LAAGE GO Kalge ɓil kefder seno
Kalge ɓil kefder seno
«Ndi diŋ Manwuri, Baa ɓo no, kal le go de ɓo ɓi sir Ejipte ti ngel maga ndo hay le joŋ gebee ni mono diŋ ndi». Ferse ma se ti gisiɗgi kefder ma Laage gon (20.2) mo taʼ no, kaŋ naa laa wer ɗúu kefder seno, (Eksode mono ga Laage go) de wããre maga kluu ɓil kefder sen ni mono. Baa diŋ je maga yãã jar ɓen wo go. Tigriŋ pa, ferse sen mo taʼ diŋ ngel maga jag liŋgi ma hwaln wo de ɓoʼ wer diŋ ciŋ ti ɓe mono. Baa maga yãã jar Israyel wo le go mono, wii ra patala so ga á mo naa wo nen see ɓaara go da se diŋ de hooge sug ti jag liŋgi mani se no. Blam maga jar Israyel daŋ wo wo de ɗee Ejipte diŋ doo koŋne mono, (Tĩĩ. 45.17-20; 47.11) kal wo tayge pur nen kiŋgi maga saara joŋn wo ni mo deŋ no. Wo dayge taʼ mono, saara wo daʼ see ɓaara go de kolge diŋ gebeere doo jar Ejipte wo.
Baa laa hayge ko bon jar Israyel wo baʼ gà. Á kal baa jobo yoo ɓaara, maga diŋ Moyisi, maga á mo hay diŋ je ma pel ɓaara, kal ndar nen see ɓe ne hẽn de egre ɓaale puri, kal joŋ doole jar Ejipte wo ma hã faage ne jar Israyel wo, ma men rage rawge (1.1—15.21) Blam maga se koɗ ra, see de ɓaara ti maga á cegaɗ wo puuli ma Sinay mono, (15.22; 18.27) Baa kal kol jar Israyel wo diŋ jar ɓe, kal joŋ tayge jag de ɓaara ti húulì ma Sinayi, day kal hã jag liŋgi ɓen wo ne hara (19.1—24.18). De maga Baa le de kaŋ nen Moyis ti faage maga á mo kneʼ ge ngel ma bay ɗagn nà no kay mono, (25—31), jar Israyel kal wo naage joŋ fodo po doo dày nono de boo biŋni ga á diŋ Baa. Sen mokay kal kaŋ wer Baa age ruu rage de hãã debaŋ (32—34).
Kefdern ɓoʼ ti go diŋ de kneʼge ngel ma bay ɗag no, diŋ ngel maga Baa nduu ndar nen see ɓe ni mono, (35—40). Patala see jar maga à joŋ bon ɓaara de faage ma hon wo la sar sar mo deŋ ɓuy no, ti wur ma hon wo la ɓuy mono, kefder ma Laage go kaŋ nen naa ti budgi go ma cwãy no, diŋ maga Baa de see ɓe joŋ ne, ma hã faage ne je táabay ga á mo hay de tayge de se mo hay de tayge de jar ma lan wo lay.
Iliyochaguliwa sasa
LAAGE GO Kalge ɓil kefder seno: TUP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Tupuri Bible © Bible Society of Cameroon, 2016. All rights reserved.
LAAGE GO Kalge ɓil kefder seno
Kalge ɓil kefder seno
«Ndi diŋ Manwuri, Baa ɓo no, kal le go de ɓo ɓi sir Ejipte ti ngel maga ndo hay le joŋ gebee ni mono diŋ ndi». Ferse ma se ti gisiɗgi kefder ma Laage gon (20.2) mo taʼ no, kaŋ naa laa wer ɗúu kefder seno, (Eksode mono ga Laage go) de wããre maga kluu ɓil kefder sen ni mono. Baa diŋ je maga yãã jar ɓen wo go. Tigriŋ pa, ferse sen mo taʼ diŋ ngel maga jag liŋgi ma hwaln wo de ɓoʼ wer diŋ ciŋ ti ɓe mono. Baa maga yãã jar Israyel wo le go mono, wii ra patala so ga á mo naa wo nen see ɓaara go da se diŋ de hooge sug ti jag liŋgi mani se no. Blam maga jar Israyel daŋ wo wo de ɗee Ejipte diŋ doo koŋne mono, (Tĩĩ. 45.17-20; 47.11) kal wo tayge pur nen kiŋgi maga saara joŋn wo ni mo deŋ no. Wo dayge taʼ mono, saara wo daʼ see ɓaara go de kolge diŋ gebeere doo jar Ejipte wo.
Baa laa hayge ko bon jar Israyel wo baʼ gà. Á kal baa jobo yoo ɓaara, maga diŋ Moyisi, maga á mo hay diŋ je ma pel ɓaara, kal ndar nen see ɓe ne hẽn de egre ɓaale puri, kal joŋ doole jar Ejipte wo ma hã faage ne jar Israyel wo, ma men rage rawge (1.1—15.21) Blam maga se koɗ ra, see de ɓaara ti maga á cegaɗ wo puuli ma Sinay mono, (15.22; 18.27) Baa kal kol jar Israyel wo diŋ jar ɓe, kal joŋ tayge jag de ɓaara ti húulì ma Sinayi, day kal hã jag liŋgi ɓen wo ne hara (19.1—24.18). De maga Baa le de kaŋ nen Moyis ti faage maga á mo kneʼ ge ngel ma bay ɗagn nà no kay mono, (25—31), jar Israyel kal wo naage joŋ fodo po doo dày nono de boo biŋni ga á diŋ Baa. Sen mokay kal kaŋ wer Baa age ruu rage de hãã debaŋ (32—34).
Kefdern ɓoʼ ti go diŋ de kneʼge ngel ma bay ɗag no, diŋ ngel maga Baa nduu ndar nen see ɓe ni mono, (35—40). Patala see jar maga à joŋ bon ɓaara de faage ma hon wo la sar sar mo deŋ ɓuy no, ti wur ma hon wo la ɓuy mono, kefder ma Laage go kaŋ nen naa ti budgi go ma cwãy no, diŋ maga Baa de see ɓe joŋ ne, ma hã faage ne je táabay ga á mo hay de tayge de se mo hay de tayge de jar ma lan wo lay.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Tupuri Bible © Bible Society of Cameroon, 2016. All rights reserved.