa
Lujia 2: sce
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2020-2024 River Street Publishing.
Lujia 2
2
Ersani Oluzho
(Mat 1:18-25)
1Hhe shihoude Kaisa Honshan Aogusidu minlin xiaizhi qienxiani kunlai man hukou banji giezho. 2Eneshi Jiliniu Xiliyani oronde shenzhan danlaku shihoude tou 1 hui hukou banjighasan wo. 3Ingie kunla man goya loujiadene hukou banjile echiwo. 4Yusufushi Dawude honshanni houdei wo, ingiese hheye Jialilini Nasale chenshise Bolihen giesan Yudaya orondedu Dawude Chenshide khizhi echiwo. 5Hhende bolusan Mereiyen ghuala hhantu hukou banjile echiwo. Hhe xienzide Mereiyen kewosi laizho. 6Hhela hhende bikude Mereiyen oluku shihou kuzhewo. 7Toushude nie kewon oluwo. Lishede oron widadene popude boui onghochode kijieghawo.
Qienxienla Ghoni Adulasan Kunlade Gouxioxini Kieliezho
8Hhe oronde xieni ghoni adulasan kunla ghadane ghonilai sagheizho. 9Ezhanyi qienxien hhelade xienjighazhi Ezhanni gon simiense zhouise ghoni adulachen kunla hende ayizho. 10Qienxien kieliewo, "Bu ayi! Uzhe, bi soyuji kunlade olusan hende bayasuku gouxioxini tande boulaye. 11Enedu Dawude Chenshide tande nie Jiuichen oluwo, hheshi Ezhan Mexiha wo. 12Ta nie yeliwai chanlane. Popude bouidene onghochode kijieghazho. Eneshi jihao wo."
13Menzhali asiman jieredu idaban budui hhe qienxienghala hhantu Hudade doulazho,
14"Asiman jiere Hudai kuai.
Zemin jiere Huda xiqi bisan kunlade pinnan wo!"
15Ingie qienxienla likai giedene asiman jiere khireiwo. Ghoni adulachen kunla nieniedene "matan Bolihende yoye. Huda matande kieliesan shiqin matui gholukuni nie uzheye" giezho.
16Hhela jindazhi echidene Mereiyen, Yusufu, pse nie onghochode kijieghasan yeliwai chanlawo. 17Hhela uzhedene qienxien ene kewonde kieliesan shiqinni kunlade man kieliewo. 18Ghoni adulachen kunla kieliesan shiqinyi kunla chenliedene ghudure wo giezhoma, 19Mereiyen ene shiqinyi man zhughedene jilazhi izhi sumulazho. 20Ghoni adulachen kunla khareizhi echikude Hudade kuaizhi doulazho. Hhela uzhesan, chenliesanla qienxien kieliesanghala niekielien wo.
21Neimudu kuru ga kewonni hetoune giedene niereini Ersa giewo. Eneshi kewosii laiku melie qienxien ogisan niere wo.
Ersani Mechide Uzheghazho
22 Musani shu jiere kieliesan waghaku udu kurudene Mereiyen Yusufughala Yelusalen chenshide kewonne Hudade khughozhi echighawo. 23Ezhanni guijinshu jiere huaizho, "Laoda kewonlani man zhiguishighazhi Hudade ogi." 24Pse Ezhanni guijinshu jiere huaizhi ghua yegu onu, ghua ga ghoghochen ogi giezho. Hhela ingiezhi giewo.
Ximien Kieliesan
25 Yelusalende nie kunni niereini Ximien giene. Hheshi nie gou kun wo, jiomun jiereye chighara wo, chanqi Isilie kunni jiuise giezhi panjizho. Hhende Shenlin duruzho. 26Duya ijieku melieshida kenjin Ezhan kieliesan Mexihani uzhene giezhi Shenlin mejieghawo. 27Shenlin hhei uduruzhi mechide ireghawo. Ersai ana adani zhao guijinni yoqiu mutun shiqin banjile irekude 28Ximien kewonni qiorudene Hudai nierei fugiedaghazhi doulawo,
29"Ezhan, chi yenjisan kielien mutun
ede hojii duyase pinnan andaghazho.
30Chi jiuikuni bi qinsi uzhewo.
31Eneshi chi olon minzulade zhunbei giesan wo.
32Niman kunlade Hudai mejieghaku gon wo.
Goya bexin Isilie kunni minshen wo."
33Ada anani hhe kewonde kieliesei chenliedene ghanirawo. 34Ximien hhelade oluzhi onxian giedene kewonni ana Mereiyende kieliewo, "Isilie kunlai dunda ezighan kunla ene kewonni bayasuzhi jienliene, ezighan kunla fandui giene. Kunla hhei sugienduzhi duitou gholune. 35Kunla zhughedene yan sumulakuni hhe man mejieghane. Chii zhugheye khudoghoghala chujiku mutun gholune."
Yana Kieliesan
36Pse hhende nie bierei xienzhi wine. Niereini Yana giene, Yasheni jiawuni Faneilini oqin wo, hende oqioluwo. Dafalasenu 7 nien soudene 37guafu feiliezhi 84 nien niezheghan souzho#2:37 Hhe ijin 84 oluwo. . Hhe mechise likai ulie giedene xieni udu orozo bareizhi onxian giedene Hudai shunjizho. 38Hhela jian kielien kielieku shihoude Yana hhelani yo penjidene Hudade mafan giezhi Yelusalenyi jiuise giezhi sagheichen kunlade Ersani shiqinyi kieliewo.
39 Yusufu Mereiyen ghuala zhao Hudai shu jiereshiku mutun shiqinni man banjizhi baraghadene khareizhi Jialilini Nasale chenshidene echiwo. 40Ersani beye fugiedazhi hendazhi agheli olodozho. Hudai nenjien hhei jiere wo.
Ersa Mechide Wo
41Niehonnie Jiulidaosan Jie kuzhese ada anani Yelusalende khizhi echizho. 42Ersa 12 olukude hhela zhao hhe xigonghala jieqi daoghale echiwo. 43Jieqi baludene giedene khareikude Ersa Yelusalende feiliewo. Ana adani ulie mejiene. 44Hhela sumulase hhantu yozho. Niudu yodene widasei mejie, qingu zhelienladene asazhi ereizho. 45Ereizhi olu dadene khareizhi Yelusalende ereile echiwo. 46Ghurudude Ezhanni giese ereizhi oluwo. Ersa loushilai dunda souzhi niemiende chenliezho, niemiende asazho. 47Jien hhenughunyi chenliesanla man hhe cunmin wo, huida giesan gou wo giezhi ghanirazho.
48Ada anani hhei chanladene uzhe beizho. Anani Ersade kieliewo, "Mini kewon, chi ingiezhi bijienni ereighazhi yangiene? Uzhe, bi adachinighala izhigie zhughe chilazhi ereizho." 49Ersa kieliewo, "Mini ereizhi yangiene? Bi indan Adane giede bikuni ta mejie danu?" 50Hhela kielienyini dunjire dazho.
51Ingie Ersa hhantu Nasalede khareidene ada anane kielienyi chenliezhi giezho. Anani ene shiqinyi zhughedene goude jilazho. 52Ersani beye yebeiseye fugiedazhi agheli olodozho. Huda kunla man Ersade bayasuzho.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2020-2024 River Street Publishing.