Lujia 1
1
Shuni Melieduku Kielien
1 Qiafeilo noyen!
Olon kun bijienni dunda fashen giesan shiqinyi huaizho. 2Huaisanlashi Hudai kieliende wilie giechen kunla zui melieshidase nudundene qinsi uzhedene bijiende chonjisan mutun wo. 3Ene shiqinlani bi melieshida xianxide chaizhi daowo. Ingiese biye chade nienieji huaizhi 4chi surusanlai man zhenni bikui mejieghane giezho.
Xili Gieghasan Yaheiyai Olukui Melie Kieliezho
5 Hherode Yudayani honshan danlakude nie buwa wo, niereini Sajialiya giene. Yabiyani duide wo. Hheni biereishi Hharuneni houdei wo, niereini Ilishabai giene. 6Hhe ghualashi Hudai melie gou kun wo. Hudai minlin, guijinni zunjizhi man giezho, yama kieliekui uwo. 7Hhelade zinie kewosi uwo. Ilishabai kewosi olu dane, ede hhe ghuala oqioluwo.
8Niefade Sajialiyani nie duide buwani wilie gieku linjizhi kuzhese hhe Hudai melie wilie giekude 9buwani xigonghala gangan chouidene Ezhanni giede oro xian jienjiwo. 10Xian jienjikude bexinla man ghadane onxian giezho.
11Menzhali Ezhanni qienxien xianlu shireni borun miende beizhi Sajialiyade chanlaghawo. 12Sajialiya chanladene jinda hende ayizho. 13Qienxien hhende kieliewo, "Sajialiya, bu ayi! Chini onxianni Huda chenliewo. Chini bierei Ilishabai chade nie kewon olune. Chi hhende Yaheiya giezhi niere ogi. 14Chi hende bayasune. Hhei oluse olon kunlaye bayasune. 15Hhe Ezhanni melie fugie kun gholune. Putoujiu, yama jiu ulie ochine, anane kielise Shenlinghala duruzho. 16Hhe olon Isilie kunlai Ezhan Hudai miende khareizhi ireghane. 17Hhe irese xienzhi Iliyani jinshen, nenli winezhi Ezhanni melie zhunbei giene. Adalai kesilarene goudaghane, kielien ulie chenliechen kunlai gouni sumulakude khareighane. Ingiezhi kunlai Ezhanni melie zhunbei gieghane." 18Sajialiya qienxiende kieliewo, "Bi pin yanzhe eneni mejiene? Bi oqioluwo, biereimiye oqioluwo." 19Qienxien kieliewo, "Bishi Hudai melie beisan Zhebereiye wo. Mini peizhi chade ene gouxioxini kielieghale irewo. 20Uzhe, hhe shihou kuzhese mini kieliende kurunema, ene shiqin kuzhetula chi yaba gholune. Chi mini kielienni xianxin ese giewo."
21Ingiekude Sajialiya Ezhanni giese dou ese khizhese sagheisan kunla ghudurezho. 22Sajialiya khizhese hhelade kielien kielie dane, yaba gholudene khaghalane kieliese hhela hhe Ezhanni giede yama chanlawo giezho.
23Hhe wilie giezhi ududei kuruse giedene echiwo. 24Enense khuinashi hheni bierei Ilishabai kewosi laidene tawun sara kiemade ese chujiegheghazho. 25Hhe kieliewo, "Ezhanni nenjien fugie no wo. Mini zhaogu giekude ingiezhi giedene kunlai dundase mini shizhekuni widaghawo."
Ersani Olukuni Kieliezho
26 Ilishabai zhighon sara laikude Huda Zhebereiye qienxienni peizhi Jialilini Nasale giesan chenshii nie oqinde echighawo. 27Hhe oqinni niereini Mereiyen giene, Dawude honshanni houdei Yusufude boluzho. 28Qienxien orodene hhende kieliewo, "Chi gou onu? Hudai nenjien chade fugie no wo. Huda chighala hhantu wo." 29Mereiyen chenliedene jindazhi eneshi yan isi wo giezhi sumulazho. 30Qienxien Mereiyende kieliewo, "Bu ayi! Huda chade nenjien ogiwo. 31Uzhe, chi laizhi nie kewon olune. Hhende Ersa giezhi niere ogi. 32Hhe fugie kun gholuzhi kunla jianlai hhei Zui Undu Ezhanni Kewon giezhi urune. Ezhan Huda hhende xienren Dawudeni wizini ogine. 33Hhe Yagebuni giede chan honshan danlane. Hhe chanqi gonjizhi qienli ulie widane." 34Mereiyen qienxiende kieliewo, "Mii dou ese dafalazho. Matugie imutu shiqin wine?" 35Qienxien kieliewo, "Shenlin chini jiere irene. Zui Undu Hudai nenli chii jiere irezhi huine. Ingiese oluku zhiguitu kewonni Hudai Kewon giezhi urune. 36Uzhe, chii qingu Ilishabai oqioludene nie kewon laiwo. Kunla kieliese hheshi nie ulie oluchen kun wo giezho, ede laizhi zhighon sara oluwo. 37Hudade nengou wituni uwo."
38Ingiese Mereiyen kieliewo, "Bishi Ezhanni hoji wo. Chi kieliesan mutun made gholu gie." Ingiedene qienxien likai giewo.
Mereiyen Ilishabaii Uzhele Echizho
39Oloncha ese oluse Mereiyen zhunbei gie jindazhi ulatu Yuda oronni chenshide echiwo. 40Sajialiyani giede orodene Ilishabaide salan giewo. 41Ilishabai Mereiyenni salanni jienliekude kieliini kewosi jiulizho. Ingie Ilishabai Shenlinghala durudene 42fugiede doulazhi kieliewo, "Biereila dunda chade fuqi zui fugie wo. Chi oluku kewondeye fuqi fugie wo. 43Mii Ezhanni ana enende irese matui olune? 44Uzhe, chii shenqini chenliekude mii kielini kewosi bayasuzhi jiulizho. 45Ezhan kieliesan shiqin chenjikui xianxin giesan chade fuqi wine."
Mereiyen Ezhanni Doulazho
46 Mereiyen kieliewo.
"Zhughemi Ezhan fugie wo giezho.
47Ruhhermi mii jiuichen Hudade oluzhi bayasuzho.
48Hhe imutu meila hojii zhaogu giewo.
Uzhe, enedu khuinase soyuji kunla made fuqi wine giezhi kieliene.
49Nenlitu Huda made fugie shiqin giewo,
hhei niere zhigui wo.
50Hhei zunjisan kunlade zuzubeibeide ubali xiine.
51Hhe beghelieghalane lilianni uzheghawo.
Sudorone hu sumulazhi goyane fugiede huichen kunlai sanda widaghawo.
52Qienli bitu kunlai boghonidaghawo.
Qienli witu kunlai undudaghawo.
53Oliesuchen kunlade gouni ogizhi chudughawo.
Bayan kunlai khosun kha echighawo.
54Hhe Isilie hojidene banman giewo.
55Yenjisan kielien mutun
Iburaheimuji houdeiladeni chanqi ubali xiikui ese matazho."
56 Mereiyen Ilishabaighala hhantu chabudu ghuran sara soudene giedene echiwo.
Xili Gieghasan Yaheiyani Oluzho
57 Ilishabai oluku shihouni kurudene nie kewon oluwo. 58Giebeilane, jiawulani Ezhan Ilishabaide fugie nenjien ogisei mejiedene hhantu man bayasuzho. 59Neimudu kurudene kunla kewonni hetoune giele irewo. Adaini niere mutun hhende Sajialiya giezhi niere ogine giezho. 60Ingiese anani kieliewo, "Ulie olune, hhei niereni Yaheiya gie." 61Kunla hhende kieliewo, "Chii jiawude imutu niere uwo." 62Ingie adadei khaghala uzheghazhi, "Kewosii niereini yan giene?" giezhi asawo. 63Adani nie banba keredene, "Hhei nierei Yaheiya giene." giezhi huaiwo. Ingiese kunla man ghanirawo. 64Hhe xienzide Sajialiyani amanni keidene kielienni goudasenu Hudade doulazho.
65Zhouwide sousan kunla man ayizho. Ene shiqinni ulatu Yudaya oronde man chonji kurughawo. 66Ene shiqinyi chenliesan kunla man zhughedene sumulazhi ene kewon jianlai matui gholuse giezho. Ingiekushi Ezhanni nenli hheghala hhantu wo.
Sajialiya Hudani Kielienni Kieliezho
67Hhei ada Sajialiyade Shenlin durudene Hudai kielienyi deilazhi kieliewo.
68"Ezhan Isilieni Hudade doulakuni wo.
Hhe bexinlane zhaogu giezhi shuiwo.
69Matande oluzhi goya hoji Dawudeni
houdeise fugie nenlitu jiuichen khizheghawo.
70Eneshi melieshida Huda zhiguitu xienzhilai tungo giezhi kieliesanghala niekielien wo,
71'Huda bijienyi henjisan kunlai,
duitoulani khase jiuiwo.
72Matanni xienrenlade ubali xiizhi
yenjisan zhiguitu kielienne uye matazho.
73Eneshi hhe matanyi xienren Iburaheimude yenjisan wo.
74-75Mai duitoulai khase jiuisenu Hudai melie beighadene
ulie ayizhi zhigui, gundande ibeizi shunjighane.
76Kewon, chii Zui Undu Hudai xienzhi giezhi urune.
Chi Ezhanni melie yozhi moni zhunbei giene,
77Ezhanni bexinlai zuini mienliezhi
jiuiku nenjienni mejieghane.
78Matai Huda ubali xiizhi zhugheni zholien wo.
Hhe eqiemaghaku naranyi asiman jierese matai jiere ireghazhi
79Khara oron, fuguku xiojiededu sousan kunlai giegheraghadene
uduruzhi pinnan mode yoghane.'"
80Hhe kewonyi beye fugiedazhi zhanjin wo. Isilieni kunlai melie khizhezhi wilie gietula hontande souzho.
Iliyochaguliwa sasa
Lujia 1: sce
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2020-2024 River Street Publishing.
Lujia 1
1
Shuni Melieduku Kielien
1 Qiafeilo noyen!
Olon kun bijienni dunda fashen giesan shiqinyi huaizho. 2Huaisanlashi Hudai kieliende wilie giechen kunla zui melieshidase nudundene qinsi uzhedene bijiende chonjisan mutun wo. 3Ene shiqinlani bi melieshida xianxide chaizhi daowo. Ingiese biye chade nienieji huaizhi 4chi surusanlai man zhenni bikui mejieghane giezho.
Xili Gieghasan Yaheiyai Olukui Melie Kieliezho
5 Hherode Yudayani honshan danlakude nie buwa wo, niereini Sajialiya giene. Yabiyani duide wo. Hheni biereishi Hharuneni houdei wo, niereini Ilishabai giene. 6Hhe ghualashi Hudai melie gou kun wo. Hudai minlin, guijinni zunjizhi man giezho, yama kieliekui uwo. 7Hhelade zinie kewosi uwo. Ilishabai kewosi olu dane, ede hhe ghuala oqioluwo.
8Niefade Sajialiyani nie duide buwani wilie gieku linjizhi kuzhese hhe Hudai melie wilie giekude 9buwani xigonghala gangan chouidene Ezhanni giede oro xian jienjiwo. 10Xian jienjikude bexinla man ghadane onxian giezho.
11Menzhali Ezhanni qienxien xianlu shireni borun miende beizhi Sajialiyade chanlaghawo. 12Sajialiya chanladene jinda hende ayizho. 13Qienxien hhende kieliewo, "Sajialiya, bu ayi! Chini onxianni Huda chenliewo. Chini bierei Ilishabai chade nie kewon olune. Chi hhende Yaheiya giezhi niere ogi. 14Chi hende bayasune. Hhei oluse olon kunlaye bayasune. 15Hhe Ezhanni melie fugie kun gholune. Putoujiu, yama jiu ulie ochine, anane kielise Shenlinghala duruzho. 16Hhe olon Isilie kunlai Ezhan Hudai miende khareizhi ireghane. 17Hhe irese xienzhi Iliyani jinshen, nenli winezhi Ezhanni melie zhunbei giene. Adalai kesilarene goudaghane, kielien ulie chenliechen kunlai gouni sumulakude khareighane. Ingiezhi kunlai Ezhanni melie zhunbei gieghane." 18Sajialiya qienxiende kieliewo, "Bi pin yanzhe eneni mejiene? Bi oqioluwo, biereimiye oqioluwo." 19Qienxien kieliewo, "Bishi Hudai melie beisan Zhebereiye wo. Mini peizhi chade ene gouxioxini kielieghale irewo. 20Uzhe, hhe shihou kuzhese mini kieliende kurunema, ene shiqin kuzhetula chi yaba gholune. Chi mini kielienni xianxin ese giewo."
21Ingiekude Sajialiya Ezhanni giese dou ese khizhese sagheisan kunla ghudurezho. 22Sajialiya khizhese hhelade kielien kielie dane, yaba gholudene khaghalane kieliese hhela hhe Ezhanni giede yama chanlawo giezho.
23Hhe wilie giezhi ududei kuruse giedene echiwo. 24Enense khuinashi hheni bierei Ilishabai kewosi laidene tawun sara kiemade ese chujiegheghazho. 25Hhe kieliewo, "Ezhanni nenjien fugie no wo. Mini zhaogu giekude ingiezhi giedene kunlai dundase mini shizhekuni widaghawo."
Ersani Olukuni Kieliezho
26 Ilishabai zhighon sara laikude Huda Zhebereiye qienxienni peizhi Jialilini Nasale giesan chenshii nie oqinde echighawo. 27Hhe oqinni niereini Mereiyen giene, Dawude honshanni houdei Yusufude boluzho. 28Qienxien orodene hhende kieliewo, "Chi gou onu? Hudai nenjien chade fugie no wo. Huda chighala hhantu wo." 29Mereiyen chenliedene jindazhi eneshi yan isi wo giezhi sumulazho. 30Qienxien Mereiyende kieliewo, "Bu ayi! Huda chade nenjien ogiwo. 31Uzhe, chi laizhi nie kewon olune. Hhende Ersa giezhi niere ogi. 32Hhe fugie kun gholuzhi kunla jianlai hhei Zui Undu Ezhanni Kewon giezhi urune. Ezhan Huda hhende xienren Dawudeni wizini ogine. 33Hhe Yagebuni giede chan honshan danlane. Hhe chanqi gonjizhi qienli ulie widane." 34Mereiyen qienxiende kieliewo, "Mii dou ese dafalazho. Matugie imutu shiqin wine?" 35Qienxien kieliewo, "Shenlin chini jiere irene. Zui Undu Hudai nenli chii jiere irezhi huine. Ingiese oluku zhiguitu kewonni Hudai Kewon giezhi urune. 36Uzhe, chii qingu Ilishabai oqioludene nie kewon laiwo. Kunla kieliese hheshi nie ulie oluchen kun wo giezho, ede laizhi zhighon sara oluwo. 37Hudade nengou wituni uwo."
38Ingiese Mereiyen kieliewo, "Bishi Ezhanni hoji wo. Chi kieliesan mutun made gholu gie." Ingiedene qienxien likai giewo.
Mereiyen Ilishabaii Uzhele Echizho
39Oloncha ese oluse Mereiyen zhunbei gie jindazhi ulatu Yuda oronni chenshide echiwo. 40Sajialiyani giede orodene Ilishabaide salan giewo. 41Ilishabai Mereiyenni salanni jienliekude kieliini kewosi jiulizho. Ingie Ilishabai Shenlinghala durudene 42fugiede doulazhi kieliewo, "Biereila dunda chade fuqi zui fugie wo. Chi oluku kewondeye fuqi fugie wo. 43Mii Ezhanni ana enende irese matui olune? 44Uzhe, chii shenqini chenliekude mii kielini kewosi bayasuzhi jiulizho. 45Ezhan kieliesan shiqin chenjikui xianxin giesan chade fuqi wine."
Mereiyen Ezhanni Doulazho
46 Mereiyen kieliewo.
"Zhughemi Ezhan fugie wo giezho.
47Ruhhermi mii jiuichen Hudade oluzhi bayasuzho.
48Hhe imutu meila hojii zhaogu giewo.
Uzhe, enedu khuinase soyuji kunla made fuqi wine giezhi kieliene.
49Nenlitu Huda made fugie shiqin giewo,
hhei niere zhigui wo.
50Hhei zunjisan kunlade zuzubeibeide ubali xiine.
51Hhe beghelieghalane lilianni uzheghawo.
Sudorone hu sumulazhi goyane fugiede huichen kunlai sanda widaghawo.
52Qienli bitu kunlai boghonidaghawo.
Qienli witu kunlai undudaghawo.
53Oliesuchen kunlade gouni ogizhi chudughawo.
Bayan kunlai khosun kha echighawo.
54Hhe Isilie hojidene banman giewo.
55Yenjisan kielien mutun
Iburaheimuji houdeiladeni chanqi ubali xiikui ese matazho."
56 Mereiyen Ilishabaighala hhantu chabudu ghuran sara soudene giedene echiwo.
Xili Gieghasan Yaheiyani Oluzho
57 Ilishabai oluku shihouni kurudene nie kewon oluwo. 58Giebeilane, jiawulani Ezhan Ilishabaide fugie nenjien ogisei mejiedene hhantu man bayasuzho. 59Neimudu kurudene kunla kewonni hetoune giele irewo. Adaini niere mutun hhende Sajialiya giezhi niere ogine giezho. 60Ingiese anani kieliewo, "Ulie olune, hhei niereni Yaheiya gie." 61Kunla hhende kieliewo, "Chii jiawude imutu niere uwo." 62Ingie adadei khaghala uzheghazhi, "Kewosii niereini yan giene?" giezhi asawo. 63Adani nie banba keredene, "Hhei nierei Yaheiya giene." giezhi huaiwo. Ingiese kunla man ghanirawo. 64Hhe xienzide Sajialiyani amanni keidene kielienni goudasenu Hudade doulazho.
65Zhouwide sousan kunla man ayizho. Ene shiqinni ulatu Yudaya oronde man chonji kurughawo. 66Ene shiqinyi chenliesan kunla man zhughedene sumulazhi ene kewon jianlai matui gholuse giezho. Ingiekushi Ezhanni nenli hheghala hhantu wo.
Sajialiya Hudani Kielienni Kieliezho
67Hhei ada Sajialiyade Shenlin durudene Hudai kielienyi deilazhi kieliewo.
68"Ezhan Isilieni Hudade doulakuni wo.
Hhe bexinlane zhaogu giezhi shuiwo.
69Matande oluzhi goya hoji Dawudeni
houdeise fugie nenlitu jiuichen khizheghawo.
70Eneshi melieshida Huda zhiguitu xienzhilai tungo giezhi kieliesanghala niekielien wo,
71'Huda bijienyi henjisan kunlai,
duitoulani khase jiuiwo.
72Matanni xienrenlade ubali xiizhi
yenjisan zhiguitu kielienne uye matazho.
73Eneshi hhe matanyi xienren Iburaheimude yenjisan wo.
74-75Mai duitoulai khase jiuisenu Hudai melie beighadene
ulie ayizhi zhigui, gundande ibeizi shunjighane.
76Kewon, chii Zui Undu Hudai xienzhi giezhi urune.
Chi Ezhanni melie yozhi moni zhunbei giene,
77Ezhanni bexinlai zuini mienliezhi
jiuiku nenjienni mejieghane.
78Matai Huda ubali xiizhi zhugheni zholien wo.
Hhe eqiemaghaku naranyi asiman jierese matai jiere ireghazhi
79Khara oron, fuguku xiojiededu sousan kunlai giegheraghadene
uduruzhi pinnan mode yoghane.'"
80Hhe kewonyi beye fugiedazhi zhanjin wo. Isilieni kunlai melie khizhezhi wilie gietula hontande souzho.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2020-2024 River Street Publishing.