TĨĨGI WERE 45
45
Josef naa nen see ɓe go
1See Josef laa ɗawge doo ɓe pel jar maga wo de cir ti ɓe mo deŋ gà so. Á kal wããge ga laa jarn go ɓuy. Jobo kãã ma gwaʼge ɓiŋ Josef ni gà de maga á naa nen see ɓe hẽẽre ɓen wo mono. 2Á kal naa gẽẽge go ciŋ rage. Jar Ejipte laa wo ne, jar ma liŋ ni Farawoŋ laan wo lay. 3Josef wii hẽẽre ɓen wo ga : Á diŋ ndi Josefe! Pan ɓi yaŋ mbe caw ɗa? Ama hẽẽre ɓen laa wo kããge ma fer wããre ne hẽn gà á hay hãy wo go ne hẽn pele. 4Josef wii hẽẽre ɓen wo ga : Yaʼ we see ɓay le see ɓi. Á kal wo yaʼ see ɓaara le. Á day ga : Á diŋ ndi Josef hẽn ɓay maga nday yeen go ga à raw wo go de ɓe Ejipte mono. 5Patala law we wa, jiili ɓay mo caa go ti maga nday yee me go, maga à kol le go de ɓi lam wa, werga Baa ɓoʼ me le go pel ɓay la diŋ ma yãã weege go sugi. 6Ko ɗa, koŋnen go de joŋ kiŋgi ɓi sirn nà ɓoge, day kiŋgi gwaʼ ni dwee ɗa pa maga jobo maŋge soŋ doo gà lay, weege mopo gà lay. 7Baa ɓoʼ me le go pel ɓay la diŋ ma joŋge ga nday mo caa wer go ti sir la wa, day ma joŋge de ɓay sug go de yããge ma kluu. 8Ɓoʼ me le go la bay diŋ nday wa, ama diŋ Baa. Á kaŋ me pan Farawoŋ, je wãã wããre tiŋ mani ɓe no, je wãã wããre sir ma Ejipten la ɓuy. 9See we ɓiŋ pan ɓi deparday, ni nday wiin we doo kay nono ga : Wãã doo kay nono diŋ wel ɓo Josefe : Baa kaŋ me waŋ Ejipte ɓuy. Cegaɗ le go ɓiŋ ɓi la, yãã ti le wa. 10Ndo hay ge de tiŋ ɓi sir ma Gosen, day ndo joŋ ge go see ɓi la maŋ, ndo, weere ɓon wo, moore ɓon wo, fǐiri ɓon wo de deere ɓon wo, fẽẽre maga ndo de ɓaara mo ɓuy no. 11Go la ni mokay ndo re ge yaŋ mbo, werga kiŋgi koŋnen gwaʼ ni dwee ɗa pa. Doo kay no mono, ndo laɓ ge go gà ndo, jar ni ɓo wo, de fẽẽre maga ndo de ɓaara mo ɓuy no. 12Nday de koge de nen ɓay, day hẽn ɓi Benjame de koge de nen ɓe lay ga ti wããre ne nday mo yeʼ diŋ ndi de see ɓi. 13Bag we blam togoɗge maga ndi de daʼge ɓe patala Ejipte mo ɓuy ne pan ɓi, de fẽẽre maga nday koŋ mo ɓuy. Ni nday cegaɗ we le go de pan ɓi gusi. 14Á kal leʼge ne hẽn ɓe Benjamen soole kal rage, Benjame kal rage ne hẽn soole lay. 15Á kal klew hẽẽre ɓen wo ɓuy de roo lay. Blam sen hẽẽre ɓen kal wo ndalge de ɓe.
Farawoŋ ɗe Jakob wo go Ejipte
16Wããre sen kal dusgi wo go liŋ ni Farawoŋ ga hẽẽre Josef nduu wo we. Sen kal coge jag Farawoŋ de weere jõõre ɓen wo lay. 17Farawoŋ wii Josef ga : Wii hẽẽre ɓon wo ga : Joŋ we doo kay nono : Hoo we fẽẽre ne horog ɓayn wo ti, ni nday see we ɓi sir Kanaan. 18Baa we pan ɓay de jar ni ɓay wo ɓuy, ni nday fer we le see ɓi. Ndi hã ge fen maga de woore ɓi sir Ejipte la yaŋ we, nday re ge noo sirn la yaŋ ge. 19Ndo mbo de faage ma wii rage pa ga : Joŋ we doo kay nono : Hoo we pus wo ɓi sir Ejipte la ma hoo weere ɓay wo de naare ɓay wo. Baa we pan ɓay le ni nday á we le. 20Joŋ we nen ɗiggi ti mo maga nday menn ge le go mo wa, werga fen ma de woore maga joŋ ge ɓi sir Ejipte lam ɓuy joŋ ge diŋ ma ɓay. 21Jar ni Israyel kal wo joŋge doo sen nono. Josef hã pus ne hara doo maga Farawoŋ wãã nono. Á kal hã rege ma faage ne hara lay. 22Á hã õõbe few ne hara ɓuy, hã solay boo ne Benjamen kiskis swaʼa, hã õõbe few ne hẽn ni dwee. 23Á coŋ bloore gerhẽẽ wo de ndar ti sug sug hwal de fẽẽre ma de cõõre ma ɓi sir Ejipte no, de maare gerhẽẽ de ndar ti sug sug hwal de coore ble, de hoole pẽẽ, de rege ne pan ɓe, ma seege ge le ti faage. 24Blam sen á kal mbe joŋ woso ne hẽẽre ɓen wo so, day wii ra ga : Joŋ we dekwãy ne kããra ti faage wa.
25Á fer wo ɗiigi le go ɓi sir Ejipte ma woge ɓi sir Kanaan ɓiŋ pan ɓaara Jakobe. 26Á wiin wo ga : Josef yaŋ mbe tenen ɗa, bà de wãã wããre sir ma Ejipten ɓuy diŋ se yaw. Ama, jag jiili Jakob hay mbe de wooge tel-tel taʼa, werga á bay de yããge ɓe wa. 27Á kal wo bag blam wããre maga Josef hay fern ne hara mo ɓuy ne hẽne. Á kal ko pus maga Josef hãn le ma hooge ɓe wo mono. Diŋ de sen so ga ɗiggi Jakob pan ɓaara fer age see ɓe. 28Israyel day ga : Sen kãã mbe we so! Wel ɓi Josef yaŋ mbe ɗa pa! Ndi wo ge koge ɓe taŋgu maga húulí baa ndi.
Iliyochaguliwa sasa
TĨĨGI WERE 45: TUP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Tupuri Bible © Bible Society of Cameroon, 2016. All rights reserved.
TĨĨGI WERE 45
45
Josef naa nen see ɓe go
1See Josef laa ɗawge doo ɓe pel jar maga wo de cir ti ɓe mo deŋ gà so. Á kal wããge ga laa jarn go ɓuy. Jobo kãã ma gwaʼge ɓiŋ Josef ni gà de maga á naa nen see ɓe hẽẽre ɓen wo mono. 2Á kal naa gẽẽge go ciŋ rage. Jar Ejipte laa wo ne, jar ma liŋ ni Farawoŋ laan wo lay. 3Josef wii hẽẽre ɓen wo ga : Á diŋ ndi Josefe! Pan ɓi yaŋ mbe caw ɗa? Ama hẽẽre ɓen laa wo kããge ma fer wããre ne hẽn gà á hay hãy wo go ne hẽn pele. 4Josef wii hẽẽre ɓen wo ga : Yaʼ we see ɓay le see ɓi. Á kal wo yaʼ see ɓaara le. Á day ga : Á diŋ ndi Josef hẽn ɓay maga nday yeen go ga à raw wo go de ɓe Ejipte mono. 5Patala law we wa, jiili ɓay mo caa go ti maga nday yee me go, maga à kol le go de ɓi lam wa, werga Baa ɓoʼ me le go pel ɓay la diŋ ma yãã weege go sugi. 6Ko ɗa, koŋnen go de joŋ kiŋgi ɓi sirn nà ɓoge, day kiŋgi gwaʼ ni dwee ɗa pa maga jobo maŋge soŋ doo gà lay, weege mopo gà lay. 7Baa ɓoʼ me le go pel ɓay la diŋ ma joŋge ga nday mo caa wer go ti sir la wa, day ma joŋge de ɓay sug go de yããge ma kluu. 8Ɓoʼ me le go la bay diŋ nday wa, ama diŋ Baa. Á kaŋ me pan Farawoŋ, je wãã wããre tiŋ mani ɓe no, je wãã wããre sir ma Ejipten la ɓuy. 9See we ɓiŋ pan ɓi deparday, ni nday wiin we doo kay nono ga : Wãã doo kay nono diŋ wel ɓo Josefe : Baa kaŋ me waŋ Ejipte ɓuy. Cegaɗ le go ɓiŋ ɓi la, yãã ti le wa. 10Ndo hay ge de tiŋ ɓi sir ma Gosen, day ndo joŋ ge go see ɓi la maŋ, ndo, weere ɓon wo, moore ɓon wo, fǐiri ɓon wo de deere ɓon wo, fẽẽre maga ndo de ɓaara mo ɓuy no. 11Go la ni mokay ndo re ge yaŋ mbo, werga kiŋgi koŋnen gwaʼ ni dwee ɗa pa. Doo kay no mono, ndo laɓ ge go gà ndo, jar ni ɓo wo, de fẽẽre maga ndo de ɓaara mo ɓuy no. 12Nday de koge de nen ɓay, day hẽn ɓi Benjame de koge de nen ɓe lay ga ti wããre ne nday mo yeʼ diŋ ndi de see ɓi. 13Bag we blam togoɗge maga ndi de daʼge ɓe patala Ejipte mo ɓuy ne pan ɓi, de fẽẽre maga nday koŋ mo ɓuy. Ni nday cegaɗ we le go de pan ɓi gusi. 14Á kal leʼge ne hẽn ɓe Benjamen soole kal rage, Benjame kal rage ne hẽn soole lay. 15Á kal klew hẽẽre ɓen wo ɓuy de roo lay. Blam sen hẽẽre ɓen kal wo ndalge de ɓe.
Farawoŋ ɗe Jakob wo go Ejipte
16Wããre sen kal dusgi wo go liŋ ni Farawoŋ ga hẽẽre Josef nduu wo we. Sen kal coge jag Farawoŋ de weere jõõre ɓen wo lay. 17Farawoŋ wii Josef ga : Wii hẽẽre ɓon wo ga : Joŋ we doo kay nono : Hoo we fẽẽre ne horog ɓayn wo ti, ni nday see we ɓi sir Kanaan. 18Baa we pan ɓay de jar ni ɓay wo ɓuy, ni nday fer we le see ɓi. Ndi hã ge fen maga de woore ɓi sir Ejipte la yaŋ we, nday re ge noo sirn la yaŋ ge. 19Ndo mbo de faage ma wii rage pa ga : Joŋ we doo kay nono : Hoo we pus wo ɓi sir Ejipte la ma hoo weere ɓay wo de naare ɓay wo. Baa we pan ɓay le ni nday á we le. 20Joŋ we nen ɗiggi ti mo maga nday menn ge le go mo wa, werga fen ma de woore maga joŋ ge ɓi sir Ejipte lam ɓuy joŋ ge diŋ ma ɓay. 21Jar ni Israyel kal wo joŋge doo sen nono. Josef hã pus ne hara doo maga Farawoŋ wãã nono. Á kal hã rege ma faage ne hara lay. 22Á hã õõbe few ne hara ɓuy, hã solay boo ne Benjamen kiskis swaʼa, hã õõbe few ne hẽn ni dwee. 23Á coŋ bloore gerhẽẽ wo de ndar ti sug sug hwal de fẽẽre ma de cõõre ma ɓi sir Ejipte no, de maare gerhẽẽ de ndar ti sug sug hwal de coore ble, de hoole pẽẽ, de rege ne pan ɓe, ma seege ge le ti faage. 24Blam sen á kal mbe joŋ woso ne hẽẽre ɓen wo so, day wii ra ga : Joŋ we dekwãy ne kããra ti faage wa.
25Á fer wo ɗiigi le go ɓi sir Ejipte ma woge ɓi sir Kanaan ɓiŋ pan ɓaara Jakobe. 26Á wiin wo ga : Josef yaŋ mbe tenen ɗa, bà de wãã wããre sir ma Ejipten ɓuy diŋ se yaw. Ama, jag jiili Jakob hay mbe de wooge tel-tel taʼa, werga á bay de yããge ɓe wa. 27Á kal wo bag blam wããre maga Josef hay fern ne hara mo ɓuy ne hẽne. Á kal ko pus maga Josef hãn le ma hooge ɓe wo mono. Diŋ de sen so ga ɗiggi Jakob pan ɓaara fer age see ɓe. 28Israyel day ga : Sen kãã mbe we so! Wel ɓi Josef yaŋ mbe ɗa pa! Ndi wo ge koge ɓe taŋgu maga húulí baa ndi.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Tupuri Bible © Bible Society of Cameroon, 2016. All rights reserved.