मरकुस 8
8
चार हजार लोक गीनला जेवानो
(मत्ती 15:32-39)
1ओनो दिवस मा जबा मोठी भीड़ एकठ्ठी भई अना उनको कठा काही जेवन ला नही होतो। तबा ओना आपरो चेला इन ला जवर बुलायके, उनला साँगीस। 2“मोला यो भीड़ ला चोवके तरस आवासे, काहेका अज तीन दिवस भयो, मोरो संग सेत, उनको कठा जेवन लाय काही नहात। 3अदी मि इनला भुखो घर धाड़ूसु, तबा यो रस्ता मा बेहोस भय जाहेत, उनमा लक लगत लोक बेजा दुहुर लक आई होतीन। ”
4यीसु को चेला गीन वोला जवाब देईन। “यो सुनसान जघा मा एतरो जेवन कहान मिलहेत?”
5यीसु ना उनलक कव्हयो, “तुमरो जवर केतरी जेवन सेत?”
उनना जवाब देईन सात भाकर!
6तबा ओना जनता ला जमीन मा बसन लाय कहीस, यीसु ना सात भाकर धरके परमेस्वर ला धन्यवाद देइस। अना भाकर को टुकड़ा करके चेला गीन ला देइस, तबा वय उनला परसन लगीन। 7उनको कठा काही लहान-लहान मसरी होतीन, वोला वसोच परमेस्वर ला धन्य वाद देके, उनला परसन ला कहीस। 8तबा वय लोक जेयके अघाय गईन, अना चेला गीन बचयो सात टोपली भरके उचलीन। 9अना लोक चार हजार को करीब मा होतीन। तबा उनला वोना सार करीस। 10अना उ झट आपरो चेला गीन को संग नाव मा चघके दलमनुथा नाव को जघा मा चली गयो।
फरिसि लोक कन लक सरग लक निसान को माँग
(मत्ती 16:1-4)
11 #
मत्ती 12:38; लूका 11:16 मोसे को नियम को गुरू आयके यीसु संग बैस करन लगीन, अना ओला परखन लाई ओको कन लक काही सरग लक निसान मांगन लगीन। 12#मत्ती 12:39; लूका 11:29 ओना आपरी मन लक पोट मा सांस भरके कहीस, “यो बेरा को लोकगीन कायलाई निसान ढुंढासे? मि तुमरो लक खरो सांगुसू, यो बेरा को लोकगीन लाय काही निसान नहात।”
13अना उ उनला वहान सोड़के अना नाव पर चघयो अना वोनागन गयो।
फरिसी अना हेरोदेस को खोटो सिक्सा
(मत्ती 16:5-21)
14चेलागीन भाकर राखनो भूल गयो होतीन। अना नाव मा उनको कठा एकच भाकर होतो। 15#लूका 12:1ओनो बेरा यीसु ना उनला ध्यान देवाके कव्हसे, चोवो! फरिसी गुरूगीन को खमीर#8:15बिरेड बनावन को एक पाउडर सेत अना हेरोदेस राजा को खमीर लक चाकपाक रव्हने।
16एको पर वय आपसी मा बेस करके कव्हन लगीन, आमरो कठा भाकर नहात, एकोलाय यो असो सांगासे।
17यीसु ना यो जानके उनलक कहीस, “तुमी आपस मा मन मा काहे सोचसो? का आमरो कठा भाकर नहात।” का तुमला अबा तकन समज मा नही आयो से, का तुमरो “अक्ल मा गोटा पड़ गयो से?” 18#मरकुस 4:12 तुमरो “डोरा से का चीज को बीज”, अना “कान से का परसा को पान” अना तुमला हेत नहाय?
19जब मीना पांच हजार मानूस लाई भाकर तोड़ो होतो तबा तुमना केतरी टोपली भाकर को टुकड़ा उचलो होतो। उन ना कहीन “बारा।”
20जबा चार हजार मानूस लाय सात भाकर ला दियो, तबा तुमी ना केतरो टोपली भरके उचलो होतो,
उन ना कहीन “सात।”
21यीसु ना उनला कहीस “का तुमी अबा तकन नही समजयोसेव?”
बैतसैदा मे एक अँधरा ला साजरा करनो
22वय बैतसैदा गांव मा आइन। तबा लोकगीन एक अँधरा ला ओको जवर आनीन अना ओको लक बिनती करके कव्हन लगीन एला साजरो कर। 23अना यीसु ना अँधरा ला हात धरके गाँव को बाहेर ले गयो, अना ओना ओको डोरा मा लगावन साठी थुकीस, अना ओदो हात करके आपरो हात वोको डोरा मा राखके वोला पुसिस का “तोला काही चोवसे?”
24डोरा उचलके ओना कहीस की “मि लोकगीन ला झाड़ जसो चलतो चोवसू।”
25मंग दुबारा ओना अँधरा को डोरा मा हात राखीस तबा ओला साजरो-साजरो चोवन लगयो। 26यीसु ना ओला यो साँगके धाडीस, “मंग यो गाँव मा दुबारा पाय नोको राखजोस। पर आपरो घर जाय।”
पतरस को यीसु ला मसीह माननो
(मत्ती 16:13-20; लूका 9:18-21)
27यीसु आपरो चेला गीन को सँग, कैसरिया फिलिप्पी को आखा-पाखा को गाँव मा आयो। रास्ता मा ओना चेलागीन लक असो पुछिस का “लोक मोरो बारे मा काजक कव्हसेत?”
28 #
मरकुस 6:14-15; लूका 9:7-8 उनना कहिन “कोनी योहन बप्तिस्मा देवन वालो कव्हासेत अना कोनी भविस्यवक्ता एलिय्याह अना काही को कव्हनो से का कोनी जुनो भविस्यवक्ता मा लक एक से।”
29 #
योहन 6:68-69
उ उन लक पुसासे? “तुम मोला काजक कसो? मि कोन आँवू?”
पतरस ओला कहीस,“ तु परमेस्वर को कन लक ‘सूटकारा देवन वालो मसीह आस’।”
30तबा उ उनला चेतायके हुकूम देइस, “तुमी मोरो बारे मा कोनी लक नोको साँगने।”
यीसु को आपरी मौत अना जित्तो होवन को बारे मा साँगनो
(मत्ती 16:21-23; लूका 9:22)
31मंग यीसु उनला सिकावन लग्यो का “मानूस को टूरा” को लाय यो जरुरी सेत का उ लगत दुख उठाएत सयानो, मुखिया याजक, अना मोसे को नियम को गुरू लक नकारो जाय, अना मार डाको जाए। मंग तीन दिवस को मंघा जित्तो भय जाए। 32यो गोस्टी ला आयक के मंग पतरस वोला एककन ले जायके डाटन लगिस। 33पर वोना पलट के चेला,गिनला चोविस, अना पतरस ला डाटके कहीस, हे सैतान मोरो पुढा लक दुहूर भय जाय, तु परमेस्वर को नही पर मानूस को गोस्टी पर मन लगावसेस।
यीसु को मंघा चलन को मतलब
(मत्ती 16:21-28; लूका 9:23-27)
34 #
मत्ती 10:38; लूका 14:27 वोना गरदी लक चेला गीनला जवर बुलायके सांगिस, “अदी कोनी मोरो मंघा आवन चाव्हासे, उ आपरो आप ला तज देय। अना आपरो कूरूस ला उचलके मोरो मंघा आहेत। 35#मत्ती 10:39; लूका 17:33; योहन 12:25काहे का जो आपरो परान ला बचावनो चाव्हासे, उ वोला खोय देहे। अना जो कोनी मोरो अना मोरो साजरो बारता साँगन लाय आपरो परान खो देयेत, उ ओला सुरक्सित पाहेत। 36काहे का अदी मानूस सारो जगत ला पायके ना, आपरो जान की हानि उठायेत ता का फायदा? 37काहेकि मानूस आपरो जान को बदला मा, का दे सकसे? 38जो कोनी यो खोटो अना पापी पीढ़ी बेरा मा मोरो लक अना मोरो गोस्टी लक लजाहे ता मानूस को टूरा भी जबा आपरो पवीतर सरगदूत को सँग आपरो परमेस्वर बाबूजी को महिमा मा आहे, तबा उ भी उनला आपरो कव्हन लाय लजाहे।”
Iliyochaguliwa sasa
मरकुस 8: PSP25
Kuonyesha
Shirikisha
Nakili

Je, ungependa vivutio vyako vihifadhiwe kwenye vifaa vyako vyote? Jisajili au ingia
The Powari Bible© The Word for the World International and Powari Madhya Pradesh, 2025.