TĨĨGI WERE 50
50
Roo húulí Jakobe
1Josef kal leʼge ne pan ɓe pele, gay doo roo, kal ɗawge ɓe see ɓe. 2Josef kal wii weere jõõre ɓe maga wo diŋ dogdor ga á mo kneʼ wo húulí pan se, dogdorn kal wo kneʼ húulí Israyele. 3À joŋ naw kneʼ húulín doo naa. Jar Ejipte joŋ wo naw rage ɓe doo renam.
4De maga naw roo húulín cegaɗ wo go mono, Josef kal fer wããre ne jar ni Farawoŋ wo. Á wii ra ga : Hayga ndi wãã wããre la coo yaŋ jag ɓay no, wo we fer wããre maga ndi wããn ge la ne Farawoŋ : 5Pan ɓi hay wii me go ga ndi mo haʼ go ne se ga : Koɗa ndi day nà ndi huu go! Ndo tee ge ndi diŋ ti ngel ter húulí maga ndi yeen ɓi sir Kanaan mono. Ndi da ga ndi raw tee pan ɓi go ni, day ndi fer ge yaŋ le. 6Farawoŋ kal fer wããre ne hẽn ga : See mbo tee pan ɓo doo maga ndo hay haʼ go ne hẽn nono.
7Josef kal rawge ma woge tee pan ɓe. Weere jõõre mani Farawoŋn naa wo wer ɓe ɓuy, maga wo go ɓaa liŋ ni ɓe ni de jar kluuri ma Ejipte wo. 8Jar ni Josef wo ɓuy, hẽẽre ɓen wo, tiŋ mani pan ɓen ɓuy. Gwaʼ ɓi sir Gosen ni diŋ kamliiri wo, de fǐiri wo de deere wo tawa. 9Jar hay wo nà tee ɓaara ti pus, tee ɓaara ti piiri, jar ma kaŋge ɓen hay ngaɓa debaŋ tuu. 10Á wo wo dayge ti yaage ma Atad mokay maga wo go faale Jurdẽẽ ɓaŋla mono, á kal wo rage ɓe ni de ngarge jag de egre debaŋ. Josef joŋ naw hã togoɗge ne pan ɓe ti ngel ni naw renam. 11Jar Kanaan ma ɓi sirn wo ni, ko wo roo húulí se ma ti yaage Atadn de nen ɓaara. Á wo ga : Ko roo húulí ma kluu ni jar Ejipte wo mo hãʼ ɗa! Diŋ wersen ga à kal kaŋ ɗúu ne yaage se maga wo go faale Jurdẽẽ ɓaŋla ga Abel-Mitsrayim mono. 12Jar ni Jakob see wo ti jag wããre ɓen nà diŋ doo kay nono. 13Á maŋn wo le wo wo de ɓe ɓi sir Kanaan, teen wo ɓi rum húulì ma Makpela, maga Abraham hay yeen doo Efron je Hitidn ga á mo hay diŋ ma se ma ter húulí se, ga de ngafge de Mamre mono. 14Josef, blam maga se tee pan ɓe le go mono, kal ferge le Ejipte de hẽẽre ɓen wo, de jar maga hay wo wo wer ɓe kaŋge ɓe ti húulì pan ɓe mono.
Blam húulí Jakobe
15De maga hẽẽre Josefn ko wo ga pan saara huu we go mo kay no, day wo ga : Hayga Josef caa hee we de naa, day poɗ naa we de ɓlagge maga naa hay joŋn de ɓe mo lay muy la! 16Á raw wii Josef ga : Pan ɓo hay wãã wããre ma kay go taŋgu húulí ɓe. 17Nday fer ge wããre ma kay ne Josefe : O! Fug ɓil go ne hẽẽre ɓon wo ti re ɓaara no, ti ɓlagge ɓaara no, werga á joŋ wo ndo de ɓlagge! Fug ɓil go patala ne weere jõõre Baa mani pan ɓon wo ti! Josef laa wããre sen mono kal rage. 18Hẽẽre ɓen kal wo age de see ɓaara leʼ monɗra ne hẽn pele, day wo ga : Wùr diŋ weere jõõre ɓo. 19Josef wii ra ga : Joŋ we hẽẽne wa. Ndi ti ngel Baa yawla? 20Nday hay ɗig ga nday joŋ me de ɓlagge, day Baa koln go diŋ de el ma ɓoʼ jag fen maga de joŋge wara mo tiʼ no, ma yãã jar ma ngaɓan wo go mo deŋ sugi. 21Wersen joŋ we hẽẽne wa. Ndi ɗaw mbi nday yaŋ de weere ɓay wora. Á kal teŋ nen ɓaara de ferge wããre ma ti ɓil ɓaara.
22Josef hay wo Ejipte ni de jar mani pan ɓen wo, Josef joŋ kiŋgi kis ti ɓe hwale. 23Josef ko jar ni Efrayim wo hãã go ti moo ɓe ma de swaʼa. Jar ni Makir je ni Manasen biŋ wo ne hẽn ɓaale. 24Josef wii hẽẽre ɓen wo ga : Ndi day go huugi! Ama Baa a ge yaŋ ko nday, á fer ge yaŋ wo go ɗiigi de ɓay ti sir sen lam no, ma woge de ɓay ɓi sir maga á hay haʼ go ga se hãn yaŋ ne Abraham, ne Isag, ne Jakob mono. 25Josef joŋ ga jar ni Israyel mo haʼ wo go ne se ga : Baa a ge yaŋ ko nday, day nday cegaɗge yaŋ wo go de hm ɓi ti ngel mo taʼ la hãã.
26Josef huu de kiŋgi kisi, ti ɓe hwale. À kneʼ húulí ɓe, á ɓoʼn ɓi kes le Ejipte.
Iliyochaguliwa sasa
TĨĨGI WERE 50: TUP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Tupuri Bible © Bible Society of Cameroon, 2016. All rights reserved.
TĨĨGI WERE 50
50
Roo húulí Jakobe
1Josef kal leʼge ne pan ɓe pele, gay doo roo, kal ɗawge ɓe see ɓe. 2Josef kal wii weere jõõre ɓe maga wo diŋ dogdor ga á mo kneʼ wo húulí pan se, dogdorn kal wo kneʼ húulí Israyele. 3À joŋ naw kneʼ húulín doo naa. Jar Ejipte joŋ wo naw rage ɓe doo renam.
4De maga naw roo húulín cegaɗ wo go mono, Josef kal fer wããre ne jar ni Farawoŋ wo. Á wii ra ga : Hayga ndi wãã wããre la coo yaŋ jag ɓay no, wo we fer wããre maga ndi wããn ge la ne Farawoŋ : 5Pan ɓi hay wii me go ga ndi mo haʼ go ne se ga : Koɗa ndi day nà ndi huu go! Ndo tee ge ndi diŋ ti ngel ter húulí maga ndi yeen ɓi sir Kanaan mono. Ndi da ga ndi raw tee pan ɓi go ni, day ndi fer ge yaŋ le. 6Farawoŋ kal fer wããre ne hẽn ga : See mbo tee pan ɓo doo maga ndo hay haʼ go ne hẽn nono.
7Josef kal rawge ma woge tee pan ɓe. Weere jõõre mani Farawoŋn naa wo wer ɓe ɓuy, maga wo go ɓaa liŋ ni ɓe ni de jar kluuri ma Ejipte wo. 8Jar ni Josef wo ɓuy, hẽẽre ɓen wo, tiŋ mani pan ɓen ɓuy. Gwaʼ ɓi sir Gosen ni diŋ kamliiri wo, de fǐiri wo de deere wo tawa. 9Jar hay wo nà tee ɓaara ti pus, tee ɓaara ti piiri, jar ma kaŋge ɓen hay ngaɓa debaŋ tuu. 10Á wo wo dayge ti yaage ma Atad mokay maga wo go faale Jurdẽẽ ɓaŋla mono, á kal wo rage ɓe ni de ngarge jag de egre debaŋ. Josef joŋ naw hã togoɗge ne pan ɓe ti ngel ni naw renam. 11Jar Kanaan ma ɓi sirn wo ni, ko wo roo húulí se ma ti yaage Atadn de nen ɓaara. Á wo ga : Ko roo húulí ma kluu ni jar Ejipte wo mo hãʼ ɗa! Diŋ wersen ga à kal kaŋ ɗúu ne yaage se maga wo go faale Jurdẽẽ ɓaŋla ga Abel-Mitsrayim mono. 12Jar ni Jakob see wo ti jag wããre ɓen nà diŋ doo kay nono. 13Á maŋn wo le wo wo de ɓe ɓi sir Kanaan, teen wo ɓi rum húulì ma Makpela, maga Abraham hay yeen doo Efron je Hitidn ga á mo hay diŋ ma se ma ter húulí se, ga de ngafge de Mamre mono. 14Josef, blam maga se tee pan ɓe le go mono, kal ferge le Ejipte de hẽẽre ɓen wo, de jar maga hay wo wo wer ɓe kaŋge ɓe ti húulì pan ɓe mono.
Blam húulí Jakobe
15De maga hẽẽre Josefn ko wo ga pan saara huu we go mo kay no, day wo ga : Hayga Josef caa hee we de naa, day poɗ naa we de ɓlagge maga naa hay joŋn de ɓe mo lay muy la! 16Á raw wii Josef ga : Pan ɓo hay wãã wããre ma kay go taŋgu húulí ɓe. 17Nday fer ge wããre ma kay ne Josefe : O! Fug ɓil go ne hẽẽre ɓon wo ti re ɓaara no, ti ɓlagge ɓaara no, werga á joŋ wo ndo de ɓlagge! Fug ɓil go patala ne weere jõõre Baa mani pan ɓon wo ti! Josef laa wããre sen mono kal rage. 18Hẽẽre ɓen kal wo age de see ɓaara leʼ monɗra ne hẽn pele, day wo ga : Wùr diŋ weere jõõre ɓo. 19Josef wii ra ga : Joŋ we hẽẽne wa. Ndi ti ngel Baa yawla? 20Nday hay ɗig ga nday joŋ me de ɓlagge, day Baa koln go diŋ de el ma ɓoʼ jag fen maga de joŋge wara mo tiʼ no, ma yãã jar ma ngaɓan wo go mo deŋ sugi. 21Wersen joŋ we hẽẽne wa. Ndi ɗaw mbi nday yaŋ de weere ɓay wora. Á kal teŋ nen ɓaara de ferge wããre ma ti ɓil ɓaara.
22Josef hay wo Ejipte ni de jar mani pan ɓen wo, Josef joŋ kiŋgi kis ti ɓe hwale. 23Josef ko jar ni Efrayim wo hãã go ti moo ɓe ma de swaʼa. Jar ni Makir je ni Manasen biŋ wo ne hẽn ɓaale. 24Josef wii hẽẽre ɓen wo ga : Ndi day go huugi! Ama Baa a ge yaŋ ko nday, á fer ge yaŋ wo go ɗiigi de ɓay ti sir sen lam no, ma woge de ɓay ɓi sir maga á hay haʼ go ga se hãn yaŋ ne Abraham, ne Isag, ne Jakob mono. 25Josef joŋ ga jar ni Israyel mo haʼ wo go ne se ga : Baa a ge yaŋ ko nday, day nday cegaɗge yaŋ wo go de hm ɓi ti ngel mo taʼ la hãã.
26Josef huu de kiŋgi kisi, ti ɓe hwale. À kneʼ húulí ɓe, á ɓoʼn ɓi kes le Ejipte.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Tupuri Bible © Bible Society of Cameroon, 2016. All rights reserved.